“བོད་མིའི་སྒྲིག་འཛུགས”ལས་འཕྲོས་པའི་བསམ་གཞིཊ་ཐ་ཐུན།

གང་ལྟར། ཕྱོགས་ཡོངས་བལྟས་ན། གཅིག་ནས་བདེན་པ་དང་། གཉིས་ནས་ལོ་རྒྱུས། གསུམ་ནས་འགན་ལེན། བཞི་ནས་མི་མང་གི་མངོན་འདོད། ལྔ་ནས་རྒྱུན་མ་ཆད་པའི་ངོས་འཛིན་སོགས་གང་ལ་གཞིགས་ཀྱང་བསམས་རུང་། དབུས་བོད་མིའི་སྒྲིག་འཛུགས་ལ་བསྒྱུར་མི་རུང་གསལ་གསལ་ཐིང་ཐིང་འདི་རེད་ལགས།

བོད་ཀྱི་བང་ཆེན་ཐོག་ཏུ། བཀའ་ཟུར་བཀྲས་མཐོང་མཆོག་ལ་དྲི་བ་ཁག་ཅིག་བཏོན་ཡོད་པ་ལས་ཟུར་འདོན་བྱས་པ་ཡིན།
དྲི་བ། བཙན་བྱོལ་བོད་གཞུང་ཞེས་པ་བཙན་བྱོལ་བོད་མིའི་གཞུང་གི་སྒྲིག་འཛུགས་ཟེར་བ་དང། རྒྱལ་ཁབ་ཅེས་པ་མི་རིགས་ཞེས་པར་སྒྱུར་རྒྱུའི་འཆར་གཞི་འདུག དེའི་ཐོག་དགོངས་ཚུལ་ག་རེ་ཡོད།
ལན། དེའི་སྐོར་ཚོགས་ཆུང་ནང་དུ་ཡང་གླེང་སློང་ཤུགས་ཆེན་འདུག ང་རང་ཡིན་ནའང་དེ་བརྗེ་པོ་བརྒྱབ་ན་འགྲིག་གི་མ་རེད་བསམ་གྱི་འདུག བརྗེ་པོ་རྒྱག་དགོས་པ་རེད་གསུང་མཁན་ཚོར་རྒྱ་ནག་གཞུང་དང་རྒྱ་གར་གཞུང་གིས་ཅིག་བཤད་ཀྱི་ཡོད་སྐོར་གྱི་འགྲེལ་བཤད་ཡོད་པ་རེད། ཁོང་ཚོས་ག་རེ་ལ་བརྩི་མིན་ཁོ་རང་ཚོའི་ལས་འགན་རེད། ང་ཚོའི་ལས་འགན་དེ་སོ་སོའི་གཞུང་ཡིན་བསམ་ན་སོ་སོས་གཞུང་ཡིན་ཟེར་དགོས་པ་དང་། སོ་སོའི་ལུང་པ་ཡིན་ན་སོ་སོའི་ལུང་པ་རེད་ཅེས་བཤད་དགོས་པ་རེད་བསམ་གྱི་འདུག
དྲི་བ། བོད་ཡིག་ཐོག་བཙན་བྱོལ་བོད་གཞུང་ཞེས་བྲིས་ཡོད་པ་ལས། སྔོན་མ་ནས་དབྱིན་ཡིག་ཐོག་བྲིས་ཡོད་པ་མ་རེད། བོད་ཡིག་གཅིག་པུའི་ཐོག་བཙན་བྱོལ་བོད་གཞུང་ཞེས་བྲིས་པ་ལ་ནུས་པ་ག་ཚོད་ཡོད་ཀྱི་རེད།
ལན། ང་ཚོས་ཡིག་ཆ་ཚང་མ་གཙོ་བོ་བོད་ཡིག་འཇོག་དགོས་པ་རེད། བོད་ཡིག་ཐོག་གཙོ་བོ་ནོར་འཁྲུལ་མེད་པ་འབྲི་དགོས་པ་རེད། དབྱིན་ཡིག་ཐོག་སྔོན་མ་ནས་དབུས་བོད་མིའི་བོད་འཛིན་སྐྱོང་ཞེས་པ་བེད་སྤྱོད་གཏོང་གི་ཡོད་པ་རེད་མོད། ཕྱིའི་གཞུང་དང་ཚོགས་པ་ཁག གསར་འགོད་པ་ཚོས་བཙན་བྱོལ་བོད་གཞུང་ཞེས་བེད་སྤྱོད་བྱེད་རྒྱུ་ཡོད་པ་རེད། ཁོང་ཚོས་བེད་སྤྱོད་གཏོང་གི་ཡོད་ན། ང་རང་ཚོས་དགག་པ་རྒྱག་དགོས་དོན་མི་འདུག ང་ཚོར་དངོས་གནས་དཀའ་ངལ་ཞིག་འཕྲད་ནས། དགག་དགོས་བྱུང་ན། དེའི་མུ་མཐུད་ཨུ་ཚུགས་རྒྱག་དགོས་ཀྱི་འདུག་གམ། བརྗེ་པོ་བརྒྱབ་ན་ཁེ་ཕན་ཆེ་བ་འདུག དེའི་སྐབས་ལྟ་དགོས་པ་རེད། ང་རང་གིས་བལྟས་ན་དཀའ་ངལ་ཅང་མི་འདུག དཀའ་ངལ་མེད་ན་ག་རེ་བྱས་ནས་བརྗེ་པོ་རྒྱག་དགོས་པ་རེད།

