ཕྱི་ཚེས་ ༣༠ ཉིན་བོད་ཀྱི་གསོལ་མགྲོན་ཁང་དུ་མདོ་སྟོད་དང་བླངས་འོས་གཞི་བསྡུ་རུག་ཚོགས་པས་གསར་འགོད་གསལ་བསྒྲགས་ཤིག་སྤེལ་ཏེ། སྐབས་བཅོ་ལྔ་བའི་བོད་མི་མང་སྤྱི་འཐུས་ཀྱི་འོས་མིར་མི་ ༢༧ གྱི་མཚན་གཞུང་ཕྱིར་བསྒྲགས་གནང་ཡོད།
གསར་འགོད་གསལ་བསྒྲགས་ཐོག མདོ་སྟོད་དང་བླངས་འོས་གཞི་བསྡུ་རུག་ཚོགས་པའི་སྐོར་ལ་འགྲེལ་བརྗོད་གནང་དོན། མི་ལོ་བཅུ་ཕྲག་མང་བོའི་རིང་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་ཏུ་ཕྱག་ལས་གནང་མྱོང་མཁན། དཀར་མཛེས་སངས་རྒྱས་བཀྲ་ཤིས་ཁོང་ཐེངས་འདིར་བོད་མི་མང་སྤྱི་འཐུས་སྐབས་བཅོ་ལྔ་བའི་འོས་གཞི་འཚོལ་ཆེད། ཨ་རི་ནས་ངྷ་སར་འབྱོར་བ་དང་། ངྷ་སར་གནས་སྡོད་མདོ་སྟོད་ཁོངས་གཏོགས་ས་གནས་སྟོད་སྨད་བར་གསུམ་གྱི་མི་བཅུ་ཕྲག་གཉིས་ཙམ་གྱིས། ཐེངས་འདིའི་མདོ་སྟོད་ཆོལ་ཁའི་སྐབས་བཅུ་བཞི་བའི་བོད་མི་མང་སྤྱི་འཐུས་ཀྱི་འོས་མི་རྣམས་བཙལ་འཚོལ་བྱས་པ་དང་། མདོ་སྟོད་དང་བླངས་འོས་གཞི་བསྡུ་རུག་ཚོགས་པ་གསར་དུ་བཙུགས་སྐོར་འགྲེལ་བརྗོད་གནང་།
ཐེངས་འདིར་མདོ་སྟོད་ཆོལ་ཁའི་སྐབས་བཅོ་ལྔ་བའི་འོས་མི་ ༢༧ ཕྱིར་བསྒྲགས་གནང་བའི་མཚན་གཞུང་ནི་གཤམ་གསལ་ལྟར།
༡ ད་ལྟའི་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག ངྷ་ས།
༢ བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དྲུང་ལས་ཁུངས་ཀྱི་མགྲིན་ཚབ་པ་བསྟན་འཛིན་ནོར་བུ། ངྷ་ས།
༣ གཞོན་ནུའི་ཚོགས་གཞོན་དང་ཆབ་སྲིད་ཉམས་ཞིབ་པ་བློ་བཟང་ཡེ་ཤེས། སྦེལ་ཀོབ།
༤ སྤྱི་འཐུས་ལས་ཐོགས་པ་དང་ཆབ་སྲིད་ཉམས་ཞིབ་པ་འབའ་བ་སྐལ་བཟང་རྒྱལ་མཚན། ངྷ་ས།
༥ སྤྱི་འཐུས་ལས་ཐོགས་པ་དང་བོད་ཀྱི་བང་ཆེན་རྩོམ་སྒྲིག་པ་གསེར་རྟ་ཚུལ་ཁྲིམས། ངྷ་ས།
༦ སྤྱི་འཐུས་ལས་ཐོགས་པ་དང་མདུན་བཟང་ལམ་སྟོན་ཚོགས་པའི་འགན་འཛིན་དབུ་དཀར་ཚང་གཡུ་སྒྲོན། ལྡི་ལི།
