ཚེ་བརྟན་རྡོ་རྗེ་མ་བུ་གསུམ་གྱིས་ངྷ་ས་ནས་ལྷ་སར་གོམ་བགྲོད་གནང་རྒྱུ་རེད།

དང་པོར་ངོ་ཤེས་པའི་ཚེ་བརྟན་རྡོ་རྗེ། བར་དུ་ངོ་ཤེས་པའི་བོད་ཤ་ཁྲག་རུས་གསུམ། ཐ་མར་ངོ་ཤེས་དུས་ཞི་བདེའི་གོམ་བགྲོད་པ་རྒྱལ་གཅེས་དཔའ་བོ། ཁྱེད་ཀྱི་ཐུགས་བསམ་བཞིན་ནམ་ཡང་ན་ཁྱེད་ཀྱི་རེ་འདོད་དེར་རང་ནུས་གང་ཡོད་དུས་ངེས་མེད་ལ་འབད་འབོང་བྱེད་དམ་བཅའ་བརྟན་པོ་བྱེད། རྒྱལ་ཁའི་ངང་རྒྱལ་ས་ལྷ་ས་ནས་ཐུག་པའོ་རེ་བ་དང་ཡིད་ཆེས་ཡོད།

སེམས་ཤུགས་ཅན་ལ་སྙིང་ནས་རྒྱབ་སྐྱོར་ཞུ་རྒྱུ་ལས་ཅི་ཡོད་

སེམས་ཤུགས་ཅན་ལ་ང་ཚོ་སྐྱིད་ཉལ་རྒྱག་མཁན་ཚོས་ག་འདི་ཟེར་བར་སེམས་ན་གནོང་ཞིག་འདུག དེ་ལས་བརྗོད་པ་ངག་དང་བྲལ་ལོ་ཟེར། ཨ་མའི་ཚེ་མཇུག་དང་སྲིང་མོའི་ལང་ཚོ་མཐའ་མཚམས་ནས་ཡར་འགྲོ་མར་འགྲོར་རྫོགས་ན་ཅུང་ཕངས་རྒྱུ་ཞིག་འདུག

བཀུར་ཞིག་བསྔགས་པར་འོས་པའི་དྲ་གྲགས་བཟང་པོ་བོད། ལྷ་གླུ་གཉན་གསུམ་མམ་ཤ་ཁྲག་རུས་གསུམ་ལགསདང་། ཨ་མ་སྡོམ་པོ་སྐྱིད་། སྲིང་མོ་ལྷ་མོ་གསུམ་གྱིས་བློས་གཏོང་ཆེན་པོས་བོད་མི་རིགས་དང་རྒྱལ་ཁབ་ཆེད་དུ་འདི་ལྟ་བུའི་ལས་འགུལ་གཞི་རྒྱ་ཆེ་ཞིང་དམིགས་ཡུལ་ངེས་ཅན་ལྡན་པ་ཞིག་གི་དབུ་ཁྲིད་གནང་བར་སྙིང་ཐག་པ་ནས་བཀའ་དྲིན་ཆེ་དང་། སེམས་གཏིང་ནས་བསྟོད་བསྔགས་འབུལ་ཞིང་། ཁྱོད་ཚོའི་དགོངས་དོན་བཞིན་རྒྱ་གཞུང་གིས་ཁས་ལེན་དང་བོད་མི་རིགས་ཀྱི་བདེན་དོན་འཐབ་རྩོད་ལ་རྒྱལ་ཁ་འཐོབ་པའི་རེ་སྨོན་མཉམ་དུ་ཞུ།
མཐར་སྐུ་གཟུགས་ལ་གཅེས་སྐྱོང་དང་ལམ་བར་དག་ཏུ་གསར་འགོད་པ་དང་མི་སྒེར་བ་མང་པོས་དྲི་བ་འདྲ་མིན་སྣ་ཚོགས་འབྱུང་ངེས་ལ་ཟབ་རླིང་བབ་གསུམ་གྱི་ལན་འདེབས་ཀྱང་སེམས་ནས་གྲ་སྒྲིག་བྱེད་དགོས་ངེས་སོགས་ཐུགས་ལ་འཇགས་རོགས་ཞུ།
མཇལ་ཡོང་།

