ཁ་སང་དུས་བབ་དྲ་ཐོག་ཏུ་རྩོམ་སྒྲིག་པས་དགའ་ལྡན་དགོན་པའི་ཤུལ་གཉིས་པ། ཞེས་པའི་རྩོམ་ཡིག་ཅིག་སྤེལ་འདུག དེ་ནི་ངོ་མ་འཁྲུལ་སྣང་གི་རྨི་ལམ་དང་ཅལ་འགྲོག་གི་ཀུ་ཅོ་ཙམ་མ་ཡིན་པར་བསམ་གཞིག་བྱ་དགོས་པའི་གནད་དོན་གལ་ཆེན་ཞིག་ཡིན་པ་གུས་པས་ཀྱང་སྔར་ནས་དྲན་པ་ཙམ་མ་ཡིན་པར་གྲོགས་པོ་གང་མང་ཞིག་ལ་བཤད་ཀྱང་མྱོང་། དེས་ན། གུས་པས་རྩོམ་སྒྲིག་པས་གླེང་སླངས་པའི་གནད་དོན་དེའི་སྟེང་དུ་་དྲི་བ་ཁག་ཅིག་བརྒྱུད་རྒྱ་ཆེའི་མང་ཚོགས་ཀྱི་རེ་འདུན་གང་ཡོད་ལྟ་འདོད་བྱུང་།
༡། བོད་ཀྱི་སྔོན་བྱོན་མེས་པོ་དམ་པ་དག་གིས་དཀའ་སྤྱད་འབད་བརྩོན་ལས་རང་ཅག་རྣམས་ལ་འཚོ་རྟེན་དུ་བཞག་པའི་བཅུ་ཕྲག་རིག་པའི་ཀོར་མཛོད་འདི་ཉིད། མི་རིགས་གཞན་ལ་མེད་པའི་ཁྱད་ནོར་ཞིག་ལ་ངོས་འཛིན་གནང་རིན་མེད་པ་རེད་དམ།
༢། མདོ་རྒྱུད་བཀའ་བསྟན་སོགས་ཀྱི་བང་མཛོད་རྣམ་པར་རྒྱལ་ཞིང༌། དེ་ཡི་སྒོ་འཕར་ཡངས་པོར་འབྱེད་པའི་ངོ་མཚར་འཕྲུལ་གྱི་ལྡེ་མིག་ཏུ་གྱུར་བའི་བཀའ་འགྲེལ་བསྟན་བཅོས་སོགས་བརྩམས་ཆོས་ལྷུན་པོའི་གཟི་དཔལ་བླ་ན་འབར་བཞིན་ཡོད་པ་དེ་། ད་ལྟ་ང་ཚོར་མཁོེ་མེད་དུ་གྱུར་བ་རེད་དམ།
༣། དེ་དག་ནི་དེང་གི་དུས་འདིར་རང་རེ་མི་རིགས་འདིའི་སྤོབས་པ་བྱེད་ས་དང་མཚོན་རྟགས་ལེགས་ཤོས་དེ་མ་རེད་དམ།
༤། རིག་གཞུང་འདི་བོད་མི་རིགས་ཀྱི་ངོ་བོ་གནས་པར་བྱེད་པའི་བླ་སྲོག་མ་རེད་དམ།
༥། ད་ལྟའི་བར་དུ་རིག་གཞུང་འདི་མེད་ན་བོད་མི་རིགས་གནས་མེད་པ་དང་བོད་མི་རིགས་མེད་ན་རིག་གཞུང་འདི་ཡང་གནས་མེད་ཅེས་བཤད་ཆོག་པ་ལྟ་བུའི་རྟེན་འབྱུང་ལྟོས་གྲུབ་ཀྱི་འབྲེལ་བ་དང༌། ཤ་ཁྲག་ལྟ་བུའི་འབྲེལ་བ་དམ་ཟབ་ཡོད་པའི་རིག་གཞུང་དང་མི་རིགས་འདི་འབྱུང་འགྱུར་འཛམ་གླིང་འདིར་ཇི་ལྟར་གནས་ཐུབ་མིན་གྱི་གནད་དོན་འདི་དགོན་སྡེ་་གྲྭ་ཚང་གཅིག་བུའི་སྟེང་ལ་ཡོད་པའི་འགན་ཞིག་རེད་དམ་བོད་མི་ཡོད་དོ་ཅོག་གི་ཕྲག་སྟེང་ལ་ཡོད་པའི་འགན་ཞིག་རེད།
