ཐེ་བོ་ཤེས་རབ་རྒྱ་མཚོ།
ལྷ་བཟང་ཚེ་རིང་ནི་རྡ་སའི་རི་ཁུག་ཆུང་ཆུང་འདི་ན་ཆབ་སྲིད་ཐོག་ཀླད་རྒྱ་ཧ་ཅང་མཁྲེགས་ཤིང་ཚོར་བ་ཤིན་ཏུ་རྣོ་བའི་མི་སྣའི་གྲས་ཀྱི་གཅིག་རེད།
འོན་ཀྱང་མཚམས་རེ་ཁོང་གིས་སྐད་ཆ་བཤད་སྟངས་ཁ་ཤས་ལ་ངོ་མ་གོ་བ་གཏན་ནས་ལོན་གྱི་མི་འདུག
ངས་ད་ལྟ་གསལ་པོ་དྲན་གསོས་པ་ཞིག་ལ། སྐབས་བཅུ་གསུམ་པའི་གཞོན་ནུའི་ཚོགས་ཆེན་སྟེང་ཁོང་ཟུར་ཉན་དུ་བསླེབས་ཤིང་། གདོང་ལ་སྐྱོ་ཉམས་ཤིག་མངོན་ནས་ལག་པ་གཉིས་ཐལ་མོ་སྦྱར་བའི་རྣམ་འགྱུར་དང་བཅས། ཁ་ནས་ད་ང་ཚོས་ྋགོང་ས་མཆོག་ལ་ལག་པ་གཉིས་ཀ་ཐལ་མོ་སྦྱར་ཏེ། ཐུགས་རྗེ་གཟིགས། ད་བར་ཁྱེད་ཚང་གིས་བོད་དོན་ཐོག་ཕྱག་ལས་གནང་བར་ཐུགས་རྗེ་ཆེ། དེ་རིང་ནས་བཟུང་ཁྱེད་ཀྱི་ཕྱག་ལས་མཚམས་འཇོག་གནང་རོགས་ཞེས་འབོད་སྐུལ་བྱེད་དགོས་ཀྱི་འདུག་ཅེས་བསམ་འཆར་ཞིག་བཏོན་པར། ཚོགས་ཆེན་སྟེང་བཅར་བའི་གཞོན་ནུའི་ཚོགས་མི་སུས་ཀྱང་ཁོང་གིས་བཏོན་པའི་བསམ་འཆར་དེ་ལ་རྒྱབ་སྐྱོར་བྱས་མེད་པ་དང་། དེ་ནི་ལོ་ངོ་བཞི་ལྷག་གི་ཡར་སྔོན་བོད་ཁྱིམ་དུ་བྱུང་བ་ཞིག་རེད།
འོན་ཀྱང་། དེ་རིང་མི་རྣམས་རྦད་དེ་ཧང་སང་དགོས་པ་ཞིག་ལ། ༢༠༡༡ ༡༡ ༢༠ ཉིན་གྱི་བོད་ཀྱི་དུས་བབ་གསར་འགོད་པའི་བཅར་འདྲི་དང་ལེན་སྐབས་ཁོང་གིས་གསར་འགོད་པར་འདི་ལྟར་བཤད་ཡོད།
“མི་མང་པོ་ཞིག་གིས་ྋརྒྱལ་བ་རིན་པོ་ཆེ་མཆོག་གིས་ཆབ་སྲིད་ཀྱི་སྐུ་དབང་མི་མང་ལ་གནང་བཞག་པ་རེད་ཟེར་གྱི་འདུག་ཀྱང་། ངས་དེ་རྩ་བ་ཉིད་ནས་ཡག་པོ་ཞིག་ལ་མཐོང་གི་མེད། ལུག་རྫི་ཞིག་གིས་ལུག་རྣམས་རྩྭ་ཁ་ཡག་ས་ཞིག་ལ་འཁྲིད་རྒྱུ་ཡིན་ཟེར་ནས་ཡར་འདེད་མར་འདེད་བྱས་ཏེ་མཐར། རྩྭ་ཁ་ཡག་ས་མ་རག་ཐལ། ད་དབང་ཆ་ཚང་མ་ཁྱོད་ཚོར་ཡོད། ཟེར་ནས་ལུག་བྱེ་ཐང་ཞིག་ལ་བཀྲམས་ནས་ལུག་རྫི་འགྲོ་བཞག་ན། དེ་ལུག་རྫིའི་འགན་འགྲུབ་པ་རེད་དམ།” ཞེས་དང་། ཡང་“ྋརྒྱལ་བ་རིན་པོ་ཆེ་བོད་པའི་ཆོས་སྲིད་ཀྱི་དབུ་འཁྲིད་ཟེར་བ་འདི་ལོ་ངོ་བརྒྱ་ཕྲག་མང་པོའི་སྐད་ཆ་ཞིག་རེད། ཉི་མ་གཅིག་གཉིས་ནང་ལ་འགྱུར་བ་གཏོང་རྒྱུ་ཕར་ཞོག མི་རབས་ཁ་ཤས་ནང་དུ་ཡང་འགྱུར་བ་གཏོང་ཐུབ་མིན་ངས་བཤད་ཤེས་ཀྱི་མེད། ཤོག་བུའི་སྟེང་ལ་ྋརྒྱལ་བ་རིན་པོ་ཆེའི་ཆབ་སྲིད་ཀྱི་ཐུགས་འགན་མཚམས་འཇོག་གནང་བ་ཡིན་ཞེས་བཀོད་ཡོད་ཀྱང་། བོད་མིའི་སེམས་པའི་ནང་ལ་ཆོས་སྲིད་གཉིས་ཀྱི་བླ་ན་མེད་པའི་དབུ་འཁྲིད་དེ་ྋརྒྱལ་བ་རིན་པོ་ཆེ་ཁོ་ན་ཆགས་ཡོད། ”ཅེས་གསར་འགོད་པར་ལན་འདེབས་གནང་ཡོད།
འོན་ཀྱང་ཡིད་ཕངས་པ་ཞིག་གསར་འགོད་པས་ཁོང་གིས་སྔོན་ཆད་ྋསྐྱབས་མགོན་རིན་པོ་ཆེས་སྐུ་དབང་མཚམས་འཇོག་གནང་རྒྱུར་འབོད་སྐུལ་ཞུ་དགོས་པའི་ལྟ་ཚུལ་འཛིན་དགོས་དོན་ཐད་ལ་སྐད་ཆ་ཟུར་ཙམ་ཡང་དྲིས་མེད། དེར་བརྟེན་ངས་འདི་ནས་ཀློག་མཁན་ཚོར་ཁོང་གིས་དེ་ལྟར་བཤད་དགོས་པའི་རྒྱུ་མཚན་ང་ཚོས་གསལ་པོ་ཤེས་དགོས་ཀྱི་འདུག་ལབ་ཀི་ཡོད། འདིའི་ཞོར་ནས་སྐུ་ཞབས་འཇམ་དབྱངས་ནོར་བུ་ལ་ཡང་ངས་སྐད་ཆ་ཞིག་འདྲི་འདོད་པ་ནི། ཁོང་གིས་ཀྱང་བརྒྱུད་ལམ་ཁག་ནས་ྋརྒྱལ་བ་རིན་པོ་ཆེས་ཆབ་སྲིད་ཐོག་གི་སྐུ་དབང་གློད་དགོས་ཚུལ་བཤད་མྱོང་ཡོད་ནའང་། ྋརྒྱལ་བ་རིན་པོ་ཆེ་ཚང་གིས་སྐུ་དབང་བོད་མི་མང་ལ་གནང་ནས་མཚམས་འཇོག་གནང་མ་ཐག བརྒྱུད་ལམ་ཁག་ྋརྒྱལ་བ་རིན་པོ་ཆེ་སྐུ་ཕྲེང་འདི་བ་ལ་ཆབ་སྲིད་འགན་དབང་རྩིས་སྤྲོད་དང་མཚམས་འཇོག་གནང་རྒྱུའི་ཐོབ་ཐང་མེད་ཚུལ་བཤད་ཡོད་པ་རེད། ད་ལྟ་ངས་ཁོང་ཚོས་སྐད་ཆ་དེ་ལྟར་བཤད་དགོས་པའི་རྒྱབ་ལྗོངས་ལ་ལྟ་སྙིང་བྲོ་ཀི་འདུག ཅིའི་ཕྱིར་སྐད་ཆ་དེ་ལྟར་བཤད་པ་རེད་དམ། དོན་ངོ་མ་ཁོང་ཚོས་ཅི་ཞིག་བཤད་སྙིང་བྲོ་ཀི་ཡོད་པ་རེད་དམ། ང་ལ་ཁོང་ཚོས་དེ་ལྟར་བཤད་དགོས་པའི་རྒྱུ་མཚན་ཅི་ཡིན་ཧ་ཅང་ཤེས་འདོད་འདུག
ལོ་རྒྱུས་ཀྱིས་ང་ཚོར་བཤད་པ་ལྟར་ན། ྋརྒྱལ་བ་རིན་པོ་ཆེ་ཚང་གིས་ཐུགས་ཐག་གཅོད་སྟངས་རླབས་པོ་ཆེ་འདི་ནི་ཉི་མ་གཅིག་གཉིས་ཀྱི་ནང་ལ་བྱུང་བ་ཞིག་མ་རེད། འདི་ལྷ་བཟང་ཚེ་རིང་གིས་ངེས་པར་དུ་ཤེས་དགོས་ཀྱི་འདུག་ལ། འདི་ཞིབ་མོ་ཤེས་དགོས་ན་བཙན་བྱོལ་བོད་མིའི་སྒྲིག་འཛུགས་ཀྱི་མང་གཙོའི་འཕེལ་རིམ་ཡང་དག་པ་ཞིག་ཅིས་ཀྱང་ཤེས་དགོས་པར་མ་ཟད། ྋརྒྱལ་དབང་སྐུ་འཕྲེང་བཅུ་གསུམ་པའི་སྐབས་ཀྱི་གནས་ཚུལ་རྣམས་དེ་བས་ཀྱང་གསལ་པོ་ཤེས་དགོས་པ་རེད།
མ་གཞི་ནས་གྲོགས་པོ་ལགས་ཨུ་ཚུགས་ཚ་སེ་ཡོད་པ་ངས་ལོས་ཤེས། དབུ་མའི་ལམ་འདི་ཆབ་སྲིད་ཀྱི་ལྟ་གྲུབ་ཅིག་ལ་ཟམ་གདོང་རིན་པོ་ཆེས་ངོས་འཛིན་གནང་ཡོད། དེ་བས་མཁས་དབང་དེ་འདྲ་ཞིག་གིས་རང་གིས་ལྟ་གྲུབ་ཅིག་གི་ངོས་འཛིན་ཐོག་ནས་གསུངས་དང་གསུང་བཞིན་པར་དེ་དགོས་དབང་གཞན་ཞིག་ཡིན་པར་ཐག་བཅད་ན་མི་འོས་པ་འདྲ་ཞིག་རེད་མོད། ད་ཁམས་དང་མོས་པ་སྣ་ཚོགས་ཡིན་དུས། ཁྱེད་ཀྱིས་ཀྱང་དེ་ལྟར་འདོད་ལོས། མ་གཞི་ངེད་གཉིས་ཀྱི་ལྟ་ཚུལ་བར་ན་འགལ་བ་ཆེན་པོ་ཅང་མེད་པ་འདྲ། དེ་འདྲ་ཡིན་ན་ད་ཚིག་ཙམ་གྱི་རྩོད་པས་དགོས་པ་ཅང་མི་འདུག གང་ལྟར་བསམ་ཚུལ་བརྗེ་རེས་གནང་བར་དགའ་བོ་བྱུང་ལ་བཀའ་དྲིན་ཡང་ཆེ་ཞུ། ད་དུང་མུ་མཐུད་དེ་དྲ་ངོས་ཀྱི་བགྲོ་གླེང་ཁག་ལ་མུ་མཐུད་ཞུགས་པའི་རེ་བ་ཡོད། བདེ་མོ།
