དེ་རིང་ཞོགས་པའི་བོད་ནང་གི་ཆུ་ཚོད་ ༧།༣༠ ཐོག མདོ་སྨད་གཙང་དགོན་པ་དང་ཨ་རིག་སྡེ་བའི་སྐྱ་སེར་ ༡༧ ཙམ་གྱིས་སྣེ་འཁྲིད་དེ། རྨ་ལྷོ་སོག་རྫོང་ཁྲོམ་གཞུང་དུ་མི་མང་ ༢༠༠༠ ལྷག་གིས་རྒྱ་གཞུང་ལ་ངོ་རྒོལ་ཁྲོམ་སྐོར་གནང་འདུག
ད་ལྟ་རང་གནས་ཚུལ་འབྱོར་གསལ་ལྟར་ན། དེ་རིང་ཕྱི་ཚེས་ ༡༨ ཉིན་གྱི་ཞོགས་པའི་བོད་ནང་གི་ཆུ་ཚོད་ ༧།༣༠ ཐོག མདོ་སྨད་གཙང་དགོན་པའི་དགེ་འདུན་པ་བཅོ་ལྔ་དང་། ཨ་རིག་སྡེ་བའི་མི་སྐྱ་གཉིས་བཅས་མི་ ༡༧ ཙམ་གྱིས་སྣེ་འཁྲིད་དེ་སྐྱ་སེར་མི་མང་ ༢༠༠༠ ལྷག་གིས་རྨ་ལྷོ་སོག་རྫོང་ཁྲོམ་གཞུང་དུ་“རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། བོད་ལ་རང་དབང་སྤྲོད་དགོས ” ཞེས་སྐད་འབོད་ཀྱིས་ཞི་བའི་རྔམ་སྟོན་ཁྲོམ་སྐོར་གནང་ཡོད་འདུག
ལས་འགུལ་མགོ་བཙུགས་ཏེ་ཆུ་ཚོད་གཅིག་ཙམ་གྱི་རྗེས་སུ་རྒྱ་ནག་གི་ཉེན་རྟོག་པ་དང་དྲག་ཆས་དམག་མི་འབྱོར་ཏེ། ལས་འགུལ་དེའི་ཐོག་མའི་སྣེ་འཁྲིད་པ་ ༡༧ དེ་འཛིན་བཟུང་བྱས་ཡོད་འདུག་ལ། སྐབས་དེར་མི་མང་གི་ངར་ཤུགས་སྔར་ལས་ཇེ་ཆེར་སོང་སྟེ་རྫོང་ཉེན་རྟོག་ལས་ཁུངས་ཀྱི་སྒོ་མདུན་དུ་འཛོམས་ཏེ་སྐད་འབོད་བརྒྱབ་ཡོད་པ་དང་། མཚམས་ཤིག་ལ་མི་མང་ཚོས་ཉེན་རྟོག་ལས་ཁུངས་ཀྱི་སྒོ་ཆེན་གཏོར་ཏེ་འཛིན་བཟུང་བྱས་པ་དེ་དག་ཀློད་གྲོལ་མ་བཏང་ཚེ་ངོ་རྒོལ་སྔར་ལས་ཆེ་རུ་གཏོང་རྒྱུ་ཡིན་པའི་རྣམ་འགྱུར་མི་ལེགས་པ་བསྟན་སྟབས། ཕྱི་དྲོའི་ཆུ་ཚོད་ ༥ ཙམ་ལ་གོང་གསལ་མི་དེ་དག་ཀློད་གྲོལ་བཏང་ཡོད་འདུག ཉེན་རྟོག་པ་ཚོས་ཁོང་ཅག་གི་མིང་དང་ལོ་རྒྱུས་ཐོ་འགོད་བྱས་ཡོད་སྟབས། ལས་འགུལ་ཞི་འཇམ་དུ་སོང་རྗེས་ཁོང་ཅག་བསྐྱར་དུ་འཛིན་བཟུང་བྱ་སྲིད་པའི་དོགས་པ་བྱེད་ཀྱིན་ཡོད་འདུག
ཕྱི་དྲོར་ལས་འགུལ་རིམ་བཞིན་ཞི་འཇགས་སུ་འགྲོ་བཞིན་ཡོད་སྐབས། གཙང་དགོན་པ་ནས་སླར་ཡང་རླངས་འཁོར་ཆེ་བ་གཉིས་འབྱོར་བའི་ནང་དགེ་འདུན་པ་ ༨༠ ཙམ་ཡོད་འདུག་ཀྱང་། ཁོང་ཅག་ལས་འགུལ་སྤེལ་སར་འབྱོར་མ་ཐག་ཉེན་རྟོག་པ་དང་དམག་མིས་བཙན་འགོག་བྱས་ཡོད་འདུག