༦། ང་ཚོས་འབྱུང་འགྱུར་གྱི་མི་རབས་རྣམས་ལ་ཕ་མེས་ཡང་མེས་ནས་དཔྱད་གསུམ་གྱིས་དག་པར་མཛད་པའི་རྩ་ཆེའི་རིག་གཞུང་འདི་རྩིས་སྤྲོད་བྱེད་དགོས་པར་གལ་ཆེའི་རང་བཞིན་དུ་འཛིན་དགོས་སམ་མི་དགོས།
༧། གལ་སྲིད་གོང་གསལ་གྱི་དྲི་བ་དག་གི་སྒྲུབ་ཕྱོགས་ནས་བསམ་གཞིགས་བྱེད་དགོས་ན་དེ་རིང་ནས་ལས་དོན་འདི་གཙིགས་འཛིན་གྱིས་གོམ་པ་མདུན་བསྐྱོད་ཇི་ལྟར་བྱ་དགོས་སམ།
རྒྱ་ཆེའི་དྲ་གྲོགས་རྣམ་པས་དྲིས་དོན་འདི་ལ་རང་དོན་རང་གཅེས་ཀྱིས་བཀའ་ལན་དོན་སྨིན་ཡོང་བའི་རེ་བ་ཤིན་ཏུ་ཆེ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གནམ་ལྕགས་ཞེས་པའི་སྨྱུག་མིང་འཛིན་པ་པོ་ལགས། དྲི་བ་བདུན་ལ་ལན་འཐུས་སྒོ་ཚང་བ་ཞིག་གནང་ཡོད་པའི་ཚོར་སྣང་མ་བྱུང་ཡང་ལན་གནང་དང་དགོངས་ཚུལ་བཏོན་པ་ཙམ་གྱིས་བོད་མི་རིགས་རིག་གཞུང་དང་བཅས་པར་ཐུགས་ཞེན་དཀར་བར་མཚོན་པས་ཐུགས་རྗེ་ཆེ་ཞུ་རྒྱུ་ཡིན། སྤྱིར་རྩོམ་སྒྲིག་པས་ཆོས་ལུགས་སྤྱི་འཐུས་ཀྱི་གནད་དོན་དེ་དགའ་ལྡན་དགོན་པའི་ཤུལ་གཉིས་པ་དང་འབྲེལ་ནས་བཤད་ཡོད་ལ། དགའ་ལྡན་དགོན་པའི་ཤུལ་གཉིས་པ་ཇི་ལྟར་འབྱུང་མིན་དེ་བོད་རིགས་གྲྭ་རྒྱུན་ཉུང་དུ་འགྲོ་བཞིན་པ་ལ་འབྲེལ་བ་ཡོད། དེའི་ཕྱིར། བོད་རིགས་གྲྭ་རྒྱུན་ཉུང་དུ་འགྲོ་བའི་རྒྱུ་རྐྱེན་དེ་བོད་རིགས་ཡོངས་ནས་རིག་གཞུང་ལ་བཅངས་པའི་འདུ་ཤེས་དང་གོ་རྟོགས་ལ་འབྲེལ་བ་ཡོད་པར་བརྟེན་དྲི་བ་འདི་དག་བཏོན་པ་ཡིན་པས།