ཨ་ཙི། ཡག་ས། གྲོགས་པོ་ཁྱེད་ཀྱིས་ཞིབ་ཆ་འདྲ་ཞིག་གནང་གིན་འདུག་མོད་ང་རིག་པ་སྐྱོ་སོང་བས་ཡིན་ནམ་ངས་དེའི་ཞིབ་ཆ་ཅང་ཁོལ་གྱིན་མི་འདུག ངས་གོ་ཚོད་ལ་ཁྱེད་ཀྱིས་གྲུབ་མཐའ་ཡིན་པས་ཚིག་ཐག་བཅད་ཆོག་པ་འདྲ་ཞིག་གོ་བྱུང་། གལ་སྲིད་དེ་ཡིན་ན་ཁྱེད་ཀྱི་གྲི་དེ་ལ་རྣོ་ཅང་མི་འདུག གྲུབ་མཐའ་ཟེར་བ་འང་མཐར་གཏུག་ན་རང་ཉིད་ཀྱི་སེམས་ངོ་ན་གང་བདེན་པར་མཐོང་བ་དེ་ཐག་གིས་བཅད་ནས་བཤད་པ་ཙམ་ཡིན་པས་ངས་བཤད་པ་དེ་གྲུབ་མཐའི་བཤད་ཚུལ་ཡིན་པ་དང་། ངས་ཅིག་བཤད་པ་དེ་གྲུབ་མཐའི་སྡོམ་ཚིག་ལ་མི་འགྲོ་བའི་ཁྱད་པར་ཅང་འབྱེད་དཀའ་སྙམ།
ལར་ནས་ངས་ཁྱེད་ལ་མགོ་མཚུངས་ཀྱི་རིག་པ་བཏང་བ་ལས་ངས་ཟམ་གདོང་གིས་གནང་ཚུལ་དེ་དགོས་དབང་གིས་ཡིན་པའི་ཁ་ཚོན་ཅང་གཅོད་དཀའ་བ་ནི་ཁྱེད་ཀྱིས་ཟམ་གདོང་གིས་དེ་ལྟར་གནང་བ་དེ་རྨོངས་གཉིད་སངས་ནས་གནང་བ་ཡིན་རབས་བཤད་པ་ལ་ཁ་ཚོན་ཇི་ཙམ་གཅོད་དཀའ་བ་དེ་དང་འདྲ་མཚུངས་རེད། མི་སེམས་ཤེས་མཁན་སྔོན་མ་ཁྱེད་རང་གྱུར་ཡོད་པ་དྲན་པར་གྱིས།
ང་མིག་ལམ་དུ་འཆར་འོང་བ་ཧ་ཅང་བཟང་སྟེ་ངས་སྐད་ཆས་ང་ལེགས་པར་མཚོན་གྱི་ཡོད་པ་དང་། གནང་དེང་གང་རུང་གི་བརྒྱུད་ལམ་བཀོལ་མི་དགོས་པར་གྲོགས་པོ་རྙིང་པ་གདོང་ཐུག་པ་ཡིན་པས་སོ།
དེ་ནས་ཁྱེད་ཀྱིས་”དུས་རབས་འདི་ནས་བཟུང་མི་རིགས་རིང་ལུགས་པ་དང་རྒྱལ་ཞེན་མཁྲེགས་འཛིན་པའི་ལྟ་བ་ལས་བརྒལ་ནས་ཚང་མ་འདྲ་མཉམ་དང་འཆམ་མཐུན་གཅིག་འགྱུར་གྱི་ཁྱིམ་ཚང་ཆེན་པོའི་ནང་ལ་ཕྱོགས་པའི་འདུ་ཤེས་དེ་ང་ཚོའི་དུས་བརས་ཉེར་གཅིག་པའི་གཞོན་སྐྱེས་རྣམས་པར་དགོས་ངེས་ཤིག་རེད་ཟེར་གྱིན་ཡོད།”བསམ་བློ་སྔོན་ཐོན་དང་རེ་བཞག་རྣམ་དག་ཅིག་ཡིན་པས་ངས་ཡི་རངས་དང་སྔགས་བརྗོད་ཞུ་གིན་ཡོད།
འོན་ཀྱང་བསམ་ཚུལ་འདི་ངའི་བློ་ལ་འཆར་གྱིན་མེད་པ་མིན་ཏེ་ངའི་མི་ཚེའི་འབོད་ཚིག་དེ་ God made no border ཞེས་པ་དེ་ཡིན་པས་དབྱིན་སྐད་ནང་གོ་སྐབས་ནམ་བྱུང་ལ་འདི་ལུང་འདྲེན་བྱེད་ཀྱིན་ཡོད། འོན་ཀྱང་དེ་ནི་རེ་བ་ཙམ་ལས་ད་ལྟའི་སྐབས་སུ་ལག་ལེན་ལ་ཡོང་མི་ཐུབ་པ་ཞིག་རེད་འདོད་བཞིན་ཡོད།
ངའི་སེམས་ཁྲལ་ནི་དབུ་མའི་ལམ་འདི་གལ་སྲིད་རག་རྒྱུ་ཞིག་ཡོད་ན་ཡང་འདྲ་མཉམ་ཟེར་བ་དེ་འོང་སྲིད་དམ་སྙམ་པ་ཡིན། དེ་ལས་”སྦྲ་ཁག་ཁག དུ་བ་སོ་སོ”་བྱུང་ན་རྦད་དེ་དྲགས་པ་རེད།
ད་གནད་དོན་ནི་དེ་གཉིས་ལས་གང་འགྲུབ་སླ་མིན་དེ་རེད། བསམ་ཚུལ་མི་མཐུན་པ་ཡོད་སྟབས་འདི་ལ་དབུ་མའི་ལམ་དེ་རག་སླ་བ་ཞིག་ཡིན་པ་དེ་སེམས་ཐག་ཆོད་པོའི་སྒོ་ནས་བཤད་ཐུབ་ཀྱིན་མི་འདུག
བཟང་ས། ད་ཐེངས་ད་ཁྱོད་ངོ་མ་ནོར་སོང། ངས་ཚིག་ཐག་གཅོད་ཀྱིན་པ་དེ་ལྟ་ཚུལ་མི་འདྲ་བའི་ཁྱད་པར་གྱི་ཐོག་ནས་བཤད་པ་ཡིན་པས། དེ་ལྟར་ཐག་གཅོད་སྲོལ་དེ་གྲུབ་མཐའ་ཕལ་མོ་ཆེའི་ལུགས་སྲོལ་མིན་ནམ། འོན་ཀྱང་ཁྱེད་ཀྱིས་ཟམ་གདོང་རིན་པོ་ཆེ་སོགས་ཀྱིས་དབུ་མའི་ལམ་གསུངས་པ་དེ་དགོས་དབང་གིས་མ་གཏོགས་དཔྱོད་ཤེས་ཀྱིས་མིན་པར་ཐག་བཅད་པ་འདི་གཉིས་ག་ལ་འདྲ།
དཔེར་ན་ངས་ཁྱོད་ཀྱི་གསུང་ཚུལ་དེ་ཡང་དག་མ་རེད་ཅེས་ལབ་པ་དང། ཁྱེད་ཀྱིས་ང་ལ་ཁྱོད་ཀྱིས་ཁྱོད་ཀྱི་སྐད་ཆ་དེ་ཁྱོད་ཀྱི་སེམས་ནང་གི་སྐད་ཆ་མ་རེད་ཅེས་ལབ་པ་འདྲ་བོ་རེད། དེ་བས་ང་ལས་ལྷག་པ་ཁྱེད་ཀྱིས་མི་སེམས་མཁྱེན་པ་འདྲ་ཟེར་བ་ཡིན་ཡ་་ཧ་ཧ་ཧཧ་ཧ་་ངས་འདི་ལྟར་བཤད་དུས་ཁྱེད་རང་མིག་ལམ་དུ་འཆར་འོང་བ་ཞིག་གི་སྣང་བ་ཡང་འཆར་གི རྩོད་པ་མང་ཙམ་བྱེད་མྱོང་བའི་བག་ཆགས་ཀྱིས་མིན་ནམ་་་
ཞོར་དུ་བཤད་རྒྱུ་ཞིག་ལ་་ངས་ཡོ་རོབ་མཐུན་ཚོགས་ལ་དཔེ་ལྟ་དགོས་ཚུལ་བཤད་ཀྱིན་མེད། དུས་རབས་འདི་ནས་བཟུང་མི་རིགས་རིང་ལུགས་པ་དང་རྒྱལ་ཞེན་མཁྲེགས་འཛིན་པའི་ལྟ་བ་ལས་བརྒལ་ནས་ཚང་མ་འདྲ་མཉམ་དང་འཆམ་མཐུན་གཅིག་འགྱུར་གྱི་ཁྱིམ་ཚང་ཆེན་པོའི་ནང་ལ་ཕྱོགས་པའི་འདུ་ཤེས་དེ་ང་ཚོའི་དུས་བརས་ཉེར་གཅིག་པའི་གཞོན་སྐྱེས་རྣམས་པར་དགོས་ངེས་ཤིག་རེད་ཟེར་གྱིན་ཡོད། འདི་ངའི་ལྟ་ཚུལ་གཙོ་བོ་གཅིག་ཡིན།
མཛའ་ལྡན་དང་མཁྱེན་ལྡན་དགེ་གྲོགས་ཆབ་བྲག་ལགས།
ཧ་ཧ་ཧ་ འོ་དེ་ལྟར་ཚིག་ཐག་བཅད་ནས་བཤད་ན་ཡ་མཚན་སྐྱེས་ཀྱིན་འདུག་གའ་། དེ་བཞིན་རེད། ཁྱེད་ཀྱིས་ཚིག་ཐག་བཅད་ནས་བཤད་སྐབས་ངས་ཀྱང་ཚིག་ཐག་བཅད་ནས་བཤད་ཆོག་ས་རེད་བསམ་པ་ཡིན། ཡ་ཧ་ཧ་ཧ་
འོན་ཀྱང་དོན་ངོ་མ་དེ་འདྲ་རེད། ཁྱེད་ཀྱིས་ཚིག་ཐག་བཅད་ནས་རང་བཙན་པ་རྣམས་རྨོངས་གཉིད་ལ་བྱིངས་ཡོད་པར་ཚིག་ཐག་བཅད་ནས་བཤད་པ་དེ་འགའ་ཤས་ཡ་མཚན་སྐྱེས་ཀྱིན་ཡོད་ཅིང་འགའ་ཤས་ནི་ཞེན་པ་ལོག་གིན་ཡོད། དེས་ན་དེ་ལྟར་བཤད་པའི་དགོན་དོན་ཡེ་ནས་འགྲུབ་མེད། ངས་འདི་བཤད་ཀྱི་ཡོད།
དེ་མིན་ཁྱེད་ཀྱིས་རང་བཙན་པ་ཁོ་བོ་ཅག་ལ་གང་ཞིག་བཤད་རུང་ལ་ཇུས་མེད་ཇུས་འཁྲི་གང་ཡོད།
བརྩེ་ལྡན་དང་དཔྱོད་ལྡན་དགེ་གྲོགས་ཨ མཆོད་ལགས།
ཁྱེད་ཀྱིས་”དེའི་ཕྱིར་ཟམ་གདོང་རིན་པོ་ཆེ་སོགས་ཀྱིས་དེ་ལྟར་གནང་བ་ནི་དེ་དག་རྨོངས་གཉིད་ལས་སད་པའི་དོན་ཡིན་པའི་ངེས་པ་མེད་དེ། གོང་ཞུས་ལྟར་དགོས་དབང་གིས་བྱས་པ་ཙམ་ཡིན།”ཞེས་ཁོང་གི་ཁོང་གི་དགོངས་ཚུལ་འདི་དགོས་དབང་གིས་ཡིན་པར་ཐག་གཅོད་ཐུབ་པར་ང་ཡ་མཚར་གཅིག་སྐྱེས་བྱུང། གཅིག་བྱས་ན་ཁྱེད་ཀྱིས་མི་སེམས་མངོན་པར་རྟོགས་ཀྱིན་ཡོད་ན་ཐང། དེ་མིན་ཁོང་ལ་དགོས་དབང་ཡིན་མིན་བཀའ་འདྲི་ཞུས་ཆོག ཡང་ཁྱོད་ཀྱིས་དགོས་དབང་གིས་ཡིན་ན་ཡང་ཁོང་གིས་མིན་གསུང་གི་རེད་ཅེས་ཐག་གཅོད་མདོག་ཁ་བོ་རེད། དེ་ནི་ངོ་མ་རྣམ་རྟོག་གི་ཚོད་དཔག་རང་མ་རེད་དམ།
