བཀའ་ཤག་གིས་རྒྱ་ནག་གི་བསྙོན་འཛུགས་ལ་སྐྱོན་བརྗོད་དང་། རྒྱ་གཞུང་གི་འཐུས་མི་དང་རྒྱལ་སྤྱིའི་རང་དབང་ཅན་གྱི་ལྟ་ཞིབ་པ་བཙན་བྱོལ་བོད་མིའི་ལས་ཁུངས་ཁག་ལ་ཞིབ་འཇུག་ཏུ་ཡོང་རྒྱུར་དགའ་བསུ་ཡོད་སྐོར་བསྒྲགས་འདུག
དེ་རིང་ཕྱི་ཚེས་ ༨ ཉིན་བཙན་བྱོལ་བོད་མིའི་སྒྲིག་འཛུགས་བཀའ་ཤག་གིས་གསར་འགོད་གསལ་བསྒྲགས་ཤིག་སྤེལ་ཏེ། རྒྱ་གཞུང་གིས་ད་ལྟ་བོད་ནང་གི་བོད་མིའི་ངོ་རྒོལ་གྱི་རྒྱབ་ཏུ་བཙན་བྱོལ་བོད་མིའི་མགོ་ཁྲིད་ཀྱི་ངན་སྐུལ་ཡོད་པའི་བསྙོན་འཛུགས་ལ་སྐྱོན་བརྗོད་དང་། བོད་ནང་གི་ཛ་དྲག་གནས་བབ་སེལ་རྒྱུའི་འགན་ཡོངས་རྫོགས་རྒྱ་གཞུང་ལ་ཡོད་པ། བཙན་བྱོལ་སྒྲིག་འཛུགས་ཀྱི་ངོས་ནས་རྒྱ་གཞུང་གི་སྐུ་ཚབ་དང་རྒྱལ་སྤྱིའི་རང་དབང་ཅན་གྱི་ཚོགས་སྡེ་གང་རུང་ངྷ་སའི་བཙན་བྱོལ་བོད་མིའི་སྒྲིག་འཛུགས་ཀྱི་ལས་ཁུངས་ཁག་ལ་ཞིབ་འཇུག་གིས། བོད་ནང་གི་བོད་མིའི་ངོ་རྒོལ་གྱི་རྒྱབ་ན་བཙན་བྱོལ་བོད་མིའི་མགོ་ཁྲིད་ཚོ་ཡོད་པར་བསྙོན་འཛུགས་བྱེད་བཞིན་པ་དེ་བདེན་པ་ཡིན་མིན་ཞིབ་འཇུག་ར་སྤྲོད་བྱ་རྒྱུར་དགའ་བསུ་ཡོད་པ་བསྒྲགས་འདུག
ཡང་གསར་འགོད་གསལ་བསྒྲགས་དེའི་ནང་། གཟའ་ལྷག་པའི་ཉིན་བོད་ནང་ནས་བསྐྱར་དུ་བོད་མི་དྲུག་གི་རང་ལུས་མེར་བསྲེགས་བཏང་ཡོད་པ་དང་། ཁ་སང་ཕྱི་ཟླ་ ༡༡ པའི་ཚེས་ ༧ བར་ཁྱོན་བོད་མི་ ༦༨ གྱིས་རང་ལུས་མེར་བསྲེགས་བཏང་ཡོད་པ། རང་ལུས་མེར་བསྲེགས་གཏོང་མཁན་དེ་དག་ཕལ་ཆེ་བ་རྒྱ་ནག་གིས་བོད་བཙན་བཟུང་བྱས་རྗེས་ཀྱི་མི་རབས་རྐྱང་ཆགས་ཡོད་པ་བཀོད་འདུག