མི་རིགས་ཤིག་གི་འབྱུང་འགྱུར་དང་རིག་གཞུང་ཞིག་གི་མདུན་ལམ་གྱི་ཐད་ནས་བསམ་ན་སྤྱིར་བཏང་གི་སྐད་ཆ་ཞིག་མིན།་དེའི་སྟབས་ཀྱིས་གུས་པའི་དྲི་བ་འདི་དག་རྩོམ་སྒྲིག་པའི་རྩོམ་ཡིག་དང་འབྲེལ་བ་དམ་ཟབ་ཡོད་པར་སྙམ།
སྐུ་ཞབས་ལུང་རིགས་ལགས།ལན་འདེབས་གནང་བར་ཐུགས་རྗེ་ཆེ། འོན་ཀྱང་ལན་འདེབས་ཁ་ཤས་ཐད་གསལ་བཤད་ཅིག་བྱེད་དགོས་འདུག་པས་སླད་མུར་བགྲོ་གླེང་ཡོང་བ་ཞུ།
སྔོན་བྱོན་དམ་པ་དག་གིས་ཕྱི་ནས་ནང་འདྲེན་བྱས་པ་ཙམ་མ་ཡིན་པར་ལོ་ངོ་སྟོང་ཕྲག་ལྷག་གི་རིང་ལ་རྒྱུད་འཛིན་དམ་དོན་གནང་སྟེ་་བོད་མི་རིགས་ལ་བདག་ཐོབ་ངེས་ཅན་ཡོད་པའི་མཛད་རྗེས་བླ་མེད་བཞག་ཡོད་ལ། དེ་ཡང་དཔལ་ཎཱ་ལནྜའི་མཁས་པའི་ཡང་རྩེ་དག་གིས་དག་པར་མཛད་པའི་ཚང་ལ་མ་ནོར་བའི་ཆོས་ཚུལ་ཟབ་མོ་དེ་བོད་གཅིག་བུ་ལ་མ་གཏོགས་ད་ལྟའི་མེད་ཅེས་བཤད་ཆོག
སྐུ་ཉིད་གསུང་བ་བཞིན་བཙོང་མཁན་དེ་བོད་མི་དང་ཉོ་མཁན་དེ་མི་རིགས་གཞན་ཡིན་སྟབས་དེའི་སྟེང་ནས་ཀྱང་གཞན་ལ་མེད་པའི་བདག་ཐོབ་ཅིག་ཡོད་པ་ཤེས་ཐུབ།
བོད་ཀྱི་བཅུ་ཕྲག་རིག་པའི་གནས་འདི་དག་ཨ་རི་དང་ཡུ་རོབ་སོགས་ལ་ཡང་མེད་པ་ནས་ཡོད་པ་དང་། ཡོད་པ་ནས་ཇེ་རྒྱས་སུ་འགྲོ་བཞིན་པར་འདོད། ཅེས་པ་དེ་ཡང་གང་ནས་དར་བ་དང་མགོ་ཁུངས་སུ་ལ་གཏུགས་ཡོད་མེད་ཀྱི་སྟེང་ནས་ཤེས་ཐུབ། བོད་ཀྱི་སྐད་ཡིག་ནང་དུ་དར་བ་དེ་འདྲ་ཞིག་འདས་པའི་དུས་སུ་གཞན་སུ་ལ་དར་མེད་པ་ཤེས་མི་ཐུབ་པའི་གནད་དོན་ཞིག་མིན།
