སྤྱི་འཐུས་ཀརྨ་ཆོས་འཕེལ་གྱི་གསལ་བཤད།

རྐམ་ཆོས་འཕེལ་སྤྱི་ཚོགས་ནས་གནས་དབྱུང་བཏང་ཟིན་པའི་མཚམས་ནས་ཡར་བསྡུས་ཡོང་མཁན་དེས་འགན་འཁུར་དགོས་པ་རེད།

སྤྱི་འཐུས་སུས་བཀོད་པ་རེད། དཱ་འགན་འཁུར་ལ་རན་འདུག་དཱ།

མང་བཀུར་གྱིས་འགན་དབང་གཅེས་འཛིན་རན་ནས་འདུག

ཀརྨ་ཆོས་འཕེལ་གྱི་སྐད་ཆ་དང་༧རྒྱལ་བའི་གསུངས་ནང་བོད་པས་དེ་སྔོན་རང་བཙན་རྩོད་པ་གསལ་པོ་ཆགས་འདུག འོན་ཀྱང་ཀརྨ་ཆོས་འཕེལ་ཀྱི་རང་བཙན་རྩོད་ན་འགྲིག་པའི་སྒྲུབ་བྱེད་དུ་༧རྒྱལ་བའི་བཀའ་ལུང་བགྲང་བ་དེ་གནས་དུས་དང་མི་མཐུན་པ་ཙམ་ལས་ཕྱི་ལོ༡༩༦༠ལོའི་ནང་གི་༧རྒྱལ་བའི་བཀའ་རྩོམ་དེ་དག་རང་བཙན་དང་འབྲེལ་བ་མེད་པ་སུའི་སྒྲུབ་ནུས། དེ་རིང་ཀརྨ་ཆོས་འཕེལ་གྱི་གཏམ་འདི་གཞུང་དམངས་ཡོངས་ཀྱི་ཁ་གསལ་གོ་ན་ལེགས་གཅེས་ཆེ་པོ་ཞིག་རེད། དེ་མིན་ཆབ་སྲིད་པ་མང་དག་ཞིག་གི་༧རྒྱལ་བའི་བཀའ་ལག་པ་ཕྱིས་ནས་དཀྲོག་ཅན་བཟོ་གི་འདུག འདིའི་ཕན་གནོད་བསྡོམས་རྒྱབ་ན་དྲི་བ་བདེ་པོ་རེད་།

དོན་དག་ཡོད་ཚད་འདི་ལྟར་ཕྱི་གསལ་ནང་གསལ་ཆགས་ཡོང་ན་ཡག་པོ་ཞེ་དྲག་རེད། ལོ་རྒྱུས་སྨྲ་བ་ཚོར་བོད་པ་བྲོས་བྱོལ་བའི་ལོ་རྒྱུས་འཐུས་ཚང་ཞིག་འབྲི་བར་བསྐུལ་མ་གནང་བཞིན་པས། ལོ་རྒྱུས་ཀྱིས་དཀར་ནག་གསལ་འབྱེད་བྱེད་ཀྱི་རེད།

རབ་ཡིན་ན། བོད་ཀྱི་དུས་བབ་གསར་ཁང་གིས་གནས་ཚུལ་འདི་རིགས་དྲ་ངོས་འཁྱེར་ཡོང་ནས་བཙོག་པ་མ་བཟོ་རོགས། འདི་སྐྱག་རྫུན་ཧམ་པ་ཡིན་པ་ཤེས་བཞིན་དུ། ཁོང་གིས་དེ་སྔ་བཤད་པའི་གསལ་བཤད་ཡི་གེ་དང་དེའི་འཕྲོས་བཤད། ༸གོང་ས་མཆོག་གིས་བཀའ་ལན་གནང་བ་རྣམས་གསལ་ཐང་ཐིང་ཡོད་བཞིན་དྲ་ངོས་འཁྱེར་ཡོང་བ་འདི་ལ་དངོས་གནས་བློ་ཕམ་ཡོད། སྐྱག་རྫུན་བསྒྲགས་ཡིག་གསར་ཁང་ཚད་ལྡན་གྱིས་འགོད་གསར་འགོད་རིགས་པའི་གཞུང་ལུགས་དང་མཐུན་གྱི་མི་འདུག་ལ། སྐྱག་རྫུན་དང་ཁུངས་མེད་མ་བཀོད་པས་སྨྲ་བརྗོད་རང་དབང་འཕྲོག་པ་ཞིག་གཏན་ནས་མིན་སྟབས་དེ་དག་ལ་དགོངས་པ་བཞེས་ནས་མི་ཧམ་ཆེན་འདི་རིགས་ལ་ཡ་བྱེད་པ་ནི་ཚད་ལྡན་མ་རེད།

