ཤེས་རབ་ཀྱི་ནམ་མཁར་ཕྱོགས་པའི་འདུ་འཛོམས།

རྨོག་རུ་ཚང་གི་ཕོ་བྲང་ནི་ཤེས་རབ་དང་རྣམ་དཔྱོད་ཀྱིས་བརྩིགས་པའི་ཕོ་བྲང་ཞིག་ཏུ་འགྱུར་རྒྱུའི་རེ་བ་ཡོད། བདག་ལས་འགུལ་འདིར་ཞུགས་མ་ཐུབ་པ་འགྱོད་ནས་ཡོད།

དྲ་གྲོགས་ཚང་མས་ལྷག་བསམ་རྣམ་དག་གིས་རྒྱབ་སྐྱོར་དང་སྐུལ་སློང་གནང་བར་བཀའ་དྲིན་ཆེ།
༸གོང་ས་སྐྱབས་མགོན་ཆེན་པོ་མཆོག་གི་སྐུ་ཚེ་བསྐལ་བར་བརྟན་པ་དང་།བོད་གཞིས་བྱེས་གཉིས་ཀྱི་སྤྱི་དོན་འགྲུབ་པར་ཤོག་་་་་བོད་རྒྱལ་ལོ།

ཁ་སང་དང་པོ་རྨོག་རུ་ཚང་གི་ཕོ་བྲང་བཞེངས་རབ་གོ་མ་ཐག་དེ་ནི་ཏན་ཏན་ཨར་འདམ་དང་ལྕགས་སོགས་ཀྱིས་བཟོ་བསྐྲུན་བྱས་པ་ཞིག་ལོས་ཡིན་དྲན་སོང། འོན་ཀྱང་དེ་རིང་སྐུ་ཉིད་ཀྱིས་འགྲེལ་བཤད་གནང་སྟེ།
རྨོག་རུ་ཚང་གི་ཕོ་བྲང་》ཞེས་པའི་དྲ་ཚིགས་ནི་དུས་རབས་ཉེར་གཅིག་པའི་འགྲོས་དང་བསྟུན་པའི་བརྡ་འཕྲིན་གསར་བའི་ཅོང་བརྡ་དང་ལྷན་དུ་གཞེངས་བསྐྲུན་ཞེས་པ་ཡིན་ལ།གནའ་བོའི་ལོ་རྒྱུས་ཁྲོད་ཀྱི་ས་ཕག་དང་རྡོ་བ་བརྩིགས་པའི་ཕོ་བྲང་བཟོ་ལས་ཀྱི་རྒྱ་ལས་བརྒལ་བའི་དུས་རབས་ཀྱི་ཚབ་མཚོན་ཞིག་ཀྱང་ཡིན། ཞེས་གསུངས་ཡོང་དུས་ང་ནི་ཧ་ལས་སོང། ངོ་མ་དགའ་ནི་ཞིག་རེད།
ད་ནི་ངས་ཀྱང་དགའ་བསུའི་གླུ་ཞིག་ཀྱང་ལེན་གྱི་ཡིན།
ཡེ་ཡེ་ཡེ་་་་་་་་་་་་་་་་་་་་་་་་་་་་་་་་་་་་་་་་་་་་་་ཧོ།
ལྷོ་ཙན་དན་ནགས་ཀྱི་སྨན་ལྗོངས་འདི་ནས། །
རྨོག་རིག་པའི་ཁུ་ཕྱུག་བྱང་ལ་ཆས་ཡོད། །
གསུང་དོན་ལྡན་སྙན་འགྱུར་བར་མེད་སྒྲོགས་དང་། །
བོད་མགོ་ནག་ཡིད་དབང་ཁྱེད་ལ་ཕྱོགས་འགྲོ། །

ད་ངས་གླུ་མང་པོ་བླང་བསྡད་ན་གྲྭ་ཚང་ལས་སྣེ་ཚོས་ཀྱང་གོ་འགྲོ་ཉེན་ཆཻ།
མདོར་ན་སྐུ་ཞབས་མཆོག་ལ་བཀྲ་ཤིས་བདེ་ལེགས་ཡོད།