གཞན། ནམ་རྒྱུན་རྒྱ་ནག་རྒྱལ་ཡོངས་ཀྱི་སློབ་གྲྭ་ཁག་ཕྱི་དྲོའི་ཆུ་ཚོད་ ༥ ཙམ་ལ་གྲོལ་བཞིན་ཡོད་ཀྱང་། དེ་རིང་རྨ་ལྷོ་སོག་རྫོང་གི་སློབ་གྲྭ་ཁག་གི་སློབ་ཕྲུག་རྣམས་དགོང་དྲོའི་ཆུ་ཚོད་ ༨།༣༠ བར་བཀག་ཡོད་འདུག
ད་ལྟ་དམག་མིའི་རླངས་འཁོར་ཧ་ཅང་མང་པོ་སོག་རྫོང་དུ་འབྱོར་བཞིན་ཡོད་འདུག་ལ། སོག་རྫོང་གྲོང་འཁྱེར་དང་མཐའ་འཁོར་གྱི་གཞུང་ལམ་ཁག་ཉེན་རྟོག་པ་དང་དམག་གིས་དམ་དྲག་གིས་ཛ་དྲག་གི་གནས་སྟངས་ཆགས་ཡོད་འདུག
དེ་རིང་ཨ་མདོ་གཙང་དགོན་པའི་དགེ་འདུན་པ་དང་རྨ་ལྷོ་སོག་རྫོང་གི་མི་མང་ཚོས་རྒྱ་གཞུང་ལ་ངོ་རྒོལ།
དེ་རིང་ཨ་མདོ་གཙང་དགོན་པའི་དགེ་འདུན་པ་དང་རྨ་ལྷོ་སོག་རྫོང་གི་མི་མང་ཚོས་རྒྱ་གཞུང་ལ་ངོ་རྒོལ།
དེ་རིང་ཨ་མདོ་གཙང་དགོན་པའི་དགེ་འདུན་པ་དང་རྨ་ལྷོ་སོག་རྫོང་གི་མི་མང་ཚོས་རྒྱ་གཞུང་ལ་ངོ་རྒོལ།
དེ་རིང་ཨ་མདོ་གཙང་དགོན་པའི་དགེ་འདུན་པ་དང་རྨ་ལྷོ་སོག་རྫོང་གི་མི་མང་ཚོས་རྒྱ་གཞུང་ལ་ངོ་རྒོལ།
གནས་ཚུལ་གཏོང་མཁན། ཨ་རིག་དགེ་མཚན།
https://www.facebook.com/profile.php?id=100001484395374
འདིར་ཕ་ཡུལ་གྱི་གསར་འགྱུར་འདི་གསལ་བསྒྲགས་ཀྱི་བརྙན་འཕྲིན་ཐུང་ངུ་ཞིག་ཡོད།
ཨ་རིག་དགེ་མཚན་ཅན་གྱིས་གནས་ཚུལ་ཞིབ་ཅིང་ཕྲ་བ་གསར་བཏང་བྱས་འདུག ཐུགས་རྗེ་ཆེ་ཡིན།
རང་གི་ལུང་པ་ན་གནས་ཚུལ་མེད་དུས་གཞན་གྱིས་ཡར་ལངས་བྱས་པའི་གནས་ཚུལ་མཐོང་དུས་མགོ་འཁྲུག་འགྲོ་བ་སོགས་ཀྱི་སྐད་ཆ་བཙོག་པོ་དེ་འདྲ་མ་བཤད་རོགས་ཞུ།
ང་ལ་གཞི་ལུས་མི་མང་ལ་ངོ་བསྟོད་དང་ཁ་ཡག་ཚིག་མཇལ་བཤད་ནས་བསྡད་འདོད་ཀྱི་སེམས་པ་ཡེ་ནས་མི་འདུག བཙན་བྱོས་བོད་མི་རྣམས་ཀྱིས་གཞི་ལུས་མི་མང་རྣམས་དཔའ་རྒོད་ཡིན་རབས་དང་སྙིང་སྟོབས་ཆེ་བ་བཤད་ནས་ལྷོད་ལྷོད་ཀྱིས་ཉིན་མ་གཏོང་གིས་འདུག ངོ་མ་འདི་ལྟར་བསྡད་ན་ལས་རྒྱུ་འབྲས་ལ་ཡང་རུང་རྒྱུ་མ་རེད་བསམ་ཀི
མ་ཟད་གསལ་བཤད་བྱས་དགོས་པ་ཞིག་ལ་གཞི་ལུས་མི་མང་་རྣམས་ཚ་ཚ་འུར་འུར་གྱིས་རྒྱ་གཞུང་གི་མེ་མདའི་སོ་ཁར་བཙན་མ་འདེད་རོགས།
དུས་བབ་གསར་འགོད་པ་ལགས།
འདིའི་པར་དང་པོ་དེ་གཙང་དགོན་པའི་པར་ཡིན་ཚོད་འདུག འདིའི་འོག་ཏུ་གསལ་མཆན་ཞིག་མ་བཏབ་ན་རྫོང་མཁར་དང་དགོན་པ་གཉིས་ནོར་ཉེན་འདུག བསམ་ཚུལ་ཙམ་ཡིན།
