དཀར་མཛེས་ཡུལ་དགོན་གཉིས་ཀྱིས་ཡུལ་ཤུལ་གྱི་ས་ཡོམ་གོད་ཆག་བྱུང་མཁན་ཚོར་མི་རྒྱུ་ཟོག་གསུམ་གྱིས་རོགས་རམ་གྱི་ཆ་ཤས་བླངས་ཡོད་པ་རེད།
སྤྱི་འཐུས་བེ་རི་འཇིགས་མེད་ལགས་ཀྱིས་འདི་གར་བཏང་དོན། འབྲེལ་ཡོད་བརྒྱུད་ནས་ཁུངས་ལྡན་གནས་ཚུལ་གོ་གསལ། ཁམས་ཡུལ་ཤུལ་ཁུལ་གྱི་ས་གཡོའི་རྐྱེན་པས་མི་ཤི་ཁྱིམ་སྟོང་དང་རྐྱེན་ངན་གོད་ཆག་བྱུང་བར། ཏྲེ་ཧོར་དཀར་མཛེས་ཁུལ་དཀར་མཛེས་དགོན་པ་ནས་རྒྱ་སྒོར་ ༨༠༠༠༠ དང༌། ཁང་སར་༧སྐྱབས་མགོན་ནས་རྒྱ་སྒོར་ ༢༠༠༠༠། དཀར་མཛེས་དགོན་པའི་གྲྭ་པ་ཚོས་རྒྱ་སྒོར་ ༣༠༠༠༠ བཅས་སྡོམ་པས་རྒྱ་སྒོར་ ༡༣༠༠༠༠ དང༌། ལྷ་སར་ཡོད་པའི་དཀར་མཛེས་པའི་ཚོང་པ་ཁག་གཅིག་ནས་རྒྱ་སྒོར་ ༨༠༠༠༠ བཅས་བསྡོམས་པས་སྒོར་༢༡༠༠༠༠ བྱུང་འདུག་ལ། ད་དུང་ཚོང་པ་ཁག་ཅིག་ནས་བསྡུ་རྒྱུ་ལུས་བསྡད་ཡོད་པས་དེ་དག་ཀྱང་མུ་མཐུད་ནས་བསྡུ་རུབ་ཀྱིས་འབུལ་ལམ་ཞུ་རྒྱུ་ཡིན་ལུགས་བཤད་བྱུང༌། དཀར་མཛེས་གྲོང་བརྡལ་གྱི་བོད་རིགས་མི་མང་ཤང་གཉིས་ནས། གྲོ་ནས་སྲན་གསུམ་དང་རྩམ་པ་སོགས་ཟས་རིགས་རྒྱ་མ་ ༡༤༠༠༠༠ ལྷག་དང༌། གོན་ཆས་སོགས་ཤར་རླུང་རྟགས་ཅན་གྱི་མོ་ཊ་གསུམ་བཏང་ཟིན་པ་དང༌། ད་དུང་མུ་མཐུད་ནས་བསྡུ་བཞིན་པར་མང་ཚོགས་ཀྱིས་འཚང་ཁའི་ངང་ཞལ་འདེབས་འབུལ་བཞིན་ཡོད་པའི་གནས་ཚུལ་ཐོན་འདུག དཀར་མཛེས་ཡུལ་དགོན་གཉིས་ནི་ཏྲེ་ཧོར་ཁུལ་གྱི་རྫོང་ཁག་ལྔ་ཡོད་པའི་ནང་ནས་དཀར་མཛེས་རྫོང་གི་ཁོངས་ནས་ཤང་ཁག་ ༢༤ ཡོད་པའི་ནང་ནས་ཤང་ཁག་བཅུའི་ཁོངས་ཡིན། དེ་བཞིན་བོད་རིགས་འདུས་སྡོད་ས་གནས་གང་ས་ནས་མི་རྒྱུ་ཟོག་གསུམ་གྱིས་རོགས་རམ་རྒྱ་ཆེར་གནང་དང་གནང་བཞིན་པ་རེད་འདུག