ནང་སེམས་ཀྱི་ཞི་བདེ་ཞེས་པ་དེ་ཕན་ཚུན་གཅིག་ལ་གཅིག་རྟེན་བྱས་ཏེ་ཡོང་གི་ཡོད་པས།མ་འོངས་སྤྱི་ཚོགས་ནང་ཞི་བདེ་བསྐྲུན་ཐབས་སུ་མིའི་ཀུན་སྤྱོད་ལེགས་པོ་མེད་དུ་མི་རུང་བས།དེའི་ཐད་མི་རེ་རེ་ནས་ཉིན་རྒྱུན་འཚོ་བའི་ནང་ཀུན་སྤྱོད་གོང་མཐོར་གཏོང་ཐབས་བྱ་དགོས་ཞེས་༸གོང་ས་མཆོག་གིས་ལྡི་ལི་གཙུག་ལག་སློབ་གཉེར་ཁང་གི་དགེ་སློབ་རྣམས་ལ་གསུངས་ཡོད།ལྡི་ལི་གཙུག་ལག་སློབ་གཉེར་ཁང་གིས་གསོལ་བ་བཏབས་པ་ལྟར།ཟླ་འདིའི་ཕྱི་ཚེས་༨ཉིན་༸གོང་ས་མཆོག་བཞུགས་སྒར་ནས་ལྡི་ལིར་ཆིབས་བསྒྱུར་གནང་ཡོད་ལ།ཁ་སང་ཕྱི་ཚེས་༩ཉིན་གྱི་ཞོགས་པར་གཙུག་ལག་སློབ་གྲྭ་དེ་ཉིད་ཀྱི་དགེ་སློབ་རྣམས་ཀྱི་ཕེབས་བསུའི་ཁྲོད་གཙུག་ལག་སློབ་གྲྭའི་ནང་ཞབས་སོར་བདེ་བར་འཁོད་དེ་དེར་ཡོད་དགེ་སློབ་༡༥༠ལྷག་ལ་མི་ཚེ་ཞེས་པ་དེ་ཅི་ཞིག་ཡིན་ནམ་ཞེས་པའི་བརྗོད་གཞིའི་ཐོག་ལམ་སྟོན་བཀའ་སློབ་གནང་ཡོད་པ་རེད།
སྐབས་དེར་༸གོང་ས་མཆོག་གིས་དེར་ཡོད་དགེ་སློབ་རྣམས་ལ།ཁྱེད་རང་ཚོ་དུས་རབས་ཉེར་གཅིག་པའི་སྐབས་ཀྱི་མི་རབས་གསར་བ་ཞིག་ཆགས་ཡོད།ཡིན་ནའང་།ཁྱེད་རང་ཚོས་འདས་ཟིན་པའི་འཐབ་རྩོད་དང་དཀའ་ངལ་གྱི་ལོ་རྒྱུས་ལ་རྒྱུས་ལོན་བྱས་ཏེ་དུས་རབས་ཉེར་གཅིག་པ་འདིའི་ནང་མིའི་རིགས་ལ་ཞི་བདེ་བསྐྲུན་ཐབས་སུ་འབད་བརྩོན་བྱ་དགོས་པ་རེད།ཞི་བདེ་ཞེས་པ་དེ་ཕྱིའི་དཔལ་འབྱོར་འཚོལ་སྒྲུབ་ཁོ་ནར་བརྟེན་ནས་ཡོང་རྒྱུ་ཞིག་མིན་སྟབས།ང་ཚོས་ནང་སེམས་ཀྱི་ཞི་བདེ་འཚོལ་དགོས་པ་རེད་ལ།ནང་སེམས་ཀྱི་ཞི་བདེ་ཞེས་པ་དེ་ཡང་མི་སྒེར་སོ་སོར་དཀའ་ངལ་མེད་པའི་གནས་ཚུལ་ཙམ་མ་ཡིན་པར།ང་ཚོ་འཚོ་སྡོད་ཀྱི་ཁོར་ཡུག་ནང་ཞི་བདེ་ཡོང་ཐབས་དང་དཀའ་ངལ་ཇི་འདྲ་ཞིག་ལ་འཕྲད་ཀྱང་ཐར་ཐབས་བྱ་དགོས་པ་རེད་ཅེས་གསུངས་ཡོད་པ་དང་།མིའི་སྤྱི་ཚོགས་ནང་ཞི་བདེའི་ཁོར་ཡུག་བསྐྲུན་ཏེ་དུས་རབས་ཉེར་གཅིག་པ་ནི་གྲོས་མོལ་གྱི་དུས་རབས་ཤིག་ལ་ངོས་འཛིན་བྱ་དགོས་ཞེས་བཀའ་སློབ་གནང་ཡོད་འདུག
