གདན་སའི་སློབ་གཉེར་ཉམས་ཀྱི་ཡོད་དམ།

ཡང་གདན་སའི་རྒྱུན་གནས་འཛོམ་པ་དགུ
རང་སྐྱོན་འགེབ་བསྲུང་བྱེད་པའི་ལས་སྣེ་འཛོམ།
གཞན་སྐྱོན་ཁབ་དུ་བཙའ་བའི་ལས་སྣེ་འཛོམ།
བཀའི་བགོད་རྒྱུན་འཛིན་བྱེད་པའི་དགེ་སྐོས་འཛོམ།
མི་ཤེས་ཤེས་འདོག་བྱེད་པའི་དགེ་བཤེས་འཛོམ།
མི་རྩི་རྩི་འདོག་བྱེད་པའི་མགོ་འཛིན་འཛོམ།
མི་འགྱོན་འགྱོན་འདོག་བྱེད་པའི་མི་སྣ་འཛོམ།
ཤེས་འགྱོན་གང་ཡང་མེད་པའི་ལྟོ་གཉེར་འཛོམ།
གདན་ས་ཚོང་རར་བསྒྱུར་བའི་ཕྱག་མཛོད་འཛོམ།
ཆོས་ཚོང་ལོག་ལམ་འདྲེན་པའི་བླ་མ་འཛོམ།
དོན་དངོས་འདི་དག་འཛོམ་པ་ཡིད་རེ་སྐྱོ།
སྐྱོ་བ་སེང་བའི་འགྱུར་བ་ཡོངས་པར་ཤོག
འགྲོ་བའི་མགོན་པོའི་ཐུགས་བཞིན་བསྒྲུབ་པར་ཤོག

https://tibettimes.net/wordpress/blogs.php?id=265&post_id=20910

གདན་སའི་སློབ་་་་ཁ་བྱང་ལ་དོགས་པ་འདུག
དུས་བབ་དང་སློབ་གཞི། དུས་ཡུན་སོགས་འཇལ་བྱེད་ཀྱི་ཚད་གཞི་གཏན་འབེབ་བྱས་ཏེ་བསྡུར་དགོས། བློ་ངོར་ཡོད་ཚད་སྔོན་ཆད་བཟང་ཡང་། ལྟ་རྒྱ་ཐོས་རྒྱ་དེངསང་ཆེ། མ་ཟད་ལག་པར་མཚོན་ན། སྔོན་70-80% ལག སྡུམ་ཡིན་མོད། དེང་སང་དེ་ལྡོག་ཡོད་པ་སོགས་་་་་་་

དོན་དངོས་ཡོད་གནས་ཚུལ་ལ་གདན་སའི་སློབ་གཉེར་ཉམས་དམུས་སུ་འགྲོ་བཞིན་པ་ནི་མིག་མཐོང་ལག་ཟིན་དུ་གྱུར་ཡོད། ཡིན་ནའང་གྲྭ་ཚང་བྱེ་བྲག་གི་མཁན་པོ་རེ་ཟུང་གིས་ཨུ་ཚུགས་མཐའ་བསྐྱལ་གྱིས་འགེབས་ཅི་ཐབས་བྱེད་པ་ནི་རང་ཉིད་ཀྱི་མངོན་འདོད་ཕྱིར་འདོན་པ་ཤ་རྟགས་ཡིན། དེ་གང་ཞེ་ན། མཁན་པོ་རེ་ཟུང་གིས་བཤད་རྒྱུར་སྤྱིར་གདན་སའི་སློབ་གཉེར་ཉམས་ཆགས་སུ་འགྲོ་གི་མེད་མོད། འོན་ཀྱང་མཛོད་འདུལ་འཐུས་ཤོར་ལ་འགྲོ་གི་འདུག་ཟེར་བ་འདི་ལས་རྟོགས་ཐུབ། དེ་ནི་ཚན་རིག་སློབ་ཚན་དེ་མཛོད་འདུལ་གཉིས་ཀྱི་ནང་བཞག་ལ་མ་དགའ་བས་རྣམ་འགྱུར་ཡིན། དེ་མིན་དམིགས་བསལ་གྱིས་མཛོད་འདུལ་གཉིས་ཉམས་རྒུད་དུ་འགྲོ་བཞིན་འདུག་ཞེས་སྐད་གཟེངས་མཐོན་པོས་སྒྲོགས་དགོས་པས་རྒྱུ་མཚན་ཅི་ཡང་མི་འདུག། ཀུན་གྱིས་གཟིགས་དང་འདི་ནི་གོང་ས་མཆོག་གི་དགོངས་གཞི་ལ་མ་རུང་པའི་ཚིག་ངན་སྒྲོགས་པ་མ་ཡིན་ནམ།

སྔོན་དུས་བོད་ཀྱི་སློབ་གཉེར་དང་།།
དེ་ཕྱིས་སྦག་ས་ད་ལྟ་གསུམ།།
བསྡུར་བས་ཉམས་པའི་ཟ་དང་ཟུར།།
མཇལ་དུ་ཡོད་པར་རྒན་དག་གཟིགས།།

སྤྱི་ཚོགས་གསར་རྙིང་གཉིས་ཀ་དང་།།
དགོན་པ་གསར་རྙིང་གཉིས་ཀའི་ནང་།།
མི་ཚེ་ཐོས་པར་བཏང་བ་ཡི།།
མཁན་དག་ཉམས་པར་གསུང་པ་བདེན།།

མལ་ལས་ལྡང་ནས་མ་གཟིམ་བར།།
སློབ་ལ་བརྩོན་འདི་འགྲོ་སྟངས་ཏེ།།
དེ་དེའི་རྒྱབ་དང་མདུན་ངོས་ནས།།
ཤེས་ཡོན་འོད་སྣང་འཚེར་བ་དགོས།།

ལོ་ངོ་བཅུ་གྲངས་ཐོས་པར་བཏང་།།
གྲོང་འཁྱམ་ཙམ་ལས་མ་བྱུང་དང་།།
ཆེན་པོའི་མིང་གིས་བརྗིད་འགའ་ཞིག།
ཤེས་ཡོན་དབུལ་བ་མངོན་སུམ་མིག།

བདེན་པ་བཤད་པར་འཛེམ་པས་ཅི།།
ཤ་ཚའི་སེམས་དང་ལྡན་བདེན་ན།།
དངོས་ཡོད་གནས་སྟངས་རི་མོ་རེ།།
བྲི་ལ་འཛེམ་དགོས་མེད་པར་མཐོང་།།

གོང་དུ་མང་པོ་ཞིག་གི་གསུང་འདུག་ངོ་མ་བདེན་པ་རང་རེད། ཉམས་ཡོད་པ་ཤེས་བཞིན་དུ་ཉམས་མེད་ཟེར་བ་དང་སྐྱོན་ཡོད་བཞིན་མེད་ཟེར་བ་འདི་དག་ལ་ད་དུང་སྤྱི་ཚོགས་མགོ་སྐོར་གཏོང་བསམ་པ་ལས་མ་འདས་པས་བསམ་ཤེས་གནང་་་རོགས། བློ་དབང་ཞུས་པ་ཞིག་གི་འདི་ལྟར་བྲིས་འདུག་དོན་དངོས་འདྲ་བོ་རེད་འདུག ཁོང་གི་ཚིག་ངས་འདིར་བགོད་ཡོད།
ཤོག་ངོས་ཀྱི་ཁུངས། གཙོོ་ངོས། » བསམ་ཚུལ།
བོད་ལ་ཐར་ལམ་མེད།
འདོན་སྤེལ། ༢༠༡༢/༠༥/༢༨
རྭ་རྒྱ་བློ་དབང་།