བོད་མི་རེ་རེ་ལ་འདི་ལྟ་བུའི་ཆོད་སེམས་ཤིག་དང་སྙིང་སྟོབས་ཤིག་འགན་འཁྲི་ཞིག་དང་ན་ཟུག་ཅིག་ཡོད་ཚེ་ང་ཚོའི་འཐབ་རྩོད་འདི་དཀའ་མོ་ཞིག་མ་རེད་བསམ།

ཁྱོད་མ་བུ་གསུམ་གྱི་སྐུ་ཚེ་བརྟན་པ་དང་བསམ་དོན་ཡིད་བཞིན་དུ་འགྲུབ་པའི་སྨོབ་འདུན་གྲངས་མེད་ཞུ།
རྒྱལ་ཚོགས་ཀྱི་སྒོ་འགྲམ་དུ། འཛམ་གླིང་མཉམ་འབྲེལ་རྒྱལ་ཚོགས་ཀྱི་མི་རྗེ་དྲུང་ཆེ་གཙོས་ཕྱག་རོགས་རྣམ་པ་དང་། གོ་ལ་འདི་ལ་ཤ་ཚ་ཞིང་མིའི་རིགས་ལ་བརྩེ་བ་ཆེ་བའི་རྒྱལ་ཁབ་སོ་སོའི་འགོ་འཁྲི་དང་། འཛམ་གླིང་མི་དམངས་ཡོངས་ལ་གུས་པ་དང་བཅས་ཏེ་ཞུ་རྒྱུ། འཛམ་གླིང་གི་དབུ་འཁྲི་དག་གིས་གོ་ལ་འདི་ནི་ཡིད་དུ་འོང་བ། ཕུན་སུམ་ཚོགས་པ། ལྟ་ན་སྡུག་པའི་ཞིང་ཁམས་ཤིག་ཏུ་བསྒྲག་གིན་པའི་དུས་རབས་ཉེར་གཅིག་པའི་སྐབས་འདིར། དེ་བཞིན་ས་སྒང་འདིའི་ཡང་སྟེང་དུ་ཆགས་པའི་མཐོ་སྒང་ཉམ་ཆུང་བོད་པ་ཚོར། རྒྱ་ནག་གུང་ཁྲན་སྲིད་གཞུང་གིས་མཐོང་ཆུང་དང་བརྙས་བཅོས། ཁྱད་གསོད་དང་དམའ་འབེབ། དམར་གསོད་དང་འཕྲོག་བཅོམ་སོགས་བློ་ཡིད་ལས་འདས་པའི་གདུག་རྩུབ་ཆེན་པོའི་སྲིད་ཇུས་ནག་པོ་ལག་བསྟར་བྱེད་བཞིན་ཡོད། དེ་ལྟ་བུའི་བཙན་གནོན་འོག་ནས་བོད་མི་རིགས་ལ་བསམ་བློ་རང་དབང་དང་། སྨྲ་བརྗོད་རང་དབང་། འབྲི་རྩོམ་རང་དབང་། ཆོས་དད་རང་དབང་སོགས་མིའི་རིགས་ལ་གཞི་རྩའི་ཡོད་ཆོག་པའི་རང་དབང་གཅིག་ཀྱང་མེད། ད་ལྟ་ཕ་ཡུལ་གངས་ལྗོངས་ནི་འཛམ་གླིང་གི་བཙོན་ཁང་ཆེན་པོ་ཞིག་ཏུ་གྱུར་ཏེ། བོད་ས་ཀུན་ལ་རྒྱ་དམག་གིས་དྲག་གནོན་བྱས་ཡོད། ང་ཚོས་ཁྱེད་རྣམས་ལ་བརྗོད་འདོད་པ་ཞིག་ལ། འཛམ་གླིང་གཅིག་ལ་བཙོན་ཁང་གཅིག་ཡོད་རེད། དེ་ནི་བོད་ལུང་བ་རེད་ཅེས་ཤུགས་ཀྱི་བརྗོད་ན་འདོད། བཙོན་ཁང་དེར་གནས་པའི་ང་ཚོ་བོད་མི་རིགས་ལ་མཚོན་ན། ཉེས་པ་མ་གསགས་པའི་བཙོན་པ་རྐྱང་རྐྱང་ཡིན་ལ། ཁྲིམས་ལུགས་གང་དང་མ་འགལ་བའི་བཙོན་པ་རྐྱང་ཡིན། སྨྲ་བརྗོད་ལས་འདས་པའི་མི་རིགས་ཤིག་གི་གཉའ་གནོན་གདུང་ལེན་བྱེད་ཆེད། མི་ལོ་ལྔ་བཅུ་རིང་ཞི་བའི་ངོ་རྒོལ་རྒྱུན་ཆད་མྱོང་མེད། ལྷག་པར་ཏུ་གཉིས་སྟོང་བརྒྱད་ཀྱི་ས་བྱི་ཞི་རྒོལ་ཆེན་མོ་བྱུང་ནས་ད་པར་དུ། མི་ལོ་བཞི་རིང་ཞི་རྒོལ་མཚམས་ཆད་མེད། ན་ནང་དང་ད་ལོ་ཡང་ངོ་རྒོལ་ཐེངས་མང་བྱུང་པའི་ནང་ནས། མི་རྣམས་ཀྱིས་དོ་སྣང་བྱུང་བ་ནི་རང་ལུས་མེ་སྲེག་གི་ལས་འགུལ་འདི་ཉིད་ཡིན་ལ། ལས་འགུལ་འདི་ནི་འཚེ་མེད་ཞི་བའི་ལས་འགུལ་ཚད་མཐོན་པོ་ཞིག་ཡིན་པར་ཀུན་གྱིས་གླེང་། བོད་མི་རིགས་ཀྱི་དཔའ་བོ་དཔའ་མོ་ཉི་ཤུ་