ཁ་སང་ཕྱི་ཚེས་ ༡ ཉིན་ངྷ་སྟེང་བོད་ཕྲུག་ཁྱིམ་སྡེ་རུ་བོད་ཁྱིམ་སློབ་ཟུར་རྣམས་ཐེངས་དང་པོར་ལྷན་འཛོམས་དང་མ་འོངས་པའི་ལས་དོན་བྱེད་ཕྱོགས་ཐད་གྲོས་བསྡུར་བྱས་ཡོད།
ཟླ་འདིའི་ཕྱི་ཚེས་ ༡ ཉིན་ངྷ་སྟེང་བོད་ཕྲུག་ཁྱིམ་སྡེ་རུ་ངྷ་སྟེང་དང་ངྷ་ཤོད། སུ་ཇཱ། གྷོ་པལ་པུར། ཅོང་ཏ་ར། ལ་དྭགས། སྦེལ་ཀོབ་སོགས་བོད་ཁྱིམ་སློབ་གྲྭ་ཁག་ནས་སློབ་མཐར་ཕྱིན་པའི་བོད་ཁྱིམ་སློབ་ཟུར་རྣམས་ཐེངས་དང་པོར་ལྷན་འཛོམས་ཚོགས་འདུ་ཚོགས་ཡོད་ལ། ལྷན་འཛོམས་ཚོགས་འདུའི་སྟེང་ད་ལྟ་བཞུགས་སྒར་ཁུལ་དང་ལྷོ་གཞིས་ཁག བལ་ཡུལ། ཡུ་རོབ་ཁུལ་དང་ཨ་རི་སོགས་སུ་གནས་སྡོད་བྱེད་ཀྱིན་པའི་བོད་ཁྱིམ་གྱི་སློབ་ཟུར་ལྔ་བརྒྱ་ ༥༠༠ ལྷག་འཛོམས་ཡོད།
ཉིན་དེའི་སྔ་དྲོར་ངྷ་སྟེང་བོད་ཁྱིམ་སློབ་ཟུར་ཚོགས་པས་གོ་སྒྲིག་འོག ངྷ་སྟེང་བོད་ཁྱིམ་སློབ་གྲྭའི་རྩེད་ཐང་དུ་བོད་ཁྱིམ་ལགས་ཐུགས་རྗེ་ཆེ་ཞེས་པའི་ངྷ་ས་ཉེ་ཁུལ་གྱི་བོད་ཁྱིམ་སློབ་ཟུར་ཁག་གི་བུ་དང་བུ་མོའི་ལག་རྩེད་སྤོ་ལོའི་རྩེད་འགྲན་ལས། མཇུག་མཐའི་རྟིང་རྩོད་ཀྱི་འགྲན་བསྡུར་བྱས་ཡོད་ལ། བུ་མོའི་རྩེད་འགྲན་དེ་སུ་ཇཱ་བོད་ཁྱིམ་སློབ་ཟུར་དང་མེག་གྷན་བོད་ཁྱིམ་སློབ་ཟུར་གཉིས་ཀྱིས་འགྲན་བསྡུར་བྱས་ཏེ། མཇུག་མཐར་སུ་ཇཱ་སློབ་ཟུར་གྱི་སྐར་གྲངས་ ༡༩ དང་མེག་གྷན་སློབ་ཟུར་གྱི་སྐར་གྲངས་ ༡༧ བཅས་བླངས་ཏེ་སུ་ཇཱ་སློབ་ཟུར་ལ་ཨང་དང་པོ་ཐོབ་པ་དང་། བུའི་རྩེད་འགྲན་སྐབས་གྷོ་པལ་པུར་སློབ་ཟུར་དང་མེག་གྷན་སློབ་ཟུར་གཉིས་བར་རྩེད་འགྲན་བྱས་ཏེ། གྷོ་པལ་པུར་གྱིས་སྐར་གྲངས་ ༣༢ དང་མེག་གྷན་གྱིས་སྐར་གྲངས་ ༢༧ བཅས་བླངས་ཏེ་གྷོ་པལ་པུར་ལ་ཨང་དང་པོ་ཐོབ་ཡོད།