རིག་གནས་ལ་ཁྲོམ་རའི་རིན་ཐང་མེད་པ་དེ་འཆི་ལྟས་དང་པོ་རེད།

ཆེས་གནའ་བོའི་དུས་ཤིག་ནས་བཟུང་རང་རེའི་མི་རིགས་འདིར་འབྱོར་བའི་རྩོལ་སྒྲུབ་ཀྱི་ཕྱོགས་ནས་དེ་ཙམ་སྤྱང་གྲུང་འཛོམས་པ་ཞིག་མིན་ངེས་ཆེ་ལ། ལྷག་པར་དུ་ནང་པ་སངས་རྒྱས་པའི་བསྟན་པ་དར་ཁྱབ་བྱུང་རྗེས་སུ་སྤྱི་ཚོགས་ཀྱི་སྐྱེས་བུ་རྣམ་དཔྱོད་དང་འཇོན་ཐང་ལྡན་པ་ཕལ་མོ་ཆེ་ཆོས་ལུགས་པར་གྱུར་སྟབས། སྤྱི་ཚོགས་ཀྱི་འཚོ་གོས་གནས་མལ་ལ་རང་བཞིན་གྱིས་ཚོད་འཛིན་ཐེབས་ཤིང་། ཚོད་འཛིན་དེ་ཡང་ལོ་ངོ་བརྒྱ་ཕྲག་མང་པོར་རྒྱུན་མཐུད་སྟབས། ལྷ་ཁང་གསེར་ཁང་བརྗིད་པོ་དང་། གསེར་གདུང་དངུལ་སྐུ་མཛེས་བརྗིད་ཅན་རེ་མ་གཏོགས་མི་རིགས་འདི་ལ་འབྱོར་བའི་ཕྱོགས་ནས་ངོམ་སོ་བྱེད་རི་བ་ཅི་ཡང་མེད་ལ། དུས་རྒྱུན་དམངས་སྤྱི་ཡོངས་ཀྱི་འཚོ་བའི་སྤུས་ཚད་དེ་ཡང་ཧ་ཅང་རྒྱུན་ལྡན་དང་། དཀྱུས་མ། ཐབས་ཆགས་ཀྱི་རྣམ་པ་ལས་འདའ་མ་མྱོང་། དེ་བཞིན་དུ་ཁྲོམ་རའི་འཁོར་རྒྱུག་གམ་ཚོང་ལས་ཀྱི་རྣམ་པ་ཡང་ཐོན་རྫས་ཐད་ཀར་བརྗེ་ལེན་གྱི་རྣམ་པ་ཙམ་དང་། དུས་བསྟུན་གྱི་དགོས་མཁོའི་དངོས་པོ་དག་ཀྱང་ཉེ་འཁོར་རྒྱ་གར་དང། བལ་ཡུལ་རྒྱ་ནག་སོགས་ནས་ཁྱེར་ཡོང་བ་ཤ་སྟག་ལས། རས་ཆ་ངོས་འཇམ་ཞིག་གསར་བཟོ་བྱས་པའི་བྱུང་བའང་རྙེད་དཀའ་མོ་ཡིན། རང་རེའི་སྔར་སོང་དེ་ལྟར་བྱུང་ཞིང་དེ་ལྟར་རྒྱུན་མཐུད་ནས་བསམ་བཞིན་དང་བསམ་བཞིན་མ་ཡིན་པའི་ངང་འཛམ་གླིང་གི་མིའི་རིགས་ཧྲིལ་བོའི་འགྱུར་ལྡོག་དར་རྒུད་ཀྱི་ཀློང་ལ་ཚུད་པ་རེད། རང་བྱུང་གི་ཐོན་ལས་ཙམ་གྱི་སྤྱི་ཚོགས་ཤིག་གློ་བུར་དུ་ལག་རྩལ་དང་། ཚོང་ལས། སློབ་སྦྱོང་སོགས་ཀྱི་འགྲན་རྩོད་ཁྲོད་ལྷུང་སྟབས་བརྟན་ཆགས་པའི་འཁོར་ཕྱོགས་ཤིག་རྙེད་རྒྱུ་ཧ་ཅང་དཀའ་ལ། རིག་གནས་གསར་བརྗེའི་རྗེས་ཀྱི་རྒྱུ་ཟོག་དང་ས་ཆ་སྒེར་བདག་གི་སྲིད་ཇུས་བྱུང་བ་དེས་རང་རེའི་མི་རིགས་ལ་སླར་ཡང་གདོད་མ་དང་། དལ་ལྷོད། རྗེས་ལུས་ཀྱི་འཚོ་བའི་ལམ་བུ་ཞིག་ལ་རེ་ལྟོས་བྱེད་དུ་བཅུག་ཅིང་། དབྱར་དགུན་སྟོན་དཔྱིད་ཀྱི་ཞིང་འབྲོག་གི་འཚོ་ལས་བསྐྱར་ཟློས་བྱེད་པའི་སྣང་ཚུལ་དེས་འདས་པའི་ལོ་ངོ་ཉི་ཤུ་ལྷག་རྨག་མེད་དུ་ཟོས་ཤིང་། ད་ལྟ་འབྲོག་པ་གྲོང་སྒྱུར་དང་ཞིང་ས་ཐང་སྟོང་དུ་སྒྱུར་བའི་སྲིད་ཇུས་སླེབས་སྐབས་གོམ་པ་གར་སྤོ་མི་ཤེས་པའི་གནས་སྟངས་ཉམ་ང་བ་འདི་བསུས་པ་རེད། རྒྱ་གཞུང་གི་བཙན་པོའི་དབང་ཡོད་ཀྱི་སྲིད་ཇུས་དེ་ཚོ་མེད་དབང་དུ་བཏང་རུང་། འཛམ་གླིང་སྤྱིའི་འགྱུར་ལྡོག་ལ་ལྟོས་ན་ཡང་ང་ཚོ་སྔར་མུས་བཞིན་བརྗེ་སྤོར་གཏན་ནས་མེད་པའི་བསྐྱར་ཟློས་ཀྱི་འཚོ་ལས་དང་། རང་བྱུང་གི་ཐོན་ལས་ཏེ། ཤ་དང་ཀོ་པགས། མར་དང་ཆུར་བ། ནས་དང་གྲོ་ཕྱེ་ལྟ་བུའི་འཚོ་ཆས་སྐོར་ཞིག་དང་། སྣམ་བུ་དང་པགས་སློག སྦྲ་ནག་དང་ཤིང་ཁང་ལྟ་བུའི་སྟབས་བདེའི་ལོངས་སྤྱོད་འགའ་ཤས་ཁྲོད་གཏན་ནས་འདུག་ཐབས་མེད་དེ།