གསར་འགོད་གསལ་བསྒྲགས་དེར། དབུས་བཙན་བྱོལ་བོད་མིའི་སྒྲིག་འཛུགས་ཀྱིས་ཐག་ཆོད་པའི་སྒོ་ནས། བོད་ནང་གི་བོད་མི་ཚོས་རང་ལུས་མེར་བསྲེགས་གཏོང་གནང་པའི་རྒྱུ་རྐྱེན་ནི། རྒྱ་གཞུང་གི་དྲག་གནོན་སྲིད་ཇུས་དང་དཔལ་འབྱོར་གྱི་གནོན་ཤུགས། ཁོར་ཡུག་གཏོར་བརླག། རིག་གཞུང་མཉམ་བསྲེ་ཤུལ་མེད་བཟོ་བ་སོགས་ཀྱི་སྲིད་ཇུས་ཀྱི་རྐྱེན་ཡིན་པ། རྒྱ་ནག་གི་ཚོགས་ཆེན་ ༡༨ པའི་སྟེང་འདེམས་ཐོན་བྱུང་པའི་མགོ་ཁྲིད་ཚོས་ད་སྔ་བོད་ཐོག་འཛིན་པའི་རྒྱ་གཞུང་གི་མཁྲེགས་བཟུང་སྲིད་ཇུས་དག་མཐའ་གཅིག་ཏུ་ཕམ་ཉེས་བྱུང་ཡོད་པ་དང་། གྲོས་མོལ་ཁོ་ན་བརྒྱུད་ཞི་འགྲིག་མཐའ་འཁྱོལ་ཡོང་ཐུབ་ཀྱི་གནད་དོན་ཐག་གཅོད་ཐུབ་པ་བཅས་ངེས་པར་དུ་ངོས་འཛིན་ཐུབ་དགོས་པ་བཀོད་འདུག
སྲིད་སྐྱོང་པ་བློ་བཟང་སེང་གེ་མཆོག་གིས་ “ང་ཚོའི་ངོས་ནས་རྒྱ་གཞུང་གི་དྲག་གནོན་སྲིད་ཇུས་མཇུག་སྒྲིལ་པ་ཡིན་ན། བོད་མིའི་རང་ལུས་མེར་བསྲེགས་ཀྱི་ལས་འགུལ་ཡང་མཚམས་འཇོག་ཡོང་རྒྱུར་མཐའ་གཅིག་ཏུ་ཡིད་ཆེས་བྱེད་ཀྱི་ཡོད་”ཅེས་གསུངས་འདུག
གསར་འགོད་པ། བནྡེ་སྐྱབས།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
དཔལ་ལྡན་སྲིད་སྐྱོང་མི་དབང་བློ་བཟང་སེང་གེ་མཆོག་དང་། དཔལ་ལྡན་བོད་མི་དམངས་སྤྱི་འཐུས་ལྷན་ཚོགས་ཀྱི་ཉེ་བའི་འཆར་གསལ་བསྒྲགས་སྤེལ་བ་བ་ལྟར་ང་ཚོས་ངེས་པར་བོད་ནང་གི་བོད་མིའི་ཚེ་སྲོག་ལ་གཅེས་སྤྲས་གནང་ཐུབ་པ་དགོས།
ཅི་སྟེ་ང་ཚོས་རྡ་སར་བོད་གཞུང་དང་། བོད་མིའི་ཡུལ་གྱར་གྱི་མི་ལོ་༥༠ ལྷག་གཅིག་འདས་པའི་དེ་རིང་གི་ཉིན་མོ་བར་ང་ཚོས་བོད་དང་བོད་མི་རྣམས་ཀྱི་ལས་དབང་དང་། བོད་མིའི་བདེ་སྐྱིད་ཀྱི་ཆེད་ང་ཚོས་འདི་ལྟར་ལས་བཞིན་ཡོད།
འོན་ཀྱང་གཞི་ལུས་བོད་རིགས་རྣམས་སྐྱི་ཡ་བའི་གནས་སྟངས་འདི་འདྲའི་འོག་ལྡོག་ཕྱོགས་ཀྱིས་སྡུག་བསྔལ་སྣ་ཚོགས་ཞིག་མྱོང་དཞིན་པ་དེའི་རྒྱུ་རྐྱེན་ལ་ཞིབ་འཇུག་གམ་བསྐྱར་ཞིབ་ཀྱིས་ལམ་ནས་ཁ་གསལ་པོར་བོད་ཕྱི་ནང་གི་བོད་རིགས་ཚོར་གསལ་བཤད་གནང་དགོས་པའི་དུས་ལ་བབ་ཡོད།
