ཁ་སང་ཕྱི་ཚེས་ ༧ ཉིན་གྱི་ཞོགས་པའི་ཆུ་ཚོད་ ༩ པའི་སྟེང་། རྒྱ་གར་ཧི་མ་ཅལ་མངའ་སྡེའི་མན་ཌི་རྫོང་སྦིར་ཅོན་ཏ་རཱ་ཁམས་ནང་ཆེན་གཞིས་ཆགས་སུ། འདས་པོ་དམ་པ་བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུགས་འབུལ་ཞུས་ཡོད་འདུག དམ་པ་དེའི་སྐུ་ཕུང་ཞུགས་འབུལ་སྐབས་མེ་ཐབ་ཀྱི་ཕྱོགས་བཞི་རུ་སྤྲུལ་སྐུ་ཨོ་རྒྱན་སྟོབས་རྒྱལ་མཆོག་དང་འབོ་གངས་དཀར་སྤྲུལ་སྐུ་རིན་པོ་ཆེ། ཁང་གསར་ཞབས་དྲུང་རིན་པོ་ཆེ། རྫོང་སར་མཁྱེན་བརྩེ་རིན་པོ་ཆེ་བཅས་དབུ་བཞུགས་ཐོག་དགེ་འདུན་པ་ ༥༠ རེ་ནས་མཐའ་བསྐོར་ཏེ་བསྔོ་སྨོན་གསུངས་ཡོད་ཅིང་། སྐུ་ཕུང་གི་མཐའ་རུ་དཔལ་ས་སྐྱ་གོང་མ་ཕུན་ཚོགས་ཕོ་བྲང་རིན་པོ་ཆེའི་བདག་མོ་མཆོག་དང་། དཔལ་རྒྱལ་བ་ཀརྨ་རིན་པོ་ཆེའི་ལྕམ་སྲིང་མཆོག སྐྱབས་རྗེ་སྨན་རིའི་ཁྲི་འཛིན་རིན་པོ་ཆེ་མཆོག་གཙོས་པའི་རིས་སུ་མ་ཆད་པའི་དགོན་སྡེ་ཁག་གི་བླ་སྤྲུལ་མཁན་པོ་དང་ཕྱག་མཛོད་རྣམས་ཀྱིས་ཐོས་གྲོལ་ཆེན་མོ་དང་བར་དོའི་སྨོན་ལམ་སོགས་གསུངས་ཡོད་འདུག
དེ་བཞིན། ཉིན་དེའི་འདས་མཆོད་ཉིན་མོར་བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་གཙོས་པའི་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་སྤྱི་འཐུས་རྒྱུན་ལས་དང་། སྐུའི་གཅུང་མོ་བཀའ་ཟུར་རྗེ་བཙུན་པདྨ་མཆོག ཧི་མ་ཅལ་མངའ་སྡེའི་གྲོས་ཚོགས་འཐུས་མི་སོགས་གཞུང་དང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་བཅས་ཁྱོན་མི་ ༢༠༠ ལྷག་འདུ་འཛོམས་བྱུང་ཡོད་འདུག
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་དམ་པ་དེ་ཉིད་ནི། བོད་གཞུང་གི་སྲི་ཞུ་བ་རྙིང་གྲས་དང་བཀའ་བློན་གྱི་ལས་ཡུན་རིང་ཤོས་དེ་ཆགས་ཅིང་དགུང་ལོ་ ༨༢ སྟེང་དགོངས་པ་རྫོགས་ཡོད།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུཌ་འབུལ་ཞུས།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུཌ་འབུལ་ཞུས།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུཌ་འབུལ་ཞུས།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུཌ་འབུལ་ཞུས།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུཌ་འབུལ་ཞུས།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུཌ་འབུལ་ཞུས།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུཌ་འབུལ་ཞུས།
བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་གི་སྐུ་ཕུང་ཞུཌ་འབུལ་ཞུས།
གནས་ཚུལ་དང་པར་མཁོ་གཏོང་བ། སྤྱི་འཐུས་སྨོན་ལམ་མཐར་ཕྱིན།
གསར་འགོད་པ་ལགས། སྣང་རྒྱལ་ཤེར་དགེས་གསུངས་པ་བཞིན་༸སྐྱབས་རྗེ་སྨན་རིའི་ཁྲི་འཛིན་རིན་པོ་ཆེ་ཕེབས་གནང་ཡོད་མ་རེད། ངས་བཏང་བའི་གནས་ཚུལ་ངོ་མ་གཤམ་གསལ་ལྟར་རེད།
༄༅། །ཕྱི་ལོ་ ༢༠༡༡ ཟླ་ ༩ ཚེས་ ༧ རེས་གཟའ་ལྷག་པ་ཉིན་གྱི་སྔ་དྲོ་ཆུ་ཚོད་ ༩།༠༠ ཐོག་རྒྱ་གར་བྱང་ཕྱོགས་ཧི་མ་ཅལ་མངའ་སྡེའི་མན་ཌི་རྫོང་ཁོངས་སྦིར་ཅོན་ཏ་ར་འཇུ་ཆེན་ཚང་གི་གཟིམ་ཤག་ཉེ་འགྲམ་དུ་དཔལ་ལྡན་བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་(༡༩༢༩-༢༠༡༡)མཆོག་གི་སྐུ་ཕུང་ཞུགས་འབུལ་བྱས་ཡོད་པ་རེད། སྐུ་ཕུང་ཞུགས་འབུལ་སྐབས་མེ་ཐབ་དཀྱིལ་འཁོར་གྱི་ཤར་ཕྱོགས་སུ་སྤྲུལ་སྐུ་ཨོ་རྒྱན་སྟོབས་རྒྱལ་རིན་པོ་ཆེ་མཆོག་དབུ་བཞུགས་ཀྱིས་བླ་སྤྲུལ་དགེ་འདུན་ ༥༠ ཙམ་དང། ལྷོ་ཕྱོགས་སུ་འབོ་གངས་དཀར་སྤྲུལ་སྐུ་རིན་པོ་ཆེ་མཆོག་དབུ་བཞུགས་ཀྱིས་བླ་སྤྲུལ་དགེ་འདུན་ ༥༠ ཙམ། ནུབ་ཕྱོགས་སུ་ངོར་ཁང་གསར་ཞབས་དྲུང་རིན་པོ་ཆེ་མཆོག་དབུ་བཞུགས་ཀྱིས་བླ་སྤྲུལ་དགེ་འདུན་ ༥༠ ཙམ། བྱང་ཕྱོགས་སུ་རྫོང་སར་མཁྱེན་བརྩེ་རིན་པོ་ཆེ་མཆོག་དབུ་བཞུགས་ཀྱིས་བླ་སྤྲུལ་དགེ་འདུན་ ༥༠ ཙམ་བཅས་ནས་རང་རང་སོ་སོའི་ལུགས་སྲོལ་བཞིན་སྦྱིན་སྲེག་གི་ཆོ་གའི་གཞུང་བསྲང་ནས་མཆོད་འབུལ་གནང་བ་དང། རྫོང་སར་མཁན་རིན་པོ་ཆེ་མཆོག་དབུ་བཞུགས་ཀྱིས་རྫོང་སར་བཤད་གྲྭའི་དགེ་འདུན་བརྒྱ་ཕྲག་གཉིས་ལྷག་ནས་སྨོན་ལམ་གསུང་འདོན་གནང། ༸དཔལ་ས་སྐྱ་གོང་མ་སྒྲོལ་མ་ཕོ་བྲང་རིན་པོ་ཆེའི་བདག་མོ་མཆོག་དང། ༸དཔལ་རྒྱལ་དབང་ཀརྨ་རིན་པོ་ཆེའི་ལྕམ་སྲིང་མཆོག ༸སྐྱབས་རྗེ་སྨན་རིའི་ཁྲི་འཛིན་རིན་པོ་ཆེ་མཆོག་དང་། ༸སྐྱབས་རྗེ་སྨན་རིའི་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་རྣམ་གཉིས་ཀྱི་སྐུ་ཚབ། གཞན་ཡང་རིས་སུ་མ་ཆད་པའི་དགོན་སྡེ་ཁག་དུ་མའི་མཁན་པོ་དང་བླ་སྤྲུལ། ཕྱག་མཛོད་དང་སྐུ་ཚབ་བཅས་ཆེད་ཕེབས་ཀྱིས་ཐོས་གྲོས་དང། བར་དོའི་སྨོན་ལམ། གསོལ་འདེབས་བཅས་གསུངས་གནང་མཛད་པར་བསྙེན་བཀུར་རྒྱས་འབུལ་ཞུས།