འོ་ན་ཁྱེད་ལ་རང་བཙན་འབོད་སྒྲ་སྒྲོག་མཁན་ཚང་མ་རང་རྟོགས་ཡིན་དགོས་དབང་གིས་ཡིན་པ་མེད་ཟེར་བ་ཡིན་ནམ། གལ་ཏེ་གཉིས་ཀ་དགོས་དབང་གིས་ཡིན་ན་ད་བོད་མིར་རེ་བ་ཅི་ཡང་མེད་སོང་བ་རེད། ང་ཚོའི་ལས་ཀར་ཡང་དོན་སྙིང་གིས་སྟོང་སོང་བ་རེད། དེ་གཅིག་ཡིན།
མ་གཞི་ནས་ང་ཚོས་གཅིག་གིས་གཅིག་ལ་ཅིག་རྩོད་ཀྱིན་པ་འདི་དམར་རྗེན་ལ་བཤད་ན་ཁྱོད་ཀྱི་དེ་མ་རེད་ངའི་འདི་ཡིན། དེ་མི་འགྲིག་གི་འདི་འགྲིག་ཟེར་གི་ཡོད་པ་མིན་ནམ། དེས་ན་དོན་གྱིས་གཅིག་གིས་གཅིག་རྨོངས་པ་རེད་བསམས་ཀྱིན་མེད་དམ། ཡོད་ན་དེ་ལྟར་བཤད་པ་ལ་ཕན་ནུས་ཡོད་ཀྱང་མེད་ཀྱང་ཚིག་དེས་རང་གི་འདོད་པ་དེ་གསལ་བོར་མཚོན་པ་ཞིག་ཡིན་པས་དེ་ཙམ་ཡང་ནུས་པ་ཞིག་རེད་འདོད། གལ་ཏེ་མིན་ན་ཁྱེད་ཀྱིས་འདི་ལ་ནན་གྱིས་དགག་དགོས་དོན་ཡང་ཅི་ལ་ཡོད།
མཛའ་ལྡན་གྱི་གྲོགས་རྒན་ལྷ་མོ་སྐྱབས་ལགས།
ཁྱེད་ཀྱིས་”འཛེམས་ཀྱིན་མེད་པར་མ་ཟད་རང་བདོག་སྟོན་ཐབས་ལ་འབད་ཀྱིན་ཡོད། “གསུང་པར་ཧ་ཅང་འཐད་བྱུང་། ངས་བཤད་དོན་གཙོ་བོ་ནི་ཕ་རོལ་པོ་ཞིག་ལ་རྨོངས་གཉིད་ལས་སངས་མེད་ཚུལ་སྐད་ཆ་ག་འདྲ་ཞིག་ལ་ཡང་དོན་དག་མེད་པའམ་དོན་སྙིང་མེད་ཟེར་བ་ཡིན། གང་ལགས་ཤེ་ན་དེ་བཤད་པའི་དགོས་པ་ཞིག་ཡེ་ནས་འགྲུབ་རྒྱུ་མེད། གང་ལགས་ཤེ་ན་སྐད་ཆ་དེས་གཉིད་པའི་སྐབས་སུ་དཀྲོགས་མི་ཐུབ་ལ་སད་པའི་སྐབས་སུ་དཀྲོགས་མི་དགོས། དེས་ན་སྤྱི་ཚོགས་ནང་དོན་མེད་ཀྱིས་འཁོན་ཁ་བསྩངས་བ་ཙམ་རེད་བསམ། ངས་སྐད་ཆ་འདི་བཤད་འདོད་པ་ཡིན།
ཡང་གཅིག་བཤད་ན་དབུ་མའི་ལམ་པ་དག་གིས་རང་བཙན་པ་རྣམས་རྨོངས་གཉིད་ལས་སངས་མི་འདུག་ཅེས་ཅི་ཙམ་བཤད་རུང་། ཁོ་ཚོས་དེ་ཁས་ལེན་ཐུབ་ཀྱི་མ་རེད། སེམས་གཏིང་ནས་དེ་ལྟར་བསམ་གྱི་མ་རེད། དེ་དང་གཅིག་མཚུངས་སུ་ཚུར་བསམ་གྱི་ཡོད་སྲིད་པ་རེད། དེའི་ཕྱིར་ཁྱེད་ཀྱིས་རང་གི་དམིགས་འབེན་ཞིག་ལ་གཏད་ནས་ཆབ་སྲིད་ཀྱི་སྐད་ཆ་བཤད་ཀྱིན་མེད་ན་སྐད་ཆ་འདིར་སྙིང་པོ་མི་འདུག་ཅེས་ངས་བཤད་འདོད་པ་ཡིན།
དེ་ནས་ཟམ་གདོང་རིན་པོ་ཆེ་སོགས་དེང་སྐབས་ཀྱི་སྤྱི་ཚོགས་སུ་དབུ་མའི་ལམ་པ་བ་རྣམས་ལ་རྣམ་གྲངས་མང་པོ་ཞིག་ཡོད། རེ་ཟུང་གིས་ནི་རྩ་བའི་བླ་མའི་བཀའ་དང་ལྡོག་མ་གཏུབ་པ་ཡིན། རེ་ཟུང་གིས་ནི་དེ་འདྲ་ཞིག་མ་བྱས་པར་སྤྱི་ཚོགས་ཐོག་རྔོ་ཐོགས་པའི་ལས་དོན་ཞིག་སྒྲུབ་མི་ཐུབ་པ་སྟེ། སྒྲུབ་པའི་ལམ་ཁ་ཆུང་དུ་སོང་བ་ཡིན། རེ་ཟུང་གིས་རླུང་གིས་རྒྱུ་ཕྱོགས་ལ་བལྟས་ནས་གོ་སྐབས་བ་ཙམ་དུ་ཟད། རེ་ཟུང་གིས་སེམས་གཏིང་ནས་དེ་ལ་ཡིད་ཆེས་ཡོད་པས་ཡིན། མང་ཕྱོགས་ཀྱིས་ལྷག་བསམ་རྣམ་དག་གིས་གཞུང་གི་ལམ་སྟོན་འོག་ཤར་བསྐྱོད་བྱས་པ་ཙམ་ཡིན།
དེའི་ཕྱིར་ཟམ་གདོང་རིན་པོ་ཆེ་སོགས་ཀྱིས་དེ་ལྟར་གནང་བ་ནི་དེ་དག་རྨོངས་གཉིད་ལས་སད་པའི་དོན་ཡིན་པའི་ངེས་པ་མེད་དེ། གོང་ཞུས་ལྟར་དགོས་དབང་གིས་བྱས་པ་ཙམ་ཡིན།
ལྷག་པར་དུ་གོ་ལ་གཅིག་གྱུར་དང་། ཡོ་རུབ་མཉམ་འབྲེལ་སོགས་ལ་དཔེ་བྱས་ནས་བཤད་ཚུལ་ནི་ངོ་མ་ཉ་དང་ཉོག་མ་མཉམ་བསྲེས་བྱས་པ་རང་རེད། རྦད་དེ་འདྲ་གི་མ་རེད། ཞར་ཡང་། ནམ་ཡང་། གཏན་ནས་འདྲ་གི་མ་རེད། ཟམ་གདོང་ཚང་གིས་ཡང་འདི་ལྟར་གསུང་གི་ཡོད། འདི་ལྟར་ཐོས་སྐབས་རྨོངས་གཉིད་ཅེས་པའི་ཚིག་དེ་སུས་སུ་ལ་སྦྱོར་དགོས་པ་ཡེ་ནས་ཤེས་ཀྱིན་མི་འདུག
དེ་ནས་དྲ་གྲོགས་ཐེ་བོ་ལགས་ལ།
ཡིན་དང་ཡིན། མ་ཤེས་པར་དྲི་བ་དྲིས་ཆོག་ལ་འདྲི་ཡང་དགོས་པ་རེད། གཞན་ཤེས་ཐབས་མེད། ངས་ཀྱང་ཁྱེད་ཀྱི་དྲི་བར་ལན་བཏབ་པའི་ཁུལ་ཡིན། འོན་ཀྱང་ངའི་ཚིག་དེའི་གསེང་ནས་ཁྱེད་ཀྱིས་ལན་དེ་རག་ཡོད་མེད་མི་ཤེས། དེ་འདྲ་ཞིག་མ་གཏོགས་ངས་ལན་འདེབས་ཤེས་ཀྱི་མི་འདུག ལན་ཅུང་ཐད་ཀར་བ་ཞིག་བཏབ་ན་གོ་བ་གཞན་དུ་འགྱུར་འགྲོ་བར་འདུག་པས་ང་ལ་ཚིག་གིས་ཕོངས་སོང་བ་རང་ཡིན།
ཅོ་རི་ཉི་མ་ལགས།
ངས་ཇོ་ནང་བ་ལ་ཆོས་བརྒྱུད་དགོས་ལུགས་ཤིག་བཤད་པ་མི་དྲན་གི་དེ་གང་ན་འདུག་ང་ལ་གཅིག་སྟོན་རོགས།
ང་སློབ་སྤྱི་ཞིག་ལ་བསྡད་པ་ཡང་སྐྱེ་བོ་སྔོན་མ་འདྲ་ཡིན་ན་མ་གཏོགས་མི་དྲན་གི
བོན་བོད་རྩོམ་པ་པོའི་མཐུན་ཚོགས་ཟེར་བ་ཞིག་ཀྱང་ད་བར་གོ་མ་མྱོང།
ཏང་གི་རྩ་ཁྲིམས་ཀྱི་སྒྲོམ་གཞི་འོག་ཟེར་བ་དེ་ཡང་ཁྱོད་རང་ནོར་བ་འདྲ།
ཧུའུ་ཅིན་ཐོ་ལ་ཡིག་འབྲེལ་བྱས་པའི་འཇོན་ཐང་དེ་ཡང་ང་ལ་མེད།
དེ་ནས་ཁྱོད་ཀྱིས་ང་ལ་སྐྱོན་ཆེ་ཤོས་ཤིག་བཀལ་བ་ནི་ཆོལ་གསུམ་ནང་མཐུན་དང་སྤྱི་འཐུས་མ་འཆམ་པ་བཟོས་པ་རེད་ཟེར་བ་འདི་རེད།
མདོར་བསྡུས་ན་ཁྱོད་ཀྱིས་དངོས་གནས་ངའི་སྐོར་ཅང་མཐོང་ཐོས་མེད་པ་དེ་ཧ་གོ་སོང། མ་ཟད་ཁྱོད་རང་མི་གླེན་པ་ཞིག་ཀྱང་ལོས་ཡིན་བསམ་སོང།
གྲོགས་པོ་ཚོ། སྐབས་དོན་བོར་ནས་ངའི་སྐོར་ནས་ཅང་མ་གླེང་རོགས། ང་ལ་གླེང་རིན་ཅང་མེད། འོན་ཀྱང་ངས་བྲིས་དང་འབྲི་བཞིན་པ་དག་གི་ནང་དོན་ཐད་ནས་ཞུ་དག་དང་དགག་རྒྱག་གནང་རོགས། དེ་ལ་དགའ་བསུ་ཞུ།
ལུང་རིག་བདེན་་་་ང་ཚོས་ལྷ་མོ་སྐྱབས་ཀྱི་མི་གཞིར་མི་དཔྱད་ལ་མི་གཞིར་མི་རྒོལ་་་་་ཁོང་གི་བཀའ་མོས་སུ་དཔྱད། ལག་ལེན་ལ་དཔྱད།
