ཐེ་ཝན་སྐུ་ཚབ་དོན་གཅོད་ཁང་གིས་ཐེ་ཝན་ཏུང་ཧེ་སློབ་ཆེན་གྱི་རྒྱ་རིགས་སློབ་མ་ཚོར་བོད་དོན་ངོ་སྤྲོད་བྱས་ཡོད་འདུག
ཟླ་འདིའི་ཕྱི་ཚེས་ ༡༠ ཉིན་ཐེ་ཝན་སྐུ་ཚབ་དོན་གཅོད་ཁང་གི་དྲུང་ཆེ་བསོད་ནམས་རྡོ་རྗེ་ལགས་ཀྱིས། ཐེ་ཝན་ཐེ་གྲོང་ཁུལ་གྱི་ཏུང་ཧེ་སློབ་གྲྭ་ཆེན་མོའི་ཚོགས་ཁང་དུ། སློབ་གྲྭ་དེར་སློབ་སྦྱོང་བྱེད་བཞིན་པའི་རྒྱ་ནག་སྐམ་ས་ཆེན་མོའི་སློབ་ཕྲུག་གཙོས་པའི་ཁྱོན་རྒྱ་རིགས་སློབ་ཕྲུག་༩༠ཙམ་ལ། དུས་ཡུན་ཆུ་ཚོད་༣ ཙམ་རིང་བོད་ནང་རང་ལུས་མེར་ལུར་བསྲེགས་གཏོང་བཞིན་པའི་ཛ་དྲག་གནས་སྟངས་དང་། བཙན་བྱོལ་བོད་མིའི་མང་གཙོའི་འཕེལ་རིམ་དང་ལམ་དབུ་མའི་སྲིད་བྱུས་ལངས་ཕྱོགས་སྐོར་ངོ་སྤྲོད་གནང་ཡོད་འདུག་ལ། སྐབས་དེར་དབུས་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་ཕྱོགས་བསྒྲིགས་བྱས་པའི་བོད་དོན་སྐོར་གྱི་གློག་བརྙན་ཞིག་ཀྱང་གཟིགས་འབུལ་དང་། མཇུག་ཏུ་སློབ་ཕྲུག་ཚོ་དང་ལྷན་དུ་དྲི་བ་དྲིས་ལན་གྱི་གོ་སྐབས་ཀྱང་ཕུལ་ཡོད་འདུག
གསར་འགོད་པ། དཔལ་ལྡན།
དེ་ནང་བཞིན་བོད་མི་རེ་ངོ་རེ་ཕྱག་ལས་རེ་གནང་ཐུབ་ན་བོད་དོན་བདེན་མཐའ་གསལ་བ་ལ་ཡིན་རིང་པོ་འགོར་རྒྱ་མ་རེད་ད།
དངོས་གནས་ཡག་པོ་གནང་འདུག
ཐུགས་རྗེ་ཆེ་རྗེས་མ་མུ་མཐུད་ནས་རྒྱ་རིགས་སློབ་མ་རྣམས་ལ་དབུ་མའི་ལམ་ངོ་སྤྲོད་དང་བོད་མིའི་སྒྲིག་འཛུགས་དེ་ཕྱི་གསལ་ནང་གསལ་ཡིན་འབྲེལ་བཤད་ཡག་པོ་རེ་རྒྱབ་ན་གནད་དུ་སྨིན་པའི་ཕྱག་ལས་རེད།
བོད་དོན་གནད་དུ་འཁེལ་སྟངས་འདི་ན་འདུག།།
གནད་དེས་དོན་དུ་སོང་ན་རྒྱ་རིགས་འདུལ།།
དོན་དེས་ཁོང་དུ་ཆུད་རྗེས་བདེན་པ་རྒྱལ།།
བདེན་དོན་དུས་ལ་བབ་ཚེ་བོད་རྒྱལ་ལོ།།།།
འདི་ནི་དོན་དངོས་དང་མཐུན་པའི་ལས་ཀ་ཞིག་ཏུ་འདོད།