ཟླ་འདིའི་ཕྱི་ཚེས་ ༡༢ ནས་བོད་ལྷོ་ཁ་ས་ཁུལ་གྱི་ཡར་ཀླུང་གཙང་པོར་རྒྱ་གཞུང་གིས་ཆུ་མཛོད་ཆེན་པོ་ཞིག་རྒྱག་མགོ་བརྩམས་ཡོད་པ་དང་། དེ་ནི་བོད་ཁུལ་གྱི་གློག་ཁང་ཆེ་ཤོས་ཀྱི་ལས་འཆར་ཞིག་ཡིན་ཞིང་། ༢༠༡༤ ལོའི་བར་ལས་གཞི་འདི་ཡོངས་སུ་ལེགས་འགྲུབ་བྱ་འཆར་ཡོད་འདུག ཆུ་མཛོད་འདི་བོད་ནང་གི་ཆུ་མཛོད་ཆེ་ཤོས་དེ་ཆགས་རྒྱུ་ཡིན་ཞིང་། ད་སྔ་བརྒྱབ་ཟིན་པའི་ཆུ་མཛོད་ཁག་ལས་ཆེ་ཤོས་ཀྱི་གློག་གི་བཀོལ་ཚད་ས་ཡ་མ་(megawatts) ༡༠༠ ལས་བརྒལ་མེད་ཀྱང་། ཐེངས་འདིའི་ཆུ་མཛོད་དེའི་གློག་གི་བཀོལ་ཚད་ས་ཡ་མ་ ༥༡༠ ཙམ་འདོན་ཐུབ་པ་ཞིག་རྒྱག་འཆར་ཡོད་འདུག དེའི་འཛུགས་སྐྲུན་ཐད་རྒྱ་སྒོར་ཐེར་འབུམ་ ༧་༩ ལྷག་གི་འགྲོ་སོང་གཏོང་གི་ཡོད་ཅིང་། ཆུ་མཛོད་འདི་གཙོ་བོ་བོད་དང་རྒྱ་ནག་གི་གློག་ཤུགས་ཐོན་སྐྱེད་ཀྱི་དཀའ་ངལ་སེལ་ཆེད་རྒྱུར་དམིགས་པ་ཡིན་སྐོར་རྒྱ་ནག་ཉིན་རེའི་ཚགས་པར་སྟེང་བཀོད་ཡོད་འདུག
རྒྱ་གཞུང་གིས་ཆུ་མཛོད་འདི་གློག་ཁང་ཁོ་ནའི་ཆེད་ཡིན་པ་ལས་ཡར་ཀླུང་གཙང་པོ་ཁ་བསྒྱུར་རྩིས་མིན་སྐོར་ཡང་གསལ་བཤད་བྱས་འདུག་ལ། གློག་ཁང་ཆུ་མཛོད་དེ་ལྷ་ས་ནས་སྤྱི་ལེ་ ༣༢༥ ཙམ་གྱི་སར་རྒྱག་གི་ཡོད་ཅིང་། ལོ་རེའི་ཆ་སྙོམས་གློག་ཤུགས་ཝཱ་ཐེར་འབུམ་ཆིག་སྟོང་ ༢་༥ ( 2.5 billion kilowatt hours) ལྷག་མཁོ་གཏོང་བྱེད་ཐུབ་པར་ཚོད་དཔག་བྱེད་ཀྱི་ཡོད་འདུག
གསར་འགོད་པ། བནྡེ་སྐྱབས།
རྒྱ་ནག་གཞུང་གི་ཡར་ཀླུང་གཙང་པོ་གསུང་སྐྱོབ་བྱེད་དང་དོར་ཤིག་གང་བྱེད་ཧ་མི་གོ་
ཅིག་བཟོ་ནི་ཟོ་གི་ཡོད་འདུག་ང་ཚོ་བོད་པར་ཕན་ཞིག་ཡོང་བ་ཤོག
ཡང་རྒྱ་ནག་གིས་ག་རི་དྲན་ཡོད་ན།
རྒྱ་ནག་གི་ཕྱོགས་ནས་ཕར་སྐད་ཆ་དྲིས་མེད་པར་རང་འགུལ་གྱིས་ཡར་ཀླུང་གཙང་པོ་ཁ་བསྒྱུར་རྩིས་མིན་སྐོར་བཤད་པ་དེ། ཁོར་ཡུག་གི་ཐོག་ནས་ཁོ་རང་ཚོའི་ནག་ཉེས་ཤིག་སྦ་ཐབས་བྱེད་ཀྱི་ཡོད་པ་གསལ་པོ་ཆགས་འདུག མ་རེད་པས།
འོ་ཡ་ད་ཡིན་ན་རྒྱ་ནག་གཞུང་གིས་ཡར་ཀླུང་གཙང་པོ་བཀག་ཡ་ཡིན་པ་འདྲ་།།
དགྱ་ནག་ཚང་ལ་བཀའ་དྲིན་ཆེ་ཞུ་རྒྱུ་ཡིན།