དུས་བབ་དྲ་ཐོག་ཏུ་ལོ་མང་བཀླགས་མྱངས་ཡོད་པའི་དབང་གིས་ལྷ་མོ་སྐྱབས་ལགས་ཀྱི་ཐུགས་ཀྱི་དགོངས་པའི་ཟུར་རེར་དང་ལག་ལེན་སྣ་རེར་མཐོང་མྱངས་ཡོད་པ་རྣམས་འདིར་བྲིས་ནས་བཤད་ཀྱི་ཡིན།
1་་་བོད་རང་བཙན་ཐོབ་ཟེར་བ་འདི་རྨི་ལམ་ལྟ་བུ་ཞིག་ལ་ངོས་འཛིན་གྱི་ཡོད་པར་ལྷ་མོ་སྐྱབས་ཀྱི་བཀའ་མོས་ཀྱི་གཞིར་གཅིག་རེད།
2་་་རྒྱ་བོད་མི་རིགས་འཆམ་མཐུན་དང་ཏང་གི་རྩ་ཁྲིམས་ཀྱི་སྒྲོམ་གཞིའི་འོག་ཏུ་རང་སྲིད་སྐྱོང་གི་ཐོབ་ཐང་རག་ཐབས་འབད་བརྩོན་བྱེད་དགོས་པ་ཁོང་གི་བཀའ་མོས་ཀྱི་བརྗོད་བྱ་གཙོ་ཞིག་ག་དུས་ཡིན་ནའང་རེད།
3་་་་འཛམ་གླིང་ཞི་བདེ་དང་འཚེ་མེད་ཞི་བདེ། འཛམ་གླིང་གཅིག་འགྱུར་དང་རྒྱ་ནག་གཅིག་འགྱུར། འཛམ་གླིང་བདེ་འཇགས་སོགས་་་ལྷ་མོ་སྐྱབས་ཀྱི་བཀའ་མོས་གནང་གི་རེད།
ལག་ལེན་ཁག་་་ཞིག་བཤད་ན།
1་་་ལྷ་མོ་སྐྱབས་ལགས་ཀྱིས་སྤྱི་འཐུས་གནང་སྐབས་སུ་སྤྱི་འཐུས་རྣམས་འཆམ་མཐུན་མེད་པ་གྲོས་འཚོགས་མཇུག་སྡོམ་མ་ཐུབ་པ་ཞིག་ལག་ལེན་བསྟར་མྱངས་ཡོད།
2་་་ལྷ་མོ་སྐྱབས་ལགས་ཀྱིས་ཆོས་རྒྱུད་ཀྱི་སྤྱི་འཐུས་མི་དགོས་ཞེས་དགག་པ་བརྒྱབས་ཞོར་ལག་ལེན་གྱི་ཐོག་ནས་བྷི་ཀོང་བོད་གཞུང་རྒྱལ་ཡོངས་ཚོགས་ཆེན་སྐབས་སུ་ཆོས་རྒྱུད་སྤྱི་འཐུས་མི་དགོས་པའི་གྲོས་འཆར་བཏོན་པ་རེད། ཕྱོགས་གཞན་ཞིག་ནས་བཤད་ན་ཇོ་ནང་པའི་སྤྱི་འཐུས་དགོས་ཟེར་ནས་ལག་ལེན་སྟར་མཁན་ཞིག་རེད། ཁེ་ཕན་ཨེ་རག་བསྟར་མཁན་ཞིག་རེད།
3་་་ལྷ་མོ་སྐྱབས་ལགས་སུ་བཙན་བྱོལ་བོད་མིས་གོ་སྐབས་སྤྲད་་ཡོད་རེད། སློབ་སྤྱི་ཡི་གོ་སྐབས། སྤྱི་འཐུས་ཡི་གོ་སྐབས། བོན་བོད་རྩོམ་པ་པོའི་ཚོགས་གཙོ་ཡི་གོ་སྐབས། དེ་འདྲ་བོད་དོན་སྒྲུབ་ཐུབ་པའི་གོ་སྐབས་སྤྲད་པ་རེད། གོ་སྐབས་དེ་དག་གིས་ཐོག་ནས་ཁོས་ལག་ལེན་ངོ་མ་ཧུང་ཅིང་ཐོ་ལ་ཡིག་འབྲེལ་འདྲ་བྱས་བསྡད་ཀྱི་ཡོད་པ་རེད།
གནས་ཚུལ་མདོ་བསྡུས་ན་འདི་འདྲ་ཞིག་དྲན་ཡོང་གི
ལྷ་མོ་སྐྱགས་ལགས་ཀྱིས་བཀའ་མོས་གནང་སྟངས་དང་ལག་ལེན་བསྟར་སྟངས་གཉིས་སུ་འདྲ་བསྡུ་བྱས་པ་ཡིན་ན་འདྲ་མ་མཉམ་པའི་ཁྱད་པ་ཤོར་ཡོད། བཀའ་མོས་གནས་སྐབས་སུ་རྒྱ་བོད་མི་རིགས་འཆམ་མཐུན་བཤད་་་ལག་ལེན་བསྟར་སྐབས་སུ་ཆོལ་གསུམ་ནང་མཐུན་དང་སྤྱི་འཐུས་འཆམ་མཐུན་གནང་གི་མེད་པ་རེད།
རྒྱ་བོད་འཆམ་མཐུན་མ་གཏོགས་ཕུ་ནུ་ནང་བསད་བཏང་བསྡད་པའི་སྐོར་དུ་ལྷ་མོ་སྐྱབས་ཀྱིས་ཁ་མི་གྲགས་ནས་བསྡད་ཡོད། དྲ་གྲོགས་རོ་ལང་ལགས་ཀྱི་ཟིན་བྲིས་ནང་གི་ཕུ་ནུ་ནང་བསད་བཏང་བའི་སྐོར་དུ་བྲིས་པ་ལྟར་དངོས་གནས་རེད། འདི་ཚོ་ཐོག་ཏུ་ཚོར་བ་ཡོད་པའི་བཀའ་མོས་གཅིག་ཀྱང་མེད་པར་ངོ་མ་ཡ་མཚན་རེད།
ལུང་རིག་ལགས་མདོ་བསྡུས་ན་འདི་འདྲ་འདྲ་མོར་ཡིན་ས་ཡོད་ཁུ། ངས་ལྷ་མོ་སྐྱབས་མཐོང་སྟངས་དེ་འདྲ་རེད།
ཉིན་ཤས་རིང་དུས་བབ་དྲ་ཐོག་ཏུ་དྲ་གྲོགས་སོ་སོས་རང་རང་གི་ལྟ་བ་དང་གྲུབ་མཐའ་གཞིར་བཟུང་གིས་བོད་མི་རིགས་ཀྱི་ཆབ་སྲིད་ལམ་ཕྱོགས་ཐོག་ཏུ་བགྲོ་གླེང་ཤུགས་ཆེན་བྱས་སོང་།
བགྲོ་གླེང་གི་བརྒྱུད་རིམ་ནས་མངོན་ཡོང་བ་ནི་་་་མི་གཞི་དང་ལྟ་བ། དད་པ་དང་ཡིད་ཆེས། ལ་རྒྱ་དང་བོད་ཞེན་བཅས་རེད།
དེ་ཡང་དུས་བབ་དྲ་གྲོགས་ཐོག་གི་མཁས་དབང་ཟེར་ནའང་རེད། བཙན་བྱོལ་སྤྱི་ཚོགས་ནང་གི་རྩོམ་པ་པོ་ཟེར་ནའང་རེད། སྤྱི་ཚོགས་ཀྱི་སྣེ་ཁྲིད་མཁན་ཟེར་ནའང་འདྲ།
མདོ་དོན་ཉིན་མཚན་མེད་པར་དུས་བབ་དྲ་ཐོག་ཏུ་བོད་མི་རིགས་ཀྱི་མདུན་ལམ་གླེང་མཁན་ཚོའི་ལྟ་བ་དང་གྲུབ་མཐའ་་་་ཁོང་རྣམས་པའི་ཐུགས་ཀྱི་རེ་འདུན་བཅས་ཁ་ཁོག་མེད་པ་གསུངས་སོང་།་ཡག་པོ་རེད།
མང་ཆེ་བ་ཞིག་གི་ལྟ་བ་རང་བཙན་དང་བོད་ཞེན་ཤུགས་ཆེན་འདུག བོད་རང་བཙན་འདི་ནི་བོད་མི་མཁས་དབང་མང་ཆེ་བས་འདོད་མོས་ཡོད་པ་ཞིག་རེད་འདུག་པར་མངོན་གསལ་རེད་འགི ་་་་་གཅིག་རེད།
གཉིས་ནས་་་་དྲང་སྲོང་ལྷ་བཟང་ལགས་སུ་སྐྱོན་བརྗོད་བྱེད་མཁན་དྲ་གྲོགས་ནད་པ་དང་དགེ་བཤེས་ཚོ་ལྟ་བུ་ལ་མཚོན་ན་ལྷ་བཟང་གིས་༧གོང་ས་མཆོག་ལུག་རྫུ་དང་བོད་མི་རིགས་ལུག་ལ་དཔེར་བཞག་ན་གསུངས་སྟངས་འདི་ལ་དགའ་གིན་མེད་པ་རེད། ༧གོང་ས་མཆོག་ལ་དཔེར་འདི་འདྲ་བཞག་པར་བློ་ཕམ་ཡོད་པས་རེད། མ་གཏོགས་ལྷ་བཟང་གི་ལྟ་བ་ལ་དགག་པ་བརྒྱབས་ཀྱི་མི་འདུག
ཐེ་བོ་ཤེས་རབ་ལགས་ཀྱིས་ལྷ་བཟང་གིས་སྔར་ཕྱི་འགལ་བའི་བཀའ་མོས་གནང་འདུག་གསུངས་ཀྱི་ཡོད་རེད། གནད་དོན་འདིའི་ཐོག་ཏུ་བོན་རྒྱ་བསྟན་རབ་ལགས་ཀྱིས་གསུངས་པར་གནད་འགག་རེད་འདོད།་དེ་ལས་ལྷག་གཅིག་གི་ལན་དགོས་ན་ལྷ་བཟང་ཁོ་རང་གིས་མ་གཏོགས་ལན་འདེབས་མི་ནུས་པ་འདོད།
དགེ་ཆོས་ཀྱིས།
མི་དམངས་གང་དགའ་དེར་བདེན་པ་དང་།
ཁ་མང་གང་ལ་མཐུན་དེར་གྲུབ་མཐའ་སྣང། ་་་་ཞེས་པའི་ལུགས་སུ་བལྟས་ན་བོད་མི་རིགས་མདུན་ལམ་ཐག་གཅོད་བྱེད་མཁན་ངོ་མ་བོད་རྒྱ་ཆེན་མི་དམངས་ཡིན་པར་ཡང་གསལ་པོ་དག་པོ་རེད། ༧གོང་ས་མཆོག་གིས་དགོངས་པ་ཡང་རེད།
རྒན་ལྷ་མོ་སྐྱབས་ཀྱི་བྱས་རྗེས་དེ་ས་ལ་མི་ཤོངས་པ་ཞིག་རེད། རྣམ་པ་ཚོས་ཁོང་ལ་དེ་ལྟར་བཤད་ག་ལ་རུང་། ད་སྐབས་བོད་ཁྱིམ་སློབ་གྲྭ་དང་གཏན་སློབ་ཁག་གི་བོད་དགེ་དེ་དག་ཁོང་གི་གསོ་སྐྱོང་འོག་ནས་ཕེབས་པ་རེད། འདི་ལ་བསམ་བློ་བཏང་ན་ང་ཚོ་འདྲ་བས་བོད་མི་རིགས་ལ་ལེགས་སྐྱེས་སེན་མོ་འདྲ་ཞིག་འབུལ་ཐུབ་ཡོད་པ་མ་རེད།