ཡང་ན་ཕྱི་ནང་གི་བོད་རིགས་ཡོངས་རྫོགས་ཀྱིས་མུ་མཐུད་ཚེ་སྲོག་བློས་གཏོང་དགོས་པ་དང་། ཡང་ན་ཚེ་སྲོག་མེ་ལ་སྒྲོན་པའི་ཆབ་སྲིད་ཀྱི་ཚོར་བ་རྣོ་པོ་འདི་མཚམས་གཅོད་ཐུབ་པ་བྱེད་དགོས།
དེ་ནི་བོད་དང་བོད་མི་རིགས་ཀྱི་ལས་དབང་ལས་ཁམས་པ་དང་ཨ་མདོ་བ་ཚོ་གཅིག་པུའི་བདེ་སྡུག་གི་གནས་བབ་ཞིག་ཆགས་མེད།
འགན་ཁུར་མེད་པའི་དཀྲོགས་གཏམ་མཁན་པོ་སྐར་མདའ་མིང་ཅན་གྱི་དྲ་འབུ་ཁྱོད་རང་བོད་པ་ཞིག་ཡིན་ན། འཐབ་རྩོད་བཟོ་སར་ནང་ཁུལ་མ་ཡིན་པར་ཤེས་དགོས། འོ་ན་ཁྱོད་ཀྱིས་བོད་སྤྱི་པའི་རྩ་དོན་ཆེད་དུ་འདས་མ་དུས་གསུམ་ལ་ག་རེ་བྱས་རྗེས་འཇོག་ཡོད། ག་རེ་སྒྲུབ་བཞིན་ཡོད་དམ་་་ག་རེ་འཆར་གཞི་ཡོད་དམ་་་་་གོང་ཞུས་བཞིན་འགན་ནི་ཡོད་རྒྱུ་རེད་་་་་བོད་ཞིག་ཡིན་ཕྱིན་་་་་་་་་་་་་
མུ་མཐུད་ནས་རྒྱ་གཞུང་ལ་འབྲེལ་མོལ་ཟེར་བའི་ཚིག་སྐམ་དེར་འཇུས་ནས་སྡོད། སྔོན་ཆད་སྲིད་སྐྱོང་གིས་ཡང་ནས་བསྐྱར་དུ་བརྗོད་བསྡད་པའི་ཞུ་གཏུག་དང་། རྒྱལ་བ་རིན་པོ་ཆེ་བོད་ལ་གདན་འདྲེན་ཐུབ་པ་བྱ་རྒྱུ་ཡིན་ཞེས་པ་ལ་སོགས་པའི་བསྒྲགས་གཏམ་དེ་ཚོ་གང་དུ་སྦས་པ་རེད། ད་དུང་མེ་ལྕེ་དྲག་པོའི་ཁྲོད་ཀྱི་ཁ་གཡང་དེ་དག་སྙན་གསན་བྱུང་མེད་པ་འདྲ། ་་་་་་་
བོད་ནང་གིས་དཔའ་བོ་དཔའ་མོ་མང་པོས་ཚེ་སྲོགས་ཤོར་དགོས་དོན་ནི་རྒྱལ་དམར་གྱིས་གདུག་རྩིབ་ཅན་གྱི་སྲིད་ཇུས་རང་ལས་བྱུང་བ་ཡིན་པས་དེ་འཇུག་སྒྲིལ་ན་མེ་བསྲེག་ལས་འགུལ་ག་རེ་བྱས་ནས་སྤེལ་དགོས་རེད། ད་དུང་སྲིད་སྐྱོང་མཆོག་ལ་ཁ་འདྲ་གཏོང་ཁུལ་སྐྱག་ཕྲུག་རང་ཡིན། དེ་འདྲའི་མཁས་མཛངས་ཅན་ཞིག་ཡིན་ན་དོན་ཤོག་དང་། ཕྱི་དྲག་པ་ལས་སྔར་ཡོད་པ་མ་རེད། བོད་མི་ཆ་ཚང་ལ་འགན་ནི་ཡོད་པ་རེད། ཡིན་ཡང་མགྱོན་ཐང་ཅན་ཉུང་དྲག་ནས་འདི་འདྲ་མྱོང་དགོས་ཀྱི་ཡོད་པ་རེད།།།།།།།།
