ཁ་སང་སྔ་དྲོར་མཚོ་སྔོན་ཡུལ་ཤུལ་ཁྲི་འདུ་རྫོང་ཟིལ་དཀར་དགོན་པའི་དགེ་འདུན་པ་དང་རྫ་སྟོད་གྲོང་བརྡལ་ཉེ་འཁོར་གྱི་མི་མང་བཅས་སྐྱ་སེར་ ༡༤༠༠ཙམ་གྱིས་རྒྱ་གཞུང་ལ་སྐད་འབོད་ངོ་རྒོལ་གནང་འདུག
གོང་གསལ་ནས་ཚུལ་སྐོར་བོད་ནས་ཕྱི་ཕྱོགས་སུ་བཏང་འབྱོར་བྱུང་བའི་ནང་བཀོད་དོན། “ ཡུལ་ཤུལ་ཁྲི་འདུ་རྫོང་ཟིལ་དཀར་དགོན་པའི་གྲྭ་བ་ ༤༠༠ ཡས་མས་ཤིག་གིས་ཁ་སང་ཕྱི་ཚེས་ ༨ ཉིན་གྱི་སྔ་དྲོའི་བོད་ནང་གི་ཆུ་ཚོད་ ༡༠ སྟེང་། རྫ་སྟོད་གྲོང་བརྡལ་དུ་བོད་མི་ཡོངས་ཀྱི་སྐྱིད་སྡུག་མཉམ་མྱོང་དང་གདུང་སེམས་མཉམ་སྐྱེས་ཀྱི་ཆེད་དུ་ཞི་རྒོལ་བྱེད་དུ་ཕེབས་པ་རེད། དགོན་པ་དང་རྫ་སྟོད་གྲོང་བརྡལ་གྱི་བར་སྤྱི་ལེ་ ༡༢ ལྷག་ཡོད་ལ་ཕལ་ཆེར་ཆུ་ཚོད་ ༢ ལྷག་འགྲོ་དགོས་སྟབས་མགྱོགས་པོར་མ་འབྱོར་ལ། དེ་དུས་དགོན་པ་དང་རྫ་སྟོད་བར་གྱི་གཤིས་ཆུ་ཟམ་ཁ་རུ་རྒྱ་དམག་འབོར་ཆེན་ཐོན་ཏེ་གྲྭ་མང་ས་ཆ་དེར་བཀག་འགོག་བྱས་ཀྱང་། གྲྭ་མང་གིས་ཨུ་ཚུགས་ཀྱིས་དེ་ཀར་མ་ཁོག་པར་སྤྱི་ལེ་ ༢ ལྷག་ཏུ་བཙན་སྐྱོད་བྱས།
སྐབས་དེར་རྒྱ་དམག་གིས་བཙན་འགོག་བྱས་པས་གྲྭ་མང་དང་ས་དེ་གའི་མང་ཚོགས་སྟོང་ལྷག་འབྱོར་ཏེ་ས་དེ་ནས་སྐད་འབོད་རྒྱག་རྒྱུ་ལས་ཐབས་མེད་དུ་གྱུར། གྲྭ་མང་གི་ཕྱག་ཏུ་རས་དཀར་པོའི་སྟེང་ལ་ཡི་གེ་དམར་པོ་དང་སྔོན་པོ་གཉིས་ཀྱིས། ༧རྒྱལ་བ་ཡིད་བཞིན་ནོར་བུ་བོད་ལ་གདན་འདྲེན་ཞུ་དགོས། པཎ་ཆེན་རིན་པོ་ཆེའི་གཙོས་ཉེས་མེད་བཙོན་པ་རྣམས་བཙོན་གྲོལ་གཏོང་དགོས། བོད་མིའི་སྐྱིད་སྡུག་མཉམ་མྱོང་དང་། བོད་མིའི་ཚེ་སྲོག་ལ་བརྩི་བཀུར་དགོས། བོད་མིའི་སྐད་ཡིག་ལ་མཐོང་ཆེན་བྱེད་དགོས་སོགས་བྲིས་ཏེ་ཆུ་ཚོད་ ༣ ལྷག་ལ་སྐད་འབོད་བྱས་ཡོད་པ་རེད།
