རྒྱ་གཞུང་གིས་རྔ་པའི་བློ་བཟང་དཀོན་མཆོག་ལ་སྲོག་ཁྲིམས་དང་བློ་བཟང་ཚེ་རིང་ལ་ལོ་བཅུའི་ཁྲིམས་ཐག་བཅད་ཡོད་སྐོར་བསྒྲགས་འདུག
དེ་རིང་རྒྱ་ནག་གཞུང་འབྲེལ་ཞིན་ཧྭ་དྲ་བའི་ཐོག་གནས་ཚུལ་སྤེལ་བ་ལྟར་ན། སི་ཁྲོན་ཞིང་ཆེན་རྔ་པ་ཁུལ་འབྲིང་རིམ་དམངས་ཁྲིམས་ཁང་གིས་རྔ་པའི་བློ་བཟང་དཀོན་མཆོག་དང་བློ་བཟང་ཚེ་རིང་གཉིས་ལ་མི་བསད་པའི་ཉེས་འཛུགས་འོག བློ་བཟང་དཀོན་མཆོག་ལ་སྲོག་ཁྲིམས་བཅད་དེ་ལོ་གཉིས་ཀྱི་རྗེས་སུ་ལག་བསྟར་བྱ་རྒྱུ་དང་། ཆབ་སྲིད་ཁེ་དབང་ཚེ་གང་བོར་འཕྲོག་རྒྱུ། བློ་བཟང་ཚེ་རིང་ལ་ལོ་ ༡༠ ཡི་དུས་བཀག་བཙོན་འཇུག་དང་ལོ་གསུམ་གྱི་ཆབ་སྲིད་ཁེ་དབང་འཕྲོག་རྒྱུ་བཅས་ཀྱི་ཁྲིམས་ཐག་བཅད་ཡོད་སྐོར་བསྒྲགས་འདུག
ཉེ་ལམ་རྒྱ་ནག་གཞུང་འབྲེལ་སི་སི་ཊེ་ཝེ་(cctv)ནང་བློ་བཟང་དཀོན་མཆོག་དང་བློ་བཟང་ཚེ་རིང་གཉིས་ཀྱིས་རྔ་པ་ས་ཁུལ་གྱི་རང་ལུས་མེར་བསྲེགས་གནང་མཁན་སྐོར་ཞིག་ལ་ངལ་བསྐུལ་བྱས་ཡོད་སྐོར་གྱི་ཉེས་འཛུགས་གློག་བརྙན་ཞིག་ཁྱབ་བསྒྲགས་བྱས་ཡོད་པ་འོག་ཏུ་བཀོད་ཡོད།
གསར་འགོད་པ། དོན་འགྲུབ་བཀྲ་ཤིས།
ཨ་ཁ་ཁ་འདི་རྒྱ་ནག་གིས་རྫུན་བཟོ་བྱས་པ་ཡིན་པར་སྨོན་མ་གཏོགས། ་་ ་་ ་་ ་ ་་ ཤུ
དུས་རབས་སམ་བརྒྱ་ཕྲག་༼༢༡༽ཉེར་གཅིག་ནང་ལ་ཚེ་བཙོན་ལས་བརྒལ་ནས་དམར་གསོད་དང་སྲོག་ཁྲིམས་ནི། གཞུང་ཁྲིམས་མ་དྲང་བ་དང་སྡིག་པ་ཆེ་ཤོས་དེ་རེད་དོ། །བདེན་པ་ཉིད་རྒྱལ་འགྱུར་ཅིག །