ཁོ་པ་རྒྱ་མིར་ངོ་ལོག་སོང་ན་ཏག་ཏག་རེད།།

སྤྱི་འཐུས་ཀརྨ་ཆོས་འཕེལ་གྱི་རྣམ་ཐར་འདི་ཁོ་ནས་ང་ཚོའི་སྤྱི་ཚོགས་དང་གཞུང་འབྲེལ་གང་ལ་ཡང་དག་པའི་དམངས་གཙོ་ཞེས་པ་ཞིག་བརྙེད་རྒྱུ་མེད་པ་ཤེས་སོང་།
གོང་དུ་ཆབ་བྲག་ལྷ་མོ་སྐྱབས་ཀྱི་མཚན་ཐོག་ནས་མཆན་ཞིག་སླེབས་འདུག དེ་ཁོང་རང་ཉིད་ཀྱིས་བྲིས་པ་ཞིག་ཡིན་དོན་མི་འདུག གང་ལགས་ཞེ་ན་ཁོང་ནི་ཤེས་ཡོན་དང་ཡར་རབས་ཀྱི་སྣེ་འཁྲིད་མཁན་གྱི་མི་བུ་སློབ་སྟོན་པ་ཞིག་དང་། ལོ་མང་རིང་སྤྱི་འཐུས་ཀྱི་གྲོས་རར་སྐྱིད་ན་ཞབ་བྲོ་མཉམ་འཁྲབ་དང་། སྡུག་ན་ཁུར་པོ་མཉམ་ཁུར་གྱི་སྤྱི་མི་ཞིག་བྱས་མྱོང་བའི་རྒྱུ་མཚན་གྱིས་ “ད་ངོ་མ་ཀརྨ་ཆོས་འཕེལ་གྱི་དྲན་ཤེས་ཉམས་པའམ་བླ་འཁྱམ་པའམ། ར་བཟི་བའམ་་་་་” ལྟ་བུའི་ཡོན་ཏན་སྣ་ཞིག་མེད་པའི་མི་ཐ་ཤལ་བ་ཞིག་གི་སྐད་ཆ་ལྟ་བུ་ཐོན་མི་སྲིད་སྙམ།

གནས་ཚུལ་དེ་འབྱུང་རྩ་གཙོ་བོ་ནི་ཀརྨ་ཆོས་འཕེལ་གྱི་ལྟ་བའི་ཁ་ཕྱོགས་ནོར་བ་ཡིན་ནམ་སྙམ། གཅིག་ཁོ་པས་རང་བཙན་ཟེར་བའི་ཚིག་དེ་བེད་སྤྱོད་གནང་ས་ནོར་བ་རེད། གལ་སྲིད་རང་བཙན་གླེང་ནས་རང་བཙན་རྩོད་དགོས་ན་བོད་ལ་འགྲོ་ནས་གཞིས་ལུས་རྣམས་དང་ལྷན་རྩོད་དགོས། ཁོ་ཚོས་རང་བཙན་སྐད་འབོད་ཀྱི་སྒྲ་སྐད་ད་ལྟ་ཡལ་མེད་ལ། ཁོ་ཚོས་རང་བཙན་དོན་དུ་མེ་རུ་སྦར་བའི་ཚ་འོབ་ད་ལྟ་གྲང་མོར་ཆགས་མེད། གཉིས་ཨ་རིར་གཏན་གཞི་བྱས་པའི་སློབ་ཕྲུག་དེ་ཉིད་ཐ་ན་བོད་སྐད་དང་མ་ཙམ་ཡང་མི་ཤེས་ན་༧གོང་ས་མཆོག་གི་དགོངས་པ་དང་། སྤྱི་འཐུས་ཀརྨ་ཆོས་འཕེལ་གྱི་ཀུན་སློང་སོགས་གང་ནས་ཤེས། དོ་སྣང་ཡོང་ཡང་མི་སྲིད། སྤུ་གུ་ནི་སྤུ་གུ་རང་རེད། རྔན་པ་བྱི་རིལ་ཐོབ་ན་སྤུ་གུས་ཁ་ནས་གང་ཡང་ཐོན་སྲིད། དེ་ལ་ཀརྨ་ཆོས་འཕེལ་ལགས་ཀྱིས་ཁྲིམས་ཐོག་ནས་བརྡ་དེད་བཏང་བ་ཡིན་ན་སྤུ་གུ་ངུ་རྒྱུ་ལས་ལྷག་མེད། སྤུ་གུ་ངུས་ན་ཨ་མ་སུ་ཡིན་གཞི་ནས་རྟོགས་ནུས། འོན་ཀྱང་དེ་ཚོ་ནི་རྒྱ་ཆེ་ལ་གཏིང་ཟབ་པའི་བཙན་བྱོལ་པའི་ནང་ཁུལ་གྱི་སྲིད་དོན་ཁོ་ན་ལས་བོད་མི་རིགས་ལ་ཕན་པའི་ཕྱག་ལས་ཤིག་རྩ་བ་ནས་མཐོང་མི་སྲིད། གངས་ལྟར་ད་རེ་ཀརྨ་ཆོས་འཕེལ་ལགས་མགོ་བཏགས་ཞུས་པ་དེས་རྡོག་རྩ་གཅིག་སྒྲིལ་དང་། ༧རྒྱལ་བ་དགྱེས་པའི་མཆོད་སྤྲིན་དུ་གྱུར་པའི་རེ་བ་ཡོད། ད་ནས་བཟུང་གཟབ་གཟབ་གནང་དགོས་པ་གལ་ཆེའི་ནང་ནས་ཆེ་བ་དེ་ཡིན།།