༧ རྒྱ་གར་ Ailce སློབ་གྲྭའི་སྤྱི་ཁྱབ་འགན་འཛིན་ཚེ་དབང་བསྟན་འཛིན། ཧོན་སུར།
༨ སྦེལ་ཀོབ་བོད་མིའི་སྤྱི་མཐུན་མཉམ་སྦྲེལ་ལས་ཁུངས་ཀྱི་ལས་བྱེད་ཆོས་འཕེལ་ཐུབ་བསྟན། སྦེལ་ཀོབ།
༩ སིམ་ལ་ས་གནས་གྲོས་ཚོགས་ཀྱི་ཚོགས་གཙོ་ནང་ཆེན་བསྟན་འཛིན། སིམ་ལ།
༡༠ སྤྱི་འཐུས་ལས་ཐོགས་པ་དང་ལྡི་ལི་བོད་ཀྱི་གྲོས་ཚོགས་དང་སྲིད་ཇུས་ཉམས་ཞིབ་ཁང་གི་འགན་འཛིན་ཆོས་སྐྱོང་དབང་ཕྱུག ལྡི་ལི།
༡༡ ལྷོ་ཕྱོགས་འབྲས་སྤུངས་དགོན་གྱི་མདོ་སྟོད་ས་གནས་རྒྱུན་ལས་ཀྱི་ཚོགས་གཙོ་ཟུར་བ་ཨ་ཕྲུག་ཚེ་བརྟན། མོན་གྷོ།
༡༢ བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ། ངྷ་ས།
༡༣ བོད་རིགས་སྤྱི་འཐུན་མཉམ་སྦྲེལ་ལྷན་ཚོགས་ཀྱི་ཚོགས་གཙོ་པདྨ་བདེ་ལེགས། སྦེལ་ཀོབ།
༡༤ སྒེར་བཙུགས་སློབ་གྲྭའི་སྦྱིན་བདག་དང་འགན་འཛིན་བསོད་ནམས་དབང་འདུས། ཧ་སྤ་པུར།
༡༥ ངྷ་ས་དབུས་གཞོན་ནུའི་དྲུང་ཆེ་དོན་འགྲུབ་ལྷ་དར། ངྷ་ས།
༡༦ ཨེ་ཤ་ཡ་རང་དབང་རླུང་འཕྲིན་ཁང་གི་ཁམས་སྐད་ཀྱི་གསར་འགོད་པ་བསྟན་འཛིན་དབང་རྒྱལ། ངྷ་ས།
༡༧ ཧོན་སུར་ས་གནས་བུད་མེད་ཚོགས་གཙོ་ཟུར་པ་དང་ས་གནས་ཆུ་སྒང་གི་ཚོགས་གཙོ་ཟླ་བ་སྒྲོལ་མ། ཧོན་སུར།
༡༨ བོད་མི་མང་སྤྱི་འཐུས་ལས་ཐོགས་པ་ཚུལ་ཁྲིམས་བསྟན་འཛིན། སྦིར།
༡༩ བོད་ཀྱི་བང་ཆེན་གསར་འགོད་པ་དང་དྲ་རྒྱའི་རྒྱ་ཡིག་སྡེ་ཚན་གྱི་རྩོམ་སྒྲིག་པ་གངས་ལྷ་མོ། ངྷ་ས།
༢༠ སྦེལ་ཀོབ་རྒྱལ་ཡོངས་མང་གཙོ་ཚོགས་པའི་ས་གནས་ཀྱི་ཚོགས་གཙོ་སེར་སྨད་བློ་དགའ། སྦེལ་ཀོབ།
༢༡ རྒྱལ་སྤྱིའི་བོད་ཀྱི་ཆ་འཕྲིན་དྲ་བའི་རྩོམ་སྒྲིག་པ་ཡེ་ཤེས་ཆོས་བཟང་། ངྷ་ས།
༢༢ བོད་ཀྱི་བང་ཆེན་གསར་ཁང་གི་གསར་འགོད་པ་འཇམ་དབྱངས་བཟོད་པའམ་བསོད་ནམས་རྒྱལ་མཚན། ངྷ་ས།
༢༣ བོད་ཀྱི་བང་ཆེན་གསར་ཁང་གི་དྲ་རྒྱའི་དོ་དམ་ངག་དབང་ཐར་པ། ངྷ་ས།