རྗེས་སུ་ཡི་རང་ཞུ།
ད་དུང་དུས་བབ་གསར་འགོད་པ་དང་ལས་བྱེད་རྣམས་ནས་གཟའ་ཉི་མའི་ངལ་སོའི་དུས་ཚོད་ལ་ཡང་གསར་གནས་སྤེལ་པར་ཐུགས་རྗེ་ཆེ་ཞུ་འདུན་བྱུང་།
ལྷག་བསམ་དང་སྙིང་སྟོབས་ཅན་གྱི་བོད་མི་སྤུན་ཟླ་ཡོད་དོ་ཅོག་དེང་གི་ཆར་བོད་ནང་དུ་སྡུག་རྩུབ་ཅན་གྱི་རྒྱ་ནག་གཞུང་གིས་དྲག་གནོད་འོག་མྱོང་བཞིན་པའི་དཀའ་སྡུག་ལ་གདུང་སེམས་ཉམས་བསྐྱེད་བྱེད་མོས་ཡིན་
རིགས་དང་ཆོས་ལུགས་མི་གཙོ་རང་དབང་གཙོ།།
མིང་དང་འཐེན་འཁྱེར་མི་གཙོ་བདེ་སྐྱིད་གཙོ།།
ས་དང་ལུང་བ་མི་གཙོ་ཆིག་སྒྲིལ་གཙོ།།
སུ་ལངས་མི་ལངས་མི་གཙོ་ལངས་སྟངས་གཙོ།།
གཞན་ཡང་བསྔགས་འོས་པ་ཞིག་ནི།དུས་བབ་ཚང་ནི་བོད་ཀྱི་གསར་ལམ་དང་དྲ་ཚིགས་གཞན་དག་དང་མི་འདྲ་བར་དུས་དང་རྣམ་པ་ཀུན་དུ་དྲ་གྲོགས་རྣམས་ཀྱི་བསམ་འཆར་ལ་ཞིབ་བཤེར་དང་དང་ལེན་བྱེད་པ་མ་ཟད།གསར་འགོད་ནང་དོན་ཐད་རྒྱུན་པར་དུས་བབ་ལ་སྐྱོན་བརྗོད་ཀྱི་མཆན་བཏབ་པ་དག་ཀྱང་དུས་ལྟར་དྲ་བར་སྤེལ་པ་ཞིག་རེད།དེ་བས་དུས་བབ་ཚང་ལ་བཀའ་དྲིན་གྲངས་མེད་ཞུ་བ་ཡིན།
རྨ་ལྷོ་རྫོང་གི་མི་དམངས་ལ་བསྟོད་བསྔགས་དང་ཡི་རངས་བྱེད།གསར་འགོད་པར་ཞུ་རྒྱུ་ཞིག་ལ་སོག་རྫོང་ཞེས་འབོད་པ་འདི་ནི་གཞན་གྱིས་རྫོང་འདི་ལ་བཏགས་པ་ཞིག་ཡི་པས་དེ་དོར་ནས།ཁོ་ཚོ་ལོགས་སུ་མ་བཀར་ན་ལེགས་པར་སྙམ།རྨ་ལྷོ་རྫོང་གི་མི་དམངས་ཀྱིས་ཁོ་ཚོ་ཡང་༧གོང་ས་མཆོག་གི་རྗེས་འབྲངས་ང་ཚོ་དང་འདྲ་བར་བོད་མི་ཡིན་ཞེས་རྒྱ་གཞུང་ལས་ངེད་བོད་པ་ཚང་ལ་དྲང་བདེན་བརྩོན་ལེན་བྱེད་མཁན་ཤ་སྟག་རེད།གཞན་ཡང་ངོ་རྒོལ་ཞེས་པའི་ཐ་སྙད་འདི་ཡང་ནུབ་གླིང་གི་རིག་གཞུང་ཞིབ་འཇུག་ཁྲོད་དེའི་དོན་མི་ཆོས་རིང་ལུགས་ཀྱི་ལྟ་ཚུལ་དང་ལྡོག་ནས་དུས་དང་མི་འཚམས་པས་དོར་ནས་ད་ལྟ་བརྡ་ཆད་གསར་པ་བེད་སྤྱོད་བཞིན་འདུགདེ་སྔར་ངས་དུས་བབ་སྟེང་མི་ཆེ་གེ་མོ་ཞིག་གིས་གནད་དོན་འདིའི་སྐོར་གླེང་བཞིན་པ་མཐོང་བྱུང་པས་ཁོས་བརྡ་ཆད་དག་ཐེར་བྱེད་བཞིན་པ་དགའ་སྤྲོ་སྐྱེས་བྱུང་།
ད་སྟོད་སྨད་གཉིས་ནས་སྐྱ་སེར་སྡེབས་ལངས་བྱས་སོང་། རྗེས་སུ་ཡི་རངས་ཡོད།་ཚེ་སྲོག་འགྲོ་མི་དགོས་བར།་འཚེ་མེད་ཞི་བ་དང་ཁྲིམས་མཐུན་གནང་རྒྱུ་གལ་ཆེ།