གསལ་བོ་ཧ་གོ་སོང། ཀརྨ་ཆོས་འཕེལ་གྱིས། དབུ་མའི་ལམ་དེ་ཛ་དྲག་གི་གནས་སྟངས་ལ་བརྟེན་ནས་ཐབས་མཁས་པས་གནང་བ་མ་གཏོགས་དགོངས་གཞི་རང་བོད་རང་བཙན་རྩོད་འདོད་ཡོད་ཚུལ་ལ་ངོས་འཛིན་བྱས་འདུག དེའི་སྒྲུབ་བྱེད་དུ་འཕྲིན་བཅོལ་ཁག་ནང་གི་རང་དབང་ཟེར་བའི་ཚིག་དེ་དག་དྲངས་འདུག
མདོར་ན་ཁོས་བོད་རང་བཙན་མུ་མཐུད་རྩོད་པ་དེ་ཡང་༸གོང་ས་མཆོག་གི་དགོངས་གཞི་རང་ཡིན་པ་བསྒྲུབས་པའི་ཁུལ་རེད།
དེ་ལ་༸གོང་ས་མཆོག་གིས་ ༡༩༧༤་ནས་ཁ་ཞེ་གཉིས་མེད་ཀྱིས་གཉིས་སྨན་དབུ་མའི་ལམ་ལ་ཕྱིན་པ་དང་དེ་ཕྱི་གསལ་ནང་གསལ་ཡིན་པ། སྒྲོ་སྐུར་དེ་རིགས་ཀྱིས་ཁོང་མི་ངན་བཟོ་གི་ཡོད་ཚུལ་གསུངས་འདུག
ཀརྨ་ཆོས་འཕེལ་གྱིས་ད་དུང་ཁོས་དེ་འདྲ་ཞིག་བསམ་མྱོང་མེད་བཤད་མྱོང་མེད་ཟེར་ནས་མངོན་སུམ་ལ་བསྙོན་གྱིན་འདུག་ག ཁོས་བཤད་མེད་པའི་བདེན་དཔང་དུ་་་གྲོས་ཚོགས་ནང་ནས་དགག་བྱ་སླེབས་མ་སོང་ཟེར་་་་ ཧ་ཧ་ཧཧ་ཧ་་་་་ད་ངོ་མ་ཀརྨ་ཆོས་འཕེལ་གྱི་དྲན་ཤེས་ཉམས་པའམ་བླ་འཁྱམ་པའམ། ར་བཟི་བའམ་་་་་
ཁོ་ཚོགས་གཙོ་ཡིན་དུས་གྲོས་ཚོགས་ནང་ལ་ངེད་གཉིས་མང་པོ་ཐུག་ཚར་བ་རེད། ཉིན་ཞིག་ཁོ་ལན་གྱིས་ཕོངས་ནས། ཚོགས་གཙོའི་ཚང་མ་ཡང་དག་ཡིན། ཚོགས་གཙོས་གང་བཤད་ཚང་མ་འགྲིགས་པ་རེད། ཚོགས་གཙོར་སྐྱོན་བརྗོད་མི་ཆོག ཅེས་དབྱིན་ཇིའི་ཚིག་ཅིག་ལུང་དྲངས་པ་དེ་ཡང་དྲན་སོས་ཀི་འདུག ཁོའི་བཅོས་སུ་མེད་པའི་གཤིས་ཀ་རྫུན་མ་འདི་ཅི་ཡིན་ནམ།