སྙན་ངག་པ་དང་དབུས་གཞོན་ནུའི་ཚོགས་གཙོ་ཟུར་པ་ལྷ་བཟང་ཚེ་རིང་གིས།
བསྔོན་མ་ཡིན་ན་ང་ཚོར་མ་འོངས་བོད་ཀྱི་རྩ་ཁྲིམས་ཟེར་པ་ཞིག་ཡོད། ད་ལྟ་ངས་ཡིག་ཆ་འདིར་བལྟས་ཡོང་དུས་བཙན་བྱོལ་བོད་གཞུང་དང་། བཙན་བྱོལ་བོད་མིའི་བཅའ་ཁྲིམས་ཞེས་འཁོད་འདུག གཞུང་འདི་བཙན་བྱོལ་དུ་ཡོད་པའི་བོད་མི་ཙམ་གྱི་གཞུང་རེད་དམ། ཡང་ན་ཆབ་སྲིད་ཀྱི་གཉན་འཕྲང་ཆེ་བའི་དུས་སྐབས་འདིར་བཙུགས་པའི་བོད་མི་ས་ཡ་དྲུག་གི་ངོ་ཚབ་མཚོན་པའི་གཞུང་རེད་དམ། དབྱིན་སྐད་དུ་ ( Is this a government in Exile or Is this a government of Tibetans in Exile? ) གལ་སྲིད་བཙན་བྱོལ་བོད་མི་གཅིག་པུའི་གཞུང་ཡིན་ཚེ། ཉིན་དེ་ནས་ངས་དཔྱ་ཁྲལ་འབུལ་རྒྱུ་མིན། ང་ཚོ་བཙན་བྱོལ་བ་གཅིག་པོར་སྐྱིད་སྡུག་གི་སྒྲིག་འཛུགས་ཤིག་དགོས་དོན་མེད། ཅེས་བརྗོད་སོང་།

རྒྱལ་སྤྱིའི་བོད་རང་དབང་སློབ་ཕྲུག་ཚོགས་པའི་ཚོགས་གཙོ་བསྟན་རྡོར་ལགས་ཀྱིས།
༼ རྒྱལ་སྤྱིའི་འབྲེལ་ལམ་དང་བཅའ་ཁྲིམས ༽ཞེས་པའི་བརྗོད་གཞིའི་ཐོག་གཏམ་བཤད་གནང་དོན། ང་ཚོའི་བཙན་བྱོལ་གྱི་མི་ལོ་ལྔ་བཅུའི་གྲུབ་འབྲས་ཕྱོགས་བསྡོམས་བརྒྱབ་ན། བཙན་བྱོལ་གཞུང་འདི་རེད། འདི་བོད་གཞིེས་བྱེས་གཉིས་ཀྱི་ངོ་ཚབ་མཚོན་པའི་གཞུང་ཞིག་ཡིན་སྟབས། ཐེངས་འདིའི་བཅས་ཁྲིམས་བསྐྱར་བཅོས་ཟིན་བྲིས་ནང་། བཙན་བྱོལ་བོད་གཞུང་གི་མིང་དེ་སྒྲིག་འཛུགས་ཤིག་གི་ཐ་སྙད་ལ་འགྱུར་བ་བཏང་འདུག འདི་ནི་ནམ་ཡང་ང་ཚོས་ཁས་ལེན་ཐབས་མེད་པ་ཞིག་རེད།
ཟིན་བྲིས་ཚོགས་ཆུང་གིས་འགྲེལ་བཤད་ནང་བསྟས་ན། རྒྱུ་མཚན་གསུམ་གྱི་ཐོག་ནས་བཙན་བྱོལ་བོད་གཞུང་གི་མིང་ལ་འགྱུར་བ་བཏང་འདུག དང་པོ། མིང་ལ་འགྱུར་བ་བཏང་པ་ཙམ་ལས་དོན་ལ་འགྱུར་པ་མེད་ཅེས་དང་། གཉིས་པ། རྒྱ་གར་གཞུང་གིས་བསམ་ཚུལ་ཡོང་གི་འདུག་ཟེར་བ། གསུམ་པ། རྒྱ་ནག་གཞུང་གིས་ཁྱེད་ཚོའི་བཅའ་ཁྲིམས་ལ་བལྟས་ཡོང་དུས་རང་བཙན་རྩོད་ཀྱི་འདུག ཁ་བྲལ་རིང་ལུགས་རེད་འདུག ཁ་བྲལ་རིང་ལུགས་པ་དང་མཉམ་དུ་སྐད་ཆ་བཤད་འདོད་མེད་ཟེར་བ་འདི་གསུམ་རེད།
ཚིག་དང་ཐ་སྙད་ཟེར་པ་འདི་ཆབ་སྲིད་དང་ཁྲིམས་ལུགས་གང་གི་ཆ་ནས་ཀྱང་ཧ་ཅང་གནད་འགག་ཅིག་ཆགས་ཡོད་སྟབས། ཐ་སྙད་ལ་འགྱུར་པ་ཐེབས་པ་ལས་དོན་ལ་སྔར་བཞིན་གོ་བ་ལེན་དགོས་ཞེས་པ་འདི་དངོས་ཡོད་དང་མི་མཐུན། གཉིས་པ་དེར་རྒྱ་གར་གཞུང་གིས་བསམ་ཚུལ་བཏོན་པ་ཞིག་ལ་ཁག་འཇོག་གི་འདུག སྤྱིར་བསམ་ཚུལ་བཏོན་ཚད་ལ་འགྱུར་པ་གཏོང་དགོས་དོན་མེད་ལ། ལྷག་པར་དུ་གོམ་པ་གཅིག་ཕྱི་ནུར་བྱ་དགོས་ཟེར་ན། དང་བླང་ཐོག་གོམ་པ་གསུམ་བཞི་ཕྱི་ནུར་བྱ་དགོས་དོན་མེད། གཞན་རྒྱ་ནག་གི་བཤད་པར་ཉན་བསྡད་ན། མི་ཞིག་ལ་མཚོན་ན་ང་ཚོའི་མིག་བཏོན། ཁ་རྣ་བཅད། རྐང་ལག་གཏུབ་རྒྱུ་དེ་རེད། དེ་ལས་ང་ཚོའི་ཕྱོགས་ནས་རྒྱ་ནག་ལ་ཕར་གནོད་ཤུགས་སྤྲོད་ཐབས་བྱས་ཏེ། ཁོང་ཚོས་བསམ་བློ་མི་གཏོང་རང་གཏོང་ཆགས་པ་ཞིག་བཟོ་དགོས་པ་རེད། ཅེས་བརྗོད་འདུག་གོ །

ཐེངས་གཉིས་པའི་བོད་གཞུང་མང་རྒྱལ་ཡོངས་ཚོགས་ཆེན་ཐོག བཅའ་ཁྲིམས་བསྐྱར་བཅོས་བྱེད་སྐབས། བཙན་བྱོལ་བོད་གཞུང་གི་མིང་དེ་སྔར་བཞིན་འཇོག་རྒྱུར་ཚད་མཐོན་པོའི་སྤྱི་མོས་རེད།