ཁོང་དེང་སྐབས་དྲ་ཐོག་གི་མཆན་མཁན་ཨང་དང་པོ་འདྲ་བོ་རེད། མཚམས་རེར་སོ་སོའི་ལྟ་ཚུལ་དང་མ་མཐུན་ན་ཁ་ཐུག་ཏུ་མི་གཞི་ནས་བརྩམས་ཏེ་རྒོལ་སྟངས་དེ་ཡག་པོ་མི་འདུག མ་གཞི་ནས་ཁོང་གི་མི་གཞི་ལ་སྐྱོན་བརྒྱབ་ཀྱང་ཕལ་ཆེར་འབྲེལ་བ་ཡོད་པ་མ་རེད། ཁོང་གིས་ཀྱང་དེ་སེམས་ལ་ཉར་གི་མ་རེད། དེ་ལས་ཁོང་གི་དགོངས་ཚུལ་དེ་དག་ལ་བརྡར་ཤ་ཆོད་དང་དེ་ནི་རང་གཞན་རོགས་གསུམ་གྱི་རེ་བ་ཡིན་རྒྱུ་རེད་འདོད།
མཆན་འདི་ནི་ཉེ་བའི་ཆ་ཞིག་ནས་སེམས་ལ་ཤར་ཡང་ལག་ལ་མ་ཡོང་བསྡད་པ་ཡིན། ཁ་སང་དེ་རིང་མཆན་ཇེ་མང་ལ་ཕྱིན་པའི་སྐབས་དེར་འདི་ཡང་གསལ་བཤད་ཅིག་བྱ་རྒྱུ་གལ་ཆེན་པོ་རེད་འདོད།
སྐུ་ཞབས་རོ་ལངས་ལགས། ཐ་སྙད་འདོགས་ཚེ་དོན་མཚུངས་དགོས་ཀྱི་ཡོད་ན། གངས་ཅན་པའི་སེར་སྐྱ་ཕལ་ཆེ་བ་ལ་བྱང་ཆུབ། བསྟན་འཛིན། བྱམས་པ། སྒྲོལ་མ། སངས་རྒྱས་སོགས་ཟེར་བ་མང་དུ་མཆིས་ཀྱང་དོན་ལ་དེ་ལྟར་ཡིན་དགོས་པ་སུས་ཀྱང་སྒྲུབ་པར་དཀའ། དམིགས་བསལ་ཁྱེད་རང་གི་ཐ་སྙད་ལ་རོ་ལངས་བཞེས་ཟེར་གྱི་འདུག་དོན་ལ་རོ་ལངས་ཡིན་ན་གཅོད་ཐབས་བྱེད་མཁན་སྐྱེས་དམ་རྟོག་ལྡན་ཞིག་མེད་ན་ཚིག་བཟང་པོས་ཁྱེད་རང་ཐུབ་པ་མིན་འདུག ་དགོངས་དག་་ཧ་ཧ་ངས་ཁྱེད་ལ་སྐུ་རྩེ་ཞུས།
ལྷ་མོ་སྐྱབས་ཀྱིས་མདོར་ན་རང་བཙན་གྱི་རྨི་ལམ་སྟོང་པ་རྨིས་དང་རྨི་བཞིན་པ་ཚང་མར་དེ་ལྟར་བཤད་པ་ཡིན། ཞེས་རང་བཙན་རྩོད་མཁན་ཚོ་འགྲིག་གི་མེད་པ་དང་དམིགས་ཡུལ་འགྲུབ་རྒྱུ་མེད་པར་བཤད་པ་དེ་རྒྱུ་མཚན་རྩ་བ་ཉིད་ནས་མི་འདུག། གང་ཡིན་ཟེར་ན་ཐབས་ལམ་དེ་དབུ་མའི་ལམ་སྤྱད་ནས་དམིགས་ཡུལ་དེ་རང་བཙན་འཛིན་མཁན་ཡོད་ཆོག་ལ། ཡང་ན་ཐབས་ལམ་དེ་རང་བཙན་རྩོད་ནས་དམིགས་ཡུལ་ངོ་མ་དེ་རང་སྲིད་རང་སྐྱོང་འཛིན་མཁན་ཡང་ཡོང་ཆོག། དཔེར་ན་ཁྱེད་རང་དེ་གཉིས་ནང་ནས་གཅིག་འདེམས་དགོས་ན་གང་འདམས་ས་རེད་དམ།
དེ་གཉིས་ནང་ནས་གཅིག་འགྲུབ་སྲིད་ན་གཅིག་ཤོས་ཡང་འགྲུབ་སྲིད་ལ་གཅིག་འགྲུབ་མི་སྲིད་ན་ཅིག་ཤོས་ཡང་ཡོང་མི་སྲིད་པ་རེད། རྒྱ་དམར་གྱིས་དེ་ཧ་གོ་ནས་དབུ་མའི་ལམ་ཡང་ཁས་ལེན་གནང་གི་མེད་པ་རེད། ང་ཚོས་དེ་ཧ་གི་མེད་པ་ཡ་མཚན་རེད། མདོར་ན་ང་ཚོར་དེ་གཉི་ག་དགོས་པ་ཧ་གོ་བ་གནང་རོགས།
ཨ་མཆོད་ལགས། ངས་བལྟས་ན་ཚང་མས་རང་མདོག་བསྟན་དང་སྟོན་བཞིན་པ་རེད། ངས་ནམ་ཡང་རང་མདོག་དེ་གཞན་གྱིས་ཤེས་འགྲོ་བར་སྐྲག་གི་མེད། འཛེམས་ཀྱིན་མེད་པར་མ་ཟད་རང་བདོག་སྟོན་ཐབས་ལ་འབད་ཀྱིན་ཡོད།
ངས་སྐད་ཆ་འདི་ལྷ་བཟང་ལགས་ཁོ་ནར་བཤད་པ་ཞིག་མིན་དེ་སྔ་བསྟན་འཛིན་བརྩོན་འགྲུས་ལགས་སུ་ཡང་བཤད་ཡོད་ལ་མདོར་ན་རང་བཙན་གྱི་རྨི་ལམ་སྟོང་པ་རྨིས་དང་རྨི་བཞིན་པ་ཚང་མར་དེ་ལྟར་བཤད་པ་ཡིན། དེ་བཞིན་ལྟ་བ་དེ་འཁུར་མཁན་ཚང་མས་ཀྱང་ང་དང་ངའི་ཡན་དང་མན་ཚང་མར་དེ་ལྟར་བསམ་ཆོག་གི་རེད། འོན་ཀྱང་སུ་ཞིག་བདེན་མིན་གྱི་གནད་དོན་དེ་སུས་ཀྱང་ཐག་གཅོད་དཀའ། དུས་ཚོད་ཀྱིས་ག་ལེར་གསལ་བོར་སྟོན་ངེས།
དཔེར་ན་ཟམ་གདོང་རིན་པོ་ཆེས་མཚོན་དེ་སྔ་གཞོན་ནུའི་དབུ་ཁྲིད་གནང་མྱོང་བའི་རང་བཙན་གྱི་ལྟ་བ་འཛིན་མཁན་གང་མང་ཞིག་གི་ལྟ་ཚུལ་ག་ལེར་འགྱུར་ཡོད། དེ་དག་མང་ཆེ་བ་རང་ངོས་ནས་དཔྱད་ཞིབ་ཀྱིས་འགྱུར་བ་སོང་བ་ཞིག་ལ་ངོས་འཛིན་གྱིན་ཡོད། རྨོངས་གཉིད་ལས་སངས་པ་ཞིག་ལ་ངོས་འཛིན་གྱིན་ཡོད། དངོས་ཡོད་གནས་བབ་ཤེས་པའི་ཐོག་ནས་དུས་དང་ལོ་རྒྱུས་འཁོར་འགྲོས་དང་བསྟུན་ནས་ང་ཚོ་རྨི་ལམ་མ་ཡིན་པའི་རྨི་ལམ་ཞིག་ལ་སྐྱོད་དགོས་པར་མཐོང། གོ་ལ་གཅིག་གྱུར་དང་འཛམ་གླིང་ཁྱིམ་གཅིག་གི་འདུ་ཤེས་ཤིག་ང་ཚོར་ཡོང་དགོས་པར་འདོད། འདི་ཡང་དག་པར་འདོད་ཡོད། མི་རྐྱང་དང་སྒེར་ཚུགས་ཀྱི་ལྟ་བ་མཁྲེགས་འཛིན་དེ་རྨོངས་པར་འདོད། དེ་ལྟར་འདོད་བྱུང་བས་ན་བཤད་ཀྱང་ཆོག་པར་འདོད། དེས་གང་ཟག་སྒེར་བའི་ཀུན་སློང་དང་མི་སྤྱོད་ལ་དམའ་འབེབས་སོང་མེད་པར་འདོད།
མཇུག་ཏུ་དགེ་གྲོགས་ལགས་ཀྱིས་དགོངས་ཚུལ་གསུངས་པར་བཀའ་དྲིན་ཆེ་ཞུ།
བྱམས་པ་ཞེ་སྡང་གི་དབང་དུ་འགྲོ་ལ་ཁད་པ་ཁྱེད་ཡུད་ཙམ་དགོངས་དང་།
ངས་ཁྱེད་ལ་ནང་མོལ་ཞིག་ཞུ།
༼དགེ་བཤེས་བྱམས་པ་བློ་བཟང་།
༢༠༡༡/༡༡/༢༤ ཉིན་འདོན་སྤེལ་བྱས། ལྷག་བསམ་ཚེ་རིང་ཁྱེད་རང་གི་ལུག་བྱེ་ཐང་དུ་བཀྲམས་ནས་ལུག་རྫི་འགྲོ་བཞག་ན་ཅེས་ཆེས་སྨྱོ་ཧམ་ཆེ་བས་བརྗོད་ཚིག་དེར་རྒྱ་དམར་གྱི་དངུལ་ག་ཚོད་སྤྲད་རྒྱུའི་ཁས་ལེན་བྱས་བྱུང་ངམ། བྱེ་ཐང་ལ་རྩ་ཆུ་གང་ཡང་མེད་པས་ཁྱེད་རང་ལ་ཁང་པ་ཐོག་རྩེགས་ཅན་དེ་རྒྱ་དམར་གྱི་དངུལ་གྱི་ཆར་པ་བབས་ནས་བྱུང་བ་ཞིག་རེད་པས།༽
ལྟོས་དང་ངོ་མ་དགེ་བཤེས་ལགས་དགོངས་པ་མཚོམས་བཞག
མཆན་འདི་ཡི་ཚིགས་འགྲོས་ལ་བལྟས་ན་་་་་དང་པོ་མིང་གི་མགོ་ཡི་་དགེ་བཤེས་དང་་་་་་བྱམས་པ་་་ཞེས་པའི་ཐ་སྙད་འདི་ཚོ་མར་བཀོག་ཏེ། རླུང་ཁམས་ཅན་ཅེས་ཡར་སྦྱར་ན་གང་འདྲ་འདུག ་་་་་་ཧ་ཧ་ཧ་་་་་་སྐུ་རྩེད་ཞུས་པ་ཡིན།