འདི་ནི་སྤྱི་མཐུས་ཀརྨ་ཆོས་འཕེལ་གྱི་གྲོས་ཚོགས་ནང་གི་གཏམ་བཤད་ངོ་མ་དེ་རེད།

༼༼ང་རས་ཤེས་ཚོད་བྱས་པ་ཡིན་ན་སྤྱི་ནོར་གོས་ས་སྐྱབས་མགོན་ཆེན་པོ་མཆོག་གི་ལམ་དབུ་མ་དེ་ཛ་དྲག་དང་། དེ་འདྲ་གི་གནས་སྟངས་གཟིགས་ནས་ཐབས་བརྒྱ་ཇུས་སྟོང་གི་ཐབས་ཤེས་ཞིག་བཏོན་གནང་བ་རེད་མ་གཏོགས། གོ་ཡས་དེ་ད་ང་ཚོར་རང་དབང་རང་བཙན་རེད་པ་ཟེ་བྱས་ནས། སྐུ་མདུན་གྱི་དགོངས་པའི་ནང་དེ་ཡོག་རེད་བསམ་གྱི་ཡོད།༽༽

འདི་ནི་ཁོང་གི་གསལ་བཤད་རེད།

༼༼བོད་ཕྲུག་དེས་གོ་བ་ལོག་གྲུབ་ཀྱིས་ྋགོང་ས་མཆོག་ནས་ལམ་དབུ་མ་གསུངས་བཞིན་ཡང་ ཐུགས་ནང་རང་བཙན་ཡོད་ལུགས་ཞུས་པ་དེ་དག་ཕྲན་ནས་སྔ་ཕྱིར་གྲོས་ཚོགས་སུ་ཞུས་པའི་ གཏམ་བཤད་ནང་གཏན་ནས་བརྗོད་མེད་ཅིང།༽༽

གང་ལྟར་ཡང་གོང་ས་མཆོག་ལ་སུ་ཞིག་གིས། བྱུང་རྒྱལ་དུ་མཚན་སྨད་དང་། བསམ་བཞིན་དུ་ཐུགས་ཕམ་འབྱུང་གཞི་བཟོ་མཁན་སུ་རིགས་ཀྱང་། ནམ་ཞིག་ན་བོད་ནང་གི་རྒྱ་ཆེའི་སྤུན་ཟླ་ཚོས། སྡོམ་རྩིས་རྒྱག་ངེས་རེད་མ་གཏོགས། དེ་མུར་ནམ་ཡང་འཇོག་མི་སྲིད།

སྐུ་མདུན་གྱིས་ཨ་རིར་སློབ་ཕྲུག་ཅིག་ལ་བཀའ་ལན་གནང་བའི་སྐོར་གྱི་གནས་ཚུལ་ཞིག་འདིར་འདུག
ཕྱི་ལོ་ ༢༠༡༣ ཟླ་ ༥ ཚེས་ ༡༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཨ་རིའི་ཝིསི་ཀོན་སིན་ (Wisconsin) མངའ་སྡེའི་རྒྱལ་ས་མེ་ཌི་སན་ (Madison) ནང་རྟེན་གཞི་བྱས་པའི་རི་དྭགས་སྐྱེད་ཚལ་ནང་པའི་བསྟི་གནས་ཁང་ (Deer Park Buddhist Center) དུ་མེ་ནི་སོ་ཊ་ (Minnesota) དང། ཨི་ལི་ནོ་ཨི་སི། (Illinois) ཝིསི་ཀོན་སིན། (Wisconsin) བཅས་ཀྱི་ས་གནས་ཁག་ནས་ཕེབས་པའི་སློབ་གྲྭ་ཆེན་མོའི་བོད་རིགས་སློབ་མ་ཚོར་དམིགས་བསལ་བཀའ་སློབ་བསྩལ་གནང་སྐབས་སློབ་ཕྲུག་ཅིག་གིས་ཉེ་ཆར་སྤྱི་འཐུས་ཀརྨ་ཆོས་འཕེལ་གྱིས་༧གོང་ས་མཆོག་གི་དགོངས་གཞི་དངོས་རང་བཙན་ཡིན་སྐོར་གྲོས་ཚོགས་སུ་བཤད་པ་དེར་དགོངས་ཚུལ་གང་ཡོད་བཀའ་འདྲི་ཞུས་པར་༧གོང་ས་མཆོག་གིས་བཀའ་ལན་གནང་འདུག