གཉིས་པ། དེ་འདྲ་ཡང་མ་རེད། འོན་ཀྱང་། ང་ཚོར་དེ་དག་ལོངས་སུ་སྤྱོད་རྒྱུའི་ཁོར་ཡུག་མེད་པ་རེད། ཅེས་པར། སྤྱིར་གང་ཉིད་ནས་ཁོར་ཡུག་མེད་ཅེས་པ་སློབ་གཉེར་གནང་སའི་ཁོར་ཡུག་མེད་ཅེས་པ་ཡིན་རྒྱུ་མ་རེད་སེ་འབྲས་དགའ་གསུམ་སོགས་སློབ་གཉེར་གནང་སའི་ཁོར་ཡུག་མང་པོ་ཡོད་པས་སོ། གལ་སྲིད་བོད་ནང་དུ་བཤད་པ་ཡིན་ན་ཅུང་བདེན་དུ་ཆུག་ཀྱང་ང་ཚོའི་གླེང་གཞི་ནི་འདི་ཕྱོགས་ཡིན། གལ་ཏེ་ང་ཚོ་གང་དུ་སོང་ཀྱང་གཞན་དབང་སྟབས་བསྟུན་བྱེད་དགོས་པའི་ཆ་ནས་ཁོར་ཡུག་ཆེན་པོ་མེད་ཅེས་བཤད་ཆོག་ཀྱང་། དོན་དངོས་ང་ཚོ་ཁོར་ཡུག་གི་བཀག་རྒྱ་མ་ཡིན་པར་སྐབས་འཕྲལ་གནས་བབ་ལ་ཁ་གཏད་གདོང་ལེན་བྱེད་མ་ཐུབ་པའི་གནད་དོན་དང་ཕུག་རྒྱང་རིང་བཟུང་གི་འདུ་ཤེས་ཕྲ་བའི་རྐྱེན་གྱིས་ཁོར་ཡུག་མེད་པར་གྱུར་བ་རེད།
༣
ང་ཚོའི་སྟེང་ནས་རྩ་ཆེའི་རིག་གཞུང་གི་རིན་ཐང་དང་འབྲེལ་བ་ཡོད་པའི་མཚོན་རྟགས་བརླག་གིན་ཡོད་པ་བདེན་པ་རེད་དེ། རྒྱུ་མཚན་དེའི་དབང་གིས་རིག་གཞུང་ལ་འཛིན་པའི་སྤོབས་པ་ཉམས་དོན་དང་ངོ་ཚ་དགོས་དོན་མེད་པར་སྙམ། གང་ཞེ་ན། ང་ཚོར་ད་ཆ་འདི་ལས་ལྷག་པའི་སྤོབས་བྱེད་ས་གཞན་ཞིག་འཇོག་རྒྱུ་མེད་པས་སོ།།
༤། བླ་སྲོག་རེད། ཡིན་ཡང་། བླ་སྲོག་འདི་ཆད་སོང་ན་བླ་སྲོག་གཞན་པ་ཡོད་པ་རེད་དམ། ཅེས་པར། དེ་སྐུ་ཉིད་ཀྱིས་ཀྱང་ལས་ཤེས། ང་ཚོར་འདི་ལས་ལྷག་པའི་བླ་སྲོག་གཞན་ཞིག་ཡོད་ན་འདི་ཁོ་ན་ལ་མཐའ་སྐྱེལ་བྱེད་དོན་མེད་།སྲོལ་རྒྱུན་རིག་གཞུང་ཡོད་ཚད་གཅིག་མཚུངས་ཡིན་པའི་ངེས་པ་མེད་ལ་ཡིན་ན་ཡང་ང་ཚོའི་གནས་སྟབས་དང་མི་རིགས་གཞན་གྱི་གནས་སྟངས་མི་འདྲ་བས་ང་ཚོས་ད་དུང་རིག་གཞུང་འདིའི་དར་ཆ་འཕྱར་དགོས་པ་ལས་མི་རིགས་གཞན་ལྟར་ཡམ་རྒྱུགས་བྱས་ཚེ་ནམ་ཞིག་ཕ རི་ལྕི་བ་མེད་ཚུར་རིའི་ཀླད་པ་མེད་ཅེས་པའི་དཔེ་ལྟར་འགྲོ་ངེས་ཡིན། དེའི་ཕྱིར། ང་ཚོ་བོད་ཀྱི་གནས་བབ་འདི་ལས་ལྷག་པའི་གནས་བབ་ཡར་ལྡན་ཞིག་དང་བླ་སྲོག་འདི་ལས་ལྷག་པའི་བླ་སྲོག་གསར་བ་ཞིག་མ་ཐོབ་པར་དུ་བླ་སྲོག་འདི་དང་ཁ་གྱེས་མིརིང་སྙམ།