རྩོམ་པ་པོ་པདྨ་ཚེ་དབང་ཤཱསྟྲི་ལགས་ཀྱིས།
སྤྱིར་ང་ཚོའི་གཞུང་འདི་ལ་རྒྱལ་སྤྱིའི་ཐོག་ཏུ་ངོས་ལེན་ཡོད་པ་མ་རེད། འོན་ཀྱང་ང་ཚོའི་ངོས་ནས་ཁྲིམས་མཐུན་གྱི་གཞུང་ཞིག་ལ་སྒྲུབ་ཀྱི་ཡོད་པ་རེད་ལ། མི་རིགས་དང་སྐད་ཡིག ས་ཁོངས། བྱུང་རབས་ལོ་རྒྱུས་གང་ཐད་ནས་ང་ཚོ་སྔར་རང་བཙན་གཙང་མའི་རྒྱལ་ཁབ་ཅིག་ཡིན་པ་དང་། ཕྱིས་སུ་རྒྱ་ནག་གི་བཙན་བཟུང་འོག་ཤོར་བ། ངྷ་རམ་ས་ལར་ཡོད་པའི་སྒྲིག་འཛུགས་འདི་བོད་གཞུང་དགའ་ལྡན་ཕོ་བྲང་གི་རྒྱུན་ཡིན་པ་སོགས་གསལ་བོ་རེད་ལ། ཐེངས་འདིར་བོད་གཞུང་དགའ་ལྡན་ཕོ་བྲང་སྒོ་བརྒྱབ་ཀྱང་། བོད་མིའི་ཁྲིམས་མཐུན་གཞུང་གི་རྒྱུན་དེ་བཅད་ཡོད་པ་མ་རེད། བོད་བཙན་པོ་རིམ་བྱུང་ནས་ས་སྐྱ། ཕག་གྲུ། དགའ་ལྡན་ཕོ་བྲང་བཅས་གཞུང་གི་རྒྱུན་དེ་མུ་མཐུད་གནས་ཡོད་པ་རེད། ཐེངས་འདིར་ཡང་༸གོང་ས་མཆོག་གིས་མི་མང་གིས་འོས་འདེམས་བྱས་པའི་མགོ་འཁྲིད་ལ་གཞུང་གི་རྒྱུན་དེ་མར་གནང་བ་རེད་མ་གཏོགས། འོག་ནས་གྱེན་ལངས་བྱས་ཏེ་གཞུང་རྙིང་པ་མགོ་རྟིང་སློག་ནས་གཞུང་གསར་པ་བཙུགས་པ་དེ་འདྲ་མ་རེད། སྤྱིར་དམངས་གཙོའི་གཞུང་ཁག་ལ་མཚོན་ན། ཇི་སྲིད་མི་མང་གི་མངོན་འདོད་གནས་པ་དེ་སྲིད་དུ་གཞུང་གི་རྒྱུན་གནས་ཀྱི་ཡོད་པར་ངོས་འཛིན་གནང་གི་ཡོད།

བོད་མིའི་སྒྲིག་འཛུགས་སུས་བཏགས་པ་རེད།

སྐྱོ་བྲག་དགའ་དབང་།

གཞིས་བྱེས་བོད་མིའི་ཚབ་མཚོན་ཡིན་པའི་བཙན་བྱོལ་བོད་གཞུང་འདི་མིང་བསྒྱུར་གྱིས་བོད་མིའི་སྒྲིག་འཛུགས་ཞེས་བཏགས་པ། ཕར་ལྟས་ཚོད་ལ་ཐེངས་འདིའི་སྒྱུར་བཅོས་ཆེད་འབོད་འགུགས་བྱས་པའི་བོད་གཞུང་དམངས་རྒྱལ་ཡོངས་ཚོགས་ཆེན་ཐེངས་གཉིས་པའི་ཁར་གྲོས་འཆམས་བྱུང་ནས་བཏགས་དགོས་པ་ལྟ་བུར་ཡོད་ནའང་། ཚོགས་ཆེན་ཁར་བཙན་བྱོལ་བོད་གཞུང་རང་འཇགས་འཇོག་རྒྱུར་སྤྱི་མོས་བྱུང་ཡོད། ཁྲིམས་སྲོལ་ལྟར་ན་སྤྱི་འཐུས་གྲོས་ཚོགས་ནས་སྤྱི་མོས་མང་མོས་གང་རུང་གིས་གཏན་ལ་ཕབ་དགོས་པ་ཞིག་ཡིན་ནའང་། ལྷ་སྡེ་གནམ་ལོ་ཡག་གིས། སྤྱི་འཐུས་ཚོགས་གཙོ་སྤེན་པ་ཚེ་རིང་གིས་སྐུ་སྒེར་ཡིག་ཚང་ལ་ཞལ་པར་ཕུལ་བའི་བཀའ་ལན་དུ། སྐུ་སྒེར་ཡིག་ཚང་ནས། བོད་མིའི་སྒྲིག་འཛུགས། ཞེས་གནང་བར་བགྲོ་གླེང་སོགས་བརྒྱུད་རིམ་གཅིག་ཀྱང་མེད་པའི་སྒོ་ནས་གཏན་འཁེལ་བྱས་པར་བཤད་ཅིང་། བོད་ཀྱི་བང་ཆེན་དུ། སྐུ་སྒེར་ཡིག་ཚང་ནས། བོད་མིའི་སྒྲིག་འཛུགས། ཞེས་བསྒྱུར་དགོས་པའི་ཕྱག་ཡིག་བསླེབས་པར་ཆ་འཇོག་བྱས་པར་བཤད།

ཡིན་ནའང་། དེ་དག་ཐོག་མ་མིན་པར། བོད་གཞུང་དམངས་རྒྱལ་ཡོངས་ཚོགས་ཆེན་ཐེངས་གཉིས་པའི་ཁ་ནས་༧གོང་ས་མཆོག་ལ་སྤྱི་མོས་ཀྱིས་ཕུལ་བའི་ཞུ་ཡིག་ནང་། བོད་མིའི་སྒྲིག་འཛུགས་རྒྱུན་གནས་ཡོང་ཐབས། ཞེས་གསལ་བ་མ་ཟད། གོང་ས་མཆོག་གིས། སྤྱི་འཐུས་གྲོས་ཚོགས་སུ་བསྩལ་བའི་བཀའ་ཡིག་ནང་དུའང་། བཙན་བྱོལ་བོད་མིའི་སྒྲིག་འཛུགས་འདི་རྒྱུན་གནས་ཐུབ་པ་དང་། ཞེས་བཀོད་གནང་འདུག །དེ་ལྟར་ན་ཡང་སྙིང་བོད་མིའི་སྒྲིག་འཛུགས་ཞེས་པའི་མིང་འདི་གང་ཟག་སུ་ཞིག་གིས་བཏགས་པ་རེད།