ངས་འདིར་མཆན་བུ་འདེབས་མཁན་ལ་སྐད་ཆ་ཚིག་གཅིག་བཤད་དགོས་འདུག ཁྱེད་ཀྱིས་ཁྱོད་རྒྱལ་ང་ཕམ་ཆེད་དུ་སྐད་ཆ་བཤད་ཀི་ཡོད་ན། དེ་རིང་ནས་ཁྱོད་རྒྱལ་སོང་བ་བྱོས། འོན་ཀྱང་གནས་ཚུལ་ཞིག་གསལ་རྟོགས་ཆེད་ཡིན་ན། ང་ཚོས་ལྷ་བཟང་ཚེ་རིང་གིས་བཤད་པའི་སྐད་ཆ་གཞི་ལ་བཞག་ནས་རྩོད་གླེང་བྱེད་ཆོག དེ་མིན་ཁོང་གི་སྐད་ཆ་ལ་དྲང་ངེས་འབྱེད་སྟངས་ནི་ངས་ཤེས་མ་སོང་། གཞན་ཨ་མཆོད་འཇམ་དཔལ་ཚུལ་ཁྲིམས་ལགས་སུ་ཞུ་རྒྱུར། ངས་སྐྱོན་མེད་པའི་མི་ཞིག་ད་སྔ་མཐོང་མ་སོང་། དེར་བརྟེན་ལྷ་བཟང་ཚེ་རིང་ལ་དམིགས་བཀར་གྱིས་སྐྱོན་ཡོད་རབས་བཤད་མ་མྱོང་། རྒྱུ་མཚན་ཁྱོད་ཀྱིས་ལོས་ཤེས། ངས་ཁོང་གིས་བཤད་སྟངས་དེའི་གོ་བ་མ་ལོན་པ་རེད། དེར་བརྟེན་ངས་འདི་ནས་སྐད་ཆ་དྲིས་པ་ཡིན། ངས་བསམ་ན་ངས་གནས་ཚུལ་གང་རུང་ཤེས་འདོད་ཀྱིས་དྲི་བ་འདྲི་ཆོག་གི་རེད་བསམ། དེ་མིན་འདིར་སྐད་ཆ་བཤད་མཁན་ཚོས་དོན་དག་མེད་པའི་འུར་མ་རྒྱག་རོགས། དེས་དོན་དག་གསལ་པོ་ཡོང་རྒྱུར་ཕན་པ་ཅུང་ཙམ་ཡང་མེད།
དྲ་གྲོགས་ཚང་མས་སྐད་ཆ་ཅུང་བསམ་ནས་བཤད་ན་གང་འདྲ་འདུག མི་རེ་ཟུང་ཞིག་གིས་དོན་མེད་དུ་གཞན་དང་གཞན་ལ་སྐུར་འདེབས་བྱེད་པ་ལས་གནས་ལུགས་ཅང་ཡོད་པའི་སྐད་ཆ་ཞིག་ཤོད་ཀྱི་མི་འདུག
ཡཡ་ད་ཚང་མས་སུག་ལག་བདེ་བར་སྨོན།
རིང་ནས་འདྲིས་པའི་མཛའ་གྲོགས་རྒན་ལྷ་སྐྱབས་ལགས།
ཁྱེད་ཀྱིས་”ནམ་ཡང་རྨོངས་གཉིད་ཅིག་ལས་མི་སངས་པ་འདི་གཅིག་བྱས་ན་ལྐུགས་པའི་ཨུ་ཚུགས་དེ་ཡང་མིན་ནམ་སྙམ་པ་འཆར།”་ཞེས་གསུང་བ་འདི་ཕྱིར་འཁོར་ནས་ཁྱོད་ལ་བཤད་ན་སེམས་ལ་གང་ཞིག་འཆར་གྱི་རེད། རྨོངས་གཉིད་མ་སངས་པ་སུས་སུ་ལ་བཤད་དགོས་པ་རེད། མདོར་ན་རང་མདོག་བསྟན་པ་ལས་སྐད་ཆ་འདི་འདྲ་ལ་དོན་སྙིང་གང་ཡང་མེད་པ་རེད།
རིང་ནས་འདྲིས་པའི་མཛའ་གྲོགས་རྒན་ལྷ་སྐྱབས་ལགས།
ཁྱེད་ཀྱིས་”ནམ་ཡང་རྨོངས་གཉིད་ཅིག་ལས་མི་སངས་པ་འདི་གཅིག་བྱས་ན་ལྐུགས་པའི་ཨུ་ཚུགས་དེ་ཡང་མིན་ནམ་སྙམ་པ་འཆར།”་ཞེས་གསུང་བ་འདི་ཕྱིར་འཁོར་ནས་ཁྱོད་ལ་བཤད་ན་སེམས་ལ་གང་ཞིག་འཆར་གྱི་རེད། རྨོངས་གཉིད་མ་སངས་པ་སུས་སུ་ལ་བཤད་དགོས་པ་རེད། མདོར་ན་རང་མདོག་བསྟན་པ་ལས་སྐད་ཆ་འདི་འདྲ་ལ་དོན་སྙིང་གང་ཡང་མེད་པ་རེད།
དྲ་དྲོགས་ལགས།
“ཅིའི་ཕྱིར་སྐད་ཆ་དེ་ལྟར་བཤད་པ་རེད་དམ། དོན་ངོ་མ་ཁོང་ཚོས་ཅི་ཞིག་བཤད་སྙིང་བྲོ་ཀི་ཡོད་པ་རེད་དམ། ང་ལ་ཁོང་ཚོས་དེ་ལྟར་བཤད་དགོས་པའི་རྒྱུ་མཚན་ཅི་ཡིན་ཧ་ཅང་ཤེས་འདོད་འདུག” ཅེས་པ་ལ་ངས་ཁྱེད་ལ་དམའ་འབེབས་བྱས་པ་ཡེ་ནས་མིན་ལ་གདེངས་ཚོད་ཡོད་ནས་བཤད་པ་ཡང་མིན་པའི་ལན་ཞིག་ཞུ།
དེ་ནི་ངས་ཁྱེད་ཆོས་པ་རྣལ་མ་ཞི་ཡིན་ཤག་གིས་བཤད་ན་”ཁྱེད་ཀྱིས་ཁོང་ཚོས་དེ་ལྟར་བཤད་དགོས་པའི་རྒྱུ་མཚན་ཅི་ཡིན་”་ནམ་ཡང་ཤེས་ཀྱི་མ་རེད་ཅེས་ཀུ་རེའི་ཚུལ་དུ་ཞུ་རྒྱུ་ཡིན།
ལར་ནས་ཁོང་ཚོ་ལ་སྐྱོན་མེད་པར་སུས་བཤད་ཀྱིན་མེད་ཚོད་ལ། ཁྱེད་ཀྱིས་དོན་དག་ཆུང་ཆུང་དེ་འདྲ་ཞིག་འདི་ལྟར་ཆེ་བཤད་བྱེད་པ་ལ་རྒྱུ་མཚན་ཅི་ཡོད་ཤེས་འདོད་ཀྱང་མི་འདུག་བཤད་མི་ཐུབ།
བདེན་པ་ཡིན་ཞེས་ཐམས་ཅད་བསྒྲགས་འཇོག་པ་ནི་ལྐུགས་པའི་ངང་ཚུལ་ཡིན་པ་ཁྱེད་ཀྱིས་སྔར་སྔ་མོ་ཞིག་ནས་མཁྱེན་ཚར་ཡོད།
འོག་གི་དགེ་བཤེས་མིང་ཅན་འདིས་བཤད་སྟངས་ལ་ལྟོས་དང་། དགེ་བཤེས་ཤིག་གི་བཤད་སྟངས་ཨེ་རེད། ད་དུང་ཡིག་ནོར་ལ་ལྟོས་དང་། མིང་གི་མགོ་ལ་དགེ་བཤེས་ཡིན་ན་ཅིག སྙིང་རྩ་སྤར་མོས་འཛིན་རྒྱུ་བོ།
ངས་བོད་དང་དེའི་མི་རིགས་ལ་ཕན་པ་བསྒྲུབས་པ་ཅི་ཡང་མེད། ངས་བོད་ཡིག་ལ་བརྟེན་ནས་རང་ཁ་གསོ་གིན་ཡོད་པ་ཙམ་ཞིག་ཡིན། འོན་ཀྱང་འདིར་བསམ་ཚུལ་བརྗེ་རེས་ཀྱི་སྐད་ཆ་རེ་བཤད་ཀྱིན་ཡོད། དེའི་ཐོབ་ཐང་ལོས་ཡོད། ངས་བཤད་པའི་བསམ་ཚུལ་གང་ཐད་ནས་མི་འགྲིགས་ན་དེའི་ཐོག་ནས་བཤད་རོགས།
ལྷག་བསམ་ཚེ་རིང་ཁྱེད་རང་གི་ལུག་བྱེ་ཐང་དུ་བཀྲམས་ནས་ལུག་རྫི་འགྲོ་བཞག་ན་ཅེས་ཆེས་སྨྱོ་ཧམ་ཆེ་བས་བརྗོད་ཚིག་དེར་རྒྱ་དམར་གྱི་དངུལ་ག་ཚོད་སྤྲད་རྒྱུའི་ཁས་ལེན་བྱས་བྱུང་ངམ། བྱེ་ཐང་ལ་རྩ་ཆུ་གང་ཡང་མེད་པས་ཁྱེད་རང་ལ་ཁང་པ་ཐོག་རྩེགས་ཅན་དེ་རྒྱ་དམར་གྱི་དངུལ་གྱི་ཆར་པ་བབས་ནས་བྱུང་བ་ཞིག་རེད་པས།
ལྷ་བཟང་ཚེ་རིང་གི་སྐད་ཆ་ལ་རྒྱུ་མཚན་འདུག རང་ལུགས་བརྟན་པོ་ཡོད་པའི་རྟགས་མཚན་ཞིག་ཡིན་པ་ལས། རླུང་དར་ནང་བཞིན་ཞིག་མ་རེད། མིང་ཆེན་པོ་ཡོད་མཁན་ཞིག་གིས་བཤད་པ་རེད་ཟེར་ནས་གཡམ་རྒྱུགས་བྱེད་མཁན་ཞིག་གཏན་ནས་མིན། ཆབ་བྲག་སོགས་ལ་ཞུ་རྒྱུ། རང་གིས་རང་ལ་བྲིས་ནས་རང་ཉིད་ཀྱིས་བོད་རྩ་དོན་གྱི་ཆེད་དུ་ཁ་ཡོད་ལག་ཡོད་ཀྱི་ལས་དོན་ག་རེ་བརྩམས་ཡོད། གལ་སྲིད་དྲ་ཚིགས་ཀྱི་ནང་དུ་རྩོམ་གོ་རྒྱུ་ཡོད་ལ་མེད་ལ་དེ་འདྲ་བྲིས་པ་ཙམ་གྱིས་བོད་རྩ་དོན་གྱི་ཐོག་ལས་ཀ་བརྩམས་མྱོང་ཟེར་ན། དེ་ལྟ་ན་བོད་རྩ་དོན་སེམས་ཁུར་བྱེད་ཟེར་བའི་ཐ་སྙད་འདི་སླ་མོ་ཞིག་ཏུ་འགྱུར་བ་མ་ཡིན་ནམ།
ལྷ་བཟང་དང་འཇམ་ནོར་སོགས་ནི་ཆབ་སྲིད་པ་གང་ཞིག་ལ་རྩོམ་པ་པོའི་གཤིས་ཀ་ཡོད་པ་རེད། དེའི་ཆ་ནས་སྔོན་གྱི་སྐད་ཆ་དག་ནི་གོང་ས་མཆོག་གིས་མཛུབ་མོ་གར་བསྟན་ཤར་ཡིན་ཟེར་ནས་རྒྱུགས་མཁན་དག་ལ་ཅག་ཅག་གིས་སྨྲས་པ་དང་ད་ནི་དོན་དངོས་ཀྱི་སྐད་ཆ་རང་ཤོར་བ་ལོས་ཡིན་སྙམ་སོང་།
སྤྱིར་ན་གོང་ས་མཆོག་གིས་སྐུ་དབང་མཚམས་འཇོག་གནང་བ་དེ་ནི་དངོས་གནས་བློས་བཟོད་པ་ཞིག་མ་རེད། སྔ་ཕྱི་ལ་བསམ་བློ་གཏོང་ཤེས་ཤིང་བོད་དོན་ལ་གཞིགས་ནས་བཤད་ན་འདི་ལས་ཅུང་ཆེན་པོ་ཞིག་ཡོད་པ་མ་རེད།
ཡིན་ནའང་་་་་་་་་་་་་་་་་་་་་་་་་་་་་་་་་་་་་་་
༸གོང་ས་སྐུ་འཕྲེང་བཅུ་གསུམ་པ་ཆེན་པོས་བསྩལ་བའི་ཆུ་སྤྲེའི་ཞལ་གདམས་ནང་དུ་སླར་ཅི་དྲག་གིས་འགྱོད་ཀྱང་ཕན་ཆ་མི་སྲིད་པས་ཞེས་སྐབས་དེར་གནད་ལུགས་གསལ་བཤད་ཚད་ལྡན་གནང་ཡོད།
