བོད་ལུཊ་རླུང་འཕྲིན་འཕྲུལ་ཆས།

རྭ་བློ་ལགས། སྤྱི་ཚོགས་ནི་མི་མང་གི་རེད། སྤྱི་ཚོགས་ཀྱི་གནད་དང་ལེགས་མཐའ་དག་སྤྱི་ཚོགས་དེའི་མི་མང་གིས་གླེང་ཞིང་བརྡར་ཤ་གཅོད་པའི་ཐོབ་ཐང་ཡོད་ནི་རེད། གནད་དོན་ལ་མཛུབ་མོ་བཙུགས་ནས་སྐད་ཆ་བཤད་རོགས། གང་བྱུང་བྱོ་སྡིག་མ་བྱེད། སྒྲ་སྡུད་འཁོར་ལོ་ཞིག་གའུ་གཟུགས་སུ་བཟོས་ཤིང་། དེའི་ནང་ལ་གཟུངས་བཞུགས་ཕུལ་ཏེ་ཁྱོད་ཀྱི་ལག་ཏུ་བཞག་ན། ཁྱོས་དེ་དད་རྟེན་གྱི་དངོས་བོ་ཞིག་ལ་ངོས་འཛིན་བྱེད་དམ། ཡང་ན། ཅི་དགར་སྤྱོད་ཆོག་ལ་གང་སར་གཡུགས་ཆོག་པའི་ཅ་དངོས་ཕལ་བ་ཞིག་ཏུ་ངོས་འཛིན་བྱེད་རྒྱུ་ཡིན། མ་གཞི་མི་རིགས་ཤིག་རང་རྐྱ་ཐུབ་པའི་སྒོ་ནས་ཡར་རྒྱས་སུ་འགྲོ་ཐུབ་མིན་དེ། མི་རིགས་རང་ཉིད་ཀྱི་སྤྱི་ཚོགས་ཀྱི་འཕེལ་རྒྱས་དེ་མི་རིགས་རང་གི་རྣམ་དཔྱོད་ལ་བརྟེན་རྒྱུ་དང་། མི་རིགས་སྤྱི་ཚོགས་ཀྱི་མཁོ་དངོས་རྣམས་རང་གི་ལག་པས་བཟོ་ཐུབ་པ་ཞིག་བྱུང་རྒྱུ་དེ་ཡིན་པས་ལས། མི་རིགས་རང་གི་དགའ་མོས་དང་དད་འདུན་སོགས་གཞན་གྱི་སྒོ་མོ་བསོགས་བྱེད་དུ་འགྱུར་རྒྱུ་དེ་མ་རེད་བསམ་གི།
ད་དུང་། གསལ་བཤད་ཞུ་འདོད་པ་ཞིག་ལ། ངས་རེ་བར་རང་སྣང་གང་ཤར་གྱིས་གཞན་ལ་ཁ་རྡུང་གཏོང་འདོད་ཀྱི་སྣ་མགོའི་སྣང་བ་དག་གང་འདོད་མ་གཡུགས་རོགས་ཞུ།

“རྨོངས་ཤིང་རྙིང་ཞེན་ཆེ་བའི་རྒན་པོ་རྒན་མོ་རེ་འགས་ནི། སྒྲ་སྡུད་འཕྲུལ་ཆས་དེའི་དབྱིབས་ཙམ་བཟུང་སྟེ་ཕྱག་འཚལ་བ་དང་། དེའི་ནང་ནས་ཅི་བཤད་ཚང་མ་བླ་མའི་གསུང་དུ་བརྩིས་ནས་དད་པའི་ཡུལ་དུ་མི་སྒོམ་པའི་ངེས་པའང་མེད་པས། ” ཞེས་ཟེར། འདི་ནི་ཧ་ཅང་ཐལ་མ་ཆེས་སམ། ང་ཚོའི་གཞོན་རབས་སམ་ཡང་ན་སྙུ་གུས་ཅི་ཞིག་འབྲི་བཞིན་པ་ཕལ་མོ་ཆེར་ཐུན་མོང་དུ་མངའ་བའི་ཁྱད་ཆོས་ཤིག་ནི། རང་ཉིད་ཀུན་མཁྱེན་དུ་རློམ་པ་དང་། གཞན་དག་གི་སྒོ་གསུམ་ནི་དོན་མེད་པ་ཞིག་ཏུ་སེམས་ཤིང་སྒྲོག་པ་འདི་རེད། ཐེངས་འདིའི་བོད་ལུགས་ཅ་ལག་འདིའི་ཐོག་ནས་ཀྱང་ཁ་མང་ལག་མེད་ཚོས་མང་པོ་ཞིག་བཤད་སོང་མོད། ཉལ་འདང་ལག་པ་བྲག་ཐོག་བཞག་ནས་རང་ལ་རྒྱུས་ཅུང་ཙམ་རེ་ཨེ་ལོན་ལྟོས་དང་ལེགས་ཉེས་ཀྱི་གསལ་ཁ་དེ་ནས་ཕྱེ་གི་རེད། སྤྱིར་བཏང་། ཅ་ལག་འདི་འདྲ་ཞིག་བྱུང་ན་འདྲ། མ་བྱུང་ན་འདྲ། སྐོར་ཞིག་ཧ་ཅང་རྨོངས་ཤིང་འཐོམ་ལ། སྐོར་ཞིག་ལྷག་ཏུ་སྤྱང་གྲུང་འཛོམས་ངེས་པ་ནི་ཆོས་ཉིད་ལྟ་བུ་ཞིག་རེད། དཔེར་ན། རང་རེའི་དྲ་ཐོག་དང་དེབ་ནང་གི་རྩོམ་འབྲི་བ་ཚོས་དུས་ནམ་ཡང་། རང་ལ་མི་ལྟ་རོགས་གཏམ་རྐྱང་རྐྱང་བཤད་པར་འཚེར་སྣང་ཙམ་ཡང་མེད་པ་ལྟ་བུ་རེད།

