ཁ་སང་ཕྱི་ཚེས་ ༡༣ རེས་གཟའ་སྤེན་པའི་ཉིན། འབར་མའི་དམངས་གཙོ་ཚོགས་པའི་དབུ་ཁྲིད་ལྕམ་ཨང་སིན་སུའུ་ཀེ་བཟང་བཙོན་ལས་ཀློད་གྲོལ་ཐོབ་ཡོད་འདུག སྐབས་དེར་མོ་རང་གི་རྗེས་འབྲང་བ་མི་སེར་སྟོང་ཕྲག་མང་པོ་ཁོང་མོའི་སྡོད་ཁང་གི་མཐའ་འཁོར་དུ་འཛོམས་ཏེ། དགའ་འབོད་ཤུགས་ཆེན་བྱས་ཡོད་འདུག་ལ། སྐབས་དེར་ཨང་སིན་སུའུ་ཀེ་མཆོག་གིས་ཀྱང་། ང་ཚོས་ད་བར་དཀའ་ལས་བརྒྱབ་པའི་དམིགས་འདུན་དེ་འགྲུབ་ཆེད་ཆིག་སྒྲིལ་ལ་ཤུགས་སྣོན་རྒྱག་རྒྱུ་གལ་ཆེན་ཡིན་ལ། གནད་དོན་གང་འདྲ་ཞིག་ཡིན་རུང་ཁུ་སིམ་པོ་དང་ཞི་ལྷོད་པོའི་ཐོག་བསྒྲུབ་རྒྱུ་གལ་ཆེན་ཡིན། སྐད་ཆ་བཤད་རྒྱུ་དང་ལས་དོན་བསྒྲུབ་རྒྱུའི་དུས་ཚོད་མ་འདྲ་བའི་གནས་སྐབས་ལ་བལྟ་དགོས་པ་རེད། འོན་ཀྱང་ང་ཚོའི་དམིགས་ཡུལ་དེ་མི་མང་མཐུན་ལམ་རྡོག་རྩ་ཆིག་སྒྲིལ་ཁོ་ནའི་ཐོག་འགྲུབ་ཐུབ་པ་ཞིག་ཡིན། ཞེས་བརྗོད་འདུག
ཁ་སང་གཟའ་སྤེན་པའི་ཉིན་གུང་ཙམ་ལ་ནམ་རྒྱུན་འབར་མའི་དམག་དཔུང་གིས་ཨང་སིན་སུའུ་ཀེ་ཡི་སྡོད་ཤག་གི་མཐའ་བསྐོར་ཏེ་བཀག་སྡོམ་བྱས་ཡོད་པ་དེ་ཕྱིར་འཐེན་བྱས་ཡོད་འདུག འོན་ཀྱང་འབར་མ་དྲག་པོའི་གཞུང་གིས་ཁོང་མོ་རྦད་དེ་ཀློད་གྲོལ་བཏང་ཡོད་མེད་ཀྱི་གསལ་བསྒྲགས་གང་ཡང་བྱས་མི་འདུག་ལ། ཨང་སིན་སུའུ་ཀེ་ཡི་ཕྱོགས་གཏོགས་དམངས་གཙོ་ཚོགས་པ་སོགས་ནས་ཀྱང་ཁོང་མོ་ཀློད་གྲོལ་ཐོབ་ཡོད་མེད་ཀྱི་ཁུངས་གནས་གསལ་བོ་འདྲ་ད་སྔ་གསལ་བསྒྲགས་བྱས་མི་འདུག
གོང་གི་གནད་ཚུལ་དེའི་ཐད་༧གོང་ས་མཆོག་གིས་ཉི་ཧོང་གི་གྲོང་ཁྱེར་ཧེ་རོ་ཞཱི་མའི་ནང་གསར་འགོད་པ་ཚོར། ཐེངས་འདིར་ལྕམ་ཨང་སིན་སུའུ་ཀེ་ཁོང་ཀློད་གྲོལ་བཏང་ཡོད་ཚེ་འདི་ནི་ཧ་ཅང་གི་དོན་དག་ཡག་པོ་ཞིག་རེད། འོན་ཀྱང་མོ་རང་བཙོན་གྲོལ་ཐོབ་པ་འདི་ཁོང་མོ་སྒེར་གྱི་དོན་དག་ཅིག་མ་རེད། དམངས་གཙོ་དང་རང་དབང་ལ་འཐབ་རྩོད་གནང་མཁན་འབར་མའི་མི་དམངས་ཡོངས་ལ་རང་དབང་ཐོབ་པ་ཞིག་མཚོན་ཐུབ་ཀྱི་ཡོད་པ་མ་ཟད། འབར་མ་གཞུང་ལའང་རྒྱལ་སྤྱིའི་སྡིངས་ཆའི་སྟེང་ཆེ་མཐོང་ཡོང་གི་རེད། ཅེས་སོགས་གསུངས་འདུག
རྩོམ་པ་པོ་འོད་ཟེར་ལགས་ཡང་ཨང་སིན་སུའུ་ལྟ་བུ་ཞིག་ཡང་བའི་རེ་བ་ཡོད་ལ་ཁོང་ནི་བོད་མི་རིགས་ཀྱི་མིང་དོན་མཚུང་པའི་དཔའ་མོ་ཞིག་ཡིན་པས་ན་གཞོན་ང་ཚོས་དུས་རྟག་ཏུ་སེམས་ཁོང་དུ་ཉར་ཡོད།
དངོས་གནས་གནས་ཚུལ་བཟང་པོ་ཞིག་རེད།་་་་་་་་་་་་་་་་་་