ད་ལྟ་ལྷག་བསམ་མིང་ཅན་གྱིས་སྔ་ཕྱིར་མི་འཚམས་པའི་སྐད་ཆ་ཐབས་སྡུག་དེ་འདྲ་བཤད་དེ་༸ གོང་ས་མཆོག་གི་སྐུའི་མཛད་འཕྲིན་ལ་བཀའ་དྲིན་བསམ་ཤེས་མེད་པར་དྲིན་ལན་ལོག་འཇལ་བྱེད་བཞིན་ཡོད་སྟབས། ཡང་བསྐྱར་ང་ཚོ་བོད་མི་རིགས་ཚོར་སླར་ཅི་དྲག་གིས་འགྱོད་ཀྱང་ཕན་ཆ་མ་སྲིད་པའི་དུས་ཤིག་ཤར་དོགས་འདུག
ནོར་བུ་རང་ལ་ཡོད་དུས་ནོར་བུའི་ནོར་ཉམས་མ་ཆོད་ན་ནོར་བུ་མི་ལ་ཤོར་བའི་སྐབས་ཅི་དྲག་གིས་འགྱོད་ཀྱང་དེར་ཕན་ཆ་མི་སྲིད་པ་ཡིན།
༸ གོང་ས་མཆོག་ལ་མཚན་སྨད་དང་བཀུར་འདེགས་བྱེད་མཁན་གྱི་མི་དེ་ཚོ་ཆ་བཞག་ས་དང་། ཡིད་ཆེས་ཡོད་མཁན། བརྩི་བཀུར་བྱེད་ས། ཡི་བརྟན་འཕེར་བའི་མི་ཞིག་མིན་སྟབས། བོད་རིགས་ན་གཞོན་ཚང་མས་ལོག་ལམ་དུ་མི་འགྲོ་བའི་རེ་བསྐུལ་ཞུ་བཞིན་ཡོད།
ལྷ་བཟང་ཚེ་རིང་དང་འཇམ་དབྱངས་ནོར་བུ་སོགས་ཀྱིས་སོ་སོས་གང་བྱས་གང་སྒྲུབ་ཚང་མ་བོད་རང་དབང་རང་བཙན་ཁོ་ནའི་ཆེད་དུ་རློམས་ཡང་། ཁོ་བོས་བལྟས་ན། ཁོང་ཚོའི་སྒོ་ང་རྡོ་ཐོག་དང་། ཁ་སྟོང་ནང་གི་ཚིག་སྟོང་། ནང་འགལ་ཅན་གྱི་སྐད་ཆ་སྔར་བཤད་ད་བཤད་ཚང་མ་ཕྱོགས་བསྡོམ་ཞིག་རྒྱག་རན་འདུག ང་ཚོའི་མགོ་ཐོག་གི་གནམ་འདི་རྒྱ་གར་གྱི་གནམ་དང་རྐང་འོག་ས་འདི་རྒྱ་གར་གྱི་ས་ཡིན་པ་སོ་སོས་ཤེས་བཞིན་དུ་ཅིའི་ཕྱིར་གཞན་གྱི་གནམ་ས་གཉིས་ཀའི་བར་ལ་ཨུ་ཚུགས་ཀྱིས་ཁང་བརྩེགས་བརྒྱབ་པ་ཡིན། རྒྱལ་ཁབ་མི་རིགས་ལ་ཤ་ཚ་ཡོད་ན། མཁས་པ་ཡིན་ན། རྒྱལ་གཅེས་པ་ཡིན་ན། རང་དབང་རང་བཙན་ཁོ་ན་འདོད་ཀྱི་ཡོད་ན། ཚོང་ཁང་ཆུང་ཆུང་དེའི་ནང་ཁུམ་ནས་མ་འདུག just do something. To act for the people. དེ་མིན་༸གོང་མཆོག་ནས་འགྲིག་མ་འགྲིག་གི་སྐད་ཆ་མ་བཤད། དོན་མེད་མིག་ཆུ་མ་གཏོང་། ཕོ་ཁྱོ་ག་ཡིན་ན་མིག་ཆུ་ཁོག་ན་ཡོད་པ་རེད། བོད་མིའི་སྒྲིག་འཛུགས་ཀྱི་ལས་དོན་སྒྲུབ་ཕྱོགས་ཀྱིས་འདོད་བློ་ཁེངས་ཀྱི་མེད་ན་གངས་ཅན་སྐྱིད་གཤོངས་ཁྱེད་ཀྱི་འཁྲིས་ན་ཡོད་པ་རེད།
ས་ཆ་ཁུག་ཀྱོག་ནས་སྙིང་སྟོབས་ཅན་གྱི་སྐད་ཆ་མ་བཤད།
ཐལ་ཆ་མེད་པའི་སྐད་ཆ་ཤོད། དེ་ཤོད་དང་ཚང་མས་ཉན་གི་རེད། བསམ་གི་རེད། བསྡུར་གི་རེད། དེ་མ་གཏོགས་ཆོ་ཡོད་པ་མ་རེད།
ལྷ་བཟང་ཚེ་རིང་ལགས་ཀྱིས་འགྱུར་མེད་བོད་རང་བཙན་གྱི་ལྟ་བ་བཟུང་བ་ངོ་མ་དགའ་བསུ་ཡོད་རུང་ཁོང་གིས་ད་བར་རང་བཙན་ཇི་ལྟར་རྩོད་དགོས་མིན་ལྟ་གྲུབ་ཀྱི་རྩོམ་ཡིག་ཚད་ལྡན་ཞིག་མཇལ་མ་བྱུང་།
ལྷག་དོན་ཁོང་གིས་༧གོང་ས་༧སྐྱབས་མགོན་ཆེ་པོ་མཆིག་གིས་ཆབ་སྲིད་ཀྱི་ཐུགས་འགན་བཞེས་གནང་མཛད་པ་ལ་དུས་རྟག་ཏུ་མི་འདོད་པའི་རྣམ་འགྱུར་གོ་སྐབས་གང་ཡོད་ལ་སྟོན་མཁན་རྒན་པོ་རང་ཚུགས་ཅན་ཞིག་ཡིན་རུང་། ད་རེབ་ངོ་མ་རྒན་པོ་འདིའི་རང་གཤིས་ངོ་མ་དེ་བསྟན་ནས་ཁ་གཅིག་ནང་ནས་ལྕེ་གཉིས་བརྐྱངས་ནས་༧གོང་ས་༧སྐྱབས་མགོན་ཆེ་པོ་མཆོག་གིས་ཆབ་སྲིད་ཀྱི་ཐུགས་འགན་བོད་མི་མང་ལ་གནང་བའི་རླབས་ཆེན་གྱི་མཛད་པ་འདི་ལ་མི་འདོད་པའི་སེམས་ཚོར་ཐོལ་བྱུང་ཞིག་གིས་༧གོང་ས་མཆོག་ལ་ཆབ་སྲིད་ཀྱི་ཐུགས་འགན་བཞེས་རོགས་ཞེས་ཞུ་བསྐུལ་གནང་བ་འདི་ལྟོས་དང་།
རྩོམ་པ་པོ་ཐེ་བོ་ཤེར་རྒྱམ་ལགས་ཀྱིས་གནད་འགག་ཅན་གྱི་དྲི་ཚིགས་གལ་ཆེན་ཞིག་བཏང་བར་བཀའ་དྲིན་ཆེ།
ཆབ་བྲག་ལྷ་མོ་སྐྱབས་ཀྱིས།།རྩོམ་ཡིག་བརྩམས་ཆོས་སྤེལ་ནོ།།རྙོག་ལ་ཚྭ་ཁུ་མེད་ཀི།།རང་བཙན་ཞ་མོ་མ་གཡོགས།།རང་བཙན་ལྟ་བ་འཛིན་མཁན།།མི་འགྱུར་རྡོ་རྗེ་མདུད་པ།།
དོན་གྱི་མཁས་དབང་དང་ཉམས་མྱོང་ཅན། དབུ་ཁྲིད་པ་ཞིག་ཡིན་ཚེ་རང་གི་ལྟ་བ་དག་མགོ་མཇུག་ཚང་ལ་་གསལ་ཁ་ཡོད་པའི་གཞུང་ལུགས་རང་བཞིན་གྱི་དེབ་ཅིག་འདོན་ངེས། དེ་མིན་སངས་རྒྱས་ལ་ཀ་ཁ་སློབ་མཁན་རིགས་ཤིག་ནི་ཁ་མཁས་འདྲ་ཆགས་ཀྱི་གཏམ་ཐོར་རེ་བ་རེ་གློ་བུར་གློ་བུར་དུ་བསྐྱུགས་ནས་འདུག་པ་ཙམ་རེད།
ལྷ་བཟང་ཚེ་རིང་ལགས་ཀྱིས་ཐོག་མཐའབར་གསུམ་དུ་རང་བཙན་རྩོད་ལེན་གྱི་ལྟ་བར་འགྱུར་བ་མེད་པར་གནས་པ་དེས་ཁོ་རང་སྐབས་འཚོལ་རིང་ལུགས་པ་ཞིག་མིན་པ་མཚོན་ཐུབ་ན་ཡང། ནམ་ཡང་རྨོངས་གཉིད་ཅིག་ལས་མི་སངས་པ་འདི་གཅིག་བྱས་ན་ལྐུགས་པའི་ཨུ་ཚུགས་དེ་ཡང་མིན་ནམ་སྙམ་པ་འཆར།
འདིར་རྩོམ་པ་པོས་གནད་དོན་གྱི་ཐོང་རྩ་ནས་བཟུང་སྟེ་དྲི་བ་བཏོན་པར་དོ་བདག་གིས་ལན་ཞིག་ངེས་པར་གནང་འོས་པར་འདོད། གནང་བའི་རེ་སྒུག་བྱས་ཡོད།
༼ལུག་རྫི་ཞིག་གིས་ལུག་རྣམས་རྩྭ་ཁ་ཡག་ས་ཞིག་ལ་འཁྲིད་རྒྱུ་ཡིན་ཟེར་ནས་ཡར་འདེད་མར་འདེད་བྱས་ཏེ་མཐར། རྩྭ་ཁ་ཡག་ས་མ་རག་ཐལ། ད་དབང་ཆ་ཚང་མ་ཁྱོད་ཚོར་ཡོད། ཟེར་ནས་ལུག་བྱེ་ཐང་ཞིག་ལ་བཀྲམས་ནས་ལུག་རྫི་འགྲོ་བཞག་ན། དེ་ལུག་རྫིའི་ལས་འགན་འགྲུབ་པ་རེད་དམ༽
དཔེ་འཇོག་འདི་ཅིག་ཅིག་ཐུ་མོ་འདུག བྱེ་ཐང་ཞིག་ལ་བཀྲམས་འདུག་གམ།
༧གོང་ས་མཆོག་གིས་སྐུ་ཚེའི་རིང་འོ་བརྒྱལ་བཞེས་པ་དེ་ལ་རིན་ཐང་རྒྱག་སྟངས་འདི་ཙམ་ཞིག་རེད་དམ།
ཐེ་བོའི་སྐད་ཆ་འདི་ཡིག་རྟོན་རུང་བ་ཞིག་ཡིན་ན། ཁོང་གིས་ཁ་གཅིག་ནས་ལྕེ་གཉིས་བརྐྱངས་པ་དེའང་ཡ་མཚན་ཞིག་མ་རེད་དམ། གཞན་དུ་ན་ཁོང་ཚོའི་ཐབས་ཇུས་ཤིག་དང་། ཡང་མིན་ན་ཁོང་ཚོའི་རང་གཤིས་ཤིག་ཡིན་ཀྱང་སྲིད།