དྲི་བ། བཀྲ་ཤིས་བདེ་ལེགས། ཆབ་སྲིད་ཀྱི་གོ་རྟོགས་སྤེལ་པའི་སྐོར་དང་འབྲེལ་བ་ཅུང་ཟད་ཆགས་ཀི་ཡོད་སྟབས། ༧གོང་ས་མཆོག་གིས་ལམ་དབུ་མ་རྩོད་ཀྱི་ཡོད་པ་བཀའ་སློབ་རབས་དང་རིམ་པར་ཕེབས་ཡོད་ཀྱང། ཉེ་ཆར་སྤྱི་འཐུས་ཤིག་གིས། འདིར་མཚན་སྨྲོས་མ་དགོས་པ་བྱོས། སྤྱི་འཐུས་ཤིག་གིས་༧གོང་ས་མཆོག་ལམ་དབུ་མ་པ་མ་ཡིན་པར། རང་བཙན་གཙང་མ་རྩོད་གི་ཡོད་རེད་ཅེས་སྤྱི་འཐུས་ཤིག་གིས་དེ་འདྲ་ཞིག་གསུངས་པ་རེད་ཅེས་གོ་ཐོས་བྱུང། དེ་འདྲའི་ནོར་འཁྲུལ་ཅི་ལྟར་ཤོར་གྱི་ཡོད་པ་རེད། ༧སྐྱབས་མགོན་རིན་པོ་ཆེས་དེར་ཐུགས་བསམ་གང་འདྲ་བཞེས་ཀྱི་ཡོད་ན།

བཀའ་ལན། ཨོ་ཡ། ང་མ་བིན་བཟོ་གི་ཡོད་རེད། (མ་བིན་ཞེས་པ་ལྷ་སའི་ཁ་སྐད། རྫུན་བཤད་པ་ལ་གོ མཆན།) ང་མ་བིན་བཟོ་གི་ཡོད་རེད་ད། ཤེས་སོང་ངམ། ངས་ཁ་ནས་བཤད་བཞིན་ཡོད་པའི་རང་སྐྱོང་ཟེར་བ་དེ་ཁ་ནས་བཤད་གི་ཡོད་རེད་མ་གཏོགས་སེམས་ཀྱི་སྟེང་ནས་རང་བཙན་རྩོད་ཀྱི་ཡོད་པ་རེད་ཅེས་པ་དེས་ང་མ་བིན་བཟོ་བཞིན་ཡོད་པ་རེད། ང་མ་བིན་བཟོས་ན་ཕན་ཐོག་ཅིག་འདུག་གམ། ངས་འཛམ་བུ་གླིང་གི་མི་སུ་ལ་སྐད་ཆ་བཤད་པ་ཡིན་ནའང། དྲང་པོ་དྲང་བཞག་ཕྱི་གསལ་ནང་གསལ་བྱེད་དགོས་པ་རེད་ཅེས་རྟག་པར་བཤད་བསྡད་ཡོད། ངས་གོང་དུ་ཞུས་པ་ནང་བཞིན་རེད། ང་རང་ཚོས་ཕྱི་ལོ་ ༡༩༥༠ ནས་ང་ཚོས་རང་བཙན་གྱི་ཐབས་ཤེས་བྱས་ཡོད་པ་རེད། མཐའ་མར་གྲོས་མཐུན་དོན་ཚན་བཅུ་བདུན་སྒང་ལ་ཕྱིན་པ་རེད། དེ་ནས་རྒྱ་གར་དུ་སླེབས་ཏེ་ང་ཚོས་རང་བཙན་སྒང་ལ་འབད་བརྩོན་བྱས་པ་རེད། ག་གས་འགྲུབ་ཡ་མི་འདུག་ག མ་བྱས་པ་མ་རེད་ད། དེ་ནས་རྗེས་སུ་ཁ་ཞེ་གཉིས་མེད་ཀྱི་ཐོག་ནས་ ༡༩༧༤ ནས་གཉིས་ཕན་ཟེར་བ་དེ་བྱས་པ་རེད། ཁ་ཞེ་གཉིས་མེད་ཡིན་མ་གཏོགས། དེ་ལྟའི་སྐད་ཆ་དེ་ཚོས་ང་མ་བིན་བཟོ་གི་ཡོད་པ་རེད། དེ་ནས་ཁོ་རང་གི་མིང་བཤད་མ་ནུས་པ་གས་བྱེད་དགོས་པ་མ་རེད། ཀརྨ་ཆོས་འཕེལ་རེད། སྤྱི་འཐུས་ཀརྨ་ཆོས་འཕེལ་རེད། སྤྱི་འཐུས་ཀརྨ་ཆོས་འཕེལ་ཁོ་རང་ལྷག་བསམ་ཅིག་ད་ཏན་ཏན་ཡིན་རྒྱུ་རེད་པ། ཡིན་ནའང། བཤད་སྟངས་དང་བྱེད་སྟངས་དེས་ང་མ་བིན་བཟོ་གི་འདུག དེ་འདྲ་ཡིན་སྟབས། མཐའ་མར་འུ་ཐུག་ཏེ་ཡིག་ཚང་ནས་གསལ་བཤད་ཅིག་བྱེད་དགོས་འཁེལ་བ་རེད། ཅེས་གསུངས་འདུག