ཁ་བརྡ་དྲ་རྒྱ་ལས་བཤུས་འགོད་བྱས་པ་ཡིན།

བསམ་ཆར་ཚིག་ཁ་ཤས་ཅིག་བྲིས་སྙིང་འདོད། གོང་ས་སྐྱབས་མགོན་ཐམས་ཅད་མཁྱེན་ཅིང་གཟིགས་པ་ཆེན་པོའི་ཐུགས་ཁུར་དང་། རྣམ་དཔྱོད། ཆོས་ལུགས་དང་། ཆབ་སྲིད་ཀྱི་མཁྱེན་རྒྱ། ད་དུང་བྱམས་དང་སྙིང་རྗེའི་སྟོབས་ཤུགས་ཀྱིས། མི་གྲངས་ཐེར་འབུམ་ལས་བརྒལ་བའི་ཁ་གཏད་དོན་གྱིས་གཅོག་ཐུབ་པའི་བཀའ་དྲིན་གྱིས་ངེད་ཅག་རྒྱལ་ཁབ་མེད་ཀྱང་རྒྱལ་ཁབ་གཅིག་གི་སྒྲིགས་འཛུགས་ལྡན་ཞིང་རྒྱལ་ཁབ་མང་ཆེ་བ་ལས་སྙན་གྲགས་ཆེ། སྤྱིར་བོད་མིའི་རང་བཤིས་དེ་ལ་འདས་པོ་ཆགས་ཟིན་སྐབས་བསྟོད་བསྔགས་ཞི་དྲག་བྱེད་ཅིང་སྐུ་འཚོ་བཞིན་བཞུགས་སྐབས་བཀའ་དྲིན་སྐུ་ཡོན་མཐོང་ཐུབ་ཀྱི་མེད། དཔེར་ན་པན་ཆེན་རིན་པོའི་ཆེའི་གནས་ཚུལ་བཞིན་རེད། རྒྱལ་ཁབ་སུས་ཀྱང་ཁས་ལེན་ཚུལ་མཐུན་མེད་པའི་ལོ་ངོ་ལྔ་བཅུར་ཉེ་བའི་བཙན་བྱོལ་བོད་གཞུང་དེ། ཚིག་བསྒྱུར་ཙམ་གྱིས་དོན་གྱི་བོད་གཞུང་དུ་ཁས་ལེན་པའི་གོ་སྐབས་ཧ་ཀྱང་ཆེན་པོ་མཛད་པའི་རྣམ་དཔྱོད་ལ་དཔྱོད་ལྡན་མི་རབས་རྗེས་མས་བཀའ་དྲིན་རྗེས་དྲན་མཛད་པ་གདོན་མི་ཟ། བཙན་བྱོལ་བོད་གཞུང་གི་མཚན་ཉིད་དེ་བཙན་བྱོལ་བོད་མིའི་སྒྲིགས་འཛུགས་ལས། གང་ཟག་སུས་ཀྱང་ཚུལ་མཐུན་ཞིག་འཇོག་མི་ནུས། བོད་མིའི་སྒྲིགས་འཛུགས་ནི་དོན་དུ་བོད་གཞུང་དང་དོན་གཅིག་མིང་གི་རྣམས་གྲངས་ཡིན་པ་མི་མཁྱེན་པའི་གསར་ཚར་བ་རྣམས་བོད་ན་ཡོད་པ་ཡིན་ན་འདྲ། ཕྱི་རྒྱལ་ཁག་ཏུ་ཡོད་པ་ཡིན་ན་འདྲ། སེམས་ཚབ་བྱུང་ཡོད་སྲིད་ནའང། ཐུགས་ཁུལ་ཁྱོན་ནས་གནང་མི་དགོས། སྐྱབས་མགོན་ཐམས་ཅན་མཁྱེན་པ་ནི། དངོས་གནས་དུས་གསུམ་མཁྱེན་པ་རང་རེད། སུས་ཀྱང་དོ་ཟླ་མི་ནུས། པན་ཆེན་རིན་པོ་ཆེས་ཀྱང་ཕྱོགས་ཙམ་བསྡུར་མི་ཐུབ། ད་ལྟའི་ལུས་རྟེན་འདི་ཙམ་མིན། ཇི་སྲིད་འཁོར་བ་མ་སྟོང་གི་བར་སྐྱབས་མགོན་རིན་པོ་ཆེ་ཁྱེད་ལས་ལྷག་པའི་སྐབས་གནས་ཞིག་མི་དགོས྄

བཙན་བྱོལ་བོད་མི་ཚོས་རྒྱ་ནག་གི་《ཆུ་ངོགས་གཏམ་རྒྱུད་》ཞེས་པའི་སྒྲུང་གཏམ་སྐད་གྲགས་ཅན་དེ་ཀློག་འོས་པའི་དུས་སུ་བབས་ཡོད་པ་ཞིག་ཡིན།

མའོ་ཙེ་ཏུ་གིས་་་་གང་མགྱོགས་རྒྱལ་ཁ་ལེན་ཐུབ་པ་བྱེད་དགོས། ལག་ཏེ་མགྱོགས་པོར་རྒྱལ་ཁ་ལེན་མ་ཐུབ་ནའང་ཕམ་ཁ་འཁྱེར་ནས་རྩ་བ་ནས་ལོག་ཡོང་རྒྱུ་མེད། ཅེས་དང་ཁོང་གིས་་་་ད་དུང་རྒྱུན་སྲིང་གི་དམག་འཁྲུགས་རྒྱག་དགོས། ཞེས་བཀའ་སློབ་གནད་དུ་འཁེལ་བ་དེ་འདྲ་མང་པོ་གནང་མྱོང་ཡོད།