སྟོང་ལོ་གསར་པ་རིམ་གྱིས་ཚེས་ཤིང་ནུབ་ཕྱོགས་ཀྱིས་སྣེ་ཁྲིད་པའི་ཚན་རིག་ལག་རྩལ་ནི་མགྱོགས་ཚད་གཟུང་དུ་མེད་པར་འཕེལ་རྒྱས་བྱུང་བ་དང་། སྐད་ཡིག་དང་། རྩོམ་རིག སྒྱུ་རྩལ། ཁྲོམ་ར་སོགས་གློག་རྡུལ་གྱི་ལམ་དུ་འཕོས། འགྲུལ་བཞུད་དང་། ཉོ་ཚོང་། སྡོད་གནས། འབྲེལ་འདྲིས་སོགས་འགྲོ་བ་མིའི་རིགས་ཀྱི་འཚོ་བའི་སྣང་ཚུལ་ཕལ་མོ་ཆེར་ལོ་ཟླ་རེ་རེ་བཞིན་འགྱུར་ལྡོག་འབྱུང་བཞིན་ཡོད་པས་ངེད་ཅག་གཞན་དབང་དང་རང་བསམ་གང་ལགས་ཀྱང་འགྱུར་ལྡོག་འདིའི་ཁྲོད་འཐམ་འཐོམ་ངང་མི་ཞུགས་ག་མེད་ཡིན། འགྱུར་ལྡོག་འདི་དག་ཅིའི་ཕྱིར་འབྱུང་བ་དང་ཇི་ལྟར་བྱུང་བ་སོགས་ལ་རྒྱུ་མཚན་མང་པོ་ཞིག་ཡོད་མོད། མཐར་གཏུགས་ན་འགྱུར་ལྡོག་འདི་དག་ཐམས་ཅད་འགྲན་རྩོད་ཀྱི་ཁྲོད་ནས་ཡོང་ཞིང་། འགྲན་རྩོད་དེ་ཡང་རིག་གནས་དང་། དཔལ་འབྱོར། ལག་རྩལ། ཆབ་སྲིད་སོགས་ཕྱོགས་མང་པོའི་འགྲན་རྩོད་ཅིག་ཡིན་པ་དང་། འགྲན་རྩོད་འདིའི་ཁྲོད་རྒྱལ་ཁབ་དང་མི་རིགས། ཁྱིམ་ཚང་། ཐ་ན་མི་སྒེར་རེ་རེ་བཞིན་ལུས་སེམས་ཀྱིས་ལྕོགས་ཚོད་དུ་ཞུགས་དང་འཇུག་བཞིན་ཡོད་ལ། གལ་ཏེ་འགྲན་རྩོད་འདི་ལས་ཕམ་པ་ཡིན་ན། རྒྱལ་ཁབ་འཇིག་འགྲོ་ཞིང་། མི་རིགས་རྒུད་འགྲོ་བ། ཁྱིམ་ཚང་འཐོར་འགྲོ་བ། མི་སྒེར་ཕམ་འགྲོ་བ་ཡིན། གྷི་རིག་སའི་དཔལ་འབྱོར་ཉམས་རྒུད་དང་། ཨ་རབ་ཀྱི་འབངས་མིའི་གླེང་ལོག འཇིགས་བསྐུལ་པས་མང་ཚོགས་སྡེབས་གསོད་སོགས་ཀྱང་འགྲན་རྩོད་འདིའི་ཆ་ཤས་ཤིག་དང་། ཕམ་ཉེས་འབྱུང་ངེས་ཀྱི་ཞེད་སྣང་འོག་འགྲན་རྩོད་བྱ་ཚུལ་གྱི་རྣམ་པ་གཞན་ཞིག་ཀྱང་རེད། ཉི་ཧོང་དང་ཨ་རིའི་རང་ཤི་རྒྱག་མཁན་ཚོ་དང་། ལྷོ་བྱང་ཀོ་རི་ཡའི་སློབ་ཕྲུག་དམར་གསོད་བྱེད་པོ་དག་ཀྱང་མདོར་དེད་ན་འགྲན་རྩོད་འདིའི་ཁྲོད་ནས་ཕམ་ཁ་མྱོང་མཁན་ཡིན། འགྲན་རྩོད་འདི་ལྟོས་ཚོད་ཀྱིས་ཁྲོམ་རར་འཁོར་སྐྱོད་བྱེད་པའི་ཅ་ལག་དང་སྒོར་མོའི་སྟེང་ཡོད་པ་འདྲ་ན་ཡང་། འགྲན་རྩོད་འདི་ཐོག་མར་འཕོས་ས་ནས་ཐ་མའི་འབབས་སྟེགས་དང་བཅས་པ་ཆེ་བ་རྒྱལ་ཁབ་དང་ཆུང་བ་མི་སྒེར་རེ་རེ་བཞིན་དུ་རང་ཉིད་ཀྱི་རིན་ཐང་མཐར་ཐུག་སྟེ་རིག་གནས་ཀྱི་འགྲན་རྩོད་ཡིན། འཇོན་ཐང་གི་འགྲན་རྩོད་ཡིན། རྣམ་དཔྱོད་ཀྱི་འགྲན་རྩོད་ཡིན། བརྩོན་འགྲུས་ཀྱི་འགྲན་རྩོད་ཡིན། མི་རིགས་ཤིག་ལ་མཚོན་ན་འགྲན་རྩོད་འདིའི་ཐོན་འབྲས་ཀྱི་ཁྲོམ་རའི་ནང་རང་ཉིད་ཀྱི་རིག་གནས་ཀྱི་སྣང་བརྙན་ཕབ་མ་ཐུབ་ཕྱིན་མི་རིགས་དེ་ཕམ་རྒྱུ་ཡིན་པ་དང་། འཆི་རྒྱུ་ཡིན་པ་ཐག་གིས་ཆོད་པ་རེད། རྒྱུ་མཚན་ནི་གནའ་ནས་ད་བར་དུ་འགྲོ་བ་མིའི་རིགས་ཀྱི་དཀྱིལ་འཁོར་ཆེན་པོ་འདི་འཚོ་བའི་ཆེད་དུ་འཚར་ཞིང་། འཚོ་བའི་ཆེད་དུ་འཚོ་བ། འཚོ་བའི་ཆེད་དུ་རྒས་ཤིང་། འཚོ་བའི་ཆེད་དུ་འཆི་བཞིན་ཡོད། དེང་སྐབས་ཀྱི་འཚོ་བ་ནི་དེང་སྐབས་ཀྱི་ཁྲོམ་ར་རེད། དེའི་ཕྱིར་ད་ལྟ་སུ་ཞིག་ཕམ་པ་ལས་ཐར་པར་འདོད་ན་ཐེ་ཚོམ་མེད་པར་དང་དུ་ལེན་དགོས་པ་ནི་དེང་རབས་ཀྱི་ཁྲོམ་ར་ཡིན་ལ། ཁྲོམ་རའི་ནང་རང་ཉིད་ཀྱི་ངོ་རྟགས་གསལ་བོ་ཞིག་འཇོག་རྒྱུ་དེ་ཡིན།