ཉིན་རྒྱབ་སློབ་ཟུར་རྣམས་བདེ་སྐྱིད་ཚེ་རིང་ཚོགས་ཁང་དུ་ལྷན་འཛོམས་ཐོག ཨ་མ་རྗེ་བཙུན་པདྨ་མཆོག་ཕེབས་ཏེ་བཀའ་སློབ་གསུང་བཤད་གནང་ཡོད་ལ། སྐབས་དེར་ཨ་མ་མཆོག་གིས་སློབ་ཟུར་རྣམས་ལ་སློབ་ཟུར་ཚོགས་པ་འདི་ལྟ་བུ་ཞིག་དགོས་ཀྱི་འདུག་ཅེས་སྔོན་མ་ནས་ཞུས་བསྡད་ཡོད་ནའང་། སློབ་ཟུར་ཚོགས་པ་རེད་ཟེར་བ་ཙམ་གཙོ་བོ་མིན་པར་གཙོ་བོ་བོད་སྤྱིའི་དོན་དུ་ལས་འགུལ་སྤེལ་རྒྱུ་གལ་ཆེན་པོ་རེད་ལ། ཚོགས་པ་འདིའི་ནུས་པ་ཆེ་ཤོས་བོད་སྤྱི་བའི་རྩ་དོན་ཐོག་སྤུངས་ཐུབ་དགོས་ཞེས་དང་། ཡང་ཁོང་གིས་སྤྱིར་མི་སུ་ཡིན་རུང་སོ་སོ་རང་གི་ཁེ་ཕན་དེ་ཨང་དང་པོར་བརྩི་བ་རེད་མོད། རྒྱ་ཆེ་ས་ནས་རང་གི་སྤྱི་ཚོགས་ལ་བསམ་བློ་བཏང་སྟེ། སྤྱི་ཚོགས་ཀྱི་ལས་དོན་ཚགས་ཚུད་པོ་ཡོང་བར་འབད་རྒྱུ་དང་། སྤྱི་ཚོགས་ལ་ཞབས་འདེགས་བསྒྲུབ་ཐུབ་པ་ཞིག་དགོས་རྒྱུ་གལ་ཆེན་པོ་རེད། ཅེས་གསུངས་སོང་།
ཁོང་གིས་ད་དུང་། དེང་སྐབས་བོད་ཁྱིམ་གྱི་སློབ་ཟུར་ཁག་ཅིག་སྤྱི་ཚོགས་ནང་བསླེབས་རྗེས་ཆང་རག་དང་ཐ་མག མྱོས་རྫས་སོགས་སྤྱོད་པ་དང་། མི་གཞན་གྱི་ཅ་ལག་སོགས་རྐུ་འཁྱེར་བྱེད་ཀྱིན་པའི་གནས་ཚུལ་ཡང་ཡོང་གི་ཡོད་སྟབས། བོད་ཁྱིམ་སློབ་ཟུར་རྣམས་ཀྱིས་དེའི་རིགས་ལ་རོགས་རམ་དང་སློབ་གསོ་བརྒྱབ་སྟེ། ཁོང་ཚོས་མ་འོངས་པར་དེ་ལྟ་བུའི་བྱ་སྤྱོད་རིགས་སྤང་ཐུབ་པ་དང་སྤྱི་ཚོགས་ལ་གནོད་གཞིའི་ལས་ཀའི་རིགས་མཚམས་འཇོག་བྱ་ཐུབ་པ་ཞིག་བྱ་རྒྱུར་ཤུགས་རྒྱག་དགོས་ཞེས་དང་། མཇུག་མཐར། བོད་ཁྱིམ་གྱིས་སློབ་ཟུར་སུ་ཡིན་རུང་ཉིན་རེའི་རང་གི་ལས་དོན་ལ་ཤུགས་རྒྱག་རྒྱུ་གལ་ཆེན་པོ་རེད་ལ། ལས་དོན་གང་བྱས་ཀྱང་༸གོང་ས་མཆོག་གི་བཀའ་སློབ་ཕེབས་བསྡད་པ་རྣམས་སེམས་ལ་འཇགས་པ་དང་། ཁོང་གི་གསུང་བཤད་ཁག་དང་ཕྱག་རྩོམ་ཁག་བཀླགས་ཏེ། ངེས་ཤེས་རྙེད་པ་ཞིག་བྱ་རྒྱུ་དེ་བས་ཀྱང་གལ་ཆེན་པོ་རེད་ཅེས་གསུངས་ཡོད།
