སུད་
དེའི་རྗེས་ཕ་ཡུལ་ཀླུ་ཆུ་བ་ཁག་ཅིག་གིས་ཞིབ་ཕྲའི་གནས་ཚུལ་བཏང་འབྱོར་ལ། ཕྱི་ཚེས་ ༨ ཉིན་པདྨ་རྡོ་རྗེ་ལགས་ཁོང་གི་སྐྱེས་ཡུལ་ཆོས་འཁོར་སྡེ་བ་ནས་སྤྱི་ལེ་ ༣༠ ལྷག་གི་སར་ཡོད་པའི་ཤིས་ཚང་དགོན་པར་ཡོང་སྟེ། དགོན་པའི་མདུན་ཐད་ཀྱི་རྩྭ་རའི་ནང་ནས་མེར་བསྲེགས་གྲ་སྒྲིག་གིས་ཁོ་རང་ངོ་རྟགས་ཆོད་སླད། ཁོང་གི་འདྲ་པར་ཞིག་དང་ཐོབ་ཐང་ལག་འཁྱེར་གཉིས་འཕྲུལ་རྟའི་སྟེང་དུ་བཞག་ཡོད་འདུག
དེ་ནས་འདུ་ཁང་གི་མདུན་ཐང་དུ་ཡོང་སྟེ་སྐད་ཤུགས་ཆེན་པོས་ “ལྷ་རྒྱལ་ལོ། ༧རྒྱལ་དབང་ཐམས་ཅད་མཁྱེན་པ་བོད་ནང་མྱུར་དུ་ཕེབས་དགོས” ཞེས་སྐད་འབོད་བྱས་ཏེ་རང་ལུས་མེར་བསྲེགས་བཏང་འདུག
སྐབས་དེར་ཤིས་ཚང་དགོན་པའི་འདུ་ཁང་དུ་གྲྭ་མང་ཚོགས་འཚོགས་བཞིན་པའི་སྐབས་སུ་འཁེལ་ཡོད་ཅིང་། ཚོགས་གྲོལ་དུས་ཁོང་ཐང་ལ་འགྱེལ་ཡོད་ཀྱང་། ད་དུང་ལུས་སྟེང་དུ་མེ་དམར་ལམ་ལམ་འབར་བཞིན་ཡོད་འདུག དེ་མ་ཐག་གྲྭ་མང་གིས་སྨོན་ལམ་གསུངས་ཏེ། ཁོང་གི་སྐུ་ཕུང་སྐྱེས་ཡུལ་ཆོས་འཁོར་སྡེ་བར་གདན་དྲངས་ཡོད་འདུག གནས་ཚུལ་དེ་བྱུང་རྗེས་ས་གནས་དེར་རྒྱ་གཞུང་གིས་དམ་དྲག་ཆེན་པོ་བྱེད་ཀྱིན་ཡོད་འདུག
རྒྱལ་གཅེས་དཔའ་བོ་པདྨ་རྡོ་རྗེ་ལགས་ཀྱི་ཕའི་མིང་ལ་ཨོ་རྒྱན་སྐྱབས་དང་། མའི་མིང་ལ་ཚེ་གཟུངས་མཚོ་ཟེར་གྱི་ཡོད་འདུག ཁོང་ཅག་གི་འཚོ་ཐབས་ཞིང་བ་ཡིན་འདུག
རྒྱལ་གཅེས་དཔའ་བོ་པདྨ་རྡོ་རྗེ་ལགས་ནི་མདོ་སྨད་ཀླུ་ཆུའི་ཤིས་ཚང་དུ་བོད་བསྟན་སྲིད་ཆེད་རང་ལུས་མེར་བསྲེགས་གནང་མཁན་གཉིས་པ་དེ་ཆགས་ཡོད་ཅིང་། དང་པོ་དེ་ཟླ་སྔོན་མའི་ཕྱི་ཚེས་ ༢༢ ཉིན་གྱི་མཚན་མོར་རང་ལུས་མེར་བསྲེགས་གནང་མཁན་རྒྱལ་གཅེས་དཔའ་བོ་རྟ་མགྲིན་སྐྱབས་ཆགས་ཡོད།