སྐབས་དེར་བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་གཙོས་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་པའི་སྤྱི་འཐུས་རྒྱུན་ལས་རྣམ་པ་སོགས་དང། མདོ་སྟོད་སྨད་ཀྱི་སྤྱི་འཐུས་ཁག་ཅིག སྐུ་ཡི་གཅུང་མོ་བཀའ་ཟུར་རྗེ་བཙུན་པདྨ་མཆོག་དང། ཧི་མ་ཅལ་མངའ་སྡེའི་གྲོས་ཚོགས་འཐུས་མི་ཟུར་པ་ཕུན་ཚོགས་ར་ཡེ་ལགས། སྦིར་གཞིས་ཁག་གསུམ་གྱི་ས་གནས་འགོ་འཛིན་དང་ལས་བྱེད། གཞིས་ཁག་དེ་དག་གི་ས་འཐུས་དང་རང་ཚོགས་འཐུས་མི། བོད་ཁྱིམ་སྤྱི་ཁྱབ་དབུ་འཛིན་མཆོག་དང། རྡ་ས་སྟེང་ཤོད་གཉིས། སུ་ཇ། ཅོན་ཏ་ར་བཅས་ཀྱི་བོད་ཁྱིམ་དབུ་འཛིན་རྣམ་པ། མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་དང་རྒྱུན་ལས་ཁག་ཅིག ས་གནས་ཁག་དུ་མའི་ཆུ་སྒང་ས་རྒྱུན་དང་མདོ་ཁམས་གྱི་ལུང་ཚན་མང་པོའི་འཐུས་ཚབ། གཞན་ཡང་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་དང། སྡེ་ཁག་སོ་སོའི་སྐུ་ཚབ།
དམ་པ་དེའི་སྲས་མོ་ལྔ་པོས་གཙོས་སྐུ་མཆེད་མིང་སྲིང་དང། ནང་མི་བུ་ཕྲུག ཚ་རྒྱུད་གཉེན་ཚན་བཅས་རྒྱ་བལ་གཉིས་དང་ཕྱི་རྒྱལ་ཡུལ་ཁག་མང་པོ་ནས་ཆེད་ཕེབས་གནང་བ་སོགས་མི་སྣ་བརྒྱ་ཕྲག་དུ་མ་མཉམ་འཛོམས་ཀྱིས་སྐུ་གཤེགས་དམ་པ་དེས་སྐུ་ཚེ་ཧྲིལ་པོར་བོད་བསྟན་སྲིད་ཀྱི་དོན་དུ་སྐུ་ངལ་བསྐྱོན་གནང་བའི་བཀའ་དྲིན་མ་ལུས་རྗེས་སུ་དྲན་པའི་སྒོ་ནས་གདུང་སེམས་མཉམ་བསྐྱེད་དང། གསོལ་འདེབས་སྨོན་ལམ་གྱིས་སྐུ་ཕུང་ཞུགས་འབུལ་གྱི་ལས་རིམ་གྲ་འགྲིག་ལ་འཐུས་སྒོ་ཚང་བ། དད་ལྡན་དྭངས་བ་འདྲེན་ཞིང་བཀའ་དྲིན་ཆེད་དུ་གསབ་པའི་བསོད་ནམས་ཀྱི་ཕུང་པོ་ཞིག་ཏུ་གྱུར་སོང་བ་བཅས་ཀྱི་གནས་བསྡུས་སུ།
སྐབས་དེར་དངོས་བཅར་བ་སྨོན་ལམ་མཐར་ཕྱིན་པས་མཁོ་སྤྲོད་ཞུས
མིང་དོན་མཚུངས་པའི་བོད་མི་གཅིག་འདས་སོང་བས་བློ་ཕམ་ཧ་ཅང་ཡོད་་་་་་་་་སླར་ཡང་མི་ལུང་བཟང་པོ་ཐོབ་ནས་བོད་མི་ཞིག་སྐྱེས་བ་ཤོག་་་་་་་་་་་་་་་་་་་་་་