ལྷན་འཛོམས་དེའི་ཐོག་བརྒྱད་ཅུ་གྱ་གྲངས་ནང་གི་སློབ་ཟུར་ཁག་ཅིག་གིས་ཨ་མ་ལགས་སུ་ད་ལྟའི་བར་བོད་ཕྲུག་ཁྱིམ་སྡེའི་སློབ་མ་རྣམས་རང་གི་བུ་བཞིན་བྱམས་བརྩེས་བསྐྱངས་དང་སྐྱོང་བཞིན་པར། བཀའ་དྲན་རྗེས་དྲན་གྱི་ཚུལ་དུ་དམིགས་བསལ་གཟེངས་རྟགས་ཤིག་ཕུལ་ཡོད་ལ། ཡང་སློབ་ཟུར་ཡོངས་ཀྱིས་ཨ་མ་ལགས་སུ་མ་འོངས་པར་ཁོང་གི་འཁྲུངས་སྐར་གྱི་ཉིན་མོ་སྲུང་གཙི་ཞུ་རྒྱུ་ཡིན་སྐོར་ཞུས་ཀྱང་། ཨ་མ་ལགས་ཀྱིས་དེ་ལ་རྩ་བ་ནས་ངོས་བཞེས་མེད་པ་མ་ཟད། ད་དུང་ཁོང་གིས། ངའི་འཁྲུངས་སྐར་གྱི་ཉིན་མོ་སྲུང་གཙི་བྱེད་ཀྱིན་ཡོད་ཟེར་ནས་ཐུགས་སྤྲོ་བཏང་སྟེ། འགྲོ་སོང་མང་བོ་ཞིག་གཏོང་བ་དང་སྤྲོ་སྐྱིད་ལ་རོལ་བ་ལས། ཚེས་བཟང་དུས་བཟང་དེ་འདྲར་ས་གནས་གང་སར་ཡོད་པའི་རྒན་གསོ་ཁང་གི་རྒས་འཁོགས་རྣམས་ལ་ཞལ་ལག་འབུལ་བ་དང་ཞབས་ཞུ་བསྒྲུབ་རྒྱུ་གལ་ཆེན་པོ་རེད་ཅེས་ལམ་སྟོན་གནང་སོང་།
ལྷན་འཛོམས་དེའི་རྗེས་སློབ་ཟུར་རྣམས་ཀྱིས་མ་འོངས་པའི་ལས་དོན་བྱེད་ཕྱོགས་སྐོར་ལ་གྲོས་བསྡུར་སྐབས། སློབ་ཟུར་ཁག་ཅིག་གིས་ཨ་མ་ལགས་བོད་ཁྱིམ་གྱི་སློབ་ཟུར་རྣམས་ལ་བཀའ་དྲིན་ཆེན་པོ་ཡིན་སྟབས། མ་འོངས་པར་བཀའ་དྲིན་རྗེས་དྲན་གྱི་ཆེད་དུ་ངེས་པར་དུ། ལས་དོན་ཞིག་བསྒྲུབ་དགོས་ཀྱི་འདུག ཅེས་བསམ་ཚུལ་ཤུགས་ཆེར་བསླེབས་པ་ལྟར། མཐའ་མར་ཚོགས་ཐོག་དེར་ཞུགས་པའི་སློབ་ཟུར་རྣམས་ཀྱིས་ཧིན་སྒོར་ ༡༧༡༤༧ དང་བལ་སྒོར་ ༥༠༠། ཨ་སྒོར་ ༡༠ དང་ཡུ་རོབ་ ༥ བཅས་བསྡུ་རུབ་བྱས་ཏེ། ཨ་མ་ལགས་ཀྱི་དགེ་རྩ་ཚོགས་པ་འཛུགས་གཏན་འཁེལ་ཡོད།
ངྷ་ས་བོད་ཁྱིམ་སློབ་ཟུར་ཚོགས་པའི་ཚོགས་མི་བསོད་ནམས་དབང་འདུས་ལགས་ཀྱིས། ཨ་མ་ལགས་ཀྱི་ཐེབས་རྩ་འཛུགས་རྒྱུ་དེ་དམིགས་ཡུལ་གཙོ་བོ་མིན་པར། སྐྱོབ་གསོའི་མ་དངུལ་བསྡུ་རྒྱུ་དེ་རེད་ལ། ཨ་མ་ལགས་ཀྱིས་ཁོང་གི་འཁྲུངས་སྐར་སྲུང་གཙི་ལས་རྒས་འཁོགས་དང་ཉམས་ཐག་ལ་རོགས་སྐྱོར་བྱ་དགོས་པ་རེད་གསུངས་པ་ལྟར། སྐྱོབ་གསོའི་མ་དངུལ་འདིས་མ་འོངས་པར་བོད་ཁྱིམ་ཙམ་མིན་པར། བོད་མིའི་སྤྱི་ཚོགས་ནང་གང་ཞིག་ཏུ་ཁ་ཡོད་ལག་ཡོད་ཀྱི་རོགས་སྐྱོར་བྱ་དགོས་ན། དེ་རུ་འགྲོ་གྲོན་གཏོང་རྒྱུའི་དམིགས་འདུན་ཡོད་ཅེས་འདི་གའི་གསར་འགོད་པར་བརྗོེད་བྱུང་།