བདག་དེ་ཉིན་ང་རང་ཚོའི་མཐུན་ཚོགས་ངོས་ནས་ཀྱང་དེ་མཚུངས་ཀྱི་ལས་འགུལ་ཞིག་སྤེལ་བས་ཚོགས་བཅར་མ་ཐུབ། དེ་བས་ད་རིང་འདིར་མགྲོན་པོ་ཞིག་ཚུལ་དུ་སྐད་ཆ་ཚིག་གཅིག་ཞུ་འདོད་བྱུང།
བོད་དོན་དང་འབྲེལ་བའི་གནས་ཚུལ་མང་པོ་ཞིག་བོད་ནང་དང་རྒྱ་ནང་ལ་གང་མང་སྤེལ་རྒྱུར་དྲ་ཚིགས་འདི་དག་གིས་ཕན་ནུས་ཧ་ཅང་ཐོན། ཡིན་ན་ཡང་དྲ་བའི་ཁ་བྱང་དེ་གསང་ཐབས་ཀྱིས་འགྲེམས་སྤེལ་ཐུབ་ན་བཟང། གལ་ཏེ་བོད་ཀྱི་དུས་བབ་ཀྱི་དྲ་བྱང་ནང་སོགས་ལ་ཁྱབ་བསྒྲགས་བྱས་ན་རྒྱ་གཞུང་གི་ལྟ་རྟོག་པ་ཚོས་ལམ་སང་འགོག་ཐབས་གནང་གི་རེད། དེ་ལས་བོད་ནང་གི་གྲོགས་པོ་སོགས་བརྒྱུད་ནས་འགྲེམས་སྤེལ་གནང་ན་ཁྱབ་སྤེལ་ཡང་ཐུབ་ལ་འགོག་ཉེན་ཡང་ཆུང་གི འདི་ངའི་ཉམས་མྱོང་ཞིག་གི་ཐོག་ནས་བཤད་ཀྱིན་ཡོད།
མཐར་རྨོག་རུ་ཚང་གི་ཕོ་བྲང་གི་ནང་རྟེན་བཟང་བོ་དང་ཤེས་རབ་ཀྱི་ནམ་མཁར་ཕྱོགས་པའི་ལས་རིམ་དག་དོན་ཕན་ལྡན་པ་ཞིག་ཡོང་བར་རེ་སྐུལ་ཞུ།

ཤེས་རབ་འོད་ཀྱིས་ཀུན་གསལ་ངོས་ཡངས་ཁྱབ།།
བདེན་པའི་འོད་ཀྱིས་འཛམ་གླིང་མིག་སྒོ་ཕྱེས།།
རྒྱལ་ཀུན་གཟུགས་སུ་སྣང་བའི་སྤྱན་རས་གཟིགས།།
མགོན་པོ་མཆོག་གིས་དུས་རྣམ་ཀུན་དུ་སྐྱོང་།།

དད་ལྡན་སྐྱེ་འགྲོ་ཀུན་གྱི་དད་སྟོབས་དང་།།
བདེན་པ་འབྲས་སུ་རློམ་པའི་གཟི་བྱིན་སྟོབས།།
བསླུ་མེད་སྐྱབས་ཀྱིས་དཔུང་བའི་ཚོགས་རྣམས་ཀྱིས།།
མགོན་པོ་མཆོག་ཉིད་སྐུ་ཚེ་རབ་བརྟན་ཤོག།

བཀུར་འོས་སྐུ་ངོ་རྨོག་རུ་འདི་བ་ཚང་དངོས་གནས་རང་ཐང་ཞིག་མིན། །ད་ཡིན་ན་རྨོག་རུ་ཚང་གི་ཕོ་བྲང་ཡང་འདུག དངོས་གནས་བྱས་ན་ཕོ་བྲང་དེ་ང་ཚོ་དགའ་ལྡན་ལ་ཡོད་དགོས། ཁོང་གིས་རྨོག་རུ་ཚང་གི་ཕོ་བྲང་དེ་དགའ་ལྡན་ལ་བརྒྱབ་ན་ངས་ཁོང་གི་ཕོ་བྲང་གི་རྒྱལ་སྒོའི་ནང་མཚན་སྲུང་དགོས་ཀྱང་འཇོན་ཚོད་ཀྱིས་བྱེད་ངེས་ཡིན། ང་ཚོ་ལ་ཕོ་བྲང་འདི་འདྲ་རེ་ཡོད་ངོ་མ་ན་ཧྲ་གི།