ཡང་བསྐྱར་དྲ་གྲོགས་རྣམ་པར་ཞུ་རྒྱུ་ཞིག་ལ་གཡུ་རལ་བཀྲ་རྒྱམ་དང་དགེ་བོ་བཀྲ་ཁོ་གཉིས་གང་ཟག་གཅིག་ཡིན།
བློས་གཏོང་གི་ལས་འགུལ་འདི་འདྲའི་ཆེན་པོ་ཞིག་སྤེལ་བ་ཙམ་གྱི་ཡི་རང་ཞུ་བཞིན་ཡོད།
རང་ཉིད་སྐད་འབོད་དང་ལས་འགུལ་ཆུང་ཙག་རིགས་ནང་ལ་དུས་རྒྱུན་མཉམ་ཞུགས་བྱེད་ཐུབ་ཀྱིན་མི་འདུག་པས་ན་རྒྱལ་གཅེས་དཔའ་བོ་ཁོང་རྣམ་པར་འཁེངས་ར་ཅི་ཡང་མེད།
མི་ཆུང་ལགས་ཀྱིས་གསུངས་པ་དེ་དངོས་གནས་བདེན་པ་རེད། ངས་ཀྱང་དྲ་ཐོག་ལ་ཐེང་ཁ་ཤས་ཞུ་མྱོང་། རྒྱལ་གཅེས་དཔའ་བོ་དཔའ་མོ་ཚོའི་བསམ་ཡུལ་ལས་འདས་པའི་བློས་གཏོང་འདིས་འཛམ་གླིང་གི་སྲིད་གཞུང་ཁག་དང་མི་མང་ལ་སེམས་ཚོར་དེ་ཙམ་སྐྲུན་ཐུབ་ཀྱི་མེད་པའི་རྒྱུ་རྐྱེན་གཅིག་ནི། རང་སྲེག་གནང་མཁན་ཚོའི་ལས་འགུལ་སྤེལ་ས་དགོན་པའི་འགྲམ་དང་གྲོང་བརྡལ་གྱི་ཟུར་ཙམ་ལས་རྒྱལ་ས་དང་གྲོང་ཁྱེར་ཆེ་ཁག་སོགས་མིན་པའི་རྐྱེན་གྱིས་མི་ཕལ་ཆེ་བའི་མིག་མདུན་ལ་བརྙན་པར་ཙམ་ལས་དངོས་སུ་མཐོང་ཐུབ་ཀྱི་མེད་པ་འདི་ལ་ཐུག་འདུག་སྙམ། དེས་ན་ལས་འགུལ་འདི་མུ་མཐུད་ཚེ་ཁོང་ཚོའི་རྩ་ཆེའི་ཚེ་སྲོག་མཆོད་མེར་འབུལ་བ་འདིས་ནུས་པ་ཐོན་པ་ཞིག་དགོས་རྒྱུ་ནི་ཧ་ཅང་གལ་ཆེ་བས། རྒྱ་ནག་གི་རྒྱལ་ས་པེ་ཅིང་ལྟ་བུའམ་བོད་ཀྱི་རྒྱལ་ས་ལྷ་ས་སོགས་མི་ཚོགས་འདུ་འཛོམ་ཆེ་ཞིང་ཡུལ་བསྐོར་བ་དང་གསར་འགོད་པ་མང་སར་ལས་འགུལ་སྤེལ་དགོས་རྒྱུ་གལ་ཆེན་པོ་རེད་འདོད།
ཀླུ་ཆུའི་མི་དམངས་དང་རྒྱལ་གཅེས་དཔའ་བོ་རྣམས་རྒྱལ་གྱུར་ཅིག
ས་ཆ་གང་ཡིན་གཙོ་བོ་མིན་འདི་ལྟར་བྱུང་བ་དེ་ཀླུ་ཆུ་མི་དམངས་ཀྱི་སྙིང་སྟོབས་དང་རང་མི་རིགས་ལ་ནོར་བུ་དང་གཟི་བརྗིད་གཏེར་ཡོད། བོད་རྒྱལ་ལོ། ང་ཁྱེད་ཅག་ལ་དགའ།