བརྒལ་བ་ཞིག་གིས། ས་ཆ་འདྲ་མིན་ལ་རང་ལུས་མེ་སྲེག་བཏང་ནས་ངོ་རྒོལ་བྱས། བོད་ནང་གི་ལས་འགུལ་འདི་དག་བྱུང་དུས། ཕྱི་སྡོད་བོད་པ་ཚོས་ནུས་པ་ཡོད་ཚད་བཏོན་ནས་འཛམ་གླིང་གང་སར་ཁྱབ་བསྒྲགས་བྱེད་ཀྱིན་ཡོད། དེ་ལ་རྩ་བའི་དམིགས་ཡུལ་གཉིས་ཡོད་པར་ཁོ་བོས་འདོད། གཅིག་ནི། རྒྱ་ནག་སྲིད་གཞུང་གིས་བོད་གསར་བ་ནི་ཡིད་དུ་འོང་ཞིང་མཛེས་སྡུག་ལྡན་པ། འཕེལ་རྒྱས་ནས་འཕེལ་རྒྱས་སུ་སོང་ནས་སུས་མཐོང་ན་ཡང་ཡིད་སྨོན་ཤོར་བའི་དག་ཞིང་ཞིག་དང་། གཞིས་བཞུགས་བོད་མི་རྣམས་ཀྱི་འདོད་པ་ཡོངས་སུ་ཁེངས་ཏེ། རྒྱ་ནག་གུང་ཁྲན་ནི་ཁོ་ཚོའི་མགོན་སྐྱབས་ཉག་གཅིག་ཏུ་བརྩི་བཞིན་ཡོད་ཅེས་པའི་རྫུན་གཏམ་ལ་གསལ་བཤད་དང་། གཉིས་ནི། བོད་མི་རིགས་ནི་འཇིག་རྟེན་འདིའི་སྟེང་གི་སྟོང་ལ་ཉེ་བའི་མི་རིགས་ཤིག་ཏུ་གྱུར་ཡོད་པས། འཛམ་གླིང་གི་དབུ་འཁྲི་རྣམས་དང་མི་དམངས་ཡོངས་ལ་གསལ་འདེབས་བྱེད་ཀྱི་ཡོད་པར་མ་ཟད། བོད་མི་རིགས་མྱུར་སྐྱོབ་བྱེད་དགོས་པའི་རེ་འབོད་ཞུ་རྒྱུ་ཡོད། དེ་ནི་ང་ཚོ་ཕྱི་བསྡོད་བོད་མི་ཚོས་བསྒྲུབ་དགོས་པའི་འོས་འགུལ་ཞིག་ཏུ་འཁུམ། འདི་ནས་གླེང་འདོད་པ་ཞིག་ལ་། གོ་ལ་འདིའི་སྟེང་གི་མི་སྡེ་སྤྱི་ཚོགས་ནང་རང་ཉིད་ཀྱི་ཕུགས་འདུན་འགྲུབ་ཆེད། རྩ་བའི་ལས་འགུལ་གཉིས་འགྲོ་བཞིན་ཡོད།
དེ་ནི་དྲག་སྤྱོད་དང་ཞི་བ་གཉིས་སོ། མི་སྒེར་དང་ཚོགས་སྤྱི་གང་གི་དཀའ་ངལ་ཡིན་ན་ཡང་གདུང་ལེན་བྱེད་སྟངས་དེ་གཉིས་ལས་མ་འདས། མི་སྡེ་ཁྱིམ་ཚང་ཆེན་པོ་འདི་ལ་ཤ་ཚ་མཁན་ཞིག་ཡིན་ཕྱིར། གོང་གི་བྱེད་ཐབས་དེ་གཉིས་ལ་ཧ་ཅང་གཟབ་ནན་བྱས་ཏེ་ལྟ་དགོས་ཀྱི་འདུག བྱེད་ཐབས་དེ་གཉིས་ཀྱི་ནང་གི་གཅིག་བླང་བྱ་དང་། གཅིག་སྤངས་བྱ་ཡིན་པ་སྨྲ་མི་དགོས། དངོས་ནས་དྲག་སྤྱོད་ཀྱི་བྱ་སྤྱོད་དེ་དག་ང་ཚོའི་གོ་ལ་འདིར་དགོས་མཁོ་མེད་པ་ཡིན་ན། ཅི་ཞིག་ལ་འཚེ་མེད་ཞི་བའི་ལས་འགུལ་དག་ལ་ཡིད་ཚིམ་པའི་རྒྱབ་སྐྱོར་བྱེད་ཀྱི་མེད་དམ། གཅིག་བྱས་ན་གོ་ལ་འདིར་ཚོང་བས་དབང་འགྱུར་བྱེད་བཞིན་པས། ཁེ་ཕན་དང་དྲང་བདེན་གྱི་གནད་དོན་ཞིག་ཡིན་སྲིད། གལ་སྲིད་ད་དུང་མུ་མཐུད་དུ་འཛམ་གླིང་ཀུན་ཁྱབ་ཀྱི་བསམ་བློ་དང་བྱ་སྤྱོད་དག་ཉམས་ཆུང་ནུས་མེད་དུ་ལྷག་ན།
དྲག་སྤྱོད་པའི་ལས་འགུལ་གྱིས་འཚེ་བ་མེད་པའི་ལས་འགུལ་ལ་ཤུགས་རྐྱེན་སྤྲད་སྲིད། དེའི་མཇུག་འབྲས་ཀྱི་འགན་ཚང་མ་ད་ལྟའི་འགོ་ཁྲིད་དང་མི་དམངས་ཡོངས་ལ་ཡོད་པར་ཁོ་བོས་འདོད།
འདི་ནི་ཉམས་ཆུང་བོད་མི་ཞིག་གི་ངུ་སྐད་ཡིན་ནོ། །
སྤྱི་ལོ༢༠༡༢ ༢ ༢༩