ང་ཚོས་ཀྱང་རང་གི་རྒྱལ་ཁབ་དང་། རང་གི་མི་རིགས། རང་ཉིད་ཀྱི་རང་དབང་དང་ཐོབ་ཐང་ཆེད་དུ་མགྱོགས་ཙམ་རྒྱལ་ཁ་ལེན་ཐུབ་པར་རྩོད་ལེན་བྱེད་དགོས། མགྱོགས་ཙམ་རྒྱལ་ཁ་མ་ཐོབ་ནའང་རྟག་པར་ཕམ་ཉེས་འཁྱེར་ནས་བསྡད་རྒྱུ་མེད། ཅི་སྟེ་རྒྱུན་སྲིང་གི་དམག་འཁྲུགས་གཅིག་ངེས་པར་དུའང་རྒྱག་ཐུབ་པ་བྱེད་དགོས།

དེ་ནི་བློ་མཐུན་མའོ་ཙེ་ཏུ་གིས་ཁོང་གི་སྣེ་འཁྲིད་པའི་སྐབས་དེའི་ཀྲུང་གོའི་གསར་བརྗེའི་འཐབ་གྲོགས་ཚོར་སྣེ་འཁྲིད་ཡག་པོ་ཞིག་དང་། བཀའ་སློབ་ཡག་པོ་ཞིག བསམ་བློའི་མཛུབ་འཁྲིད་ཡང་དག་པ་གཅིག་གནང་ཡོད།

ང་ཚོར་ཁོང་ལྟ་བུའི་རང་གི་རྒྱལ་ཁབ་དང་། རང་གི་མི་རིགས། རང་གི་ཐོབ་ཐང་དང་རང་དབང་བཅས་ཕྱོགས་གང་སྤྱིའི་ཐད་ལ་ཡང་དག་པའི་བསམ་བློའི་མཛུབ་འཁྲིད་དང་སྣེ་འཁྲིད་ཡག་པོ་ཞིག་བྱེད་ཐུབ་མཁན་ད་བར་བྱུང་མེད་ནའང་ང་ཚོས་ཤི་རྒྱུར་མི་སྐྲག་པའི་སྙིང་སྟོབས་དར་སྤེལ་འོག་རང་གི་རྒྱལ་ཁབ་དང་རང་གི་མི་རིགས་ཀྱི་ཆེད་དུ་ཕྱོགས་བཞི་མཚམས་བརྒྱད་ནས་གྲོག་མ་གི་ཚང་ལྟ་བུའི་རྩ་འཛུགས་སླར་གསོ་བྱེད་དགོས།

དེ་ནི་བློ་མཐུན་མའོ་ཙེ་ཏུ་གིས་ང་ཚོར་ཆེད་དུ་བཞག་གནང་མཛད་པའི་ཆེས་རྩ་ཆེའི་རིན་ཐང་བྲལ་བའི་ནོར་བུ་མཐུ་ཆེན་ཞིག་ཡིན།

ཡིན་ནའང་བོད་རིགས་བློ་མཐུན་ཚོས་ཤེས་དགོས་པ་གཅིག་ལ་རང་གི་རྒྱལ་ཁབ་དང་རང་གི་མི་རིགས་དེ་རྨོངས་གཉིད་ལས་ཡར་བསླངས་ཏེ་གསར་བརྗེ་ཡག་པོ་ཞིག་བྱེད་དགོས་ཚེ་ངེས་པར་དུའང་རང་ཉིད་རྒྱལ་ཁབ་དང་། རང་ཉིད་ཀྱི་སྤྱི་ཚོགས་དང་ཁ་བྲལ་རྩ་བ་ནས་བྱེད་མི་རུང་།

གང་ཡིན་ཟེར་ན་རླབས་ཆེན་གཙོ་འཛིན་མའོ་ཙེ་ཏུ་གིས་ཀྱང་ཁོང་ཆུང་དུས་སྐབས་སུ་ཧྥ་རན་སིར་མ་ཕེབས་པར་རྒྱལ་ནང་དུ་བཞུགས་ཏེ་སྐུ་ཚེ་ཧྲིལ་པོར་རང་ཉིད་ཀྱི་རྒྱལ་ཁབ་རྒྱལ་ཁབ་དང་། མི་རིགས་ཀྱི་ཆེད་དུ་གསར་བརྗེའི་བྱ་གཞག་གསར་པ་གསར་གཏོད་མཛད་དེ་ལོ་ ༢༨ རིང་རྒྱུན་སྲིང་འཐབ་འཁྲུགས་ལས་རྒྱལ་ཁ་བསླངས་ཡོད་པའི་ལོ་རྒྱུས་གསོན་ཉམས་ལྡན་པ་དེ་ད་ལྟའི་ང་ཚོའ་མིག་ནང་དུ་ཡོད་པའི་རྒྱ་ནག་སྟོབས་ཆེན་གྱི་རྒྱལ་ཁབ་དེ་བཞེངས་སྐྲུན་མཛད་པ་དེ་ཡིན།

ང་ཚོས་རྒྱ་ནག་དེ་ཇི་ཙམ་གྱིས་སྟོབས་ཤུགས་དང་། དྲག་ཤུགས། དམག་ཤུགས། བཙན་ཤེད་སོགས་ཆེ་ནའང་ནམ་ཡང་སེམས་ནང་སྐྲགས་སྣང་མེད་པའི་བློ་སྟོབས་གཅིག་ངེས་པར་དུ་དགོས། ཐ་ན་རང་ཉིད་བོད་ཀྱི་བྱ་གཞག་རླབས་ཆེན་དེའི་ཆེད་དུ་ག་དུས་ཤི་ནའང་འགྱོད་པ་མེད་པ་ཞིག་དང་། ནམ་ཡང་ཤི་རྒྱུར་རྩ་བ་ནས་སྐྲག་སྣང་དང་འཇིག་ཞུམ་བྱེད་མི་རུང་།

མའོ་ཀྲུའུ་ཞིས་ཀྱང་། མེ་སྟག་ཆུང་ངུས་སྤང་ལྗོངས་སྲེག་ཐུབ་ཅེས་བཀའ་སློབ་གནང་ཡོད་ལ་མཐའ་མཐུག་རྒྱལ་ཁ་ལེན་ཐུབ་པའི་ཡོད་ཆེས་གནང་ཡོད། ང་ཚོས་ཀྱང་བོད་བཙན་པོའི་མེ་སྟག་ཆུང་ངུ་ཞིག་གིས་ཉིན་གཅིག་རྒྱ་ནག་གི་ཡངས་པའི་སྤང་ལྗོངས་ཆེན་པོ་སྲེག་ཐུབ་པར་ཡིད་ཆེས་བྱེད་དགོས།