དེ་དག་ལས་རྒྱ་གཞུང་གི་གོ་སྒྲིག་འོག་ཡོད་པ་རྣམས་གསར་འགྱུར་དང་རླུང་འཕྲིན་བརྙན་འཕྲིན་ཁག་བཅས་ལ་སྟོན་བཞིན་ཡོད་པ་ལས་དགོན་པ་ཁག་དང་མི་མང་དང་བླངས་ཀྱིས་རོགས་སྐྱོར་གནང་མཁན་རྣམས་གསར་འགྱུར་དང་རླུང་འཕྲིན་བརྙན་འཕྲིན་བཅས་སུ་དེ་ཙམ་ཐོན་གྱི་མེད་པ་མ་ཟད། རྐྱེན་ངན་འཕྲོད་པའི་ཕུང་པོ་བཏོན་པ་དང་རྨས་མ་སྐྱོབ་པའི་རིགས་ལ་ཁ་ཞེ་གཉིས་མེད་ཀྱིས་གདོང་མཆོང་བྱེད་མཁན་མང་ཆེ་བ་ནི་གྲྭ་པ་དང་མི་མང་ཚོ་ཡིན་ནའང༌། ཉེན་ཁ་ལས་བཏོན་ཚར་བ་དང་འདོན་མཁན་ཚོ་ཟུར་དུ་ཕུད་ནས། རྒྱ་རིགས་དམག་མི་ཚོ་དཀྱིལ་ལ་འཚང་ནས་འདྲ་པར་དང་བརྙན་འཕྲིན་བླངས་ནས་གང་སར་ཁྱབ་བསྒྲགས་བྱེད་བཞིན་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འཇིགས་མེད་དབང་རྒྱལ་ལགས། རང་ཉིད་ཕ རོལ་པོར་མི་དགའ་བ་རྒྱུ་མཚན་དུ་བྱས་ནས་ཕ་རོལ་པོར་བསྙོན་འདིང་བ་དང་། ཕ་རོལ་པོའི་བྱ་སྤྱོད་བཟང་ངན་ཀུན་ལ་མི་དགའ་བའི་ཕྱོགས་ངོས་ནས་སྡང་མིག་གིས་བལྟ་བ་ནི་དྲང་བདེན་ཞིག་མ་རེད་ལ། བོད་མི་རིགས་ཀྱི་བཟང་སྤྱོད་དེ་བས་ཀྱང་མ་རེད།
བྲོས་བྱོལ་བྱོལ་སོང་བྱེས་སྡོད་ཀྱི་སྐྱག་གཟན་ཚོ། །
གཞིས་བཞུགས་བོད་མིའི་མཐུན་སྒྲིལ་ལྕགས་རི་ལ། །
ལྷག་བསམ་སྨོན་པའི་ཚིག་གཅིག་མེད་ནའང་། །
དུག་རླངས་བདུད་ཀྱི་ཆོ་འཕྲུལ་མ་སྟོན་ཨང་། །
http://picasaweb.google.com.au/aenpokyabgon/AllKyegu2010EarthquakePhotos#
གཡུལ་མ་དཀྱེལ་ཨ། ང་ཚོས་སྐྱེ་དགུ་མདོའི་མི་རྣམས་ལ་གདུང་སེམས་མཉམ་བསྐྱེད་བྱེད་དུས་རྩོད་ཏོག་ཙམ་ཤོར་བ་དེ་ཁོ་ཚོ་ལ་ཁ་ཞེ་གཉིས་མེད་ཡིན་པའི་རྟགས་རེད་དེ་ད་རྩོད་མཚམས་ཏོག་བཞག་སྟེ་དྲ་ཐག་འདི་ལ་གཅིག་གཟིགས་དང། གོ་རྒྱུ་ཅན་ཞིག་བྲིས་འདུག http://bit.ly/a56Klo