ཁྱེད་གསུམ་ལ་སྙིང་དབུས་ནས་གུས་འདུད་དང་རྗེས་སུ་ཡིད་རང་བོད་མི་ཡོངས་ཀྱི་ཚབ་བྱས་ཏེ་ཐུག་རྗེ་ཆེ་གྲངས་མེད་ཞུ་བ་ལགས། རེ་བ་གྲ་སྒྲིགས་དང་ཐུག་དགོང་ཡག་པོ་ཞིག་བཞེས་ན་ལེགས། གལ་སྲིད་ཁྱེད་རྣམས་རྒྱ་བལ་རྒྱལ་མཚམས་གཉིས་རྒལ་ཐུབ་ཀྱང་བོད་ཀྱི་ས་ཁོངས་སུ་སླེབས་རྗེས་ཁྱེད་རྣམས་གར་སོང་ཆ་མེད་དུ་གྱུར་ཏེ་ཤི་གསོན་ཙམ་ཡང་མཐོས་རྒྱུ་མེད་པ་ཞིག་གྱུར་རྒྱུ་ཡིན་པ་སྨྲོས་མེད་ལ་ཡིད་གཟབ་གནང་རོག་ཞུ།། ཡིད་ལ་མནག་པའི་རེ་འབྲས་རྣམས་གེགས་མེད་མྱུར་དུ་འགྲུབ་པའི་སྨོན་འདུན་ཞུ།།