༥། བོད་མི་ཡོད་དོ་ཅོག་ལ་འགན་ལོས་ཡོད། ཡིན་ཡང་། བོད་མི་རིགས་འདི་ཇི་ལྟར་འཐོར་གྱིན་འདུག་པ་དེས་བོད་ཀྱི་རིག་གཞུང་ཡང་དེ་ཙམ་ཞིག་འཐོར་ནས་ཉམས་ནས་འགྲོ་གི་ཡོད་པ་མཚོན་དགོས་པ་རེད། དགོན་པ་གྲྭ་ཚང་མང་པོ་ཞིག་སྒོ་བརྒྱབ་ནས་ཡོང་གི་ཡོད་པ་དེ་དག་ཀྱང་མཚོན་རྟགས་རེད། ཅེས་པར། མི་རིགས་འཐོར་བ་དེས་རིག་གཞུང་འཐོར་བར་མཚོན་པ་བཞིན་རིག་གཞུང་འཐོར་བ་དེས་ཀྱང་མི་རིགས་འཐོར་འགྲོ་བ་མཚོན་དགོས་པ་རེད། ད་ལྟའི་བར་དུ་བོད་ཆོལ་ཁ་གསུམ་རིག་གཞུང་གི་རྒྱུན་ཐག་གཅིག་གིས་འཐོར་དུ་མ་བཅུག་པར་སྦྲེལ་ཡོད་པ་དངོས་བྱུང་ལོ་རྒྱུས་ཀྱིས་བདེན་དཔང་བྱས་ཡོད།
༦། གལ་ཆེན་རེད་འདོད། ཡིན་ཡང་། གལ་ཆེན་ལ་ངོས་འཛིན་བྱེད་མཁན་ཇེ་ཉུང་རེད། རྩིས་འཕྲོད་རྒྱུ་ཁག་པོ་རེད། གང་ལེགས་ཞེ་ན། ཐོག་མར་རྩིས་སྤྲོད་མཁན་དཀོན་པོ་རེད། དེ་ནས་རྩིས་ལེན་མཁན་ནི་དེ་བས་ཀྱང་དཀོན་པོ་རེད། རྩིས་ལེན་རྩིས་སྤྲོད་ཀྱི་རིམ་པ་མེད་པ་འདྲ་བོ་རེད། ཅེས་པ་དེ་བདེན་པ་རེད། ངའི་སེམས་འཚབ་བྱེད་དོན་ཡང་དེ་ག་རང་ཡིན། ཡིན་ན་ཡང་ད་དུང་འཕྱི་དྲག་པའི་ཚོད་མིན་པས་ཚང་མས་རིག་པ་སྒྲིམ་སྟེ་རྩིས་སྤྲོད་རྩིས་ལེན་གྱི་རྒྱུན་སྐྱོང་ཐུབ་ཐབས་ལ་འབད་དགོས།
༧། དྲི་བ་འདི་ལ་སྐུ་ཉིད་ནས་ཐུགས་སྣང་དེ་ཙམ་མ་བྱུང་བ་ཡིན་པ་འདྲ།
གུས་པའི་རེ་བ་ནི་དྲི་བ་དང་པོ་དྲུག་གི་སྒྲུབ་ཕྱོགས་འཛིན་དགོས་ཚེ་དེ་རིང་ནས་ཡར་རྒྱས་ཕྱོགས་ལ་འགྱུར་བཅོས་གང་ཞིག་བྱེད་དགོས་མིན་དེ་རེད་མ་གཏོགས། དུས་རབས་ཀྱི་འགྱུར་འགྲོས་དང་ཁོར་ཡུག་གི་གནས་སྟངས་སོགས་མ་བརྟེན་པར་སྔར་སྲོལ་གཅིག་བུས་འཚོ་འདོད་ཀྱི་ཨུ་ཚུགས་དང་མཁྲེགས་འཛིན་གྱི་སྐད་ཆ་མ་རེད །