༢༤ ས་རཱ་མཐོ་སློབ་ནང་སློབ་སྦྱོང་བྱེད་སྐབས་ས་གནས་གཞོན་ནུའི་ཚོགས་གཙོ་དང་། རྩོམ་སྒྲིག་པ་གནང་མྱོང་བའི་པདྨ་རྡོ་རྗེ། ངྷ་ས།
༢༥ རྒྱུད་སྟོད་གྲྭ་ཚང་གི་ལས་ཐོགས་ཕྱག་མཛོདདང་འཕྲོད་བསྟེན་དང་ཤེས་ཡོན་གྱི་འགན་འཛིན་་འཇམ་དཔལ་རྒྱ་མཚོ། ངྷ་ས།
༢༦ ངྷ་ས་ས་གནས་ཆུ་སྒང་དྲུང་ཟུར་ཟུར་བ་སྨོན་ལམ་གྲགས་པ། ངྷ་ས།
༢༧ བོད་ནང་ལོ་མང་སློབ་སྦྱོང་བྱས་ཤིང་རྒྱ་གར་དུ་འབྱོར་རྗེས་ཅན་ངྷི་གྷར་མཐོ་སློབ་ནས་སློབ་སྦྱོང་བྱས་པའི་དབང་འདུས་རྡོ་རྗེ། ངྷ་ས། བཅས་ཡིན་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འདི་ཚོ་མང་ཆེ་བ་མཐོང་ནས་ང་ཡིད་ཆད་སོང་།ད་རུང་མུ་མཐུད་དུ་རང་འཇགས་འདུག་གི་ཡིན་ནམ།འདི་ནང་ནས་སྤྱི་མཐུས་རུང་བ་ཁ་ཤེས་འདུག།ཟམ་གདོང་རིན་པོ་ཆེ་དངའབའ་བ་སྐལ་བཟང་རྒྱལ་མཚན།ཆོས་སྐྱོང་དབང་ཕྱུག།རྒྱ་རི་སྒྲོན་མ།པདྨ་བདེ་ལེགས།དོན་འགྲུབ་ལྷ་དར།འདི་དྲུག་མ་གཏོགས་ལེན་ཡ་མི་འདུག་ཡ།གཙོ་བོ་མི་དམངས་ཀྱི་མ་ནོར་བ་བྱེད་རྒྱུ་གལ་ཆེའོ།
སངས་རྒྱས་བཀྲ་ཤིས་ལགས་ནས་བོད་མི་ཞིག་ཡིན་པའི་ཆ་ནས་མ་བསྐུལ་དངས་བླངས་ཐོག་རང་གིས་ལས་འགན་ལྷག་བསམ་གྱི་སྒྲུབ་པར་བསྔགས་བརྗོད་ཞུ་རྒྱུ་ཡིན། འོས་དམིགས་ནང་ཤེས་ཡོན་དང་ལྷག་བསམ་ཅན་ཤ་གཅིག་ཡིན་པའི་ཡིད་ཆོས་ཡོད་པ་མ་ཟད་དེ་སྔོན་གྲོས་ཚོགས་རྭ་བའི་ནང་དུ་བཟང་སྤྱོད་ཀྱི་དྲི་ཙམ་ཡང་མེད་པའི་སྟག་གཟིགས་འདྲ་བ་གཅིག་ཀྱང་མེད་པ་འདི་དཔེ་ཡག་པོ་རེད། ཁོ་ཚོ་ཡང་བསམ་བློ་ཞིག་མ་བཏང་རང་བཏང་རེད་མི་མང་ནས་འདི་འདྲ་བའི་ལས་མགུལ་སྤེལ་བར་སྙིང་ནས་དགའ་བསུ་བཞུ།།།།།།།།།།།།།།།།།།།
གད་སྙིགས་མང་པོའི་དཀྱིལ་ནས་གསེར་རྡོག་རེ་གཉིས་རྙེད་པ་དགའ་འོས་ཚོད་རེད། གཞན་མི་མང་ན་རོ་མང༌། ཁྱི་མང་ན་སྐད་ཅོར་མང་ཟེར་བ་ལྟར་གྱུར་འདུག