མ་བུ་གསུམ་གྱིས་ཐག་བཅད་གནང་སྟངས་འདིར་རྒྱབ་སྐྱོར་དང་ཡིད་རངས་སེམས་གཏིང་ནས་ཞུ་རྒྱུ་ཡིན།

བོད་། ལྷ་གླུ་གཉན་གསུམ་ལགས། ཨ་མ་སྡོམ་པོ་སྐྱིད་། སྲིང་མོ་ལྷ་མོ། ལགས་ཁྱོད་མ་བུ་གསུམ་་གྱི་རླབས་ཆེན་གྱི་བློས་བཏང་དེ་ལ་སྙིང་ཁུང་རིས་གཏིང་ནས་གུས་འདུད་ཞུ་།
དེད་དཔོན་པོ་གླང་ཚང་བ་ལགས་། ཉེ་བར་ཆར་དྲ་ལམ་ཁག་དུ་བཀོད་པའི་སྐུ་ཉིད་ཀྱི་རྩོམ་ཡིག་དེ་དག་ཀློག་ན་ཀློག་མི་ཐུབ་ལ་། མ་ཀློག་པར་འཇོག་མི་ཐུབ་པ་སོགས་ཀྱི་ཚོར་གཟེར་ཅན་ཞིག་གི་ཕོ་རྡུགས་ངའི་ཁྱི་སེམས་ཡང་དྲོད་མཁོར་ཞིང་། དབུ་འཚང་། ཁ་ཤ་འདར་། མིག་ཆུ་འཐོར་། མིད་པ་འགག། ་་་་་གཡུག་ཤོག། དེ་རིང་འདི་རང་ཉིད་ཀྱི་མ་འཇོན་པས་སྡུག་སྐད་མི་རྒྱག་།
སྐུ་ཉིད་ཀྱི་ལས་དེ་ལམ་འགྲོ་ཡོང་བར་བཀྲ་ཤེས་བདེ་ལེགས་དང་། མཆོག་གསུམ་དང་དཀར་ཕྱོགས་སྐྱོང་བའི་ལྷ་ཆོས་སྐྱོང་སྲུང་མས་གདོང་གྲོགས་དང་མགོན་སྐྱབས་གནང་རོགས་ཞེས་ཨ་རི་ནས་།
དོན་འགྲུབས་ཚེ་རིང་གི་

ཁྱོད་ཀྱིས་དངོས་གནས་བློས་གཏོང་མང་པོ་ཞིག་བྱས་འདུག གཅེས་པའི་སྲོག་ལྟ་བུའི་ཕྲུ་གུ་དང་ཁྱིམ་ཆུང་མ། འདི་དག་ནི་ཁྱོད་ཀྱི་དམིགས་ཡུལ་དང་དམ་བཅའི་འགོ་རྩོམ་ས་ཞིག་ཡིན་པས། བདག་ནི་ཧད་དེ་ཁྱོད་ཀྱི་ཕྱི་རྗེས་སུ་ལྟ་དགོས་བྱུང་ལ། གལ་སྲིད་ང་ལ་རེ་བ་ཞིག་ཞུ་ཆོག་པའི་གོ་སྐབས་ཤིག་བྱུང་ན། ཨ་མ་དང་གཅེས་པའི་སྲིང་མོ་གཉིས་ཀ་མ་ཁྲིད་ན་སྙམ་པའི་རྨོངས་པའི་དྲན་ཚོད་ཅིག་མཆིས་པ་དེ་རེད། མ་གཞི་རླབས་ཆེ་བའི་ལས་འགུལ་ངོ་སོ་བསྟོད་དོ།།

ཐོག་མར་བདག་གིས་དཔའ་བོ་གླིང་ཚ་བ་དང་ཁོང་གི་ཡུམ་ཆེན། ད་དུང་བདག་གི་སློབ་གྲོགས་ལྷ་མོ་སྐྱིད་བཅས་ཀྱི་ཆོད་སེམས་ལ་ཐུགས་རྗེ་བླ་ལྷག་ཏུ་ཞུ་བ་དང་ཆབས་ཅིག་བྱ་བཞག་དོན་འབྲས་སྨིན་པར་སྨོན་ལམ་ཡང་ཡང་རྒྱབ་ཆོག་་་་་་་་་།་མཐར་བོད་མི་ཡིན་ནོ་ཅོག་གི་ཚབ་བྱས་ནས་ཐུགས་རྗེ་ཞུ་འོ། མགྱོགས་མྱུར་ངང་ཕོ་བྲང་པོ་ཏ་ལའི་གསེར་འོད་ལམ་ལམ་གྱི་རྒྱ་ཕིབ་མཐོང་བར་གདོན་མི་ཟའོ།