གསར་འགོད་པ། ཨ་རིག་འགྱུར་མེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ྲྲྲྲངའི་མི་ཚེའི་དགའ་སྐྱོ་འདྲེ་མ་ལ་་ཆེས་ཐུགས་ཁུར་གནང་བའི་དྲིན་ཆེན་ཨ་མ་ལས་ལྷག་བའི་བྱམས་བརྩེ་དང་སྙིང་ཉེ་བའི་བྱམས་ལྡན་ལེགས་ཁྱེད་ལ་ཚེ་རིང་ནད་མེད་ཡོངས་བར་སྨོན་།་
ཉེ་དུས་ངོས་ནས་བོད་ཁྱིམ་སློབ་ཕྲུག་རྙིང་པ་ཁག་ཅིག་སྐད་ཆ་བཤད་པའི་བརྙན་འཕྲིན་ཞིག་མཐོང་བྱུང་བ།་ཁོང་ཚོའི་བོད་སྐད་ནི་བོད་མདོ་དབུས་ཁམས་གསུམ་གང་ལ་མ་ཚུད་པའི་སྐད་ཆ་ཤོད་སྟངས་ཧ་ཅང་གི་སྐྱོ་པོ་འདུག་་་ཁོ་ཚོ་མི་རྒན་ཆགས་ཟིན་ཏེ་སྤྱི་ཚོགས་མི་འདྲ་བའི་ནང་ལས་འགན་ཡོད་པ་ཤ་སྟག་ཡིན་གྱི་རེད།
ཁོང་ཚོ་སོ་སོའི་སྐད་ཆ་ཤོད་སྟངས་ཐབས་སྡུག་དེ་འདྲ་ཞིག་ཤོད་ཀྱི་ཡོད་ན།་རང་ཉིད་ཀྱི་ཕྲུ་གུ་ལ་བོད་སྐད་ག་འདྲ་སློབ་ཀྱི་ཡོད་དམ་བསམ་པའི་བློ་ཕམ་དང་སྐྱོ་གདུང་དྲག་པོ་བྱུང།་བཙན་བྱོལ་ནང་འཚར་ལོངས་བྱུང་བཞིན་པའི་གཞོན་སྐྱེས་ཚོའི་བོད་སྐད་རྒྱབ་སྟངས་ལ་ཁྱེད་རྣམ་པས་དོ་་སྣང་བྱུང་ཡོད་ཀྱི་རེད།་བསམ་ཚུལ་ཡོད་ན་འདོན་པར་ཞུ།་
ཨ་མ་ལགས། བོད་གངས་ཅན་རྣམས་ཀྱི་ཆེད་དུ་སྐུ་ཚེ་བརྟན་པར་ཤོག ཁྱེད་ཀྱི་ལོ་ཟླ་རེ་རེའི་ནང་གི་མཛད་འཕྲིན་ལ་ངེད་བོད་གངས་ཅན་རྣམས་ཀྱི་རྗེས་སུ་ཡི་རང་བྱེད་བཞིན་ཡོད། མ་འོངས་པར་ཡང་ཁྱེད་ཀྱི་མཛད་འཕྲིན་གྱི་ཉི་མའི་འོད་ཟེར་ཕྱོགས་བཅུར་རྒྱས་ངེས་ཡིན་ལ། ཁྱེད་ཀྱི་བཀའ་དྲིན་ཡང་བོད་མི་རིགས་ཀྱི་ལོ་རྒྱུས་ནང་བརྗེད་མི་སྲིད་པ་ཞིག་རེད། ད་དུང་ཁྱེད་ཀྱིས་ང་ཚོའི་རེ་བ་ལྟར་སྐུ་ཚེ་ཡུན་དུ་བརྟན་དགོས། ང་ཚོས་ཀྱང་ཁྱེད་ཀྱི་ཆེད་དུ་སྨོན་ལམ་དང་ཁྱེད་ཀྱིས་ལམ་སྟོན་ཐོག་ལ་འབད་བརྩོན་བྱེད་ངེས།
