ཉེ་ཆར་ཟླ་སྔོན་མའི་ཚེས་ཕྱི་ཚེས་ ༣༠ ཉིན་རྒྱ་ནག་ཆོས་ལུགས་ལས་དོན་ཅུས་ཀྱིས་༼ བོད་བརྒྱུད་ནང་བསྟན་གྱི་དགོན་པའི་དོ་དམ་བྱེད་ཐབས ༽ ཟེར་བའི་ཡིག་ཆ་ཞིག་ཁྱབ་བསྒྲགས་བྱས་ཡོད་ཅིང་། ཟླ་རྗེས་མའི་ཚེས་ ༡ ནས་དངོས་སུ་ལག་བསྟར་བྱ་དགོས་པའི་བཀའ་རྒྱ་བཏང་འདུག ཡིག་ཆ་དེ་ནི་བོད་ནང་གི་དགོན་སྡེ་ཁག་ལ་མ་འོངས་པར་ཕྱི་ཕྱོགས་ཀྱི་རོགས་སྐྱོར་དང་། ཆོས་ཕྱོགས་ཀྱི་འགྲོ་འོང་སོགས་ལ་བཀག་སྡོམ་སྟངས་འཛིན་བྱ་རྒྱུའི་སྲིད་བྱུས་ཤིག་ཡིན་འདུག
ཡིག་ཆ་དེ་ཁྱབ་བསྒྲགས་བྱས་པའི་གནས་ཚུལ་ནང་བཀོད་པ་ལྟར་ན། བོད་ནང་གི་དགོན་སྡེ་ཁག་གི་ལས་དོན་ལ་ཕྱི་རོལ་གྱི་སྒྲིག་འཛུགས་དང་། མི་སྒེར་སོགས་ཀྱི་ཐེ་གཏོགས་དང་བཀོལ་སྤྱོད་མི་ཆོག་པ་མ་ཟད། རྩ་འཛུགས་དང་མི་སྒེར་སུ་འདྲ་ཞིག་ཡིན་རུང་བོད་བརྒྱུད་ནང་བསྟན་ལ་བརྟེན་ཏེ། སྤྱི་ཚོགས་ཀྱི་སྒྲིག་ལམ་ལ་གཏོར་བརླག་དང་། མང་ཚོགས་ཀྱི་བདེ་ཐང་ལ་གནོད་འཚེ་བྱེད་མི་ཆོག་ཅིང་། རྒྱལ་ཁབ་ཀྱི་སློབ་གསོའི་ལམ་ལུགས་ལ་བར་ཆད་དང་། རྒྱལ་ཁབ་ཀྱི་ཁེ་ཕན་དང་སྤྱི་ཚོགས་ཀྱི་ཁེ་ཕན། སྤྱི་དམངས་ཀྱི་ཁྲིམས་མཐུན་ཁེ་དབང་སོགས་ལ་གནོད་པའི་ལས་འགུལ་སྤེལ་མི་ཆོག ཅེས་དང་།
དེ་སྔ་བོད་པའི་དགོན་སྡེ་མང་དག་ཅིག་གི་སྒྲིལ་སྲོལ་འཐུས་ཚང་མིན་པ་དང་། གང་འདོད་དུ་དགོན་པ་རྒྱ་བསྐྱེད་པ། དགོན་པའི་དགེ་རྒན་དང་ལས་སྣེ་ཚོར་རྒྱལ་གཅེས་ཁྲིམས་སྲུང་གི་འདུ་ཤེས་ཆུང་སྟབས། ཕྱི་ནང་གི་ཁ་བྲལ་སྟོབས་ཤུགས་ནང་དུ་འཛུལ་ཏེ། མི་རིགས་མཐུན་སྒྲིལ་དང་མེས་རྒྱལ་གཅིག་རྒྱུར་ལ་གཏོར་བརླག་ཐེབས་བཞིན་ཡོད་པ་དང་། ཏཱ་ལའི་རུ་ཚོགས་ཀྱིས་བོད་ཁུལ་དུ་ཟིང་ཆ་སློང་བ་དང་། ཁ་བྲལ་དུ་གཏོང་བའི་ངན་ཇུས་སྤེལ་བར་གོ་སྐབས་སྐྲུན་བཞིན་ཡོད་སྐོར་སོགས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
གང་ལྟར་ཡང་བོད་ནང་གི་དགོན་པ་ཚོས་བོད་ཀྱི་ཆོས་དང་རིག་གཞུང་གི་རྩ་བ་བརྟན་པོར་བཟུང་ཡོད་པ་འདི་རྒྱ་གཞུང་གི་མིག་ལམ་ལ་ནམ་ཡང་དགྲ་རུ་ལང་ཡོད། དོ་དམ་གྱི་ཡིག་ཆ་དོན་ཚན་བརྒྱ་བཅུ་བ་དང་བདུན་བཅུ་བ་སོགས་ལོ་ལྟར་འོངས་བཞིན་པ་རེད།