ཐེ་བོ་ཤེས་རབ་རྒྱ་མཚོས་ལྷ་བཟང་ཚེ་རིང་ལ་དྲི་བ་དྲི་སྟངས་དེར་འདོད་མོས་ཡོད། འོན་ཀྱང་ལན་ཞིག་འོང་རྒྱུའི་རེ་བ་མ་བརྒྱབ། གང་ཡིན་ཟེར་ན་ལྷ་བཟང་ཚེ་རིང་གཙོས་དེང་དུས་ཀྱི་ང་ཚོའི་གཞོན་སྐྱེས་ཤེས་ལྡན་ཡིན་ཟེར་མཁན་མང་པོ་ཞིག་ཚོར་བ་སྨྲ་བ་རེད། དེ་རིང་ཚོར་བ་བདེ་སྡུག་བཏང་སྙོམས་གང་རུང་ཞིག་མངོན་དུ་གྱུར་སྐབས་ཡང་ཅིག་བཤད་ཀི་རེད། སང་ཉིན་དེ་གསུམ་ནང་ནས་གཅིག་མངོན་གྱུར་སྐབས་ཡང་ཅིག་ལབ་ཀི་རེད། འོན་ཀྱང་དེ་ལ་རྒྱུ་མཚན་ཡག་པོ་ཞིག་བཤད་ཡ་མེད་པ་ཆོས་ཉིད་ཡིན་པ། གནའ་སྔོན་མ་ཡིན་ན་ཚོར་བ་སྨྲ་བའི་རང་ལུགས་པ་འདི་ཤེས་ཡོན་མེད་མཁན་དང་ཡི་གེ་མི་ཤེས་མཁན་ནང་ཡོད་པ་རེད། དེང་སང་དུས་སྙིགས་ནས་ང་ཚོའི་ཤེས་ཡོན་ཅན་རྣམས་ཚོར་བ་སྨྲ་བའི་རང་ལུགས་ཆགས་བཞིན་པ་རེད། གལ་སྲིད་འདུ་ཤེས་སྨྲ་བའི་རང་ལུགས་པ་ཆགས་དགོས་ན་མཚན་ཉིད་སྦྱང་དགོས་ཀྱི་རེད། དེ་མིན་ཐབས་ཤེས་གཞན་མི་རྙེད།
སྤྲོ་ཚིགས་དགེ་འདུན་ལགས་ཀྱིས་བསམ་ཚུལ་བཏོན་པར་དགའ་ཡོད། འོན་ཀྱང་ངས་ལྷ་བཟང་ཚེ་རིང་ལ་སྐད་ཆ་བཤད་རྒྱུའི་ཐོབ་ཐང་མེད་ལབ་མེད་ལ། དེ་ག་ནང་བཞིན་ངས་ཁོ་རླུང་ཁའི་དར་ལྕོག་ནང་བཞིན་གང་དུའང་གཡུག་ཆོག་གི་མ་རེད་ལབ་མེད། ངས་ཁོང་གིས་སྔ་ཕྱི་འགལ་བའི་སྐད་ཆ་དེའི་ནང་དོན་ངོ་མ་གང་ཡིན་མགོ་ཚོས་མ་སོང་། མདོ་དོན་ཁ་གཅིག་གི་ནང་ནས་ལྕེ་གཉིས་རྐྱོང་གི་འདུག དེའི་རྒྱུ་མཚན་གང་ཡིན་མིན་སྐོར་ལ་སྐད་ཆ་དྲིས་པ་ཙམ་ཡིན། འདི་སྙུག་ཁ་ནང་སྐོར་དང་ཕྱི་སྐོར་གྱི་དོན་དག་ཡོད་མ་རེད། འོན་ཀྱང་ང་ཚོས་ག་རེ་ཤེས་དགོས་ཀྱི་རེད་ལབ་ན། ྋགོང་ས་མཆོག་གིས་ཆབ་སྲིད་ཐུགས་འགན་བཞེས་ཡོད་པའི་སྐབས་སུ་ལྷ་བཟང་ཚེ་རིང་གིས་ྋགོང་ས་མཆོག་གིས་བོད་ཀྱི་ཆབ་སྲིད་ཐུགས་འགན་བཞེས་པ་དེས་བོད་དོན་ཐོག་ལ་གནོད་ཀྱི་ཡོད་རབས་ལུང་པ་གང་བཤད་པ་རེད། ད་སྐབས་ྋགོང་ས་མཆོག་གིས་སྲིད་དབང་མི་མང་ལ་རྩིས་སྤྲོད་གནང་བ་རེད། ད་ཡང་ལྷ་བཟང་ཚེ་རིང་གིས། ྋགོང་ས་མཆོག་གིས་གནང་སྟངས་དེས་བོད་དོན་ཐོག་ལ་གནོད་ཀྱི་ཡོད་རབས་བཤད་ཀྱི་འདུག ངས་དོན་ངོ་མ་ཁོང་གིས་ག་རེ་བཤད་འདོད་ཡོད་མེད་ཧ་མ་གོ་བས་འདིར་དྲི་བ་ཞིག་དྲིས་པ་དེ་ཡིན། དེས་ན་ངས་ཁོང་ལ་དྲིས་པ་ཞིག་ཀྱང་འདྲི་མི་ཉན་པ་ཨེ་རེད།
སྔར་ལྷ་ཚེ་རིང་དང་འཇམ་ནོར་བུ་གཉིས་ཀྱིས་རྟ་ལམ་བོང་བུས་བཀག་སོང་ཟེར་གྱིན་ཡོད་པ་བདེན་པ་རེད། ད་ལྟ་ཅི་ཞིག་འདོད་ཀྱིན་པ་མི་ཤེས། སྤྱིར་ཁ་བདག་མེད་དེ་ཚོའི་དོན་ལ་ཉན་མི་སྤྲོ་ཀི
ཀུན་རྟོགས་རི་མོ་་བདེན་གི་འདོད། ཚིག་སྣེ་རེ་འཇུ་ས་ཡོད་པ་དང་སྨྱུག་ཁ་ནང་ལ་སྐོར་རྐྱང་བྱས་པ་ཡག་པོ་མ་རེད་འདོད། རྒན་ཁོང་གི་དམིགས་ཡུལ་་་རང་བཙན་མ་ཡིན་ནམ། དེ་ལ་འགྱུར་བ་ཡོད་པ་མ་རེད་ལ་་གལ་ཏེ་འགྱུར་སོང་ཡང་ཁོང་གི་ཐོབ་ཐང་རེད་འདོད། རང་དབང་མ་ཡིན་ནམ། དེས་ཕྱིར་སྐད་ཆ་སྔ་ཕྱིར་མི་མཐུན་པ་ཅུང་རེ་ཡོང་སྲིད་པ་མ་ཟད་སྐད་ཆ་བཤད་ན་དུས་ལ་ཡང་བསྟུན་དགོས་ཚོད་རེད། གང་ལྟར་ཁོང་མི་དམ་ཚིག་ཅན་ཞིག་དང་སྙིང་རུས་ཅན་ཞིག་དུ་འདོད།
ཀུན་རྟོགས་རི་མོ་ལགས། ཁྱེད་ཀྱིས་ངའི་རྩོམ་ཡིག་ཞིབ་མོ་ཞིག་ཀློགས་དང་། ངས་སྐད་ཆ་དྲང་མོ་ཞིག་བཤད་པ་ཙམ་ཡིན། ངས་དངོས་གནས་ཁོང་ཚོས་ག་རེ་བཤད་བསམ་པ་མ་ཤེས་པས་ཡིན། དེར་བརྟེན་ང་བོད་པ་ཞིག་ཡིན་པའི་ཆ་ནས་གནས་ཚུལ་འདི་འདྲའི་ཐོག་ལ་ངས་ཁོང་ཚོར་སྐད་ཆ་འདྲི་རྒྱུའི་ཐོབ་ཐང་ཡོད་པ་རེད་སྙམ། སྐད་ཆ་འདི་རྒྱ་ནག་གི་མདུན་དུ་ལངས་ཐུབ་དང་མ་ཐུབ་ཀྱི་གནད་དོན་མ་རེད། ང་ཚོས་འབྱུང་འགྱུར་གྱི་ཆེད་དུ་ལོ་རྒྱུས་ལ་འགན་ཁུར་ནས་སྐད་ཆ་ག་རེ་ཡིན་མིན་མྱི་གསོན་པོ་དངོས་སུ་ཡོད་དུས་གསལ་པོ་བཟོ་དགོས་པ་དེ་གལ་ཆེན་པོ་ཞིག་རེད། མ་རེད་དམ།
ལྷ་བཟང་དང་འཇམ་ནོར་གཉིས་ཀྱི་ཆབ་སྲིད་པའི་སྐད་ཆ་ཡིན་མདོག་གིས་གང་དྲན་གླེང་གི་ཡོད་པ་རེད། གནས་སྟངས་ལ་བལྟས་ནས་སྐབས་ཚོར་རང་ལུགས་པ་ཞིག་བྱེད་འདོད་མིན་ནམ། སྔོན་མ་༧གོང་ས་མཆོག་གི་བོད་མིའི་དབུ་ཁྲིད་མཚམས་འཇོག་གནང་ན་དེ་ནས་ཐབས་ལམ་ཞིག་བསྟོན་གྱི་ཡོད་རབས་བཤད་སོང་། ད་སྐབས་ཡང་༧གོང་ས་མཆོག་ལ་སྐུ་དབང་མཚམས་འཇོག་གནང་རྒྱའི་དབང་ཚད་མེད་ཚུལ་སོགས་གླེང་བཞིན་པ་འདི་ཆབ་སྲིད་པའི་སྐད་ཆ་ཡིན་ས་རེད།
རྒྱ་ནག་གི་འཁྱོགས་བཤད་ལན་ནམ་ཡང་རྒྱག་མི་ཐུབ་ཅིང་རང་རིགས་ཀྱི་འཐབ་རྩོད་པ་དག་གི་མདུན་དུ་ཅེར་རེ་ལངས་ཐུབ་པའི་མི་འདི་ཚོ་ཡ་མཚར་རེད།
ལྷ་བཟང་ཚེ་རིང་སོགས་སྐོར་ཞིག་གི་བསམ་བློ་འཁྱེར་ཕྱོགས་ག་རེ་ཡིན་མིན་ང་ཚོས་ཧ་གོ་སོང་ན་འགྲིག་སོང་བ་རེད། མདོར་ན། ཁོང་ཚོ་ཡར་ཟེར་ན་མར་དང་མར་ཟེར་ན་ཡར་ཟེར་བའི་གྲས་རེད། དམིགས་ཡུལ་ག་རེ་ཡིན་མིན་གང་ཤེས།
ལྷ་བཟང་ཚེ་རིང་གིས་བཤད་པའི་སྐད་ཆ་དེ་དག་་ཞིབ་ཀློག་ཅིག་བྱས་བ་ཡིན། མི་བསམ་མེད་ཅིག་གིས་ཉན་ཚེ་བདེན་པ་བདེན་དྲང་གི་སྐད་ཆ་ཞིག་རེད་དྲན་ཀི ཡིན་ན་ཡང་། ང་ཚོའི་ཞིབ་ཏུ་བསམ་བློ་ཞིག་བཏང་བ་ཡིན་ན་ཁོང་གི་སྐད་ཆ་དེ་དག་ནི་མི་མང་རྣམས་འུར་ལངས་ཀྱི་སྐད་ཆ་ཞིག་དང་རང་ཉིད་རླབས་ཆེན་ཞིག་ཡིན་པའི་འབོད་བརྡ་ཙམ་ལས་མ་མཐོང་།
ཨ་ཁུ་ཤེས་རབ་ལྷ་བཟང་ཚེ་རིང་དང་འཇམ་ནོར་གཉིས་ཀྱི་ཁ་ལ་བདག་པོ་མེད་ཙང་ཅི་བཤད་ལ་ངེས་པ་དང་གཏན་ཚིགས་ཤིག་མེད་ལ། མི་ཚེ་ཡང་དེ་ལྟར་ཆབ་སྲིད་པ་ཡིན་མདོག་གིས་རྒྱལ་བ་རིན་པོ་ཆེ་རྩེད་སྤྱད་བྱེད་ཀྱི་ཡོད་པ་གསལ་པོ་རེད། ཁོང་ཚོ་རྒྱ་དམར་དང་འདྲ་བར་བསྟན་དགྲ་མ་རེད་དམ།