སློབ་དཔོན་ཆེན་པོ་ཟམ་གདོང་རིན་པོ་ཆེ་རྟ་ཐོག་ནས་འཐེན་སྟེ་བུང་ཐོག་ཏུ་བཞག་པར་ངོས་ལེན་གཏན་ནས་མེད། དེ་ནི་བཀུར་འོས་ཟམ་གདོང་མཆོག་ལ་དོན་མེད་བརྙས་བཅོས་དང་དམའ་འབོད་བྱས་པ་ཞིག་ཏུ་ངོས་འཛིན་མི་བྱེད་ཀ་མེད་རེད། དཔེར་ན་དགའ་ལྡན་ཁྲི་པ་ལས་ཐོག་ཅིག་མ་འོངས་པར་ཁྲི་ཟུར་ཐོན་མཚམས་དགོན་པའི་ཇ་མ་བྱེད་དགོས་ཟེར་ན་ཁྱེད་དང་ཁྱེད་ཀྱི་འཁོར་དང་བཅས་ལ་དོ་ཕོག་ག་ཚོད་ཀྱིས་ཐེབས་སྲིད། དེར་བརྟེན་ཕྱོགས་ཡོངས་ནས་བསམ་བློ་ཞིབ་ཚགས་བཏང་རྗེས་མཐར་དངོས་གཞི་ལ་འཇུག་དགོས་པ་གལ་ཆེ་མཐོང༌།
ད་མི་འདི་ཚོས་འོས་མི་བཏོན་འདུག ཟམ་གདོང་རིན་པོ་ཆེ། གྲོས་ཚོགས་སུ་བཟོད་གསོལ་ཞུས་ནས་ལས་དུས་མ་གཙང་གོང་ཕེབས། བློ་བཟང་ཡེ་ཤེས་ཀྱིས་གཞོན་ནུའི་ཚོགས་གཞོན་མཇུག་མ་འཁྱོལ། གསེར་རྟ་ཚུལ་ཁྲིམས་ཀྱིས་མདོ་སྟོད་སྨད་བརྩད་ནས་སྤྱི་འཐུས་ཐོབ། དབུ་དཀར་གཡུ་སྒྲོན་དང་ཆོས་སྐྱོང་དབང་ཕྱུག་་སིམ་ལའི་ནང་ཆེན་བསྟན་འཛིན་བཅས་གདམ་བྱ་འདེམས་བྱེད་ཀྱི་ཐོབ་ཐང་མེད་མཁན་ཕུ་པ་དཔོན་སོགས་མདོ་སྟོད་ནང་ཁུལ་དཀྲུག་མཁན་ཚོས་གར་ཁྲིད་རེད། རྒྱ་རི་སྒྲོལ་མས་རང་གི་ཁྱོ་ག་ཡང་བདག་པོ་མ་ཕོག ཆོས་འཕེལ་ཐུབ་བསྟན་གྱིས་སྐུ་སྒེར་ཡིག་ཚང་ནས་རྐུ་མ་བརྐུས། དོན་གྲུབ་ལྷ་དར་གང་དུ་སོང་ཡང་དོན་མ་འགྲུབ། ཚུལ་ཁྲིམས་བསྟན་འཛིན་ཉི་རྒས་ཀྱི་གྲིབ་སོ་ནང་བཞིན་ཆགས། ཨ་ཀྲུག་ཚེ་བརྟན་གྱིས་རོང་རྒྱས་ཨ་གྲགས་བཙོང་། སེར་སྨད་བློ་དགས་འཁྲབ་སྟོན་ལུང་པ་གང་བྱས། པདྨ་བདེ་ལེགས་ལ་མགོ་གསུམ་ཙམ་སྐྱེས། གངས་ལྷ་མོས་གངས་སྐྱིད་ཀྱི་འགྲོ་སྟངས་ཙམ་ཡང་མི་ཤེས། པདྨ་རྡོ་རྗེ་ནི་རྒྱ་རི་ཚང་གི་སྒོ་ཁྱི་ནང་བཞིན་རེད། འཇམ་དཔལ་རྒྱ་མཚོ་ནི་ཕྱི་འཇམ་ནང་རྩུབ་རེད། སྨོན་ལམ་གྲགས་པས་རང་གི་གདོང་སྔུན་ཡང་མཐོང་མ་མྱོང་། ཧ་ཧཧཧ། ད་དུང་མང་པོ་འདུག
ག་རེའི་ཤེས་འཇོན། ག་རེའི་ལྷག་བསམ། ག་རེའི་ཆོལ་ཁ་ཆོས་ལུགས་དབྱེར་མེད། ད་སངས་རྒྱས་བཀྲ་ཤིས་ཀྱི་དངུལ་འཕྲོག་རླག་རེད།
སངས་རྒྱས་བཀྲིས་ལགས་སུ་བསྔགས་བརྗོད་ཞུ། ཐེངས་འདིར་མཁས་བཙུན་བཟང་གསུམ་གྱི་བཀའ་ཁྲི་ཟམ་དོང་རིན་པོ་འོས་གཞིར་བཏོན་པ་དེར་བསྔགས་བརྗོད་ཞུ་ཡུལ་དུ་གྱུར།