ཨ་མ་ལགས་ཐུགས་རྗེ་ཆེ། བོད་ཕྲུག་ཁྱིམ་སྡེ་ལགས་ཧུར་བརྩོན་གྱིས།
ཨ་མ་རྗེ་བཙུན་པད་མར་ཐུགས་རྗེ་ཆེ་ཞུ་འོས་པ་ཞིག་ཡིན་མོད། བོད་ཀྱི་གོམས་གཤིས་དང་། སྐད་ཡིག་ལ་མཐོང་མེད་པ་དེ་སེམས་སྐྱོ་དགོས་པ་ཞིག་རེད། བོད་ནང་སློབ་ཚན་ཚང་མ་བོད་ཡིག་ཐོག་སྦྱང་རྒྱུའི་གོ་སྐབས་མ་རག་པར། རྒྱ་ནག་གཞུང་ལ་ངོ་རྒོལ་བྱེད་ཀྱི་ཡོད་པ་རེད། དེ་བཞིན་བོད་ནང་ནས་སློབ་མ་མང་པོ་ཞིག་རྒྱ་གར་དུ་ཡོང་བ་དང་། ཚང་མ་བོད་ཁྱིམ་སློབ་གྲྭར་གཏོང་གི་ཡོད་པ་རེད་མོད། བོད་ཀྱི་སྐད་ཡིག་ལ་དོ་སྣང་མ་བྱས་པར། བོད་གཞུང་གི་ཤེས་ཡོན་སྲིད་ཇུས་ལག་བསྟར་མི་བྱེད་པ་འདི་ཐབས་སྐྱོ་པོ་རེད།
ད་ཐེངས་བོད་ཁྱིམ་བཙུགས་ནས་ལོ་ལྔ་བཅུ་འཁོར་བ་དང། བོད་ཡིག་བོད་སྐད་ཀྱི་བརྒྱ་ཆ་༥༠ བརྗེད་པའི་དུས་དྲན་ལྟ་བུ་ཞིག་རེད།
སློབ་ཕྲུག་ཁོ་རང་ཚོའི་ངོས་ནས་བྱས་པ་ཤེས་ཤིང་དྲིན་དུ་གཟོ་ཤེས་ན་ཡག་པོ་རེད། ཡིན་ན་ཡང་བོད་ཁྱིམ་འདི་ལ་ཡར་རྒྱས་མང་པོ་ཞིག་གཏོང་དགོས་པ་དངོས་ཡོད་རེད། བསམ་བློ་གཏོང་སྟངས་ཤིག་གིས་མཚམས་མཚམས་རེར་བོད་ཀྱི་རིག་གཞུང་གཏོར་བཤིག་གཏོང་མཁན་ཡོད་ན་མེད་ན་དེ་རེད་སྙམ་པའི་ལོག་ལྟ་རེ་ཡང་སྐྱེས་ཡོང་གིན་འདུག གང་ལྟར་ཡང་བོད་ཁྱིམ་འདི་ལོ་རྒྱུས་ཀྱི་སྟེང་གི་ནག་ཉེས་འཁུར་མི་དགོས་མཁན་ཞིག་ཏུ་འགྱུར་བའི་རེ་བ་ཡོད།
བོད་ཁྱིམ་སློབ་གྲ་ཐོན་ནས་བཀའ་བློན་ཁྲི་པ་བྱེད་ཐུབ་མཁན་སུ་ཡོད་དམ་།
ཡོད་ན་ངོ་སྤྲོད་ཞིག་གནང་དང
བོད་ཁྱིམ་སློབ་ཟུར་བ་རྣམས་ལྷན་འཛོམས་ཀྱིས་ཨ་མ་རྗེ་བཙུན་པད་མ་ལགས་སུ་བཀའ་དྲིན་རྗེས་དྲན་གྱི་གཟེངས་རྟགས་ཕུལ་བ་དངོས་གནས་ཡག་པོ་རེད། ཨ་མ་ལགས་ཀྱིས་མི་ཚེ་གང་པོ་བོད་ཕྲུག་སྤྱི་དང་། ལྷག་པར་བོད་ཁྱིམ་གྱི་སློབ་ཕྲུག་རྣམས་ཀྱི་ཆེད་དུ་སྐུ་ལས་བསྐྱོན་ཏེ་གྲུབ་འབྲས་མི་དམན་པ་ཞིག་བྱུང་བ་མཐོང་ཆོས་རེད། བོད་ཕྲུག་མང་དག་ཅིག་ལ་སློབ་སྦྱོང་གི་མཐུན་རྐྱེན་གནང་བ་མ་ཟད། བོད་མི་མང་པོ་ཞིག་ཚོགས་པ་དེའི་ནང་ཕྱག་ལས་གནང་བཞིན་ཡོད།
