འོད་ཟེར་པོད་ཁུག་ལས་བསྒྱུར། ནགས་ཤོད་སད་མི།
ཡུལ་ཤུལ་ནས་འབྱོར་བའི་གནས་ཚུལ། བོད་ཀྱི་བུད་མེད་ཅིག་གི་སྐྱོ་གླུའི་ནང་།“༼ང་ཚོས་འབྲོག་པའི་འཚོ་བ་བཞག་སྟེ། རྡོ་བ་དང་ཤིང་ལས་བསྐྲུན་པའི་ཁང་པར་གནས་སྡོད་བྱེད་པའི་སྐབས། ང་ཚོས་འདི་ལྟ་བུའི་མཐའ་འབྲས་ཤིག་ཡོང་གི་རེད་བསམ་བསམ་མེད། ཡུད་ཙམ་ཞིག་ལ་ང་ཚོའི་ཕ་ཡུལ་འདི་དུར་ས་ཞིག་ཏུ་ཆགས་སོང་། དུས་འདིར། ང་ཚོས་ཕ་མེས་ཡང་མེས་ནས་འཚོ་སྡོད་བྱ་སའི་སྦྲ་ནག་གྲུ་བཞི་དེ་ཇི་ལྟར་དྲན་མི་སྲིད།༽ ”
ཡུལ་ཤུལ་ནས་འབྱོར་བའི་གནས་ཚུལ། ཚེས་ ༢༠ ཉིན་བླ་གྲྭ་དག་ཕྱིེར་བསྐྲད་སོང་། སྲིད་གཞུང་གི་འཐབ་ཕྱོགས་གཅིག་གྱུར་པུའུ་ནས་གནོད་ཐེབས་ས་ཁུལ་དུ་རོགས་སྐྱོབ་བྱེད་བཞིན་པའི་དགེ་འདུན་པ་རྣམས་རང་ས་ན་ཕྱིར་ལོག་བྱ་དགོས་པར་བཤད། ད་དུང་ནན་པོའི་སྒོ་ནས་བཤད་དོན། “ཁྱོད་ཚོས་ག་རེ་ཡིན་ན་བྱས་སོང་། ཧ་ཅང་གིས་ཐལ་དྲགས་པ་རེད། ད་མྱུར་མགྱོགས་ཀྱིས་སོ་སོའི་ས་གནས་སུ་ཕྱིར་ལོག་རྒྱུགས། དེ་མིན་ན། རྙོག་གྲ་ཡོང་གི་རེད་ཟེར། ལས་བྱེད་པ་ཞིག་གིས་དགེ་འདུན་པ་ཚོར་བརྗོད་དོན། ད་ལྟ་བདེ་སྲུང་གི་དམག་དཔུང་སྐྱེ་རྒུ་རུ་འཛོམས་ཚར་འདུག་ཟེར།
ཡུལ་ཤུལ་ནས་འབྱོར་བའི་གནས་ཚུལ། ཚེས ༢༠ ཉིན་དགེ་འདུན་པ་ཕྱིར་བསྐྲད་སོང་། སྲིད་གཞུང་གིས་འཇིགས་སྣང་བསྐུལ་བ་ལ་བརྟེན་ནས། ད་ཆ། གནོད་ཕོག་ས་ཁུལ་ཆེས་ཐོག་མར་འབྱོར་མཁན་གྱི་དཀར་མཛེས་ས་ཁུལ་སེར་ཤུལ་རྫོང་སེར་ཤུལ་དགོན་པའི་དགེ་འདུན་པ་བརྒྱ་ཕྲག་འགའ་ཤས་གནོད་ཐེབས་ས་ཆ་ནས་ཁ་མ་བྲལ་རང་བྲལ་ཆགས་ཡོད་པས། ཕྱིར་ལོག་བྱ་རྒྱུའི་མགོ་རྩོམ་བཞིན་འདུག