བློ་གྲོས་རྒྱལ་པོ་ལགས། ཉིད་ཀྱིས་ཅུང་གསོན་ནོར་ཐེབས་འདུག བེ་རིས་ཟེར་ན་རྒྱ་གཞུང་གིས་མི་དམངས་དང་གྲྭ་བས་རང་སྲོག་བློས་བཏང་སྒོས་རོགས་སྐྱོར་བྱས་ཀྱང་བརྙན་འཕྲིན་ནང་དུ་མི་བསྟན་པར་ཁོང་ཚོས་རོགས་སྐྱོར་རུ་ཁག་ཏུ་འབོད་པའི་དམག་མི་དེ་ཚོ་བརྙན་འཕྲིན་གྱི་པར་སྒོའི་ཁར་འཚང་བཞིན་འདུག་ཟེར་བ་རེད།
ཉིད་ཀྱིས་གསུངས་པར་ལྟར་ས་ཁུལ་གཞན་གྱི་མི་དམངས་ཚོ་རྒྱ་གཞུང་གིས་བཀོད་སྒྲིག་བྱས་པ་རེད་ཟེར་བ་མ་རེད། མ་གཞི་ཁོ་ཚོ་བསྟན་སའི་བརྙན་འཕྲིན་དེ་ཚོ་རྒྱ་གཞུང་གི་བརྙན་འཕྲིན་ཡིན་ཁག་པོ་རེད།
ཐེངས་འདིའི་གོད་ཆག་ཁྲོད་འདས་སོན་ཡོངས་ཀྱི་ཆེད་དུ་རྒྱ་ནག་དབུས་གཞུང་གི་ཆེས་མཐོའི་སྲིད་འཛིན་དང་སྲིད་བློན་རྣམ་གཉིས་ཀྱིས་གཙོས་པའི་ས་གནས་ཀྱི་དབུ་འཁྲིད་ཚོ་དང་། མཚོ་སྔོན། ཀན་སུའུ། སི་ཁྲོན། ཡུན་ནན། དཀར་མཛེས། བོད་ལྗོངས་སོགས་ཚང་མས་ཁ་ཞེ་གཉིས་མེད་ཀྱིས་སྒོ་ནས་དུང་སེམས་མཉམ་བསྐྱེད་དང་རོགས་རམ་སོགས་ཚད་མེད་ཅིག་གནང་བཞིན་ཡོད་པ་འདི་མཐོང་ཐོས་བྱུང་མ་ཐག་སེམས་གཏིང་ནས་མྱ་ངན་གྱི་ཁྲོད་ནས་རེ་བ་དང་དགའ་སྤོབས་ཚད་མེད་གཅིག་སྐྱེས་བྱུང་བས་ཚང་མར་སྙིང་ནས་བཀའ་དྲིན་ཆེ།
འདི་ཕྱོགས་སུ་༸ གོང་ས་སྐྱབས་ཆེན་པོས་ས་གནས་དེར་བཀའ་དྲིན་ཞབས་སོར་འཁོད་ཐུབ་པའི་ཐུགས་རེ་ཚད་མེད་ཅིག་གནང་གནང་ཡོད་ལ་ཟླ་འདིའི་ཚེས་ ༡༨ ཉིན་སྐྱེ་རྒུ་མདོའི་འབྲེལ་ཡོད་སློབ་ཕྲུག་ཚང་མར་ཕོ་བྲང་དུ་དམིགས་བསལ་གྱིས་སེམས་ཤུགས་མ་ཆགས་པར་སློབ་གཉེར་ཡག་པོ་བྱེད་དགོས་པའི་བཀའ་སློབ་གསུང་བྱིན་བསྩལ་འདུག