ཨ་ཁ་ཁ། གཡུ་རལ་དཀྲ་རྒྱམ། ངའི་མཆན་གྱི་མགོ་བརྗོད་ནས་ཆེ་བསྟོད་དང་བཅས་སྨོན་ཚིག་ཕུལ་ཡོད། ཡིན་དང་ཡིན། དེ་ང་ཚོའི་ལས་འགན་རེད། ད་དུང་ངའི་ཚིག་གི་འབྲུ་རེ་རེ་ནས་རྒྱལ་གཅེས་པ་ཁོང་རྣམས་ཀྱི་ཚེ་སྲོག་དང་མ་འོངས་པའི་འཇུག་འབྲས་ལ་དངོས་དོན་གྱི་སེམས་འཚབ་གང་ཡོད་རྣམས་བྲིས་ཡོད། ལས་འགུལ་གྱི་ཐབས་ཇུས་ལ་འདོད་བློ་མ་ཁེངས་པ་ཙམ་གྱིས་བཀའ་དྲིན་ལ་རྗེས་དྲན་མ་ཞུས་པ་དེ་འདྲ་ཡེ་ནས་མ་རེད།
མི་ཆུང་ལགས།
བོད་མི་རིགས་དང་བོད་ཀྱི་རིག་གཞུང་གི་ཐོབ་ཐང་རང་དབང་གི་ཆེད་དུ། རང་ལུས་མེར་སྲེག་གིས་རྒྱ་གཞུང་ལ་ཞི་རྒོལ་མཛད་དང་མཛད་ཀྱིན་པའི་བོད་ཀྱི་རྒྱལ་གཅེས་དཔའ་མོ་དཔའ་མོ་རྣམས་ལ་མ་གུས་པའི་རྣམ་འགྱུར་མ་སྟོན་རོགས་ཞུ།
རབ་ཡིན་ན། འཚེ་མེད་ཞི་རྒོལ་བྱེད་ཕྱོགས་ཀྱི་འཇུག་རིམ་ལ་དཔྱད་གཞིག་བྱས་ནས་ཐབས་བྱུས་འདོན་རན་པའི་དུས་ཚོད་རེད་མ་གཏོགས་ལེ་བདའ་བྱེད་པའི་དུས་ཚོད་ཅིག་རྩ་བ་ནས་མ་རེད།
ད་ཡིན་ན། བོད་མི་ཡོད་དོ་ལྕོག་གི་བསམ་བློ་གཅིག་སྒྲིལ་བྱས་ནས། གོ་རིམ་ཡོད་པའི་འཐབ་རྩོད་བྱེད་སྟངས་ཤིག་བཟུང་སྟེ། རྒྱལ་སྤྱིའི་འགྲོ་བ་མིའི་ཐོབ་ཐང་གི་གནས་ཚུལ་ཤེས་རྟོགས་བརྒྱུད། བོད་མི་རེ་རེས་བོད་དོན་ལས་འགུལ་སྤེལ་ཕྱོགས་འདི་ངར་ཤུགས་ཅན་དུ་བསྒྱུར་རན་པའི་དུས་ཚོད་ཅིག་རེད།
༸གོང་ས་མཆོག་གི་གཟི་བྱིན་དང་སྲིད་སྐྱོང་མཆོག་གི་ཐབས་བྱུས་སོགས་ཀྱི་ཐོག་ཏུ་སྐྱབས་བཅོལ་བོད་མི་ཚོས་ལག་ལེན་རང་གི་ཐོག་ནས་བསྐྱོད་རན་པའི་དུས་ཚོད་ཅིག་ཡིན་པ་ལས། བོད་པ་ནང་ཁུལ་ལ་ཁ་རྡུང་གཏོང་རེས་ལ་སོགས་པའི་མཚོན་པས་དུས་ཚོད་གྲོན་པའི་དུས་ཤིག་མ་རེད།