བློ་གྲོས་རྒྱལ་པོ་ལགས། ཕྱོགས་གཅིག་བདེན་པ་རེད། དུས་རབས་དང་འཛམ་གླིང་གི་འགྱུར་འགྲོས་བསྟུན་ནས་བོད་ཀྱི་རིག་གཞུང་གི་རིན་ཐང་ལ་ཚན་རིག་པས་འདེང་འཇོག་དང་འབྲེལ་དོ་སྣང་བྱ་ཡུལ་གཙོ་གྲས་སུ་གྱུར་ཡོད། གནད་དོན་དེའི་སྟབས་ཀྱིས་རང་ཕྱོགས་ལ་དྲི་བ་འདི་དག་འདོན་དགོས་བྱུང་བ་རེད།
དགེ་བཤེས་ལགས་ཀྱིས་དྲ་ཐོག་ལ་དྲི་བ་བདུན་བཏང་ནས་མང་ཚོགས་ཀྱི་རེ་འདུན་ལ་ལྟ་འདོད་ཡོད་ཅེས་གཟིམ་བསྡད་ན་རེ་འདུན་དོན་ཐོག་ཏུ་སྨིན་པ་འོང་དཀའ་ཡང་། ལུང་རིགས་ལགས་ཀྱིས་དཀའ་ངལ་ལ་མ་འཛེམས་པར་ལན་བཏབ་པར་ཐུགས་རྗེ་ཆེ། ངས་ལྟ་ཚུལ་ལྟར་ན་དྲི་བ་དེ་དག་འབེན་འདྲ་ཞིག་ཡིན་ན་ལུང་རིགས་ཀྱིས་ལན་དེས་གོར་ཐིག་ནང་ལ་ཐེབས་འདུག་སྙམ། དགའ་ལྡན་དགོན་པའི་དགོན་ཤུལ་གཉིས་པ་ཞེས་པའི་རྩོམ་ཡིག་དང་། དྲི་བ་འདི་དག་ལ་འབྲེལ་ཞེ་དྲག་མཐོང་མ་སོང་།
དགེ་བཤེས་ལགས་ཀྱི་དྲི་བ་འདི་དག་ངས་ཁ་ཉིན་སྤེལ་བའི་བསམ་ཚུལ་ཐུང་ངུ་དེར་འབྲེལ་བ་ཡོད་པའི་དབང་གིས་ལན་མདོར་བསྡུས་རེ་འབུལ་རྒྱུ་ཡིན།
དང་པོ། སྤྱིར་བཏང་དེ་འདྲ་མ་རེད་དེ། སྔོན་བྱོན་དམ་པ་དག་གིས་སྔོན་ཆད་བཅུ་ཕྲག་རིག་པའི་གནས་འདི་དག་ཕྱི་ནས་ནང་འདྲེན་བྱས་པ་ཡིན་སྟབས། རང་ཅག་བོད་ལ་མ་གཏོགས་མེད་པའི་བསམ་ཚུལ་དེ་འཛིན་མི་ཐུབ་ལ། ད་སྐབས་ཀྱི་བོད་རང་གི་བཤེས་གཉེན་དམ་པ་དག་དང་མཁས་པ་རྣམས་ཀྱིས་འདི་དག་ཕྱིར་བཙོང་བྱེད་བཞིན་པར་བལྟས་ན་ཡང་། ད་ནི་བོད་རང་ལ་མ་གཏོགས་མེད་པ་ཞིག་ཏུ་བསམ་མི་ཐུབ་པར་གྱུར་འདུག བོད་ཀྱི་བཅུ་ཕྲག་རིག་པའི་གནས་འདི་དག་ཨ་རི་དང་ཡུ་རོབ་སོགས་ལ་ཡང་མེད་པ་ནས་ཡོད་པ་དང་། ཡོད་པ་ནས་ཇེ་རྒྱས་སུ་འགྲོ་བཞིན་པར་འདོད། དེ་ལྟར་ཡང་། རང་རེའི་དམ་པ་དག་གིས་གསུང་བཞིན་པ་ལྟར། བོད་ཀྱི་སྐད་ཡིག་ནང་དུ་དར་བ་དེ་འདྲ་ཞིག་གཞན་ལ་དར་གྱིན་ཡོད་མེད་མ་ཤེས།
