༸གོང་ས་མཆོག་རྒྱལ་སྤྱིའི་སློབ་སྟོན་པར་བདམས།

ཉེ་ལམ་ (Forum 2000) ཞི་བདེའི་བསྟི་གནས་ཁང་གིས་༸གོང་ས་མཆོག་དང་འབར་མའི་དམངས་གཙོ་དོན་གཉེར་བ་ལྕམ་ཨང་སེན་སུ་ཀེ་རྣམ་གཉིས་ཚོཊ་པ་དེའི་སློབ་སྟོན་པར་བདམས་ཡོད་འདུག

ཉེ་ལམ་གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། ༸གོང་ས་མཆོག་དང་འབར་མའི་དམངས་གཙོ་དོན་གཉེར་བ་ལྕམ་ཨང་སེན་སུ་ཀེ་རྣམ་གཉིས། ཧྥོམ་(Forum 2000) ཞེས་པའི་ཞི་བདེའི་བསྟི་གནས་ཁང་གི་རྒྱལ་སྤྱིའི་སློབ་སྟོན་པའི་ཁོངས་སུ་བདམས་ཡོད་འདུག་ལ། ད་ཆར་ཚོཊ་པ་དེའི་སློབ་སྟོན་ཚོཊ་མིའི་ཁོངས་སུ་ལྷོ་ཨ་ཧྥི་རི་ཀའི་སྲིད་འཛིན་ཟུར་པ་ཕེར་ཌེ་རིཀ་ཝིལ་ཡེམ་ཌི་ཀ་ལཀ་ (Frederik Willem de Klerk) མཆོག་དང་། ཉི་ཧོང་ནས་ཡིན་པའི་སྐུ་ཞབས་ཡོ་ཧེ་སཱ་སཱ་ཀ་ཝ་མཆོག་སོགས་ཡོད་འདུག

དེའི་ཐད་ཧྥོམ་ ༢༠༠༠ ཞེས་པའི་ཞི་བདེའི་བསྟི་གནས་ཁང་གི་འགན་འཛིན་ཇེ་ཀོབ་ཀེལ་པལ་ (Jakub Klepal) ལཊ་ཀྱིས་གསལ་བསྒྲགས་ཤིག་སྤེལ་ཡོད་པའི་ནང་། བོད་ཀྱི་༸ཏཱ་ལའི་བླ་མ་མཆོག་དང་འབར་མའི་དབུ་ཁྲིད་ལྕམ་སྐུ་ཨང་སེན་སུ་ཀེ་རྣམ་གཉིས། ང་ཚོའི་བསྟི་གནས་ཁང་གི་སློབ་སྟོན་པའི་ཚོགས་ཁོངས་སུ་ཞུགས་པར་ཧ་ཅང་དགའ་པོ་བྱུང་། ང་ཚོས་དབུ་ཁྲིད་རྣམ་གཉིས་ ༢༠༡༢ ཟླ་ ༡༠ ཚེས་ ༢༡ ནས་ ༢༣ བར་ཅེག་སྤྱི་མཐུན་རྒྱལ་ཁབ་གྱི་རྒྱལ་ས་པ་རཱག་ཏུ་འཚོཊ་འཆར་ཡོད་པའི་རྒྱལ་སྤྱིའི་ཞི་བདེའི་ལྷན་ཚོཊ་ཐེངས་ ༡༦ པའི་སྟེང་ཆིབས་བསྒྱུར་བསྐྱང་རྒྱུར་ངང་སྒུག་བྱེད་བཞིན་ཡོད་ཅེས་བརྗོད་ཡོད་འདུག

༸གོང་ས་མཆོག་གིས་ཀྱང་བསྟི་གནས་ཁང་དེར་གསུང་འཕྲིན་བསྩལ་བའི་ནང་། ངོས་ཀྱིས་བསྟི་གནས་ཁང་འདིས་ཅེག་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་ཝཀ་ལེབ་ཧ་ཝེལ་དམ་པ་ཁོང་གི་དགོངས་པ་བཞིན། འཛམ་གླིང་ནང་ཞི་བདེ་དང་དྲང་བདེན་གོང་འཕེལ་གཏོང་ཆེད་ངལ་བ་ཁྱད་གསོད་ཀྱིས་འབད་བརྩོན་མུ་མཐུད་ཞུ་རྒྱུའི་རེ་བ་ཞུ་རྒྱུར་མ་ཟད། ངོས་རང་གིས་ཀྱང་བསྟི་གནས་ཁང་དང་ལྷན་དུ་ལས་དོན་དེ་དག་ཐོག་མཉམ་རུབ་ཞུ་རྒྱུ་ཡིན་ཞེས་གསུངས་འདུག

ཞི་བདེའི་བསྟི་གནས་ཁང་དེ་ནི་ཕྱི་ལོ་ ༡༩༩༦ ལོར་ཅེག་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་ཝཀ་ལེབ་ཧ་ཝེལ་ (Václav Havel) མཆོག་དང་། ཉི་ཧོང་སྐུ་ཞབས་ཡོ་ཧེ་སཱ་སཱ་ཀ་ཝ་ (Yohei Sasakawa)། ཨ་རིའི་ནོ་སྦེལ་ཞི་བདེའི་གཟེངས་རྟཊ་ཐོབ་མྱོང་མཁན་ཨེ་ལི་ཝེ་སེལ་ (Elie Wiesel) བཅས་ཀྱིས་ཐོག་མར་གསར་འཛུཊ་གནང་བ་ཞིག་ཡིན་འདུག