བོད་ཤ་ཁྲག་རུས་གསུམ་མ་བུ་གསུམ་ལ་སེམས་ཁོང་ནས་ཐུགས་རྗེ་བླ་མེད་ཞུ་བཞིན་ཡོད། སང་ཉིན་ངེད་ཚོ་འཇལ་ཡོང་། ཁྱེད་ཚོའི་འཆར་གཞི་སོགས་ལ་རྗེས་ལོན་ཞིག་བྱེད་རྒྱུ་སྤྲོ་སེམས་ཆེའོ།

ཁོང་ཉིད་ཀྱི་ཆོད་སེམས་ལ་སེམས་གཏིང་ནས་རྗེས་སུ་ཡི་རངས་དང་བསྔགས་བརྗོད་ཡོད།

གླིང་ཚེ་རྡོར་དང་ཁོ་གི་མ་ཡུམ་ཆེན་མོ་གཅུང་མོ་བཅས་ལ་བཅོས་མིན་སེམས་གཏིང་ནས་བཀའ་དྲིན་ཆེ་ཞུ། གོང་གསལ་ཁྱེད་ཀྱི་གསལ་བསྒྲགས་ཀློག་སྐབས་ཁྱེད་རྣམས་ཀྱི་ཆོད་སེམས་དང་རྒྱལ་གཅེས་དཔའ་པོ་དཔའ་མོ་རྣམས་འཕངས་སེམས་ཀི་མིག་དབང་མེད་ཤོར་ཞོར་མཆན་འདི་བྲིས་པ་ཡིན། དངོས་གནས་བཀའ་དྲིན་ཆེ། ལེའུ་ཁྲི་ཕྲག་ལས་བརྒྱལ་བས་ཕ་རོལ་ནས་ཁྱེད་རྣམས་སྐྱེལ་མ་བྱེད་པ་ཡོང་ངེས་ཡིན། ཤ་དང་རུས་གསང་ནས་བཀའ་དྲིན་གྲངས་མེད། དཔའ་རྒོད་ཚོ་་་་….,1,,,་་་་….;;;;”’དཔའ་རྒོད་ཚོ་་་་….,2,,,་་་་….;;;;དཔའ་རྒོད་ཚོ་་་་….,3,,,་་་་….;;;;དཔའ་རྒོད་ཚོ་་་་….,28,,,་་་་….;;;;

ཁོང་དག་གི་རླབས་ཆེན་གྱི་ཆོད་སེམས་ལ་སྙིང་ནས་རྗེས་སུ་ཡི་རངས་དང་བསྔགས་བརྗོད་ཡོད།

སྙིང་སྟོབས་ཆེན་པོའི་སེམས་དཔའ་ཁྱོད་དུ་ངེས།།
མ་དང་གཅུང་མོ་དེ་ཡང་ཁྱེད་བཞིན་ནོ།།
མིག་ཆུ་བྲང་ལ་འཐབ་པའི་ལས་འགུལ་འདིས།།
ཁྱེད་ཀྱི་བདེན་པའི་ངོ་བོ་གསལ་བར་ཤོག།

བོད། ཤ་ཁྲག་རུས་གསུམ་ནང་མི་ལྷན་ལ། གུས་བཀུར་དང་ཡི་རང་ཡོད། འཐབ་རྩོད་ལ་འགན་རྐྱེན་མི་འཕྲད་པར་སྨོན། མི་བུ་རེ་རེ་ནས་ཕ་ཡུལ་གྱི་ཕྱོགས་སུ་ཕེབས་ཚུལ་དེ་ག་རང་རེད།

ངས་གླིང་ཚ་ཚེ་རྡོར་གཅིག་པུ་རེད་བསམས་ཡོད། ད་བྱས་དུས་ཁོང་མ་བུ་གསུམ་མཉམ་དུ་གོམ་བགྲོད་གནང་རྒྱུ་ཡིན་པ་རེད། ངོ་མ་རླབས་ཆེན་རེད། ཁྱེད་མ་བུ་གསུམ་ལ་སྙིང་ཁོང་རུས་པའི་གཏིང་ནས་ཐུགས་རྗེ་ཆེ་ཞུ་རྒྱུ་ཡིན།