རྐང་གཉིས་འདི་དག་རང་རིགས་ཀྱི་སྲོག་རྩ་གཅོད་བྱེད་ཀྱི་ཀོར་མོ་དག་ལགས་སོ
སྤྱིར་ཨ་མ་ལགས་ལ་བཀའ་དྲིན་རྗེས་དྲན་ཞུ་དགོས་པ་སྨོས་མེད་རེད།
ཡིན་ན་ཡང་ཁྱེད་ཚོས་ལས་སྟངས་ལ་ལྟོས་དང་། བོད་ནང་གི་སློབ་མ་དང་སློབ་ཟུར་ཚོས་ཉེན་ཁ་ཡོད་པ་ཤེས་བཞིན་དུ་ཁ་སང་དེ་རིང་བོད་ཀྱི་སྐད་ཡིག་གི་ཆེད་དུ་རང་གི་ཡོད་ཚད་བློས་བཏང་ནས་ལས་འགུལ་སྤེལ་བཞིན་པའི་སྐབས་འདིར་ཁྱེད་ཚོས་སྤྲོ་སྐྱིད་ཀྱི་ཚུལ་དུ་རང་གི་བུ་མོ་འཁྲིད་དེ་ལག་རྩེད་སྦོལ་ལོ་རྩིས་པ་དེ་དངོས་གནས་བོད་ནང་གི་སློབ་མ་ཚོས་གོ་སེམས་ལ་ཚོར་ག་འདྲ་ཞིག་སྐྱེས་པ་ཁྱེད་ཚོས་ཚོད་དཔག་བྱས་ཡོད་དམ།
ངས་བསམ་ན་ཨ་ལགས་ཆེད་དུ་ཡིན་ན་ད་ལྟའི་བོད་ནང་གི་སློབ་མའི་ལས་འགུལ་ལ་རྒྱབ་སྐྱོར་གང་བྱས་དགའ་འམ་ཞེས་ཚོགས་འདུ་འཚོགས་ནས་འཆར་གཞི་བཀོད་པ་སོགས་བྱས་ན་དུས་དང་མཐུན་པར་སྙམ།
དེ་ནི་བོད་ཁྱིམ་སློབ་ཟུར་རྣམས་ཀྱིས་བྱེད་འོས་པ་ཞིག་རེད། ཨ་མ་རྗེ་བཙུན་པདྨ་ལགས་ཀྱིས་ཀྱང་གལ་ཆེ་བའི་གསུང་བཤད་གནང་འདུག དགེ་སློབ་ཚང་མར་ཐུགས་རྗེ་ཆེ། བཀའ་དྲིན་རྗེས་དྲན་བྱ་རྒྱུ་ནི་མིའི་རིགས་ཀྱི་རྩ་བའི་བཟང་སྤྱོད་གལ་ཆེན་ཞིག་རེད། དེའི་སྟབས་ཀྱིས་ཨ་མ་ལགས་དང་སློབ་གྲྭའི་བཀའ་དྲིན་དྲན་པ་ལ་བསྔགས་བརྗོད་ཡོད།
འདི་ཚོ་སློབ་ཟུར་ཡིན་ན་བོད་རང་གི་རིག་གཞུང་ཉམས་ཆགས་སུ་འགྲོ་བ་ལ་ཧང་སངས་དོན་མི་འདུག འདི་ནང་ན་རང་གི་རིགས་གནས་ཀྱི་རྨང་གཞི་ཡོད་ས་གཅིག་ཀྱང་མི་འདུག
ད་ཐེངས་པདྨས་མི་ལས་བྱས་འདུག ཅོལ་ཆུང་སློབ་ཟུར་དག་གིས་བསམ་པ་ལྟར་མ་བྱས་པ་དེ་རེད། གང་སར་ཡོད་པའི་རྒན་གསོ་ཁང་གི་རྒས་འཁོགས་རྣམས་ལ་ཞལ་ལག་འབུལ་བ་དང་ཞབས་ཞུ་བསྒྲུབ་རྒྱུ་གལ་ཆེན་པོ་རེདཅེས་ལམ་སྟོན་གནང་བ་སྤྱིར་ཡག་པོ་རེད་དེ། དེ་དུས་བཟང་སྐར་བཟང་ཡིན་དགོས་པ་ཅི།