ཁམས་རྒན་ཨ་ཕ།
གལ་ཏེ།གལ་ཏེ་ཚེ་ཕྱི་མ་ཡོད་ན།ཡང་བསྐྱོར་ཁམས་ཚང་ནང་ཕེབས་ཐུབ་པའི་རེ་བ་སྨོན་ལམ་ཡོད།
ཁམས་ཕྲུག་ཚོས་སྒུགས་བཞིན་ཡོད།ཨ་ཕ་ཁྱེད་ནི་ཁམས་ཕྲུག་ཚོ་མ་ཚད་བོད་ཁ་བ་ཅན་
ལ་དགོས།༧མགོན་པོ་སྤྱན་རས་གཟིགས་ཀྱི་ཐུགས་རྗེ་བྱིན་གྱི་རློབས་ནས་བོད་ཁ་ཅན་ལ་ཡང་བསྐྱར་ཕེབས་ཐུབ་པའི་སྨོན་ལམ་འདེབས།
བྱས་རྗེས་ཅན་ཁོང་འུ་ཅག་དང་བྲལ་བར་སེམས་གཏིང་ནས་མྱ་ངན་ཞུ། ཟུར་དུ་ཞུ་རྒྱུར། ཁོང་གི་སྐུ་ཕུང་ཞུགས་འབུལ་བྱེད་སྐབས་དེའི་མཐའ་འཁོར་དུ་སྨན་རིའི་ཁྲི་འཛིན་ཕེབས་པ་དེ་བདེན་པ་མ་རེད། ཁོང་གི་སྐུ་ཚབ་ཕེབས་པ་རེད།
དམ་པ་གང་ཞིག་ཞི་བའི་དབྱིངས་སུ་ཟིམ།།
བྱས་རྗེས་མི་ནུབ་གངས་ཅན་ཡུལ་དུ་ལུས།།
རིས་མེད་སྐྱེས་ཆེན་དམ་པའི་བྱིན་རླབས་འོག།
བདེ་ལྡན་ཞིང་དུ་བགྲོད་ལ་ཐག་མི་རིང་།།
སྐྱེས་དང་སྐྱེ་རབས་ནོར་བུའི་འཕྲེང་བ་རུ།།
ཁ་བའི་དེད་དཔོན་ཉིད་དུ་བརྩེ་བཟུང་ནས།།
ཡབ་དང་མེས་པོའི་སྲོལ་བཟང་ཡར་ལ་བསྟོད།།
ཆོས་སྲིད་དར་སྤེལ་འཕྲིན་ལས་རབ་རྒྱས་ཤོག།
མི་ཕོ་འདི་སླར་ཡང་བོད་དུ་སྐྱེ་བའི་སྨོན་ལམ་ཡོད།
སྐུ་ཟུར་འཇུ་ཆེན་གཤེགས་པར་མྱ་ངན་ཡོད། །སྐྱེས་སྟོབས་རིག་པ་བསམ་ཚེ་ཡིད་རབ་ཕངས། །ལྷག་ཏུ་དྲན་ཤེས་བསམ་ཚེ་དེ་བས་ཕངས། །ཕངས་ཀྱང་བྱ་ཐབས་ཅི་ཡོད་རང་ངོས་ནས། །སླར་ཡང་མི་ལུས་གསར་པ་ཐོབ་གྱུར་ནས། །༸གོང་ས་མཆོག་གི་བློན་པོ་ཡོང་བར་ཤོག །
མི་སྣ་རླབས་ཆེན་ཞེས་པ་ནི་འདི་འདྲ་ཞིག་རེད། འཚོ་བཞུགས་སྐབས་སྤྱི་དོན་ཁུར་ལེན་གནང་བ་དང་། གཤེགས་དུས་ཀྱང་གྲུབ་མཐའ་རིས་མེད། ཆོས་ལུགས་རིས་མེད་ཀྱི་མིག་དཔེ་བཟང་པོ་ཞིག་བོད་པ་ཚོར་གནང་སོང་བ་འདི་རེད། མི་དང་མི་མ་འདྲ་བའི་དབྱེ་བ་འདི་ནས་འབྱེད་དགོས་པ་ལས་གཞན་ན་འཚོལ་དུ་མེད།
ཐོས་བསམ་ཀྱི་སྐད་ཆ་འདི་གོ་རྒྱུ་ཟབ་མོ་ཞིག་འདུག ཕྱོགས་གཅིག་ནས་མར་མ་དྲུད་ན་ཡར་མི་འཕེན་པ་ངེས་ཅན་རེད།