སྲིད་སྐྱོང་ལ་ཁ་གཏོང་མཁན་དེ་བོད་ཉག་ཕྲ་བའི་དུས་ཡིན་པ་ཤེས་དགོས་ཁྱོད་རང་ཁོང་གི་འཕོང་སྤུ་ཙམ་ཡང་གནས་ལེ་མིན་འདུག་ཧ་དགོས་ལེ་འདུག།།།། ལྐུག་པ་རང་རེད།།།།།
ད་བཙན་བྱོལ་བ་རྣམས་གཅིག་བྱེད་ཐུབ་པ་འདུག་དེ་ཛ་དྲག་མཆོད་འབུལ་ཚོགས་ཆུངའཛུགས་རན་ཞག་ཧ་ཅང་གི་དགོས་གལ་ཆེན་པོ་འདུག་དེས་རྒྱལ་གཅེས་དཔའ་མཛངས་རྣམས་ཀྱི་སྐུ་ཚིགས་ཆད་མེད་སྐྱོང་རྒྱུར་ཕན་ཐོགས་ཆེན་པོ་ཡོང་བ་དང་ནང་མི་དང་ བོད་བཞུགས་སྤུན་ཟླ་རྣམས་སུ་སེམས་གཏིང་ནས་གདུང་སེམས་མཉམ་གནས་མཚོན་ཐུབ་ཀྱི་རེད། ལས་དོན་གང་མགྱོགས་སྤེལ་དགོས་པ་འདུག་བོད་པ་བྱེས་འབྱོར་ཚོ་གཉིད་གསང་ཤོག། ལོང་ཤོག། འདི་འདྲ་ཅི་བྱེད་དགོས་གལ་རེད་ད་་་ ཨ་ཁ་ཀ་ཨེ་མ་ཧོ་ངས་སྤུན་རྣམས་ཧ་ཅང་གི་འཕངས་སོང་དཀོན་མཆོག་མཁྱེན་བོད་བདེན་པ་མྱུར་ཏུ་ཤར་བ་ཤོག།།།།།།།
སྲིད་སྐྱོང་པ་བློ་བཟང་སེང་གེ་མཆོག་གིས་ “ང་ཚོའི་ངོས་ནས་རྒྱ་གཞུང་གི་དྲག་གནོན་སྲིད་ཇུས་མཇུག་སྒྲིལ་པ་ཡིན་ན། བོད་མིའི་རང་ལུས་མེར་བསྲེགས་ཀྱི་ལས་འགུལ་ཡང་མཚམས་འཇོག་ཡོང་རྒྱུར་མཐའ་གཅིག་ཏུ་ཡིད་ཆེས་བྱེད་ཀྱི་ཡོད་”ཅེས་གསུངས་པར་མོས་མཐུན་མེད། གང་ཡིན་ཞེས་ན་རྒྱལ་གཅེས་དཔའ་བོ་དཔའ་མོ་བདུན་ཅུར་ཉེ་བ་ཞིག་གིས་ལུས་སྲོག་ཕངས་མེད་དུ་བཏང་དང་གཏོང་བཞིན་པ་དེར་མངོན་འདོད་ངེས་ཅན་ཞིག་ཡོད་པ་ལས། དྲག་གནོན་གཅིག་པུ་སེལ་ཆེད་དུ་མིན་པ་ནི་ཁོང་རྣམ་པའི་འབོད་ཚིག་གི་ཐོག་ནས་དཔོག་ཐུབ་པ་ཞིག་མ་ཡིན་ནམ། །
སྲིད་སྐྱོང་མཆོག་ལ་ན་མོ།
དུས་ཐོག་བསྒྲགས་གཏམ་སྤེལ་བར་མངོན་པར་བསྟོད་དོ།།
བཙན་བྱོལ་བོད་མིའི་དྲ་ལམ་སྤུས་དག་མཛད་པར་དགའ་འོ།།
ད་དུང་མིའི་ནུས་ཤུགས་དང་དུས་ཆོད་འཁོར་མར་ཞབས་ཞུ་དགོས་འདུག་སྙམ་མོ།།