འོན་ཀྱང་། རང་ཅག་ལ་མི་རིགས་རང་གི་ངོ་རྟགས་གསལ་བའི་ཁྲོམ་ར་ཞིག་ཕར་ཟད། ད་དུང་ཡང་ཙག་སྒྲ་བཟོ་ཐུབ་མིན་དང་། ཁ་པར་དུ་བོད་ཡིག་འཆར་མིན། གློག་རྡུལ་གྱི་ཚིག་མཛོད་ཡོད་མེད་ཙམ་ནི་དུས་རབས་འདིའི་ང་ཚོའི་ངོ་རྟགས་མཚོན་པའི་དེང་རབས་ཀྱི་རྨང་གཞི་རེད་ལ། ང་ཚོའི་མི་རིགས་ཀྱི་ཤེས་ཡོན་པ་ཚོ་དབུས་པའི་མང་མང་གིས་ངོ་མཚར་དང་རླབས་ཆེན་དུ་བརྩི་སའང་འདི་རེད། འདི་ནི་ད་ལྟའི་ང་ཚོའི་ཕྱི་ནང་གཉིས་སུ་རིག་གནས་ཀྱི་ངང་ཚུལ་ལྡན་པའི་དུས་རབས་ཀྱི་ཁྲོམ་ར་ཡོད་ན་མེད་ན་དེ་ཡང་རེད།

གཡར་རྩ་དགུན་འབུ་དང་། གཡག་ཤ་ལུག་ཤ། གཡག་ཀོ་ལུག་ལྦགས་ཀྱི་ཐོན་ལས་ཀྱང་མི་རིང་བར་འཆོར་རྒྱུ་རེད་ལ། ངའི་ཕ་ཡུལ་གྱི་ས་ཕྱོགས་ཁ་ཤས་ནས་ཤོར་ཟིན་ཏེ། མཚོ་ལྷོ་འབའ་རྫོང་གི་འབྲོག་ས་མང་པོ་ཞིག་གཞུང་བཞེས་བཏང་བའི་གསར་འགྱུར་གོ་ཐོས་ལྟར་ལ། བཙན་བྱོལ་ནས་དེའི་ཆེད་དུ་ཀི་རིང་པོ་ཞིག་འདེབས་མཁན་མ་བྱུང་བའང་ཤེས་གསལ་ལྟར་རོ། ། དེ་ལས་ལྷག་པའི་ཁྲོམ་ར་ཞིག་ང་ཚོར་མེད་དེ། ལོ་ངོ་སྟོང་ཕྲག་རིང་བེད་སྤྱད་ཅིང་མེད་ཐབས་གཏན་ནས་མེད་པའི་ཁ་བཏགས་དང་། ལྷ་སྐུ་སོགས་ཀྱང་ངེས་པར་དུ་གཞན་ནས་ཉོ་དགོས་པ་རེད། ལོ་སྔོན་མར་རྒྱལ་སྤྱིའི་བོད་ཀྱི་ས་གདན་འགྲེམས་སྟོན་དང་ཉོ་ཚོང་གི་ཚོགས་འདུ་ཞིག་ཟི་ལིང་དུ་བསྡུས་ཤིང་། རྒྱལ་ཁབ་དང་ས་གནས་མི་འདྲ་བ་དྲུག་ཅུ་ལྷག་མཉམ་ཞུགས་བྱས་ཡོད་པའི་ཁྲོད་བོད་ཀྱི་ཚོང་བ་གཅིག་ཡོད། འདི་ལས་ཀྱང་སྙིང་ཁུང་སྟོང་སང་སིང་དུ་གཏོང་བའི་དོན་དག་ཅིག་སྟོན་གྱི་ཡོད།

ལོ་ཤས་སྔོན་དགུང་ལོ་བཞི་བཅུའི་ནང་སོན་པའི་བོད་ཀྱི་ཁེ་ལས་པ་ཞིག་གིས་བཤད་དོན། “ང་ལོ་ཆུང་ཆུང་སློབ་འབྲིང་དུ་འགྲོ་སྐབས་ནས་མགོ་ལོག་གི་འབྲོག་པ་ཚོས་དབྱར་རྩ་དགུན་འབུ་འཚོང་གི་འདུག ཇི་ལྟར་འཚོང་གི་འདུག་ཅེ་ན། ས་འོག་ནས་བཀོག་ཅིང། ས་ཤུན་ཕྱིས་རྗེས་ཐད་ཀར་སྲིང་བར་དུ་ཁྱེར་ཡོང་ནས་འཚོང་གི་འདུག དེ་བཞིན་དུ་ཀོ་པགས་འཚོང་གི་འདུག དེ་ཡང་ནོར་ལུག་བསད་རྗེས་ཀོ་པགས་དམར་པོ་སྲང་བར་དུ་ཁྱེར་ཡོང་ནས་འཚོང་གི་འདུག ད་ལྟ་ང་ལོ་ལྔ་བཅུར་ཟིན་ལ་ཉེ་མོད། མགོ་ལོག་གི་དབྱར་རྩ་དགུན་འབུ་དང་། ཀོ་ལྦགས་ཀྱི་ཚོང་བྱེད་ཚུལ་ལ་འགྱུར་ལྡོག་ཅུང་ཙམ་ཡང་མ་བྱུང་། མ་མཐའ་དབྱར་རྩ་དགུན་འབུ་བཅུ་ཚན་རེ་ཤོག་སྒམ་དུ་བླུགས་ཏེ་ཐུན་མོང་གི་ཚོང་ཁང་ཞིག་འཛུགས་ཐུབ་དབང་དུ་བཏང་རུང་རིན་གོང་ཅུང་ཇེ་མཐོར་འགྲོ་གི་རེད་ལ། མ་མཐའ་རང་གི་གོང་ཐང་རང་གིས་གཅོག་དགོས་ཐུག་གི་མ་རེད་མོད། དེ་འདྲ་གཏན་ནས་བྱུང་མ་སོང་། ད་ནི་ང་ཚོས་འགྱུར་བ་ཞིག་གཏོང་རན་རེད་” ཅེས་ཟེར། ངེས་པར་བདེན་ཏེ། མགོ་ལོག་མ་ཟད། བོད་ཡུལ་ཕལ་མོ་ཆེའི་ས་གནས་ཀྱི་ཐོན་རྫས་ཚོང་སྒྱུར་བྱེད་ཚུལ་དེ་འདྲ་རེད། དབྱར་ཀའི་ཡོང་འབབ་འཕྲལ་དུ་བརླགས་ཏེ་དགུན་མཇུག་ཏུ་སླེབས་དུས་ལག་གི་དངུལ་རྫོགས་ཤིང་ཁྱིམ་གྱི་ཟས་རྫོགས་ཏེ། བུན་ལོན་གྱི་འོག་ཏུ་འཛུལ་རྐྱང་བྱེད་ལ། སང་ལོ་སླར་ཡང་དབྱར་རྩ་དགུན་འབུ་ཡོད་ངེས་ལ་མེད་ཀྱང་གཡག་རྒན་ལུག་ཐོ་རེའི་རྐེ་ལ་ཞགས་ཐག་བསྐོན་པས་སླར་ཡང་ཟླ་བ་འགའ་བསྲིང་ཐུབ་པའི་འཆར་གཞི་སྒྲིག་བཞིན་ཡོད་པ་རེད། གནས་སྟངས་འདི་ནི་འབྲོག་ཕྱོགས་ཕལ་མོ་ཆེའི་གནས་སྟངས་ཡིན་ལ། རོང་ཕྱོགས་སུ་ཚོང་ལས་གཉེར་མཁན་རེ་མིན་ཕྱིན་སྤྱིར་བཏང་ནས་ཡོང་སྒོ་ཧ་ཅང་ཉུང་ཉུང་རེད། འདི་ནི་ད་ལྟའི་བོད་ཡུལ་ཁྱོན་ཡོངས་ཀྱི་ཁྱིམ་ཚང་གི་ཡོང་སྒོ་གསོག་སྟངས་དང་འཚོ་བ་རོལ་ཚུལ་རེད། ཁྱིམ་ཚང་ལ་དཔལ་འབྱོར་མེད་པ་དང་། ཁྱིམ་ཚང་གི་དཔལ་འབྱོར་བེད་སྤྱོད་དང་གསོག་སྒྲུབ་ལ་ཁ་ཕྱོགས་མེད་པ་དེས་མི་རིགས་ཧྲིལ་བོའི་དཔལ་འབྱོར་གྱི་གནས་ཚད་དང་འཚོ་བའི་འཁོར་ཕྱོགས་ཡ་མ་བརླ་རུ་གྱུར་ཟིན་པ་རེད། མདོར་ན་ད་ལྟ་བོད་ལ་རྒྱ་སྒོར་དུང་ཕྱུར་ཅན་གྱི་ཁྱིམ་ཚང་ག་ཚོད་ཡོད་དམ། བྱེ་བ་ཅན་ག་ཚོད་ཡོད་དམ་ཞེས་པའི་དཔྱད་པ་ཞིག་བྱས་ན་གྲུབ་འབྲས་གང་འདྲ་སོན་ནམ། ངས་ནི་ཚོད་ཐིག་དཀའ་མོད། མཚམས་འདིར་ང་ལ་སླེབས་པའི་ཚོར་བ་ནི་ལྟོགས་སྣང་ཞིག་ལས་ཅི་ཡང་མ་རེད། དཔལ་འབྱོར་གྱི་རྨང་གཞི་མེད་པ་དང་། ཐོན་རྫས་ཀྱི་རིན་ཐང་ཤོར་བ་དེས་འཇིག་རྟེན་འདི་དང་ལྷག་པར་དུ་ད་ལྟའི་དུས་རབས་ལ་ལྟོས་ནས་བཤད་ན་འཆི་ལྟས་ངན་པ་ཞིག་དང་གཉིས་སུ་མ་མཆིས་སོ། །