གཉིས་པ། དེ་འདྲ་ཡང་མ་རེད། འོན་ཀྱང་། ང་ཚོར་དེ་དག་ལོངས་སུ་སྤྱོད་རྒྱུའི་ཁོར་ཡུག་མེད་པ་རེད། ཁོར་ཡུག་བརླག་པའི་དབང་གིས་ད་ནི་རི་བོའི་གཏོས་དང་མཉམ་པའི་དཔེ་གཞུང་དེ་དག་ང་ཚོ་དང་རྒྱང་ཐག་ཇེ་རིང་ལ་སོང་བ་རེད། རྒྱང་ཐག་ཇེ་རིང་དུ་སོང་བ་དང་མཉམ་དུ་ཕན་ཚུན་ཆ་མེད་རྒྱུས་མེད་ཀྱི་རྣམ་པར་འགྱུར་གྱིན་ཡོད་པ་རེད། འདི་ལ་ཐབས་ཤེས་ཤིག་ཡོད་མེད་མ་ཤེས།
གསུམ་པ། སྤྱིར་ན་དེ་ལྟར་ཡིན་དགོས་པ་རེད། འོན་ཀྱང་། ད་ནི་དེ་དག་ཡོད་ནས་སྤོབས་པ་བྱེད་རྒྱུ་ཕར་ཞོག ངོ་ཡང་ཚ་དགོས་པ་ཞིག་རེད། ང་ཚོའི་སྟེང་ནས་འདི་དག་ལ་འབྲེལ་བ་ཡོད་པའི་མཚོན་རྟགས་དེ་ཚོ་བརླག་གིན་འདུག འདི་དག་ཡོད་ཨང་བསམ་པའི་སྤོབས་པ་དེ་ཡང་ཉམ་གི་འདུག
༤། བླ་སྲོག་རེད། ཡིན་ཡང་། བླ་སྲོག་འདི་ཆད་སོང་ན་བླ་སྲོག་གཞན་པ་ཡོད་པ་རེད་དམ། སྲོལ་རྒྱུན་རིག་གཞུང་གི་ཕྱོགས་ནས་བསམ་ན། དེང་སྐབས་འཛམ་བུའི་གླིང་གི་མི་རིགས་ཚང་མའི་བླ་ཆད་ཚར་བ་རེད། བླ་སྲོག་གསར་པ་རེ་ཡིས་སོ་སོའི་ངོ་བོ་མཚོན་ཐབས་བྱེད་ཀྱིན་ཡོད་པ་རེད།
༥། བོད་མི་ཡོད་དོ་ཅོག་ལ་འགན་ལོས་ཡོད། ཡིན་ཡང་། བོད་མི་རིགས་འདི་ཇི་ལྟར་འཐོར་གྱིན་འདུག་པ་དེས་བོད་ཀྱི་རིག་གཞུང་ཡང་དེ་ཙམ་ཞིག་འཐོར་ནས་ཉམས་ནས་འགྲོ་གི་ཡོད་པ་མཚོན་དགོས་པ་རེད། དགོན་པ་གྲྭ་ཚང་མང་པོ་ཞིག་སྒོ་བརྒྱབ་ནས་ཡོང་གི་ཡོད་པ་དེ་དག་ཀྱང་མཚོན་རྟགས་རེད།