ཡིན་ན་ཡང་འཛམ་གླིང་གི་འགྱུར་ལྡོག་དང་རྒྱ་ནག་གི་འགྱུར་ལྡོག་ལ་བརྟེན་ནས་རྩ་བ་ནས་སྒུག་སྡོད་རྒྱུ་མེད། དེ་ནི་མའོ་ཡིས་ང་ཚོས་རང་ཉིད་ཀྱི་རྒྱལ་ཁབ་དང་མི་རིགས་ཀྱི་གསར་བརྗེའི་བྱ་གཞག་ཆེད་དུ་འཛམ་གླིང་གི་འགྱུར་ལྡོག་ལ་སྒུག་བསྡོད་རྒྱུ་མེད། ང་ཚོའི་འགྱུར་ལྡོག་ང་ཚོའི་ལག་ཏུ་ཡོད། ང་ཚོས་ཀྲུང་གོ་གསར་པར་འགྱུར་བ་གཏོང་དགོས་ན་ང་ཚོས་རང་ཉིད་ཀྱི་འགྱུར་བ་ཞིག་གཏོང་དགོས། །ཞེས་གསུངས་མྱོང་བ་རེད།

དཔེ་བཞིན་ང་ཚོས་བོད་རྒྱལ་ཁབ་ཟེར་བ་གཅིག་དང་བོད་མི་རིགས་ཀྱི་རང་དབང་དང་འཐབ་རྩོད་དེ་ང་ཚོ་རང་ཉིད་ཀྱི་རྩོད་ནས་འགྱུར་བ་ཞིག་གཏོང་དགོས་པ་ལས་གཞན་འཛམ་གླིང་གི་རྒྱལ་ཁབ་དང་མི་རིགས་སུ་ཞིག་གིས་ང་ཚོའི་ཆེད་དུ་ཁོང་ཚོས་འགྱུར་བ་རྩ་བ་ནས་གཏོང་གི་མ་རེད། གང་ཡིན་ཟེར་ན་ཁོང་ཚོའི་ང་ཚོའི་ཆེད་དུ་ཚེ་སྲོག་ཀྱི་ལེགས་སྐཡེས་རྩ་བ་ནས་འབུལ་འདོད་མེད་པ་དེ་རེད།

ང་ཚོའི་རྒྱལ་ཁབ་དང་ང་ཚོའི་མི་རིགས་ཀྱི་ཆེད་དུ་ང་ཚོས་ཚེ་སྲོག་ལེགས་སྐྱེས་སུ་ཕུལ་དགོས། དེ་ནི་ང་ཚོའི་ཕུགས་བསམ་ཡིན་ལ་ང་ཚོའི་བྱེད་འོས་པའི་ཆེས་རླབས་ཆེན་གྱི་བྱ་གཞག་ཞིག་ཡིན། བྱ་གཞག་གསར་པ་གསར་གཏོད་བྱེད་དགོས་ན་དེ་བས་སྙིང་སྟོབས་གསར་པ་གསར་གཏོད་སྔོན་ལ་བྱེད་དགོས།

དེ་ནི་བློ་མཐུན་མའོ་ཙེ་ཏུ་གིས་སྔོན་ལ་རང་ཉིད་ཀྱི་སྙིང་སྟོབས་དེ་ནམ་ཡང་འཇིགས་ཞུ་མེད་པའི་བློ་སྟོབས་བསྐྱེད་ནས་གསར་བརྗེའི་ཆེད་དུ་ཚེ་སྲོག་གི་ཉེན་ཁ་ལ་མ་འཛེམས་པར་རྒྱལ་ཁར་རྩོད་ལེན་གནང་བའི་ལོ་རྒྱུས་དངོས་དངོས་བརྗེན་པར་མཐོང་ཐུབ།

ང་ཚོའི་བོད་རིགས་སུ་ཞིག་ཡིན་ཀྱང་རྒྱལ་ཁབ་དང་མི་རིགས་ཀྱི་ཆེད་དུ་ཤི་རྒྱུར་མི་སྐྲག་པའི་སྙིང་སྟོབས་གསར་པ་ཞིག་སླེབས་བོད་མི་མི་རེ་ངོ་རེར་སླེབས་ཐུབ་ཚེ་ད་གཟོད་ང་ཚོས་ མའོ་ཙེ་ཏུ་གིས་གསུངས་པ་ལྟར་་་་རྡོ་ཆུང་གཅིག་གིས་རྫ་མའི་ཁོག་མ་ཆེན་པོ་བཅག་ཐུབ་་་་་་ཅེས་པའི་བཀའ་སློབ་གསོན་ཉམས་དང་ལྡན་པ་དེ་བཞིན་ང་ཚོའི་བོད་བཙན་པོའི་གནའ་བོའི་རྡོ་ཆུང་གཅིག་གིས་དེང་རབས་སྟོབས་ཆེ་བའི་རྒྱ་ནག་གི་རྫ་ཁོག་ཆེན་པོ་བཅག་ཐུབ་པར་ཡིད་ཆེས་བྱེད་དགོས།

མདོར་བསྡུས་ན་བཤད་ན་ང་ཚོས་ལྷ་དང་། ཀླུ་དང་། འདྲེ་དང་། མི་དང་། དགྲ་དང་། དམག་དང་། མཚོན་ཆ་དང་། མེ་མདའ་དང་། གྲི་དང་། རྒྱ་དམག་དང་། རྒྱ་དཔོན་དང་། རྒྱ་ཁྱི་དང་། རྒྱ་ཁྲིམས། མནར་གཅོད་དང་། བཙན་ཤེད་སོགས་གང་ལའང་མི་སྐྲགས་པར་ནམ་ཡང་ཞུམ་པ་མེད་པའི་སྙིང་སྟོབས་ཀྱིས་རང་ཉིད་བོད་རིགས་མི་དམངས་དང་བོད་རྒྱལ་ཁབ་སླར་གསོའི་ཆེད་དུ་རླབས་ཆེན་གྱི་བྱ་གཞག་དེའི་ཆེད་དུ་རླབས་ཆེན་གཙོ་འཛིན་མའོ་ཙེ་ཏུང་དང་འདྲ་བར་ཤི་རྒྱུར་ཡང་རྩ་བ་ནས་འཇིག་ཞུམ་བྱེད་རྒྱུ་མེད།