ཡང་༸གོང་ས་མཆོག་གིས། འདས་པའི་ངོ་ལོ་༣༠༠༠ལྷག་གི་ཡར་སྔོན་ནས་རྒྱ་གར་ནང་ཆོས་ལུགས་ཀྱི་ལྟ་གྲུབ་འདྲ་མིན་བྱུང་སྟེ།ཆོས་ལུགས་ཕན་ཚུན་བར་ལྟ་གྲུབ་ཀྱི་ཐོག་རྩོད་པ་དང་དགག་བཞག་བྱས་ཡོད་ཀྱང་།ཆོས་ལུགས་ཕན་ཚུན་བར་བརྩི་བཀུར་ཆེན་པོ་གནངས་ཡོད་པ་ལྟར།ད་ལྟའི་དུས་རབས་འདིའི་ནང་དུའང་ཆོས་ལུགས་མི་མཐུན་པའི་བར་བརྩི་བཀུར་བྱ་དགོས།ནང་སེམས་ཀྱི་ཞི་བདེ་ཞེས་པ་དེ་ཕན་ཚུན་གཅིག་ལ་གཅིག་རྟེན་བྱས་ཏེ་ཡོང་གི་ཡོད་པས།མ་འོངས་སྤྱི་ཚོགས་ནང་ཞི་བདེ་བསྐྲུན་ཐབས་སུ་མིའི་ཀུན་སྤྱོད་ལེགས་པོ་མེད་དུ་མི་རུང་བས་དེའི་ཐད།མི་རེ་རེ་ནས་ཉིན་རྒྱུན་འཚོ་བའི་ནང་ཀུན་སྤྱོད་གོང་མཐོར་གཏོང་ཐབས་བྱ་དགོས།
དེང་སྐབས་ཨ་རི་དང་ཁེ་ན་ཌ་གཙོས་པའི་ཕྱི་རྒྱལ་ཡུལ་གྲུ་ཁག་ནང་གཞོན་སྐྱེས་གང་མང་ཞིག་ལ་སེམས་ནང་ཞི་བདེ་མེད་པའི་དཀའ་ངལ་གྱི་དབང་གིས་རང་སྲོག་གཅོད་པ་སོགས་ཀྱི་གནས་ཚུལ་ཐབས་སྐྱོ་བོ་དེ་འདྲ་འབྱུང་གི་ཡོད་སྟབས།མ་འོངས་པར་སློབ་གྲྭའི་ནང་དམིགས་བསལ་གྱིས་འགྲོ་བ་མིའི་ཞི་བདེ་གོང་མཐོར་གཏོང་ཐབས་སྐོར་གྱི་སློབ་ཚན་གོ་སྒྲིག་གནང་སྟེ།ལོ་ངོ་དུ་མའི་རྗེས་སུ་དེ་ལ་ནུས་པ་གང་འདྲ་ཞིག་ཡོང་གི་ཡོད་མེད་ཀྱི་ཐད་ལ་བསྐྱར་ཞིབ་བྱ་ཆོག་གི་རེད་ལ།ཁྱེད་རང་ཚོ་དུས་རབས་ཉེར་གཅིག་པའི་མི་རབས་ཤིག་ཡིན་པ་དང་སློབ་ཆེན་པ་ཡིན་པའི་ཆ་ནས།མི་རེ་རེ་ནས་སྤྱི་ཚོགས་ནང་ཞི་བདེ་བསྐྲུན་པར་འབད་བརྩོན་བྱ་དགོས་ཞེས་བཀའ་སློབ་གནང་ཡོད་ལ།བརྗོད་གཞི་དང་འབྲེལ་བའི་ཐད་དེར་ཡོད་དགེ་སློབ་རྣམས་ཀྱིས་དྲི་བ་དྲིས་ལན་གནང་ཡོད་པ་རེད།