ཡུལ་ཤུལ་ནས་འབྱོར་བའི་གནས་ཚུལ། དགེ་འདུན་པའི་མུག་སྐྱོབ། དཀར་མཛེས་ས་ཁུལ་གསེར་རྟ་ལྔ་རིག་ནང་བསྟན་སློབ་གླིང་ནས་དངུལ་དམར་སྒོར་ཁྲི ༣༨༠ ཁུར་ནས། ཚེས ༡༩ ཉིན་བོད་རྒྱ་ཧུའུ་རིགས་སོགས་ཀྱི་དབྱེ་བཀར་མེད་པར། མི་ཤི་ཁྱིམ་སྐྱོན་བྱུང་བའི་དུད་ཚང་དུ། འདས་པོ་རེེར་སྒོར་ ༢༠༠ དང་། ཁང་པ་ཞིག་རལ་སོང་བ་དག་ལ་སྒོར ༢༠༠ བཅས་ཆ་བགོས་བྱས་ནས་ཤུལ་ལུས་ཚོའི་ལག་པར་བསྟབས་འདུག་ལ། དགོན་པ་གཞན་དག་ཚོས་ཀྱང་དེ་ལྟར་བྱེད་ཀྱི་ཡོད་པ་རེད་འདུག
ཡུལ་ཤུལ་ནས་འབྱོར་བའི་གནས་ཚུལ། དགེ་འདུན་པའི་མུག་སྐྱོབ། ཉིན་འདི་འགའི་རིང་ལ། སེར་ཤུལ་དགོན་དང་། གསེར་རྟ་ལྔ་རིག་ནང་བསྟན་སྤོབ་གླིང་སོགས་ཀྱི་དགོན་ཁག་གཞན་ནས་མི་དམངས་སྡོད་ཁུལ་དུ་ཐབ་ཀ་བཅས་ནས་རྩམ་ཐུག་བསྐོལ་བ་དང་། གེགས་ཕོག་མི་དམངས་ཚོར་བཟའ་བཅའ་སྣ་ཚོགས་ཀྱང་ཆ་བགོས་བྱས་ནས་སྦྱིན་གཏོང་བྱས་འདུག
ཡུལ་ཤུལ་ནས་འབྱོར་བའི་གནས་ཚུལ། གཞུང་ཕྱོགས་ཀྱི་དྲིལ་བསྒྲགས་ཡོང་རྫོགས་ནང་དུ་དམག་གི་རོགས་སྐྱོབ་དང་།པར་རིས། གནས་ཚུལ་རྐྱང་ཡིན་པ་ལས། དགེ་འདུན་པ་ཚོས་མི་སྲོག་སྐྱོབ་པའི་གནས་ཚུལ་གཡོལ་གྱི་ཡོད་པ་འདི་ཅི་རེད། འདི་སྐོར་གནོད་ཐེབས་མི་དམངས་ནང་མ་རངས་པའི་བསམ་འཆར་གླེང་གིན་ཡོད་པ་རེད། དགེ་འདུན་པ་ཚོས་ད་དུང་བཤད་རྒྱུར། ལུང་དགུའི་ས་འགུལ་གྱི་གནས་ཚུལ་སྤེལ་གཏོང་བྱེད་པའི་སྐབས་སུ་ཕྱི་ཕྱོགས་ཀྱི་དང་བླངས་རོགས་སྐྱོབ་པའི་སྐོར་དྲིལ་བསྒྲགས་བྱས་པ་རེད། ཡིན་ནའང་། ཡུལ་ཤུལ་གྱི་ས་ཡོམ་སྐབས་དང་བླངས་གྲྭ་པ་ཚོར་སྣང་མེད་གཏོང་དགོས་པའི་རྒྱུ་རྐྱེན་ཅི་ཞིག་རེད། ཅིའི་ཕྱིར་དུ་ང་ཚོ་གླེང་གི་མེད་པ་རེད་ཟེར།
