༸གོང་ས་མཆོག་གིས་དུས་ཡུན་བདུན་ཕྲག་གཉིས་རིང་གི་ཨ་རིའི་མཛད་འཆར་ཁག་གྲུབ་སྟེ། ཟླ་འདིའི་ཕྱི་ཚེས་ ༢༣ ཉིན་དབྱིན་ཡུལ་རྒྱལ་ས་ལོན་ཊོན་དུ་ཆིབས་བསྒྱུར་བསྐྱངས་ཡོད་འདུག་ལ། ཉིན་དེར་༸གོང་ས་མཆོག་གིས་རྒྱལ་ས་ལོན་ཊོན་དུ་རྟེན་གཞི་བྱས་པའི་ལེ་གྷ་ཊམ་ (legatum Institute) བསྟི་གནས་ཁང་གི་ཚོཊ་ཁང་དུ། ཡུལ་དེའི་དཔལ་འབྱོར་རིག་པ་བ་དང་ཆབ་སྲིད་མི་སྣ། ཁྲིམས་ལུཊ་མཁས་པ། གསར་འགོད་པ་སོཊ་ལ་༼བཟང་སྤྱོད་བརྒྱུད་འཛམ་གླིང་གནས་བབ་ཡར་རྒྱས་གཏོང་ཐབས་སྐོར༽(Ethics for a More Prosperous World) བཀའ་སློབ་བསྩལ་ཡོད་འདུག
དབྱིན་ཡུལ་གྱི་མཛད་འཆར་ཁག་ལེཊ་པར་གྲུབ་སྟེ་ཁ་སང་ཕྱི་ཚེས་ ༢༤ ཉིན་༸གོང་ས་མཆོག་ལོན་ཊོན་ནས་མཁའ་ལམ་བརྒྱུད་ལྡི་ལི་དང་། དེ་རིང་སྔ་དྲོའི་ཆུ་ཚོད་ ༡༡ ཙམ་ལ་ལྡི་ལི་ནས་གྷ་གྷལ་དང་། གྷ་གྷལ་གནམ་ཐང་ནས་དབུས་བོད་མིའི་སྒྲིག་འཛུཊ་མང་གཙོ་ཀ་བ་གསུམ་གྱི་མཛད་གཙོ་རྣམ་པ་དང་། གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ། བཞུཊ་སྒར་ཁུལ་གྱི་སེར་སྐྱ་མང་ཚོཊ་བཅས་ཀྱི་ཕེབས་བསུའི་ཁྲོད་ཕྱིར་བཞུགས་སྒར་ཕོ་བྲང་དུ་ཞབས་སོར་བདེ་བར་འཁོད་སོང་།
ཐེངས་འདིའི་གཟིགས་སྐོར་སྐབས་༸གོང་ས་མཆོག་གིས་ཨ་རི་དང་དབྱིན་ཡུལ་བཅས་ཀྱི་གཙུག་ལག་སློབ་གྲྭ་ ༩ ཙམ་གྱི་སློབ་ཕྲུག་དང་། ས་གནས་མང་ཚོགས་བཅས་ཁྱོན་མི་ ༧༣༠༠༠ བརྒལ་བར་ཆོས་འབྲེལ་དང་བཀའ་སློབ་བསྩལ་ཡོད་འདུག
ཟླ་འདིའི་ཕྱི་ཚེས་ ༢༩ ནས་ ༣༡ ཉིན་བར་༸གོང་ས་མཆོག་གིས་མུ་མཐུད་དུ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། ཀོ་རི་ཡའི་ནང་པའི་དད་ལྡན་པ་ཚོར་མགོན་པོ་ཀླུ་སྒྲུབ་ཀྱིས་མཛད་པའི་༼དབུ་མ་རྩ་བ་ཤེས་རབ༽བཀའ་ཁྲིད་གནང་རྒྱུ་ཡིན་འདུག