བོད་མི་ཚོས་དངོས་གནས་རང་རིགས་གཅེས་འཛིན་དང་རིག་གཞུང་ཡར་རྒྱས་ཕྱོགས་ལ་རང་ནུས་གང་ཡོད་འདོན་དགོས་པའི་དུས་ཞིག་རེད།
ཡང་རྒྱ་ནག་གི་གླེན་རྟགས་ཞིག་སྟོན་འདུག་ཨ། མིའི་བསམ་བློ་སྒྱུར་བཅོས་ནམ་ཡང་བཏང་ཐུབ་ཀྱི་མ་རེད།
དྲ་གྲོགས་བློ་བཟང་མཁས་མཆོག་ལགས་ཀྱིས་བཀྲིས་བདེ་ལེགས་དེ་གང་འདྲ་ཞིག་ཡིན་ནམ་འདི་ནང་དུ་ངའི་ངོས་ལ་བཀྲིས་པའི་བྱ་བ་གང་ཡང་མི་འདུག་ཡིན་ན་ཡང་ཁྱེད་ལ་བཀྲིད་པའི་བྱ་བ་གང་འདུག་གསུང་རོགས་གནང།
དྲ་གྲོགས་ཤིས་རབ་ལགས་ཀྱིས་ཧ་ཧ་གསུངས་ནི་བཞད་དོ་གང་ཡིན་ནམ་འདི་ནི་བཞད་དགོས་པའི་གནས་དོན་ཞིག་མ་རེད་སྙམ་མོ་༼ཏཱ་ལའི་རུ་ཚོགས་ཀྱིས་བོད་ཁུལ་དུ་ཟིང་ཆ་སློང་བ་དང་། ཁ་བྲལ་དུ་གཏོང་བའི་ངན་ཇུས་སྤེལ་བ༽ཟེར་བའི་ཁུང་མེད་སྨྱོ་བརྫུན་འདི་ལ་གཞུང་ཕྱོགས་ནས་ལན་སྐབས་ཐོག་ལ་རྒྱབ་དགོས་པ་མཐོང་ཡང་དེ་འདྲ་གེ་ཐོས་མ་བྱུང།
ཧཧ་ད་ཡིན་ན་ཡང
འདིའི་རྒྱུ་རྐྱེན་ཡང་ངས་བལྟས་ན་བླ་མ་རང་མཐོང་ཅན་དང་། གྲྭ་པ་རང་བརློམ་ཅན་དག་ལ་ཐུག་འདུག བླ་མ་དྲན་མགོ་རྒོད་མདོག་གིས་འདིར་ཡོངས་གྲགས་ཐེ་གཏོགས་བྱེད་པ་དང་། གྲྭ་པ་གླེན་ཕྲུག་དག་གིས་ཀྱང་དམ་ཚིག་གཙང་མདོག་གིས་བཀའ་བཞིན་སྒྲུབ་ཀྱིན་ཡོད་མདོག་གི་ཁྱབ་བསྒྲགས་བྱས་རྒྱའི་མིག་ལ་འཚེར་བ་རེད། དེ་ལས་ང་ཚོ་ཚང་མས་འཇིག་རྟེན་ཆོས་བརྒྱད་ཀྱིས་དབང་དུ་མ་སོང་བར་རང་ས་ནས་ཆོས་མཐུན་གྱི་ལས་ཀ་བྱས་ན་འདོད་དོན་འགྲུབ་ངེས་རེད།
བློ་བཟང་མཁས་མཆོག་ལགས།
བཀྲིས་པའི་གཏམ་བཟང་མེད་ས་ནས་ བཀྲིས་བདེ་ལེགས་ཞུས་པ་ཡང་དགོད་སྤྲོ་པའི་ཚིག་དུམ་ཞིག་མ་རེད་དམ
རྣམ་པ་ཚོ་ཚང་མ་ལ་བཀྲ་ཤིས་བདེ་ལེགས་གྲངས་མེད་ཞུ་བཞིན་ཡོད།
མཚམས་རེ་རྒྱ་གུང་ཁྲན་འདི་སྙིང་རྗེ། མིའི་སྙིང་སྟོབས་ཟེར་བ་འདི་དྲག་ཆས་ཀྱི་འགོག་མི་ཐུབ་པ་ཡང་ཤེས་ཀྱིན་མི་འདུག
ཡ་ཡ་ད་དུང་དགོན་པ་རེའི་མཐའ་ལྕགས་རིས་བསྐོར་དེ་དམགས་མིའི་སྲུང་་་་གནམ་ནས་གནམ་དམགས་གིས་སྲུང་ན་ད་བཟོད་ཅུང་བློ་བདེ་རྒྱུ་རེད་ཡ