༦། གལ་ཆེན་རེད་འདོད། ཡིན་ཡང་། གལ་ཆེན་ལ་ངོས་འཛིན་བྱེད་མཁན་ཇེ་ཉུང་རེད། རྩིས་འཕྲོད་རྒྱུ་ཁག་པོ་རེད། གང་ལེགས་ཞེ་ན། ཐོག་མར་རྩིས་སྤྲོད་མཁན་དཀོན་པོ་རེད། དེ་ནས་རྩིས་ལེན་མཁན་ནི་དེ་བས་ཀྱང་དཀོན་པོ་རེད། རྩིས་ལེན་རྩིས་སྤྲོད་ཀྱི་རིམ་པ་མེད་པ་འདྲ་བོ་རེད།
༧། བྱ་དངོས་ཡོད་ཚད་ལ་དུས་རབས་ཀྱི་འགྲོས་དང་བསྟུན་པའི་འགྱུར་བ་རེ་འགྲོ་དགོས་པར་འདོད། ཨུ་ཚུགས་དང་མཁྲེགས་འཛིན་ལ་འགྲོ་ས་ཡོད་པ་མ་རེད། མདོ་དོན་འགྱུར་བ་ཞིག་མ་བཏང་བར་ཅི་ཡང་རྒྱུན་འཛིན་བྱ་ཐུབ་རྒྱུ་མ་རེད་ཅེས་པ་འདི་ཡིན། དང་པོ་ཁོར་ཡུག་ལ་འཚམ་པ། གཉིས་པ་དུས་ཚོད་ལ་འཚམ་དགོས་པ་རེད། དེ་གཉིས་ལ་བསྟུན་ནས་འགྱུར་བ་རེ་གཏོང་བཞིན་དུ་གོམ་པ་སྤོ་དགོས་པ་མིན་འགྲོ་སྙམ།
མ་ཤེས་ཤེས་མདོག་གིས་བཤད་ཉེས་ཤོར་ཡོད་ཚད་ལ་དགོངས་དག་ཞུ་རྐྱང་ཡིན་པ་བཅས།
ཕྱིའི་སྣོད་དང་ནང་གི་བརྟེན་གཉིས་ནི་གཅིག་ལྟོས་ཀྱི་འབྲེལ་བ་ཡིན་ལ། བོད་པའི་སྤྱི་ཚོགས་ཀྱ་ཁོར་ཡུག་དེ་ཡང་རྒྱལ་སྤྱིའི་སྤྱི་ཚོགས་ཀྱི་ཁོར་ཡུག་ལ་བསྟུན་ནས་འགྱུར་ལྡོག་འགྲོས་དགོས་པ་དང་འགྲོ་རྒྱུ་ཡིན་པ་ནི་ཉིད་ཀྱི་གསུངས་པའི་བཅུ་ཕྲག་རིག་པའི་ལྟ་གྲུབ་ཀྱི་སྙིང་པོ་ལགས་ན། རང་བསྟོད་དང་རང་གི་རང་ལ་དྲི་བ་དྲིས་བསྡད་ནས་མི་ཕན་ལ། ལེ་བདའ་བྱས་ནས་དེ་བས་ཀྱང་མི་ཕན་ནོ།།
རྕམ་ཁུག་སྟོང་བ་ལགས།
སྐྱབས་མགོན་རིན་པོ་ཆེ་ཁོང་གི་ཐུགས་རྒྱུད་ལྷག་བསམ་དཀར་པོའི་དུང་བརྡ་དང་རྣམ་དཔྱོད་མེ་ཏོག་གིས་འཛུམ་གྱིས་གདུལ་བྱ་གྲངས་མེད་པ་ཞིག་གིས་ཁོང་དད་གུས་བྱེད་བཞིན་ཡོད།
རྩམ་ཁུག་སྟོང་བ་ཁྱོད་ཀྱིས་ང་རློམ་གྱིས་ཁེངས་པའི་སེམས་དེ་་་་་གང་འདོད་ཀྱི་ཕྱོགས་སུ་མ་གཏོང་།ད་དུང་ཞེ་ཚིག་ཡག་པ་ོཞིག་སྦྱོངས་དང་ད་གཟོད་ཁྱོད་མིའི་གྲལ་དུ་ཚུད་ཡོང་།