བྱ་བ་གང་ཞིག་ཡིན་ཀྱང་རང་ཉིད་ཀྱིས་རང་ལ་བསྒྲུབ་ཐུབ་པའི་ཡིད་ཆེས་བྱེད་དགོས། དེ་ནི་༸ ཆོས་ཀྱི་རྒྱལ་པོ་༸ གོང་ས་ཏྰ་ལའི་བླ་མས་མའོ་ཙེ་ཏུང་ནི་ལྷོད་ལ་ཞི་འཇམ་བག་ཕེབས་ཅན་ཞིག་དང་སྐད་ཆ་གང་ཞིག་བཤད་ཀྱང་རང་ཉིད་ཀྱི་མི་ཚེ་འདིར་དེ་བསྒྲུབ་ཐུབ་པར་ཡིད་ཆེས་ཆེན་པོ་ཡོད་མཁན་ཞིག་འདུག་ཅེས་གསུངས་པ་ལྟར་རེད།

ད་ཧ་གོ་གི་མི་འདུག བོད་ཀྱི་མཐའ་མའི་ཐག་གཅོད་མི་དམངས་ཀྱིས་བྱེད་ཀྱི་ཟེར་བ་འདི་
གང་དུ་ཡོད་ན། ཚོགས་བཅར་བ་མང་མོས་ཀྱིས བོད་གཞུང ཞེས་པ་རང་འཇགས་
དགོས་པར་བསམ་ཚུལ་བསྡུས་པ་རེད་ལ། དམངས་གཙོ་ཡང་ཡིན་པ་ཁས་ལེན་བྱ་གིན་
བྱ་གིན་ལ། གློ་བུར་ཐོབ་རྒྱག་ཅིག་ལ སྒྲིག་འཛུགས འབོད་དགོས་ཟེར་ན་་་་་་མི་ལོ་ཉིས་
སྟོང་ལྷག་གི་་་་་་་་

ཕལ་ཆེར་གཟམ་གདོང་བླ་མས་འཁོན་ལན་སློག་པ་ཡིན་སྲིད་། བོད་རྒྱལ་ཁབ་ཞེས་པ་དེ་གཅིག་སྒྲིལ་མེད་ས་ནས་དགའ་ལྡན་ཕོ་བྲང་གིས་གཅིག་སྒྲིལ་བཟོས་ཏེ་ལོ་ངོ་༣༠༠་ལྷག་སྐྱོང་བ་དང་། མཐར་སྟོབས་ཆེ་ཆུང་དབང་གིས་རྒྱ་མི་ལ་ཤོར་ཡང་། རྒྱུན་མ་ཆད་པར་བཙན་བྱོལ་དུ་ལོ་ངོ་༥༠་རིང་ཉར་ཐུབ་ཡོད་་། འོང་ཀྱང་ཆོས་ལུགས་དང་ཆོས་ལུགས་མི་སྣའི་དབང་སྒྱུར་འོག་ཏུ་གྲུབ་འབྲས་མེད་སྐོར་བཤད་ཆེ་དྲག་ནས་། མཐར་ཆོས་ལུགས་མི་སྣས་དབང་སྒྱུར་མཚམས་བཞག་པ་མཉམ་དུ་ཡུན་རིང་ཉར་བའི་མིང་དེ་ཡང་མཚམས་བཅད་ཡོད་།། མདོར་ན་། དགའ་ལྡན་ཕོ་བྲང་གི་དཀའ་དྲིན་ལ་བསམ་ཤེས་མེད་ན་། དགའ་ལྡན་ཕོ་བྲང་གིས་ཡུན་རིང་ཉར་བའི་མིང་དེ་ཡང་ཁྱོད་ཚོ་ལ་མི་དགོས་རེད་གསུངས་པ་འདྲ་།།

འདིའི་ཐད་ལ་ཁོ་བོས་ཀུ་ཅོ་མང་པོ་བསྒྲགས་པ་ཡིན་མོད་ད་ནི་ཕན་ཐོགས་མེད་པའི་དུས་ལ་སླེབས་འདུག་སྙམ།
མིང་བསྒྱུར་བ་འདི་སངས་བཅོམ་ལྡན་འདས་ཕེབས་ནས་གསུང་ན་ཡང་ངས་ནོར་མེད་པར་བསམ་ཐུབ་ས་མ་རེད། འོན་ཀྱང་ད་ནི་ཚར་རྒྱུ་ཚང་མ་ཚར་ཟིན་པས་བསྒྱུར་ཐབས་དཀའ་བར་སྙམ། གལ་ཏེ་བཅོས་སུ་ཡོད་ན་ནི། །དེ་མི་དགའ་ཅི་ཞིག་བྱ། ། གལ་ཏེ་བཅོས་སུ་མེད་ན་ནི། །དེ་ལ་མི་དགས་ཅི་ཞིག་ཕན། །ཞེས་པ་བཞིན་རེད། རང་སྲོག་རང་གིས་བཅད་པ་ལ་སུ་ལ་ཡང་གྱོད་རྒྱག་ས་ཡོད་མ་རེད།
དྲ་གྲོགས་ཚོ། རང་བཙན་ལག་དེབ་ཀྱི་དངུལ་འབུལ་གྱི་མིན་མ་གསུང་རོགས། གང་ལགས་ཤེ་ན་གཅིག་ནས་དེ་ནི་དངུལ་གྱི་གནད་དོན་ཡིན་པས་བྱབ་ཆུང་གི་བྱ་བར་མཐོང་སྲིད། གཉིས་ནས་དངུལ་གྱི་གྲངས་ཀ་ཉུང་ཉུང་ཡིན་པས་རིན་ཐང་ཆེར་མེད། གསུམ་ནས་རང་ཚོ་ཉུང་ཉུང་ལས་མེད་པས་སྒུལ་ཤུགས་ཀྱི་ནུས་པ་འཐོན་པ་དཀའ་སྲིད།
ད་ནི་བོད་མིའི་སྒྲིག་འཛུགས་འདིའི་ལེགས་པའི་ཆ་རྣམས་སེམས་ལ་གསལ་བཏབ་ནས་འདི་ལ་རྒྱབ་སྐྱོར་བྱེད་རྒྱུ་ལས་ལྷག་མེད། ང་ཚོར་ལས་དབང་འདི་འདྲ་ཞིག་ལས་ཡོད་ས་མ་རེད། དེ་ལྟར་མ་བྱས་ན་བོད་མིའི་ཆིག་སྒྲིལ་ལ་གནོད་ས་རེད། མ་འོངས་པར་གང་དུ་འགྱུར་སུས་བཤད་ཤེས།
ལས་འགུལ་ཞིག་སྤེལ་རྒྱུ་ཡོད་ན་རྒྱབ་སྐྱོར་ལོས་བྱེད། འོན་ཀྱང་བོད་མིའི་སྤྱི་ཚོགས་ནང་དུ་༧གོང་ས་མཆོག་གིས་མོས་མཐུན་མེད་པའི་ལས་འགུལ་ཞིག་ལམ་ལྷོང་འབྱུང་བའི་དུས་ཚོད་ད་དུང་ཤར་མེད་པས་ལམ་ལྷོང་འབྱུར་བར་རེ་བ་ཆེན་པོ་མེད། ཁྱེད་རྣམས་མ་འཆུག