ཁྲོམ་རའི་རང་བཞིན་ལྡན་པའི་ཆོས་ལུགས་ཀྱི་བྱ་བ་ཞིག་འཛམ་གླིང་དུ་རྒྱ་ཁྱབ་ངང་འཕེལ་བཞིན་ཡོད་མོད། རང་རེའི་དེང་རབས་པ་ཚོས་དང་ལེན་མི་བྱེད་པ་མ་ཟད། དུས་ཡུན་མི་རིང་བར་དེ་ལ་ཡང་མི་རིགས་ཀྱི་ངོ་བོ་མུ་མཐུད་དུ་ལྡན་མི་སྲིད། རྒྱུ་མཚན་ནི་ནང་པ་སངས་རྒྱས་པའི་ཆོས་ལུགས་དེ་མ་གཞི་ནས་མི་རིགས་སྒེར་པ་ཞིག་ལ་དབང་ཆོག་པ་ཞིག་མིན་པས་རེད།

སྐད་ཡིག་ལ་འཚོ་བའི་རིན་ཐང་བྲལ་བ་དེ་འཆི་ལྟས་གཉིས་པ་རེད།

ཉེ་བའི་ལོ་འདི་དག་གི་འཛམ་གླིང་འགྱུར་འགྲོས་སྤྱི་དང་། ཁྱད་པར་དུ་ཉིས་སྟོང་བརྒྱད་ཚུན་ཆད་དུ་བྱུང་བའི་འགྱུར་ལྡོག་ལ་བསམ་ཞིང་བསམ་བཞིན་དུ་ངའི་མགྲིན་སྒོར་འཚང་འོང་བ་ནི་ཐོས་པ་ཙམ་གྱིས་རྣམ་རྟོག་སློང་བ་ཞིག་སྟེ། བོད་ལ་ཐར་ལམ་མེད་ཅེས་པ་འདི་རེད། ཐར་ལམ་མེད་པའི་མངོན་རྟགས་གཙོ་ཆེ་ཤོས་དེ་ནི་རིག་གནས་ཀྱི་སྟེང་ནས་མངོན་གྱི་འདུག་ལ། ལྷག་པར་དུ་སྐད་ཡིག་གི་བླ་སྲོག་ནི་འཆི་བསླུ་བྱེད་དཀའ་ཚོད་དུ་ལྷུང་སོང་བ་དེ་ནི་ཐར་ལམ་མེད་པའི་ནད་རྟགས་གཙོ་བོ་དེ་རེད།

སྤྱིར་བཏང་ནས་ཀྱང་སྐད་ཡིག་གིས་མཚོན་པའི་རིག་གནས་དང་གོམས་སྲོལ་གྱི་ཆ་སྐོར་ཞིག་གིས་མི་རིགས་དང་མི་རིགས་ཀྱི་ཁྱད་པར་འབྱེད་ཀྱི་ཡོད་ལ། སྐད་ཡིག་ནི་མི་རིགས་ཀྱི་བླ་སྲོག་ཡིན་ཞེས་པའང་ང་ཚོས་དུང་ཕྱུར་ལོངས་པ་ཞིག་བགྲངས་ཟིན་ཡོད། གལ་ཏེ་སྐད་ཡིག་གམ་རིག་གནས་ཀྱི་འབྱེད་ཆོས་དེ་མེད་སོང་ན་མི་རིགས་མི་རིགས་ཞེས་ཅི་ཙམ་བཟླས་ཀྱང་འགྲོ་སྡོད་སྤྱོད་གསུམ་གང་ན་ཡང་ངའི་མི་རིགས་ཀྱི་ཞེན་པ་ཕྲ་མོ་རེ་ལས་འབྱུང་དཀའ་ལ། ཡོད་པ་དེ་ཡང་ཆུ་ནང་གི་གཉེར་མ་ལྟར་འགྱུར་ལྡོག་རེ་གཉིས་ཀྱིས་གཏན་མེད་དུ་འགྲོ་ངེས་རེད། མི་རིགས་ལྔ་བཅུ་ང་དྲུག་ལ་བཀར་བའི་རྒྱ་ནང་གི་མི་རིགས་དེ་ཚོ་ནི་དཔེར་མཚོན་གསོན་པོ་དག་རེད།