དེ་བཞིན་བཙན་བྱོལ་བོད་གཞུང་གིས་ངོས་ནས་ཀྱང་དུང་སེམས་མཉམ་བསྐྱེད་དང་དང་། བསྔོ་བ་སྨོན་ལམ། ཞལ་འདེབས་ཚོགས་ཆུང་ཞིག་གསར་དུ་བཀོད་སྒྲིག་མཛད་འདུག་པས་རྒྱ་བོད་གཉིས་མི་རིགས་གཉིས་ཀ་དང་ཕྱི་ནང་མི་རིགས་ཡོངས་ཀྱིས་དཀའ་ཚེགས་ཆེ་བའི་དུས་འདིར་ཚང་མས་རྡོག་རྩ་ཆིག་བསྒྲིལ་གྱི་ཕྱ་བ་གྲུ་འདེགས་གནང་ཐུབ་པ་འདི་དགོས་གནས་རྩ་ཆེན་པོ་རེད།
འབྱུང་འགྱུར་དུས་ཀྱི་འཁོར་མོའི་ནང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་འོག་༸ གོང་ས་སྐྱབས་མགོན་ཆེན་པོའི་ཐུགས་བཞེད་ལྟར་བོད་གཞི་བྱེས་མཉམ་འཛོམས་ཐུབ་པའི་རེ་བ་གསར་པ་ཞིག་སྟེར་བྱུང་ལ་མེས་རྒཡལ་གོང་བུ་གཅིག་ཏུ་བསྒྲིལ་ཐུབ་པའི་རེ་བ་ཡང་མངོན་བཞིན་ཡོད།
བློ་གྲོས་རྒྱལ་པོ་ལགས ཁྱོད་རང་གི་ཕར་ཕྱོགས་གནས་ཚུལ་གང་གསུངས་ཡོད་པ་དེ་རྒྱུས་ལོན་དང་གནས་ཚུལ་ཤེས་པ་བྱེད་དགོས་ ཁ་ནས་གང་ཐོན་མ་གསུངས་རོགས་གནང་།
འཇིགས་མེད་དབང་རྒྱལ་ལགས། བཀའ་མོལ་དེ་འདྲ་ད་གསུངས་རྒྱུ་ཨེ་ཡོད། མཚོ་སྔོན་དང་ཀན་སུའུ། སི་ཁྲོན་ས་ཁུལ་གྱི་མི་དམངས་ནས་རང་ནུས་ཇི་ཡོད་བཏོན་དེ་ཞལ་འདེབས་ཕུལ་སྟངས་བརྙན་འཕྲིན་ནང་བསྟན་དང་སྟོན་བཞིན་འདིའི་རིགས་རྒྱ་གཞུང་གིས་ཆེད་དུ་བཀོད་སྒྲིག་བྱས་པ་རེད་གསུངས་པ་ཡིན་ན་སྟོན་པའི་ན་བཟའ་བཞེས་བསྡད་མཁན་ཞིག་གི་ངོས་ནས་ཅུང་ཐལ་དྲགས་པ་མ་ཡིན་ནམ། མ་གཞི་ནས་ཁྱེད་ཚོའི་གྲས་ནས་རང་ངོས་ནས་འཇོན་ཡ་གང་ཡང་མེད་པར་གཞན་གྱི་བྱས་པ་ལ་མ་འགྲིག་པ་དང་མ་འཐུས་པའི་སྐྱོན་འཛུགས་རྐྱང་བྱས་བསྡད་ན། དེང་སྐབས་འཛམ་གླིང་དེ་གྲོང་སྡེ་གཅིག་དུ་སྦྲེལ་ཟིན་པ་དང་། མི་དམངས་ཡང་དེ་འདྲའི་བླུན་ལྐུགས་རྐྱང་མ་ཡིན་པར་རྣམ་དབྱེ་འབྱེད་ཐུབ་པའི་རིགས་ལ་སོང་་་་་་། རང་ཉིད་ཀྱི་བསམ་པར་ད་ཐེངས་རྒྱ་ནག་གཞུང་དང་གཞིས་ལུས་བོད་མི་དམངས་ནས་གང་ཡོང་གནང་སོང་བསམ་གྱི་ཡོད།