མི་ཆུང་ལགས་ཁ་མ་སྔ།
རང་གི་གདོང་ལ་མཛུབ་མོ་བཙུགས་ནས་རང་ཉིད་ལ་དྲི་བ་ཞིག་ཐོང་།
ཁྱོད་ཀྱིས་གཅེས་དཔའ་བོ་ཁོང་ལ་བཀའ་དྲིན་རྗེས་དྲན་ཞུ་རྒྱུ་ཕར་བཞག་ནས་ད་དུང་རང་ཉིད་འདོད་བློ་མ་ཁེངས་བའི་རྣམ་འགྱུར་བསྟན་འདུག་པས་ཤིན་ཏུ་བློ་ཕམ་བྱུང་།
རྒྱལ་གཅེས་པ་རྣམས་རྒྱལ་གྱུར་ཅིག
དེ་རིང་གི་ཀླུ་ཆུའི་མེར་སྲེག་ལས་འགུལ་ལ་གཅིག་ལྟོས་དང་། ཤིང་ཚང་དགོན་པའི་འདུ་ཁང་གི་སྒ་དྲུང་ན་རེད། པེ་ཅིང་གི་མདུན་ཐང་མ་རེད། གྲོང་ཁྱེར་གྱི་དབུས་ན་མ་རེད། རྫོང་གི་ལྟེ་བ་རུ་མ་རེད། ཁུ་སིམ་མེར་དགོན་པའི་སྒོ་དྲུང་ན་རེད། འདིས་ང་ཚོའི་གཡས་གཡོན་གྱི་མི་སྣ་འགའ་ཤས་ཙམ་མ་གཏོགས། རྒྱ་མི་རིགས་ཀྱི་སེམས་ཁམས་དང་མིག་ནང་དངངས་སྐྲག་དང་འཇིག་སྣང་གི་སེམས་ཚོར་ཅི་ཡང་བསྐྲུན་ཐུབ་ཀྱི་མེད། དེ་རིང་གི་ཀླུ་ཆུའི་མེར་སྲེག་དེ་རྒྱ་ནག་གི་ས་ཁུལ་ཁག་ནས་མཐོང་ཐོས་མེད་ལ། དེ་བས་ཁམས་ཁུལ་དང་དབུས་ནས་མཐོང་ཐོས་ཡོང་གི་མེད། ང་ཚོའི་མེར་སྲེག་གི་ལས་འགུལ་དེ་ཡང་ཚེ་ཕྱི་མར་བསམ་ནས་ཆོས་བྱེད་ཀྱི་མེད། ད་ལྟ་དང་མ་འོངས་པའི་དངོས་ཡོད་བོད་མི་རིགས་ཀྱི་བདེ་སྡུག་ཆེད་དུ་རེད། དགོན་པའི་སྒོ་དྲུང་དུ་མི་སྣ་བརྒྱ་ཙམ་སྡེབས་གཅིག་ཏུ་མེར་སྲེག་ཀྱང་། ཧ་ཅང་ཁུ་སིམ་པའི་དགོན་པའི་སྒོ་དྲུང་ཙམ་རེད། དེས་ཡང་ང་ཚོ་རང་ཉིད་ཀྱིས་སྲེག་པ་རེད། ངོ་མ་བཟོད་མ་ཐུབ་པ་དང་ལྟ་མི་ཐུབ་པའི་གནས་སུ་གྱར་གྱི་འདུག འོན་ཀྱང་ཚོར་བ་དེ་ང་ཚོའི་ནང་ཁུལ་ཙམ་རེད། ནམ་ཡང་ཐབས་ཇུས་ནོར་མི་ཉན།
སླར་ཡང་དལ་བའི་རྟེན་བཟང་མྱུར་དུ་ཐོབ་པའི་སྨོན་ལམ་ཡོད།