དམ་པ་གང་ཉིད་འཇིག་རྟེན་དུ་འཚོ་བཞུགས་གནང་བའི་སྐབས་སུ། ཁོང་ལ་སྐྱོན་བརྗོད་དང་རྒྱབ་བཤད། ཕྲག་དོག ཟུར་ཟ། དམའ་འབེབས། ལྷག་པར་དུ་ཆོལ་ཁ་དང་ཆོས་ལུགས་ཀྱི་བར་གྱི་དཀྲིག་ཤིང་། དེ་བས་ཀྱང་ཤེས་ཡོན་མེད་པར་དཔལ་འབྱོར་ཁོ་ནས་རྐུབ་ཅོག་ཉོ་ཚོང་པ་ཞིག་ཡིན་རབས་མང་པོ་ཞིག་བཤད་རྒྱུ་གླེང་རྒྱུ་འདུག་ཀྱང་། ཁོང་ཚེ་ལས་འདས་ཙ་ན། ཁོང་ནི་བླ་ཆེན་ཞིག་དང་འདྲ་བར་སྐུ་ཕུང་སྦྱིན་བསྲེགས་བཏང་སོང་ལ། མཁས་དབང་ཞིག་དང་མཚུངས་པར་བསྟོད་པ་བླ་མེད་བྱས་སོང་། གང་ལྟར་འདི་ནི་བོད་པ་ཚང་གི་ཁྱད་ཆོས་ཞིག་རེད།
སྤྱིར་ཡོན་ཏན་ཡོད་ན། མ་ཤི་སྔོན་ནས་བརྗོད་ཀྱང་ཆོག་ལ། དེ་བཞིན་སྐྱོན་ཡོད་ན་ཤི་སོང་ཡང་བཤད་ཆོག འོན་ཀྱང་། རང་སྟེང་ནས་བཤད་ན། འཇུ་ཆེན་ཟེར་བ་དེ་གོ་མྱོང་ཙམ་ལས་མཐོང་མ་མྱོང་ཡང་། ཤི་ཚར་རྗེས་སྙིང་མ་རྗེ་ཟེར་རྒྱུ་ལས། གཞན་དམིགས་བསལ་གང་ཡང་བཤད་རྒྱུ་མེད།
ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།
ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།
ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།
ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།
ཨོ་མཎི་པཌྨེགཧྰུུ། མཐོ་རིས་ནས་ཐར་ལམ་ཐོབ་པར་ཤོག
སྐུ་མགྲོན་ཕེབས་མཁན་རྣམས་དང་རྣམ་པ་འདྲ་ཞིག་བསྟན་པར་ངས་སྙིང་ཐག་པ་ནས་ཐུགས་རྗེ་ཆེ་ཞུ།
འདས་པོ་གང་དེ་རྣམ་མཁྱེན་རྒྱལ་བའི་གོ་འཕངས་ཐོབ་པར་ཤོག། སྐུ་ཕུང་ཞུ་འབུལ་སྐབས་ཕྱོགས་བཞི་ནས་རྣམ་མཁྱེན་རྒྱལ་བའི་ཞིང་དུ་འདྲེན་བཞིན་འདུག་ཀྱང་ཕྱོགས་ཅིག་ནས་མ་ཐེག་པར་མར་ཤོར་ཉེན་འདུག་འོན་ཀྱང་མཐའ་སྐོར་དགེ་འདུན་རྣམ་པའི་སྦྱིན་མཐུས་ཨོ་ཙམ་མི་ཡོང་ངམ་བསམ།
དམ་པ་གང་གིས་ཚེ་རབས་ནས་བྱས་བསགས་སྡིག་ལྟུང་དག་ནས་རྣམ་མཁྱེན་རྒྱལ་བའི་གོ་འཕང་རིན་པོ་མཆོག་ལ་འགོད་ཐུབ་པའི་སྨོན་འདུན་ཞུ། གཞན་ཡང་ཕྱོགས་མཐའ་ནས་ཕེབས་པའི་སྐུ་མགྲོན་རྣམ་པ་ཚང་མ་ལ་སྙིང་ནས་འཚམས་འདྲི་བཀྲིས་བདེ་ལེགས་གྲངས་མེད་ཞུ་རྒྱུ་ཡིན། ཁྱེད་ཅག་གིས་རྗེས་ཤུལ་ནང་མི་ཡོངས་ལ་ཐུགས་གསོལ་འཚམས་འདྲི་གནང་བར་དགའ་ཚོར་ཤིན་ཏུ་ཆེ་བྱུང་།
འགྲོ་བའི་མགོ་པོ་ཞིག་ཕེབས་པའི་ངང་ཚུལ་བསྟན་པ་ནི་དེ་འདྲ་ཞིག་རེད། མགོ་རུ་གཙུག་ཏོར་དང་གདུགས་ཧ་ཧ་ཧ་ངོ་མ་ལས་རོགས་ཚོས་གུས་ཞབས་བྱེད་སྟངས་མ་ཤེས་པ་རེད། སྤྱིར་ན་ཁོང་གིས་ལེགས་ཉེས་ཅི་ཞིག་བྱས་ཡོད་རུང་ཁོང་ལ་གུས་ཞབས་ཡོད།