རླབས་ཆེན་གྱི་སྐྱེས་བུ་ཁོང་དང་འདྲ་བར་མདོ་བསྟོད་ཀྱིས་མི་དམངས་ཡོངས་ནས་ ༸ གོང་ས་ར྅ཡལ་བ་རིན་པོ་ཆེ་མཆོག་དང་། བཙན་བྱོལ་བོད་གཞུང་། བོད་མི་རིགས་ལ་ལྷག་བསམ་རྣམ་དག་གི་སྲི་ཞུ་སྒྲུབ་མཁན་ཤ་སྟག་གདམས་ཐུབ་པའི་རེ་འདུན་ཞུ།
མཁས་དབང་ཟམ་གདོང་རིན་པོ་ཆེ་ད་ལན་འོས་གཞིའི་ནང་བཞག་པ་དེ་ལ་མོས་མཐུན་གཏན་ནས་མེད། གང་ཡིན་ཟེར་ན། ཁོང་གིས་བསྟན་པ་ཆབ་སྲིད་ལ་ཞབས་ཞུ་བླ་ན་མེད་པ་ཞུས་ཚར་བ་རེད། ད་སྐབས་ཁོང་དགོངས་ལོ་ཧ་ཅང་མཐོ་པོ་རེད། ད་གཞོན་སྐྱེས་རྣམས་ཀྱིས་ངེས་པར་འགན་ཁུར་དགོས། ཁོང་རྣམ་པ་ཚོ་སློབ་སྟོན་པ་བྱས་ན་ཏག་ཏག་རེད། གཞན་དག་དེ་ཚོ་མང་པོ་ཞིག་གི་ལོ་རྒྱུས་དང་ལྷག་བསམ་ག་རེ་ཡིན་ཤེས་ཀི་མེད། འོན་ཀྱང་། བློ་བཟང་ཡི་ཤེས་དང་འབའ་བ་སྐལ་བཟང་དོན་གྲུབ་ལྷར་རྣམས་ལ་རེ་བ་ཆེ།ཚང་མས་གཟབ་གཟབ་བྱེད་དགོས་མ་གཏོགས་ཧོ༠ར་རྒྱུག་གཏན་ནས་བྱེད་མི་རུང་།
སངས་རྒྱས་བཀྲིས་ལགས་ཀྱིས་ལྷག་བསམ་བཟང་པོས་ཀུན་ནས་བླངས་ཏེ་མདོ་སྟོད་སྤྱི་འཐུས་ཀྱི་འོས་གཞི་ ༢༧ བཏོན་པར་རྗེས་སུ་ཡི་རངས་ཡོད། འདི་ཁོངས་སུ་མཁས་བཙུན་བཟང་གསུམ་གྱི་བཀའ་ཁྲི་ཟམ་དོང་རིན་པོ་ཆེ་མཆོག་འོས་གཞིར་དམིགས་འཛུགས་གནང་ཡོད་པ་དེ་བསྔགས་བརྗོད་བྱེད་ཡུལ་ཞིག་ཏུ་གྱུར།
དེ་མིན་མདོ་སྟོད་མི་དམངས་ཡོངས་ཀྱིས་མཁས་དབང་ཟམ་དོང་རིན་པོ་མཆོག་ལྟར་ ༸ གོང་ས་རྒྱལ་བ་རིན་པོ་ཆེ་དང་། བཙན་བྱོལ་བོད་གཞུང་། བོད་མི་ས་ཡ་དྲུག་ལ་ལྷ་བསམ་རྣམ་དག་གིས་སྲི་ཞུ་སྒྲུབ་མཁན་ཤ་སྟག་གདམས་ཐུབ་པའི་རེ་འདུན་ཞུ།
ཟམ་གདོང་རིན་པོ་ཆེ་ད་ཡང་བསྐྱར་སྤྱི་འཐུས་ཀྱི་འོས་སུ་ཕེབས་དགོས་ཟེར་ན་དགོད་བྲོ་བ་རང་རེད། མི་ཚོས་མགོ་ཚོས་ལ་མ་ཚོས་ལ་ག་རེ་བྱེད་ཀི་ཡོད་ན།
ཟམ་གདོང་རིན་པོ་ཆེ་མདོ་སྟོད་སྤྱི་འཐུས་ཀྱི་འོས་གཞིར་ཕེབས་པར་དགའ་བསུ་ཞུ།