གུས་པས་ཀྱང་དཔྱ་དངུལ་འབུལ་རྩིས་མེད་ལ། མང་མོས་ལ་བརྒྱ་ཆའི་བརྒྱའི་བརྩི་བཀུར་ཞུ་རྩིས་ཡིན།

ཨ་ལགས་འཇམ་དཔལ་གྱི་བསམ་ཚུལ་འདི་ཤིན་ཏུ་ལེགས་པར་མཐོང་སོང་། གྲོས་ཚོགས་མདུན་དུ་ཟས་གཅོད་འཐབ་རྩོད་བྱེད་འོས་པ་དང་། ཁ་གཡང་གཉིས་སྒྲོག་དགོས་ཀྱི་འདུག

གཅིག བོད་ཀྱི་ལོ་རྒྱུས་འགྱུར་བ་གཏོང་བའི་ཐོབ་ཐང་མང་མོས་མ་གཏོགས་མེད།

གཉིས། རྒྱ་གར་རྒྱལ་སྲུང་བདེ་འཇགས་ལ་གནོད་པ་སུས་ཀྱང་བསྐྱལ་མི་ཆོག

དེ་ནས་རྒྱ་གར་གསར་འགོད་པ་སོགས་བསྡུ་བསྐོང་ཇི་ཐུབ་ཀྱིས་རྒྱ་གར་གྱི་རྣམ་འགྱུར་ལ་རྒྱུས་ལོན་དང་བོད་ཤི་མི་འདོད་མཁན་དག་ལ་རྒྱབ་དཔུང་འཚོལ་རན་འདུག

གལ་སྲིད་རྒྱ་གར་གཞུང་ནས་སྒོ་རྒྱག་སྲིད་པའི་འཇིག་ཉེན་དེ་ཡོང་གི་ཡོད་ན། རྒྱལ་ཁབ་གཞན་དུ་ཐོ་འགོད་ཀྱིས་འགོ་འཛུགས་ཆོག་པ་ཞིག་རེད།

མང་མོས་རྒྱལ་ལོ། མང་མོས་ནི་མང་གཙོ་ཡིན།

རྩོམ་ཡག་པོ་བྲིས་འདུག འདི་ཚང་མས་གླེང་དགོས་པ་ཞིག་རེད། བོད་མིའི་སྒྲིག་འཛུགས་དང་བདེན་པ་ཉིད་རྒྱལ་གྱུར་ཅིག་ཅེས་གཏན་འཁེལ་སོང་ན། དེ་ནས་རང་གིས་ཀྱང་དཔྱ་ཁྲལ་གཏན་ནས་འབུལ་རྩིས་མེད། ཉིན་དེ་ནས་གཞོན་ནུ་ལྷན་ཚོགས་ཀྱི་ཚོགས་ཁོངས་སུ་ཞུགས་ཏེ་ཚོགས་དངུལ་སྤྲོད་ཀྱི་ཡིན།

ཁྱེད་གཉིས་ཀྱིས་བྲིས་པ་ཧ་ཅང་ལེགས།
ངས་ཀྱང་སྔོན་མ་འདི་འདྲ་ཞིག་བྲིས་ཐལ། “ཅི་སྟེ་“བཙན་བྱོལ་བོད་གཞུང་”་དེ་ཕྱིར་བསྡུ་བྱས་ནས་དེའི་ཤུལ་དུ་“བཙན་བྱོལ་བོད་མིའི་གཞུང་”་འཛུགས་རྒྱུ་ཡིན་ན། ཅི་སྟེ་གཞིས་བོད་མི་དག་གིས་ཉིན་མཚན་མེད་པར་རེ་བའི་མིག་འབུར་འདི་ཕྱོགས་སུ་གཏད་པ་ལ་ཐལ་བ་བཏབ་ན། མི་ལོ་དེ་དག་གི་རིང་ལ་འདིར་བསྡད་པའི་དོན་གོ་ཆོད་མ་སོང་བས་ངེད་བོད་འབངས་རྣམས་ནི་ཡང་ན་ཕྱིར་རང་ཡུལ་གྲང་མོ་རྒྱ་ནག་པོའི་བྲན་འོག་ཏུ་གཏན་དུ་འཛུལ་རྒྱུ་འམ་ཡང་ན་ཕྱིའི་རྒྱལ་ཁབ་ཏུ་ཐེངས་གཉིས་པའི་སྐྱབས་བཅོལ་དུ་འགྲོ་རྒྱུ་ལས་ཐབས་གཞན་མི་འདུག”
https://tibettimes.net/wordpress/news.php?cat=5&&id=4359
ང་ཚོས་སྤྱི་འཐུས་གྲོས་ཚོགས་ལ་ཟས་བཅད་ངོ་རྒོལ་བྱེད་པར་སོང་ན་ག་འདྲ་འདུག ད་ནི་འུ་ཐུག་སོང་།