ཡུལ་ཤུལ་ནས་འབྱོར་བའི་གནས་ཚུལ། ཕྱོགས་སོ་སོ་ནས་རོགས་སྐྱོབ་ཅ་དངོས་སྐྱེ་རྒུ་མདོར་འབྱོར་ཡོད་ན་ཡང་།གནོད་ཐེབས་མི་དམངས་ཀྱི་ལག་པར་སླེབས་རྒྱུར་ནུས་པ་ཐོན་མེད་ལ། ཧ་ཅང་གི་ཟང་ཟིང་ཆགས་ཡོད་པ་རེད། ཕྱོགས་གཅིག་ན། གུར་དང་བཟའ་བཅའ་རི་ལྟར་སྤུངས་ཡོད་པ་དང་། ཕྱོགས་གཞན་ཞིག་ན། གནོད་ཕོག་མི་དམངས་འཁྱག་ལྟོགས་གིས་མནར་བཞིན་ཡོད་འདུག
ཡུལ་ཤུལ་ནས་འབྱོར་བའི་གནས་ཚུལ། གནོད་ཐེབས་མི་དམངས་ཚོས ༸ སྐྱབས་མགོན་ཏཱ་ལའི་བླ་མ་རེ་སྒུག་བྱས་ནས་ཡོད་པ་རེད། ད་ཆ། གནོད་ཕོག་ས་ཁུལ་དུ ༸ གོང་ས་མཆོག་གནོད་ཐེབས་ས་གནས་ལ་ཕེབས་ནས། ས་འགུལ་གྱི་གནོད་པ་ཐེབས་པའི་མི་དམངས་ཚོར་སེམས་གསོ་དང་སྨོན་ལམ་འཚོག་རྒྱུ་རེད་ཅེས་པའི་སྐད་ཆ་འདི་གང་སར་འཁྱམ་བཞིན་ཡོད་པ་རེད། ཚེས་ ༡༩ ཉིན་ཡུལ་ཤུལ་ནམ་མཁའ་ནས་འཕུར་བའི་གནམ་གྲུ་དེའི་ནང་ནས་ ༸ གོང་ས་མཆོག་གིས་གནོད་འཚེ་ཕོག་པའི་མི་དམངས་ཚོར་ཐུགས་སྨོན་དང་། བྱིན་རླབས་གནང་གི་ཡོད་པར་ངོས་འཛིན་ཡང་བྱས་འདུག
ཡུལ་ཤུལ་ནས་འབྱོར་བའི་གནས་ཚུལ། ཚེས་ ༡༧ ཉིན། དགེ་འདུན་པ་སྟོང་ཚོ་བརྒལ་བ་ཞིག་གིས་ཆོས་ལུགས་ཀྱི་བྱེད་སྒོ་དང་སྦྲགས་ཏེ། རྐྱེན་ལམ་དུ་ཤོར་བའི་མི ༢༠༠༠ ལྷག་གི་ཕུང་པོ་ཞུགས་འབུལ་བྱས་རྗེས། ཉིན་འདི་ཚོའི་རིང་སྔ་མའི་ཞུགས་འབུལ་བྱས་ཤུལ་ན། རྟག་པར་འདས་པོ་བརྒྱ་ཕྲག་གི་ཕུང་པོ་མེར་བསྲེགས་བྱ་བཞིན་ཡོད་འདུགཡང་། ཤུལ་ལུས་ནང་མི་འགའ་རེས་ཕུང་པོ་དགོན་ཁག་གཞན་དུ་དབོར་ནས་ཞུགས་འབུལ་ཞུ་བཞིན་ཡོད་པ་རེད། སྲོག་ཉེན་ལས་ཐར་བའི་མི་མང་ཆེ་བ་ནི། ཐོག་དང་པོར་ས་གནས་ལ་འབྱོར་མཁམ་གྱི་དགེ་འདུན་པས་བསྐྱབས་གནང་བ་རྣམས་ཡིན་འདུག