རིག་གནས་གསར་བརྗེའི་རྗེས་ནས་འདས་པའི་ལོ་ཉི་ཤུ་ཙམ་ལ་བོད་ཀྱི་སྐད་ཡིག་གི་བསྟན་པ་ཅུང་དར་ཞིང་། ལྷག་པར་དུ་མཁས་པ་རྒན་རབས་པ་སྐོར་ཞིག་གི་འབད་རྩོལ་ལས་ཕལ་ཆེར་ལོ་རྒྱུས་ཐོག་མཐོང་དཀོན་པའི་དར་རྒྱས་བྱུང་བ་རེད་ཅེས་བརྗོད་ཀྱང་མི་ཆོག་པ་མེད་པའི་ཚོད་དུ་ཡོད།

གང་ལྟར་ཀྱང་། རིག་པ་ཅུང་ཟད་གུ་ཡངས་པོར་བྱས་ཤིང་རང་གི་ཉེ་འཁོར་གྱི་འགྱུར་བ་ལ་བསམ་བློ་ཅུང་ཙམ་གཏོད་ཐུབ་སོང་ན། རང་རེའི་ཉམ་ང་མཐའ་དག་རང་དབང་མེད་པར་མིག་ལ་འཆར་ནུས་ཤིང་། བོད་ལ་ཐར་ལམ་མེད་པའི་ནད་རྟགས་རྗེན་པར་མཐོང་ནུས་པ་ཡིན། ལྷག་པར་དུ་བརྒྱ་བརྒྱ་སྟོང་སྟོང་གི་མིག་གིས་འཚོ་ས་དང་ཡིད་ཀྱི་རེ་སར་གྱུར་པའི་མཐོ་བ་བཀའ་ཤག་ལས་ཁུངས་ནས། སྒྲིག་འཛུགས་ཆེ་ཆུང་ཁག ཆུང་བ་གཞི་ནས་སློབ་ཆེན་གྱི་ཐེམ་པ་རྡོག་པས་འཇལ་བཞིན་པའི་གཞོན་ནུ་ཚོའི་བར་ཞིབ་ལྟོས་ཐེངས་ཤིག་བྱས་ན་བོད་ཀྱི་རིག་གནས་སམ་བོད་ཀྱི་སྐད་ཡིག་གི་མ་འོངས་པ་ཤི་ཟིན་པ་མཐོང་ཐུབ་པ་ཡིན། འདི་ནས་གསལ་བོར་བརྡ་སྤྲོད་དགོས་པ་ཞིག་ནི། ང་ཚོའི་བཀའ་བློན་ནང་བོད་ཡིག་གི་འབྲི་རྩོམ་རང་མགོ་ཐོན་པ་དུ་ཙམ་ཡོད་པ་དང་། དེ་ནས་གཞོན་ནུ་ཚོགས་པའི་རྒྱུན་ལས་ཁྲོད་དང་། སློབ་ཕྲུག་ཚོགས་པའི་འགོ་གཙོ་རྒན་གཞོན། བུད་མེད་ཚོགས་པའི་འགན་ཁུར་བ་ཚོ་སོགས་སྤྱི་ཚོགས་ཆུང་ཆུང་འདི་རིམ་གྱིས་བཙགས་ཡོང་ན་དུས་རྒྱུན་དུ་ང་ཚོས་ལེན་བཞིན་པ་དེ་གླུ་ཚིག་མེད་པའི་དབྱངས་འགྲོས་སྟོང་བ་ཞིག་ཡིན་པ་གཞི་ནས་ཤེས་ངེས་རེད།

བཙན་བྱོལ་དུ་ཡོད་པའི་གསར་འབྱོར་རྩོམ་འབྲི་བ་ཚོས་རྒྱུན་གྱི་བཤད་ཚུལ་ཞིག་སྟེ། ཕྱི་ལོགས་ནས་བོད་ཀྱི་སྐད་ཡིག་བོར་སོང་

སྤྱིར་དྲ་འབུ་ཚོ་ཐོན་མེད་ས་ཞིག་ཡོད་ནི་མ་རེད། འོན་ཀྱང་།དགོན་སྡེའི་ལམ་ལུགས་སྐོར་ནས་ཅིག་བཤད་ན་ཕལ་ཆེར་གཅིག་གཉིས་ཤིག་ལས་འོང་གི་ཡོད་པ་མ་རེད།དེས་ཅི་ཞིག་གསལ་བཤད་བྱས་འདུག།བཤད་དགོས་ནི་ཞིག་མ་རེད།དེ་མིན་ཆོས་དང་རིག་གཞུང་ལ་བསམ་བློ་མ་དཀར་བ་ད་ཡིན་ནི་མ་རེད་དེ།རང་རང་སོ་སའི་ཁ་ཐུག་གི་འཚོ་བ་དང་འབྲེལ་བསྡད་པ་ཞིག་ཡིམ་དུས་ཁོང་ཅག་ལ་ཡང་ཁག་ཡོད་ནི་མ་རེད།ཁ་སྔོན་ངས་ཀྱང་ཁ་ཞེ་གཉིས་མེད་ངང་དགོན་སྡེའི་སྒྲིག་ལམ་སྐོར་ནས་ཅིག་གླེང་ཁུལ་བྱས་མོད།མང་པོ་ཞིག་གིས་གླེང་གི་མི་འདུག།དེ་ནས་དེའི་རྒྱབ་ལྗོངས་ངས་ཤེས་སོང་།

གོང་དུ་སྐུ་ཚབ་རྣམ་པས། སྦག་སའི་སྐབས་དང་ད་ལྟའི་གནས་སྐབས་གཉིས་ཀྱི་སློབ་གཉེར་གྱི་མཐུན་རྐྱེན་དང་འགལ་རྐྱེན་ལ་ཁྱད་པར་ཅི་ཡང་མེད་གསུངས་བ། ཅུང་ཙམ་ནོར་འདུག་སྙམ་དེ་གང་ཡིན་ཟེར་ན་སྔོན་གྱི་སྐབས་དང་ད་སྐབས་གཉིས་ལ་ཁྱད་པར་ཆེན་པོ་ཡོད། གནམ་ས་ལྟ་བའི་ཁྱད་པར་ཡོད། འདི་ནི་མཐོང་བ་མངོན་གྱུར་ཡིན་ན་ཡང་སྐུ་ཚབ་རྣམ་པའི་ཐུགས་ཉམས་མ་བཞག་པ་ཡིན་རྒྱུ་རེད། གང་ལྟར་འདི་ལ་དུས་དང་རང་གཞན་གང་མང་ཞིག་ནས་དགེ་སྐྱོན་མང་པོ་ཞིག་ཁྱེར་ཡོང་ནས་ཉམས་རྒུད་དུ་འགྲོ་བཞིན་པ་དངོས་རེད། གཙོ་བོ་གང་ཟག་རང་ཉིད་ལ་ཡང་འདུ་ཤེས་བརྟན་པོ་ཞིག་དང་རང་ཚུག་དྲང་བོ་ཞིག་མེད་པའི་འགྲིག་མི་འདུག་བསམ་སོང་།

