ཟླ་འདིའི་ཕྱི་ཚེས་ ༦ ཉིན་བལ་ཡུལ་གྱི་རྒྱལ་ས་ཀ་ཐ་མན་གྲུ་རུ་བལ་ཡུལ་གྱི་གཞུང་འབྲེལ་མིན་པའི་ཚོགས་པ་ཁག་གི་གནད་ཡོད་མི་སྣ་དང་བཙན་བྱོལ་བོད་གཞུང་གི་ལས་བྱེད་ལྷན་འཛོམས་ཐོག ༧གོང་ས་མཆོག་གི་སྐུའི་འཁྲུངས་སྐར་སྲུང་གཙི་གནང་ཡོད་པ་དང་། སྐབས་དེར་བལ་ཡུལ་འགྲོ་བ་མིའི་ཐོབ་ཐང་ཚོགས་པའི་ཚོགས་གཙོ་སྐུ་ཞབས་སི་ཏེ་པ་ཏྲ་ལགས་ཀྱིས། ད་ལྟའི་བལ་ཡུལ་གྱི་ཛ་དྲག་པའི་ཆབ་སྲིད་ཀྱི་གནས་སྟངས་འོག བལ་ཡུལ་ནང་དྲག་སྤྱོད་ཀྱི་དོན་རྐྱེན་རིམ་བཞིན་བྱུང་གི་ཡོད་པ་དང་། མི་མང་ལ་དཀའ་ངལ་གང་མང་ཞིག་སྤྲོད་ཀྱིན་ཡོད། ད་ལྟའི་ཛ་དྲག་གི་གནས་སྟངས་འདི་ཞི་འཇགས་དང་མི་མང་གི་སེམས་ཀྱི་དཀའ་ངལ་སེལ་ཆེད། ནོ་བྷེལ་ཞི་བདེ་གཟེངས་རྟགས་བཞེས་མྱོང་མཁན་དང་འཛམ་གླིང་ཞི་བདེའི་དེད་དཔོན་ ༸གོང་ས་ཏཱ་ལའི་བླ་མ་མཆོག་ཟླ་ ༨ པའི་ནང་གནས་མཆོག་ལིམྦི་ནཱི་རུ་འཚོགས་འཆར་ཡོད་པའི་འཛམ་གླིང་ཆོས་ལུགས་ཚོགས་ཆེན་སྟེང་གདན་འདྲེན་ཞུ་དགོས་པ་དང་། བལ་ཡུལ་གཞུང་ཕྱོགས་ནས་ཀྱང་འདིའི་ཐད་མཐུན་རྐྱེན་སྐྲུན་དགོས་པའི་འབོད་སྐུལ་གནང་ཡོད་པརམ་ཟད། རྒྱ་ནག་གཞུང་གིས་ཀྱང་༸གོང་ས་ཏཱ་ལའི་བླ་མ་དང་མཉམ་དུ་བོད་དོན་ཐད་འབྲེལ་མོལ་གནང་དགོས་པ་དང་། བོད་དོན་དེ་ཞི་བའི་ལམ་ནས་མྱུར་ཏུ་སེལ་ཐབས་བྱ་དགོས་པ་དེ་བལ་ཡུལ་ནང་རང་དབང་དང་ཞི་བདེར་དགའ་བའི་མི་མང་གི་འདོད་འདུན་ཡིན་པའི་སྐོར་གྱི་རེ་འདུན་དང་འབོད་སྐུལ་གནང་ཡོད་པ་རེད།
ཟླ་སྔོན་མའི་ནང་བལ་ཡུལ་གྲོས་ཚོགས་འཐུས་མི་དང་ལིམྦི་ནཱི་ཐེབས་རྩ་ཁང་གི་འགན་འཛིན། བལ་ཡུལ་རྒྱལ་ཡོངས་བརྒྱུད་ལམ་གྱི་འགན་འཛིན་བཅས་མཁས་དབང་དང་གསར་འགོད་པ། སློབ་མ་བཅས་མི་ ༡༠ ལས་གྲུབ་པའི་གཟིགས་སྐོར་ཚོགས་ཆུང་ཞིག་གིས་རྒྱ་ནག་གི་སྐྱོན་བརྗོད་ལ་མ་ལྟོས་པར་བཞུགས་སྒར་ངྷ་རམ་ས་ལར་ཕེབས་ཏེ། ༸གོང་ས་མཆོག་ལ་མཇལ་འཕྲད་གནང་ཡོད་པ་མ་ཟད། ༸གོང་ས་མཆོག་སངས་རྒྱས་ཤཱཀྱ་ཐུབ་པའི་འཁྲུངས་ཡུལ་ལིམྦི་ནཱི་རུ་འཚོགས་འཆར་ཡོད་པའི་འཛམ་གླིང་ཆོས་ལུགས་ཀྱི་ཚོགས་ཆེན་ཐོག་གདན་ཞུ་གནང་ཡོད་འདུག ཐེངས་འདིར་ཡང་བལ་ཡུལ་འགྲོ་བ་མིའི་ཐོབ་ཐང་ཚོགས་པའི་ཚོགས་གཙོ་དང་བལ་ཡུལ་ནང་རང་དབང་དང་ཞི་བདེར་དགའ་བའི་མི་མང་། དེ་བཞིན་བལ་ཡུལ་གྱི་ནང་པའི་དད་ལྡན་པ་མང་པོས་༸གོང་ས་མཆོག་བལ་ཡུལ་ནང་གདན་ཞུ་གནང་དགོས་པའི་ཐད་གཞུང་ཕྱོགས་ལ་འབོད་སྐུལ་གནང་ཡོད་པ་རེད།
གསར་འགོད་པ། དོན་གོ།
བལ་ཡུལ་གྱི་གཙོ་འཛིན་མ་དྷཝ་ ཀུ་མར་ ནེ་པྰལ་མཆོག་འདི་གར་ཡུ་རོབ་ལ་ཕེབས་སྐབས་རང་གི་རླང་འཁོར་ནང་ལ་སྐོར་བཀོད་བྱས་པ་སོགས་ཀྱིས་ཞབས་འདེགས་ལ་དགོངས་པ་ཆེ་བཞེས་དང་། ༧གོང་ས་མཆོག་ལ་དད་ལྡན་མི་མང་ཡོངས་ལ་དམིགས་བསལ་དགོངས་པ་ཆེ་བཞེས་ཀྱིས་འདི་ལོ་སྟོན་པའི་འཁྲུངས་ཡུལ་ལུམ་བྰི་ནིར་ཕེབས་བསུར་སྐུའི་སྐུ་ཕྱྭའི་སྲུང་སྐྱོབ་གང་ཐུབ་ཐོག་ཆོག་མཆན་གནོངས་རོགས་ཞེས་བོད་མི་ཅིག་གིས་འུ་ཐུག་པའི་ཚིག་འདི་གོ་ཐོས་བྱུང་བའི་རེ་བ་བཅས།
ཕེབས་བསུ་བྱས་པ་དགའ་ཡོད
འོན་ཀྱང་ཁྲུངས་སྐར་ཇི་ལྟར་སྲུང་བརྩི་བྱས་པ་རེད་
ཁྱད་མཚར་ཞིག་རེད
ནམ་པ་ཚོས་མགྲོན་འབོད་གནང་བ་དང་སྐུའི་འཁྲུངས་སྐར་སྲུང་གཙི་བྱས་པ་སྙིང་ཐག་པ་ནས་ཐུགས་རྗེ་ཆེ་ཞུ།
ཡིན་ནའང་གནས་དེ་རུ་ཕེབས་ཀྱི་བྱུང་ན་བཟང་མོ། བློ་བདེ་བོ་རྩ་བ་ནས་ཡོང་ས་མ་རེད། རྒྱ་ནག་ནི་རང་གི་ཁེ་ཕན་ཆེད་ཕ་ཡིན་ཡང་མེད་པར་བཟོ་མཁན་ཞིག་རེད་ལ་བལ་ཡུལ་པ་དེ་ཚོ་དེ་དང་གཅིག་མཚུངས་འདྲ་ཆགས་ཡོད་པ་གསལ་པོ་རེད་བརྡ།
འཁྲུངས་སྐར་སྲུང་གཙི་ནོར་འདུག
སེམས་ཆུང་གནང་རོགས