དེ་རིང་ཕྱི་ཚེས་ ༡༠ ཉིན་༸གོང་ས་མཆོག་གིས་ལྡི་ལི་གཙུག་ལག་སློབ་ཁང་དུ་རྒྱ་གར་གྱི་བདེ་སྲུང་ཚན་རིག་སློབ་སྟོན་མཁས་དབང་སྐུ་ཞབས་ཀོ་ཐཱ་རིས་ (Kothari) མཆོག་རྗེས་དྲན་གྱི་ཆེད་དུ་སྐོང་འཚོགས་གནང་བའི་བགྲོ་གླེང་གི་ཚོགས་མགོན་དུ་ཆིབས་བསྒྱུར་གནང་སྟེ། སྟོང་ལོ་གསར་བའི་བཟང་སྤྱོད་Ethics For The New Millennium ཅེས་པའི་བརྗོད་གཞིའི་ཐོག་བཀའ་སློབ་དང་དྲི་བ་དྲིས་ལན་གནང་ཡོད་ལ།དེ་བཞིན་ལྡི་ལིར་རྟེན་གཞི་བྱས་པའི་ཅེག་སྤྱི་མཐུན་རྒྱལ་ཁབ་ཀྱི་གཞུང་ཚབ་ The Embassy of Czech Republic ཁང་གིས་༸གོང་ས་མཆོག་དགུང་གྲངས་ ༧༥ཕེབས་པར་དགའ་བསུའི་འཚམས་འདྲི་མཚོན་ཆེད།གསོལ་སྟོན་ཞིག་གོ་སྒྲིག་གནང་བའི་སྟེང་ཕེབས་རྒྱུ་ཡིན་ཚུལ་ལྡི་ལི་དོན་གཅོད་བཀའ་བློན་བསྟན་པ་ཚེ་རིང་ལགས་ཀྱིས་བརྗོད་ཡོད་པ་རེད།
གསར་འགོད་པ།དོན་གོ།
གང་ཞིག་ལ་ཀུན་སྤྱོད་ལེགས་པོ་བརྗོད་དམ། བཀའ་འདྲི་བཞུ་རྒྱུར་ རང་རེའི་དགེ་བའི་བཤེས་གཉེན་ལ་ལོག་པར་སྨྲ་བ་ནི་ཀུན་སྤྱོད་ལེགས་པ་ཡིན་ནམ་མིན།
ཕྱི་ལོ་ ༡༩༥༩ བསྐལ་པ་ཡར་ཐོག་གི་སྔོན་ལ་བོད་འབངས་ལྷ་མི་ཡོངས་ཀྱིས་མ་གྲོས་བསམས་པ་གཅིག་མཐུན་གྱིས་སྒོ་ནས་༸ རྒྱལ་བའི་ཡོངས་འཛིན་ལྷན་གཉིས་ལ་རེ་བསྐུལ་ཞུ་ནན་མཛད་དེ་བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་འཁྲིད་
༸ སྤྱི་ནོར་༸ གོང་ས་སྐྱབས་མགོན་ཆེན་པོ་མཆོག་སྐུ་ཚེ་ཞབས་པད་ཡུན་རིང་བརྟན་ཆེད་གསོལ་འདེབས་ཞིག་བརྩམས་ནས་ཆོལ་གསུམ་བོད་རིགས་ཡོངས་ཀྱིས་སྔར་ནས་ད་བར་གསོལ་འདེབས་སྨོན་ལམ་འདི་བཏོན་དང་འདོན་བཞིན་ཡོད་པ་སྟེ།
རབ་འབྱམས་རྒྱལ་བ་ཀུན་གྱི་མཛད་པའི་འཁུར། ། སྙིང་སྟོབས་ཕྲག་པར་བཟུང་བའི་རླབས་ཆེན་གྱི། ། འཕྲིན་ལས་ཀུན་ཕན་ནམ་མཁའི་སྙིང་པོ་ཅན། །བཞེད་པ་ཇི་བཞིན་ལྷུན་གྱིས་འགྲུབ་པར་ཤོག །