འབར་མའི་དམངས་གཙོ་ཚོགས་པའི་དབུ་ཁྲིད་ལྕམ་ཨང་སིན་སུའུ་ཀེ་བཙོན་ལས་ཀློད་གྲོལ་ཐོབ་པར་དགའ་བསུ་ཞུ། ཟླ་ངོ་ཁ་ཤས་ཞིག་གི་ནང་དུ་ལོ་འདིའི་ནོ་ཝེ་ཞི་བདེའི་གཟེངས་རྟགས་ད་ལྟ་དམར་པོ་གཞུང་གི་བཙོན་འོག་ཏུ་ཡོད་པའི་རྒྱ་རིགས་ལོས་ཞོ་པོ་ལ་ཐོབ་པ་དང་། ལྕམ་ཨང་སིན་སུའི་ཀེ་བཙོན་ལས་ཀློད་གྲོལ་བཏང་བ་སོགས་འགྱུར་བ་འདྲ་མིན་ཞིག་འགྲོ་མུས་སུ་འདུག་པས་གཅིག་བྱས་ན་མི་རིང་བར་དམངས་གཙོ་ཚོགས་པ་དང་རང་དབང་འཐབ་རྩོད་པ་ཡོངས་ལ་བདེ་སྐྱིད་ཀྱི་ཉི་མ་ཞིག་འཆར་ལ་ཉེ་ཡོད་སྲིད།
ནམ་འོག་འདིའི་དཔའ་མོ་ཞིག་བཙོན་འོག་ལས་ཐར་བ་འདི་ཧ་་ཅང་བཀྲ་ཤིས་པ་ཞིག་མ་ཡིན་ནམ། གོང་གི་༧གོང་ས་མཆོག་གིས་གསུང་བ་བཞིན་ཁོ་མོ་དང་ལས་དབང་གཅིག་པའི་མི་དམངས་ཚང་མ་ལ་བློ་སྤོབས་ཅིག་སྐྱེས་འཇུག་ཡོད་རེད།
གོང་གི་པར་དེའི་སྟེང་གི་ཁོ་མོ་ལ་བསྐོར་ཡོད་པའི་མི་དམངས་རྣམས་ཀྱིས་དགའ་བསུ་བྱེད་བཞིན་པའི་རྣམ་འགྱུར་ལས་མཐོང་ཐུབ་གི
འོ་ཡ་ད་འབར་མ་གཞུང་གིས་དངོས་ཡོད་གནས་ཚུལ་ལ་གཟིགས་ནས་ཁོང་ཀློད་གྲོལ་བྱས་པ་ཡིན་ན་ཧ་ཅིང་གི་ཡག་པོ་རེད།
ཡིན་ནའང་རྒྱ་ནག་གཞུང་དང་འབར་མ་གཉིས་གྱིས་སྲིད་དོན་ལ་ཡིད་ཆེས་ཐོབ་ཡ་དེ་ཧ་ཅིང་གི་དཀའ་མོ་རེད་བསམ་གི།
བཀྲིས་བདེ་ལེགས། མི་རིང་བར་བོད་མིའི་འཐབ་རྩོད་ཀྱི་བདེན་མཐའང་རྣམ་པ་འདི་དང་འདྲ་བས་བཀྲ་ཤིས་པའི་གཏམ་འདི་འདྲ་བ་ཞིག་ཤར་ངེས་ཡིན།
འབར་མ་དྲག་པོའི་གཞུང་གིས་ལྕམ་ཨང་སན་སུའུ་ཀེ་གློད་གྲོལ་བཏང་པ་ནི་འཛམ་གླིང་ཞི་བདེ་དང་རང་དབང་ལ་དགའ་བའི་མི་དམངས་ཡོངས་ལ་དགའ་འོས་པའི་དོན་བཟང་ཞིག་རེད། དཔེ་མཚོན་འདི་ལ་ལྟོས་ནས་རྒྱ་ནག་དབང་བསྒྱུར་བས་ཀྱང་ད་ལོའི་ནོ་ཝེའི་ཞི་བདེའི་གཟེངས་རྟགས་ཐོབ་མཁན་རྒྱ་རིགས་ལོས་ཞོ་པོ་བཙོན་གྲོལ་གཏོང་ཐུབ་ན་རྒྱ་ནག་སྲིད་གཞུང་ལ་རྒྱལ་སྤྱིའི་སྟེང་ནས་ལྟ་སྟངས་བཟང་དུ་འགྲོ་རྒྱུ་མ་ཟད། རྒྱལ་སྤྱིའི་སྟེང་ནས་ཡིད་ཆེས་རྙེད་མཁན་ཇེ་མང་དུ་འགྲོ་རྒྱུ་རེད།
༧གོང་ས་མཆོག་གི་གསུང་དེ་འདྲ་གནང་ཡོད་པ་ཡིན་ན་དེ་ནི་རེ་བ་ཡིན་པའི་དགོངས་འགྲེལ་བྱེད་དགོས་འཁེལ་གྱི་རེད། དེ་མིན་ལྕམ་ཨང་སིན་སུའུ་ཀེ་གློད་གྲོལ་གྱིས་འབར་མའི་དམངས་གཙོ་ལ་གནས་སྐབས་འགྱུར་བ་ཅི་ཡང་འགྲོ་གི་མ་རེད་བསམ་གྱི་འདུག ལྷག་པར་དུ་འབར་མའི་ནང་དུ་དམངས་གཙོ་བཤད་མཁན་ལ་འཛམ་གླིང་ནང་མངོན་གསལ་དོད་པའི་གྲགས་འགུལ་མི་ཆུང་བ་ཡོད་ཀྱང་། འབར་མ་བ་བརྒྱ་ཆ་མི་ཉུང་བ་ཞིག་གིས་དེང་གི་སྲིད་བྱུས་ཐད་རྣམ་འགྱུར་བསྟན་མེད་པར་བཤད་ཆོག