སློབ་གཉེར་ཉམས་ཆགས་ལས་ཡར་རྒྱས་ལ་འགྲོ་བཞིན་ཡོད་པ་རེད་ཡིན་ནའང་སྲོལ་རྒྱུན་གྱི་སློབ་སྟངས་ཉམས་ཆགས་ལ་འགྲོ་བཞིན་འདུག་དེ་ནི་བཅོས་སུ་མེད་དུས་རབས་ཀྱི་འགྱུར་བ་རེད། སྤྱིར་སྟངས་དེང་སང་ཆོས་སྦྱང་ནས་གཞན་ལ་ཐར་ལམ་སྟོན་མཁན་ལས་ལོག་ལམ་སྟོན་མཁན་མང་བས་ཉམས་སོང་ནའང་དུས་ལ་བབ་པ་ཞིག་རེད་དོ།།

ང་དགུ་སྔོན་གྱི་ལྷ་རམས་དགེ་བཤེས་དང་།།
བརྒྱད་ཅུའི་རྗེས་ཀྱི་ལྷ་རམ་དགེ་བཤེས་གཉིས།།
བསྡུར་ནས་གཟིགས་དང་གནམ་སའི་ཁྱད་མེད་ན།།
ཉམས་རྒུད་མེད་པའི་སྒྲུབ་བྱེད་བཙན་ཤོས་ཡིན།།

ཉིན་མཚན་ཐོས་པར་བཏང་འདྲའི་ཚིག་ཕྲེང་གིས།།
ཡར་རྒྱས་འཕེལ་ཁ་སྟོན་ལ་བརྩོན་འདྲ་ཡང་།།
ཁྱིམ་པ་མཁས་པའི་ཤེས་ཡོན་མི་ལྡན་པའི།།
དགེ་བཤེས་སྣང་འདི་ཉམས་རྒུད་ཡིན་པར་མཐོང་།།

ཉམས་ལེན་གྲུབ་རྟགས་མེད་ཀྱང་མི་སྐྱོན་འདུག།
ཐོས་པའི་ཤེས་བྱའི་སྣུམ་ཞག་ལྡན་པའི་ཚོགས།།
གནས་སྟངས་རྒྱ་མར་བཏེགས་པའི་རྒྱ་གྲངས་ཤིག།
འཕེལ་ཞིང་མཇལ་རྒྱུ་བྱུང་ན་དགའ་བ་ལ།

དཔེ་ཁྲིད་དཔེ་ཀློག་དུས་ཚོད་བང་བསྒྲིགས་ནས།།
ཡར་རྒྱས་སྒྲུབ་བྱེད་འདི་འདྲ་འགོད་པ་ལས།།
བརྒྱད་ཅུའི་རྗེས་ཀྱི་མཁས་པ་ཚད་ཐུབ་གྲངས།།
གཅིག་ལ་གཉིས་སུ་བགྲངས་ན་ལྗིད་ཆེ་ག།

ང་ལ་མཚོན་ན། གདན་ས་གསུམ་གྱི་ཐད་ནས་སེམས་ཁྲལ་ཆེ་ཤོས་དང་བློས་རྟོགས་དཀའ་ཤོས་དེ་ནི། གདན་ས་གསུམ་གྱི་གྲྭ་བཙུན་ཚོས་མི་ཚེ་ཕྱེད་ཀར་ཐར་བ་དོན་གཉེར་གྱི་བསླབ་བྱ་དང་སློབ་གསོ་མྱངས་མྱངས་མཐར། འཇིག་རྟེན་དོན་གཉེར་གྱི་མི་སྐྱ་དག་ལས་ཀྱང་རྒྱུ་རྔམ་ཇེ་ཆེར་གྱུར་ཏེ་དགེ་བཤེས་ལྷ་རམས་པའི་ལག་ཁྱེར་འཕྱར་ཏེ། ཨ་ཤི་ཡ་དང་ཨ་རི། ཡུ་རོབ་སོགས་སུ་སྒོར་མོ་གསོག་ཞོར་དང་མཛེས་མ་བཙལ་ཞོར་བྱས་ཏེ། མཐའ་འུ་ཚང་གི་ལྷ་རམ་དགེ་བཤེས་དག་མགོ་རིལ་གྲྭ་བ་ནས་བླ་མ་རྫུན་མར་གྱུར་ཏེ། རིགས་མ་དང་རིགས་སྲས་སྐྱོང་མཁན་གྱི་སྐྱ་མིན་སེར་མིན་ཡ་མ་བླ་ཞིག་ཏུ་གྱུར་འགྲོ་བ་དེ་རེད། གདན་ས་གསུམ་གྱི་གྲྭ་བཙུན་ཚོས་མི་ཚེ་ཕྱེད་ཀར། སྡོམ་ཁྲིམས་ཉམས་ལེན་བྱས་བྱས་མཐར་ཀུན་སྤྱོད་ཇེ་རྩུབ་ཏུ་གྱུར་ཏེ། འགྲོ་བ་རིགས་དྲུག་ཕར་ཞོག་ཕར་ཞོག རང་གི་ཁེ་དོན་གྱི་ཆེད་དུ་གཞན་གྱི་བདེ་སྡུག་དང་མི་རིགས་ཀྱི་ལས་དབང་སྣང་མེད་དུ་གཡུགས་ཏེ། ཐ་ན་ཨ་རིའི་གཞུང་ཚབ་ཁང་གི་ཤེལ་སྒོའང་གཏོར་འགྲོ་བ་དེ་རེད། དངོས་གནས་ཡ་མཚར་རེད།
མ་གཞི། སྟོན་པ་ཐུགས་རྗེ་ཅན་གྱི་བསྟན་པ་ནི། མི་ཐ་མལ་བ་གདུག་སྤྱོད་ཆགས་སྡང་ཅན་ཞིག་གིས་རྣ་ལ་ཐོས་ཤིང་སེམས་ལ་སིམ་རྗེས། གང་ཟག་གང་ཉིད་ཞི་དུལ་བག་ཕེབས། རང་ལས་གཞན་གཅེས་ཅན་ཞིག་ཏུ་འགྱུར་དགོས་པ་ཞིག་ཡིན་མོད། འུ་ཅག་བོད་པ་ཚང་གི་གྲྭ་བཙུན་ཚོར་རྒྱུ་རྐྱེན་ཆོས་ཉིད་ལས་ལྡོག་པའི་འབྲས་བུ་རྐྱང་སྨིན་བཞིན་པ་འདི་ནི་དངོས་གནས་ཡ་མཚན་པོ་དང་དོགས་མི་བདེ་བ་ཞིག་རེད།
གནད་དོན་འདིའི་རྩ་བ་གང་ལ་ཐུག་ཡོད་མེད་ཚང་མས་དོ་སྣང་དང་། ལྷག་པར་དུ་གདན་ས་ཁག་གི་གནད་ཡོད་འགན་ལེན་པ་ཚོས་བསམ་གཞིགས་གནད་དུ་སྨིན་པ་ཞིག་བཏང་སྟེ། ཐབས་ཤེས་ཟུང་གི་སྒོ་ནས་སྐྱོན་འགོག་ལེགས་སྤེལ་གྱི་ལམ་བུ་ཞིག་སྔ་ས་ནས་མ་བཙལ་བ་ཡིན་ན། རྗེས་མ་གདན་ས་གསུམ་གྱི་གྲྭ་བ་རྣམས་ནི་མི་ཚང་མས་མགོ་འཕྲེད་དུ་གཡུགས་ཡུལ་ཞིག་ཏུ་མི་འགྱུར་བའི་ངེས་པ་མི་འདུག