ཡིན་ན་ཡང་སྐབས་དེར་རྒྱ་མིའི་ཉེན་རྟོག་པ་དང་དམག་མི་མང་པོ་ཞིག་ཐོན་ཡོད་ཀྱང་། དྲག་གནོན་བྱེད་རྒྱུ་དང་མེ་མདའ་སོགས་བཀོལ་སྤྱོད་མ་བཏང་བར་སློབ་གསོ་མང་པོ་བརྒྱབ་པ་མ་ཟད། ས་འདི་ཀར་ཁྱོད་ཚོས་རང་གི་འདོད་པ་ལྟར་སྐད་འབོད་གང་འདོད་བརྒྱབ་ན་ཆོག དེ་མིན་རྫ་སྟོད་གྲོང་བརྡལ་དུ་འགྲོ་མི་ཆོག་པའི་བཙན་བཀག་བྱས་འདུག དེ་དུས་སེར་སྐྱ་མང་ཚོགས་ ༡༤༠༠ ལྷག་གིས་སྐད་འབོད་བརྒྱབ་པ་རེད། ཡིན་ན་ཡང་གནས་སྐབས་སུ་བོད་མི་གཅིག་ཀྱང་འཛིན་བཟུང་དང་གཅར་རྡུང་རིགས་གང་ཡང་བྱས་མི་འདུག” ཞེས་བཀོད་འདུག
སྤུན་ཟླ་ཚོ་གདུང་སེམས་མཉམ་སྐྱེད་ཡོད་བོད་རྒྱལ་ལོ། ལན་འབུམ་བཟླས་རྒྱུ་ཡིན།
༼ཇག་པས་ཐུབ་ནས་སྒང་ལ། རོགས་པས་ཐུབ་༽ཟེར་བ་ལྟར་ཡུ་ཤུལ་ལ་དངོས་གནས་དཀའ་ངལ་འཕར་མ་རེད། འོན་ཀྱང་རྒྱ་ཁྱི་ཚང་གིས་སྡོད་དུ་འཇུག་གི་མེད་པ་རེད། ཧ་ལས་པའི་བསམ་བློ་གཅིག་མཐུན་དང་། ནུས་ཤུགས་ཆིག་སྒྲིལ་རེད། རྗེས་ཡི་རང་མ་གཏོགས་བླ་རྒན་ལ་བྱེད་ཐབས་ཅང་མི་འདུག
དགུན་ཁར་ཕྱི་གནམ་གཤིས་ཧ་ཅང་གྲང་ཞིང་གྲང་ཚད་ཀླད་ཀོར་འོག་ལ་སླེབས་འདུག འོན་ཀྱང་སྒ་སྐྱེ་དགུ་མདོ་པ་རྣམས་ཀྱི་སྙིང་ཁོང་གི་དྲོད་ཚད་ནི་བརྒྱ་བརྒལ་ཞིང་མི་རིགས་ཀྱི་ལས་འགུལ་དགུང་ལ་ཆས་སོང་། སེམས་ཤུགས་མ་ཆག ང་ཚོ་ཚང་མ་ཁྱེད་ཚོ་དང་མཉམ་དུ་ཡོད།
༢༠༡༢ ལོར་སླར་ཡང་སྒ་སྐྱེ་དགུ་མདོ་འགུལ་བསྐྱོད་ཐེབས་གིན། འདི་ནི་རང་བྱུང་ས་ཡོམ་གྱིས་མིན་པར་འགྲོ་བ་མིའི་ཆིག་སྒྲིལ་གྱི་ནུས་པས་འགུལ་གིན་འདུག རང་དབང་གི་འབོད་སྒྲས་འགུལ་བསྐྱོད་ཐེབས་སོང་། དེ་ཡང་ཉིན་གཅིག་མིན་པར་ཉིན་ཤས་ཕྱིན་སོང་། འགུལ་ལག་ས་ཁུལ་གཞན་ལ་ཁྱབ་སོང་།
སྡེབས་ལངས་ཀྱི་ལས་འགུལ་བྱས་ན། སྤོབས་པ་དང་གཟི་བརྗིད་འདུག མུ་མཐུད་མཐར་བསྐྱལ་དགོས་རེད་དོ། །
སྤུན་ཟླ་ཚོ་ཁྱེད་ཚོས་སྡུག་བསྔལ་དེ་ང་ཚོས་མཐོང་བཞིན་ཡོད་མ་ཟད་འུ་ཚོ་ལ་དྲན་བདེན་ཡོད་པས་དུས་ནམ་ཞིག་འུ་ཚོ་དམར་གཞུང་གི་དྲག་གནོན་ལས་རྒྱལ་ངེས་ཡིན་སྤུན་ཟླ་ཚོ་ཁྱེད་ཚོས་ལས་འགུལ་ལ་ཡི་རང་དང་རྒྱབ་སྐྱོར་ཡོད་བོད་རྒྱལ་ལོ།