ཆོས་འཁོར་དང་མ་ཎིའི་ཁོག་ནས་རྒྱལ་གཅེས་ཆོས་དང་ཏང་གི་སློབ་གསོ་གྲགས་ན་དགོད་བགྱི་ཡོང་གི་ཡ། ཚོང་པ་ཧེ་སྐྱ་ཞིག་གི་བྱ་རེད།

དབྱིན་མིང་ཅན།
བོད་ཡིག་དྲ་བ་འདིར་བོད་པ་ཞིག་གིས་རང་གི་མིང་དེ་བོད་ཡིག་ཐོག་མི་འབྲི་བ་དེ་ཡང་སེམས་པ་སྐྱོ་དགོས་པ་ཞིག་རེད་དྭ། གཞན་སྤྱི་མཐུས་ནས་བཟུང་སྟེ་མ་ཤེས་རབ་དང་མ་བྱུང་རབ་རྐྱང་རྐྱང་བཤད་ན་ཕན་པ་གང་ཡང་མེད་རང་ཉིད་ནས་མགོ་རྩམ་དགོས་རྒྱུ་ནི་དུས་ལ་བབ་པའི་འོས་འགན་ནོ།

ང་ཚོ་རང་དབང་ལུང་བའི་ནང་ཡོད་པའི་བོད་མི་ཚོས་ལྟོས་དང་གཞིས་སྡོད་མི་མང་གིས་སེམས་ཤུགས་སྙིང་སྟོབས་སྤོབས་པ་འདིས་མི་ལོ་ལྔ་བཅུའའི་རིང་ལ་འཐབ་རྩོད་གནང་བའི་བཀའ་དྲིན་ལ་བོད་མི་རིགས་འདི་གནས་ཐུབ་བྱུང་ཡོད། ངོ་ཚ་དགོས་པ་ཞིག་ལ་རང་དབང་ལུང་བའི་ནང་གི་ང་ཚོའི་འགོ་སྤྱི་འཐུས་ནས་བཟུང་རང་དགའ་གཉེན་སྡུག་གི་ཕྱོགས་སུ་ལྷུང་ནས་དུས་ནས་དུས་སུ་ངའི་ཁ་་་་་ཁྱོའི་རྣ་་་་་་ཟེར་ནས་འཐབ་རྩོད་བྱེད་པ་ལས་ལྷག་བསམ་རྣམ་དག་གིས་་རྩ་དོན་ལ་ཕན་པའི་ལས་ཀ་བྱེད་མཁན་སུ་སུ་ཡོད། གཞན་མཚོ་སྔོན་བོད་སྐད་རླུང་འཕྲིན་ལས་ཁུངས་ཀྱི་ཕྱག་ལས་གོང་འཕེལ་ཡོང་བའི་སྨོན་འདུན་དང་ཐུགས་རྗེ་ཆེ་ཞུ།

དངོས་ཉིད་ཡག་པོ་འདུག བོད་ལུགས་ཀྱི་འཛམ་གླིང་དང་འགྲན་དགོས་པ་ཤེས་མཁན་དེ་མདོ་དབུས་ཁམས་གསུམ་ནང་ནས་ཨ་མདོ་ཆགས་སོང་། ལྷ་རྒྱལ་ལོ།