ཉམས་མུས་འགྲོ་བཞིན་ཡོད་པ་མཐོང་མཐོང་ལ་ད་དུང་ཨུ་ཚུགས་ཀྱིས་ཁ་སྤོབས་སྒྲོགས་ན་དེ་ནི་བསྟན་པ་སྙིང་ནས་མ་ཤ་ཚ་བའི་སྐད་ཆ་མ་རེད་དམ།

སློབ་གཉེར་ཉམས་འགོ་ག་དུས་བཙུགས་པ་རེད་ན
དགོན་པའི་སྐུ་དྲག་རྣམས་དུས་རྒྱུན་ནས་བསམ་ཞིབ་གནང་ས་དང་བློ་རིག་སྒྲིམ་ས་དེ་དགོན་པའི་དཔལ་འབྱོར་དང་སྤྱིན་བདག་ཇི་ལྟར་འཚོལ་སྒྲུབ་བྱེད་དགོས་མིན་གྱི་ཐོག་ལ་ཤི་འཐམས་རོ་འཐམས་བྱེད་པ་དུས་ནས་བཟུང་རེད། ད་དུང་ཡང་དེ་ཕྱོགས་སུ་བསམ་བློ་གཏོང་རྒྱུ་ལས་དགོན་པའི་སློབ་གཉེར་ཅི་ལྟར་ཡར་རྒྱས་གོང་སྤེལ་དང་འཐུས་ཚང་གཏོང་དགོས་མིན་གྱི་སྐོར་ལ་མནོ་བསམ་ཁྱོན་ནས་གཏོང་གི་མེད་ཚོད་རེད། དེའི་ཕྱིར་དགོན་པའི་སློབ་གཉེར་ལ་ཉིན་མཚན་དུས་དྲག་ཏུ་འབད་བརྩོན་བྱེད་ཀྱིན་པའི་སློབ་གཉེར་མང་ཤོས་ཤིག་གིས་དགོན་པའི་སློབ་གཉེར་གོང་སྤེལ་དང་འཐུས་ཚང་དུ་གཏོང་དགོས་པའི་བསམ་ཚུལ་བཏོན་གྱིན་ཡོད་མོད། ཡིན་ཡང་དེ་ལྟར་བཤད་ན་དགོན་པའི་སྐུ་དྲག་རྣམས་ཀྱིས་དགོན་པའི་ལས་གནས་དང་དགོན་པ་ལ་ཁ་རྡུང་གཏོང་གི་འདུག་ཞེས་ཕྱིར་བུད་དུ་གཏོང་བའམ་ཉེས་ཆད་ཕོག་གི་རེད། དེར་བརྟེན་དགོན་པའི་སློབ་གཉེར་བ་རྣམས་ཀྱི་བསམ་ཚུལ་དེ་དག་རིམ་བཞིན་༧གོང་ས་མཆོག་གི་སྙན་ལམ་དུ་སོང་བར་བརྟེན་དེང་སྐབས་དགོན་པའི་སྐུ་དྲག་རྣམས་ཁོང་ཁྲོ་ཟ་བཞིན་ཡོད་བ་རེད། ཁོ་ཚོས་ནམ་རྒྱུན་ནས་༧་གོང་ས་མཆོག་ལ་དགོན་པའི་ལེགས་ཆ་རྐྱང་རྐྱང་སྙན་སེང་ཞུ་རྒྱུ་ལས་དགོན་པའི་སྐྱོན་ཆ་དང་འཇིགས་ཉེན་སྐོར་ཞུ་མྱོང་མེད། དེ་ནི་ཁོ་ཚོ་༧ཁོང་གི་མདུན་དུ་འོད་ལམ་ལམ་དུ་སྡོད་དགོས་པས་རེད།

བདག་གིས་མཐོང་ཕྱོགས་སུ་དུས་རབས་དང་འཛམ་གླིང་གི་འགྱུར་བ་བཞིན་གདན་ས་ཁག་ལ་ཡང་འགྱུར་བ་ཞིག་ཐེབས་བཞིན་ཡོད་པ་མཐོང་། དཔལ་འབྱོར་ཇི་ཙམ་བཟང་ན་སློབ་གཉེར་ལ་བར་ཆད་དེ་ཙམ་ཡོང་བཞིན་ཡོད་པ་དེ་སྤྱི་ཚོགས་གང་སར་རང་བཞིན་ཞིག་ཡིན་པ་བཞིན། དེང་སང་གདན་ས་ཁག་འགའ་ཤས་ལ་དངུལ་ཕྲན་བུ་རག་དུས་གུང་གསེང་དང་ཡར་མར་འགྲོ་རྒྱུག་མང་བ་བྱེད་དགོས་ཀྱི་ཡོད། ད་དུང་ཡང་ཁ་པར་དང་ཀློག་ཀླད་སོགས་ལ་རྩེ་མོར་གཡེང་མཁན་ཇེ་མང་ལ་འགྲོ་བཞིན་ཡོད། དེར་བརྟེན་གྲྭ་ཚང་ཁྱོན་ཡོངས་ནས་འཐུས་ཤོར་ལ་འགྲོ་རྐྱེན་ཞིག་མེད་ནའང་སྒེར་སོ་སོ་ནས་འཐུས་ཤོར་ལ་འགྲོ་རྐྱེན་ཇེ་མང་དུ་སྣང་། འོན་ཀྱང་གདན་ས་ཁག་ལ་སློབ་གཉེར་གྱི་ཉམས་ཆག་ཤུགས་ཆེར་འགྲོ་བ་མ་མཐོང་། སྒྲིག་ཁྲིམས་ཡང་སྔར་རྒྱུན་ལས་འཐུས་ཤོར་དུ་སོང་མེད་པ་མ་ཟད་ཇེ་བཟང་དང་འཐུས་སྒོ་ཇེ་ཚང་ལ་འགྲོ་བཞིན་ཡོད་པར་སྣང་། དཀའ་ངལ་ཆེ་ཤོས་ཞིག་ནི་གྲྭ་བརྒྱུན་ཡོང་མཁན་ཇེ་ཉུང་ལ་འགྲོ་བཞིན་པ་དེ་རེད། མུ་མཐུད་དེ་གསར་ཞུགས་མཁན་ཇེ་དཀོན་ལ་སོང་ན། མགོ་དང་པོ་འཛིན་གྲྭ་འོག་མ་རྩ་སྟོང་འགྲོ་སྟེ་དགེ་འདུས་ཀྱི་སྡེ་རིམ་བཞིན་སྟོང་འགྲོ། དེ་ནས་རིམ་བཞིན་འོ་སྐོལ་མི་རིགས་ཀྱི་བླ་སྲོག་ཀ་སོགས་སོ་བཞི་རྟེན་གཞི་བོད་བརྒྱུད་ནང་བསྟན་གུད་ནས་རྒུད་དུ་འགྲོ་སྟེ་དབྱངས་གསལ་སོ་བཞི་བཀོལ་སྤྱོད་མེད་པ་འགྱུར་ཉེན་ཆེའོ།