ཅེས་དང་ཡང་སྐབས་དེའི་བོད་འབངས་ཡོངས་ཀྱིས་རེ་བར་ལྟར།
ཕྱག་ན་པདྨོའི་བྱིན་རླབས་བདུད་རྩིའི་རྒྱུན། །བདག་སོགས་སྙིང་གི་ཟུངས་སུ་རྟག་སྨིན་ཅིང་། །བཀའ་བཞིན་སྒྲུབ་པའི་མཆོད་པས་རབ་བསྙེན་ནས། །ཀུན་བཟང་མཆོད་མཆོག་རྒྱ་མཚོར་མཐར་སོན་ཤོག །
ཅེས་གངས་ཅན་བོད་འབངས་ཀྱི་རྗེ་བོ་ལྷ་གཅིག་ཕྱག་ན་པདྨོ་༸ རྒྱལ་བ་བསྟན་འཛིན་རྒྱ་མཚོའི་ཅི་གསུངས་བཀའ་བཞིན་སྒྲུབ་ན་ཀུན་བཟང་མཆོད་མཆོག་རྒྱ་མཚོ་ལས་ལྷག་ཡོད་ཅེས་གསུངས་པ་དེ་དོན་ལ་གནས་ཡོད།
འདི་ཚོ་ལ་ཡིད་ཆེས་ཞེ་དྲག་མེད། གང་ཡིན་ཟེར་ན་ལྡི་ལི་སློབ་འཕྲུག་སྟོང་བཞི་ཡོད་་པ་ནང་ནས་༧༠༠ མ་གཏོགས་འོས་བླུགས་ཀྱི་ཐོ་འགོད་བྱས་མི་འདུག སློབ་མ་འདི་ཚོས་ཁོང་གི་དུས་ཚོད་འཕྲོ་རླག་དུ་གཏོང་གི་ཡོད་ནི་རེད་ རེ་བ་ཆེན་པོ་མེད་
ཨ་རི་གསར་འགྱུར་ནང་བརྗོད་པ་ལྟར་ན་ལྡི་ལི་ལ་བོད་པའི་སློབ་འཕྲུག་སྟོང་བཞི་ཡོད་པ་དང་དེ་ནང་ནས་༧༠༠ ཡིས་མ་གཏོགས་བཀའ་བློན་འཁྲི་བ་འོས་བླུགས་ཀྱི་ཐོ་འགོད་བྱས་མེད་རབས་བཤད་ཀྱི་འདུག དེ་ལ་ལྟོས་ན་འདི་ཚོ་སློབ་གྲ་བ་ཆེན་པོ་ཡིན་ཟེར་བ་ལ་བལྟ་རྒྱུ་ཅིག་ལ་ཡོད་ནི་མ་རེད། ཁོང་གི་་མདུན་ལ་འགྲོ་དུས་ཁོ་ལས་ལྷག་ཅིགགང་ན་ཡོད་འདྲ་བོ་བྱས་ནི་བསྡད་ཡོད་པ་ལ་ལྟོས་དང་། སེམས་པ་སྐྱོ་བོ་འདུག
རིན་ཐང་བྲལ་བའི་ཆུ་ཚོད་དང་བཀའ་སློབ་ལམ་སྟོན་སོགས་ནི་ཉན་མཁན་ཚོའུ་ངོའི་ནས་ཡང་དོན་མེད་ངང་འཕྲོ་བརླག་དང་སྣང་མེད་ལ་མི་གཏོང་རྒྱུ་རེ་འདུན་ཞུ་
༧གོང་ས་མཆོག་གིས་གསུང་བཤད་ལ་རིན་ཐང་ཡོད་ཀྱང་ཉན་མཁན་ལ་རིན་ཐང་དེ་ཙམ་མེད་པས་༧གོང་ས་མཆོག་གི་རིན་ཐང་བྲལ་བའི་དུས་ཚོད་དག་ཆུད་ཟོས་སུ་བཏང་བ་གྲངས་ཀྱིས་ག་ལ་ཆོད།