ཡུལ་ཤུལ་ནས་འབྱོར་བའི་གནས་ཚུལ། ས་འགུལ་འདིའི་ནང་འཆི་སྐྱོན་བྱུང་མཁན་ཕལ་མོ་ཆེ་བོད་མི་ཡིན་པ་ཕུད། ད་དུང་། ཡུལ་ཤུལ་དུ་ཡོང་འབབ་གསོག་མཁམ་གྱི་རྒྱ་མི་དང་། ཧུའུ་རིགས་སོགས་ཡོད་འདུག ཁོང་ཚོ་མང་ཆེ་བ་ནི་ཁང་པ་ཐབས་ཆག་གི་ནང་དུ་ཟ་ཁང་གཉེར་མཁན་དང་། ཚོང་ཁང་བཟུང་མཁན་སོགས་རེད་ལ་ས་འགུལ་ནང་ཤི་རྨས་ཧ་ཅང་ཚབས་ཆེན་ཕོག་ཡོད་པ་རེད། སྲིད་གཞུང་གིས་ཁོང་ཚོ་གནས་སྤོས་མི་དམངས་ཀྱི་ཁོངས་སུ་བཞག་ནས། ད་ལྟའི་ཆར་རྐྱེན་ལམ་ཤོར་བའི་གྲངས་ཀའི་ནང་ཐེ་མེད་པ་རེད་ཟེར།
འཇིགས་ཞུམ་ཀུན་བྲལ་གྱི་བོད་ཀྱི་བུད་མེད་རྩོམ་པ་པོ་འོད་ཟེར་ལགས་ཀྱི་ཟིན་བྲིས་དང་འདྲ་བའི་གནས་ཚུལ་ཚ་པོ་དང་ནུས་པ་དངོས་ཡོད་ཐོན་ཐུབ་པ་ནི། གཞུང་སྒེར་སུའི་དྲ་རྒྱ་ལ་ཡང་མཐོང་རྒྱུ་མེད།
གནད་འགག་ལ་ཐུག་དུས་དགེ་འདུན་པ་འདི་ཚོར་དམིགས་བསལ་སེམས་ཤུགས་དང་ནུས་པ་ཞིག་ཡོད་པ་འདི་ང་ཚོའི་སེམས་ནས་ནམ་ཡང་མ་བརྗེད་པར་བྱས་ཏེ་ག་དུས་ཡིན་ནའང་སྐད་ཆ་བཤད་ཉེས་མི་བཤད་པར་རྒྱུ་མཚན་དང་གནས་ལུགས་བགྲངས་རྒྱུ་ནི་གལ་ཆེན་ཡིན་པ་འདི་སེམས་ལ་འཛིན་དགོས་པ་ཤེས་སོང་ངམ།
དགེ་འདུན་པས་མི་མང་པོ་སྲོག་སྐྱོབ་པ་དེ་ཧ་ཅང་གི་ཐལ་དྲགས་པ་རེད་ཟེར་བ་ཡིན་ནམ། དེ་ལས་གཞན་ཅི་ཞིག་ཐལ་དྲགས་པ་ཡིན། རྒྱ་འདྲེ་འདི་ཚོས་འགྱེལ་ཐོག་རྡོག་རྫིས་བཏང་གི་འདུགས། མཐའ་གཅིག་ཏུ་ངོ་བརྒོལ་ཡོད།
རང་གཞུང་གི་ཐོག་ལ་མཆུ་ཚེར་མ་ལས་རྣོ་བ་དེ་ཚོ་ཤི་སོང་བ་རེད་དམ།
ཡུལ་ཤུལ་མི་མང་གི་སེམས་ཐག་ཉེ་ས་དང་བློ་སྟེན་ས་ཚང་མ་དགེ་འདུན་པ་ཚོ་ལས་རྒྱ་རྒན་རོགས་སྐྱོང་བ་དེ་ཚོ་མིན་པ་ཤེས་ནས་དེ་ལྟར་བྱེད་ན་ད་ལྟ་ཁོ་ཚོས་ལས་ཀ་ཏོག་ཙམ་བྱེད་ཁུལ་བྱས་པ་དེ་ཡི་མི་མང་ལ་ངོམ་རྒྱུ་མེད་པ་མ་ཟད།ད་དུང་མུ་འཐུད་ནས་གྲྭ་བ་འདི་ཚོ་བཞག་ན་ང་ཚོས་རྒྱལ་ཁ་ནམ་ཡང་ཐུབ་མི་སྲིད་སྙམ་ནས་དགེ་འདུན་པ་ཚོ་དང་མི་མང་ཁ་བྲལ་དུ་བཏང་བ་དང་།དགེ་འདུན་པ་ཚོ་ལ་དམག་ཡོང་གི་ཡོད་པའི་འཇིགས་སྐུལ་ཡང་བཏང་བ་རེད།ངོ་མ་དེ་ནི་རྒྱ་གཞུང་གི་བོད་མི་སེམས་འགུལ་ཐེབས་རྒྱུ་ཕར་ཙམ་བཞག་ད་དུང་དགེ་མདུན་པ་ཚོ་དང་མི་མང་ཁ་བྲལ་དུ་བཏང་བའི་ཉེ་བ་ཆེན་པོ་བསགས་ཚར་བ་རེད།སོང་ཙང་ཁོ་ཚོས་རྒྱ་དར་ཕྱེད་ཙམ་མ་ཟད།ཆ་ཚང་ཕབ་ན་ཡང་བོད་མི་ཡི་སེམས་པ་སླུ་མི་ཐུབ།
དེ་ཡི་ག་ལ་ཚད་ཁོ་ཚོས་གྲྭ་བ་འདི་ཚོ་ལོག་སོང་ན་གཞུང་གི་ས་གནས་དེ་ལ་རོགས་དངུལ་དང་རོགས་སྐྱོང་མི་སྣ་ཏོག་ཙམ་བཏང་བའི་འགྲོ་སོང་ལས་ལྷག་པར་ཞིག་ས་གནས་མི་མང་གི་རྒྱུ་དངོས་རྐུ་འཁྱེར་བྱེད་དགོས་བསམ་གྱི་ཡོད་པ་ཐག་ཆད།
ད་རྒྱ་རོ་ཚང་གིས་འདུག་ག་ཟིག་མི་འཇུག་གི ཕ་ཤི་ཁྱིམ་སྟོང་ཡོང་བའི་སྐབས་སུ་ད་དུང་ང་ཚོ་རྩེད་སྐྱེད་བྱེད་ཀི། ཨཱ་་ཧ་ཨོ་་་་་་་
འོད་ཟེར་གྱི་རྩོམ་ཡིག་འདིས་སེམས་འགུལ་ཐེབས་སུ་བཅུག་སོང་། དངོས་གནས་བཤད་ན་དེ་འདྲ་རེད། གྲྭ་བས་རོགས་སྐྱོར་བྱེད་ཀྱིན་པའི་རྣམ་པ་མཚོ་སྔོན་བརྙན་འཕྲིན་མ་གཏོགས་གཞན་གང་དུ་ཡང་སྟོན་གྱི་མི་འདུག་ལ། བཤད་ཀྱིན་ཡང་མི་འདུག ད་དུང་མང་ཚོགས་ཀྱི་དཀའ་ངལ་དངོས་ག་འདྲ་ཡིན་མིན་མི་སྟོན་པར་དམག་མི་ཚོས་བང་བསྒྲིགས་ནས་རོགས་སྐྱོར་བྱེད་དུ་འགྲོ་བ་དང་དམག་གི་རླངས་འཁོར་ཆེན་པོ་འགའ་ཡང་དང་བསྐྱར་དུ་སྟོན་གྱི་འདུག ད་དུང་མདང་དགོང་མཚོ་སྔོན་བརྙན་འཕྲིན་ནས་གྲྭ་བ་ཞིག་ལ་བཅར་འདྲི་བྱེད་ཀྱིན་པ་དེས་ཀྱང་གསུང་སོང་ངཱ་། ད་དགྱ་ནག་ཟེར་བ་འདིས་ང་ཚོ་ལ་ཡག་པོ་ཞིག་བྱེད་ཀྱིན་མེད་པ་ནི་ཁ་ཡོད་ལག་ཡོད་རེད། དེའི་སྟབས་ཀྱིས་ང་ཚོའི་མི་རིགས་ཀྱིས་མགོ་བོ་ཡར་ལ་ཁྱོགས། སེམས་རྒྱ་ཆེ་རུ་སྐྱེད་ཅིག ཤ་རུས་གདུང་རྒྱུད་གཅིག་པའི་གངས་ཅན་པ།
དངོས་ཡོད་གནས་ཚུལ་རྒྱུས་ལོན་བྱས་པ་དག་འདི་ལྟར་སྤེལ་བ་ལ་དགའ་བསུ་ཡོད།