གྲོས་ཚོགས་ནང་དཔལ་ལྡན་བཀའ་ཤག་དང༌། སྤྱི་འཐུས་རྣམ་པ་ཚོགས་བཞུགས་ཡོད་སྟབས་དགག་ལན་ཡོང་དགོས་ངེས་ཀྱང་བྱུང་མེད་པ་ནས་གསལ་པོ་མཁྱེན་ཐུབ། ཞེས་དང་ཡང་།
དེ་བཞིན་གྲོས་ཚོགས་ཀྱི་ལས་དོན་རྡ་སར་གཟུགས་མཐོང་རླུང་འཕྲིན་ཐོག་ཐད་བཏོང་དང༌། བསྐྱར་སྟོན་ཡང་གནང་ཡོད་པས་དེ་སྐབས་མང་ཚོགས་ནས་ཀྱང་བསམ་ཚུལ་སྣེ་གཅིག་ཞུ་མཁན་བྱུང་མེད། ཞེས་དང་།
འགྲོ་ལུགས་ལྟར་ན་བོད་ཕྲུག་དེར་ཕྲན་ནས་ཨ་སྒོར་ཐེར་འབུམ་གཅིག་གུན་གསབ་དགོས་པའི་ཁྲིམས་ཐོག་ཁ་མཆུ་འཛུགས་རྒྱུའི་གདེང་ཚོད་ཡང་ཡོད།
ཞེས་རང་ཉིད་ཀྱི་ནོར་འཁྲུལ་བཀའ་ཤག་དང་གྲོས་ཚོགས། མང་ཚོགས། དེ་བཞིན་སློབ་ཕྱུག་དེ་བཅས་ལ་རྫིག་གཏམ་གྱི་འགེབས་ཐབས་བྱེད་པ་ཞིག་ལས་མ་མཐོང་བས།
ད་དུང་སྤྱི་འཐུས་ཞིག་ཡོང་མི་ཡོང་དེ་བཀའ་བརྒྱུད་ཆོས་བརྒྱུད་ཀྱི་ལས་ཀྱི་སྣེ་མོར་གཏོགས་པ་ཐམས་ཅད་ལ་འགན་ཡོད།

འོག་གི་ཚིག་དུམ་འདི་དབྱིན་ཡིག་ནང་བསྒྱུར་ན་ཞེད་སྣང་ཚ་རུ་འགྲོ་ས་རེད། “ དེང་གི་འགྲོ་ལུགས་ལྟར་ན་བོད་ཕྲུག་དེར་ཕྲན་ནས་ཨ་སྒོར་ཐེར་འབུམ་གཅིག་གུན་གསབ་དགོས་པའི་ཁྲིམས་ཐོག་ཁ་མཆུ་འཛུགས་རྒྱུའི་གདེང་ཚོད་ཡང་ཡོད”
According to the present system, I have a confident that I can file a case against that student and sue him with one billion US Dollars as compensation.

ཚེས་ ༥ ཉིན་༧སྐུ་མདུན་གྱིས་གཞུང་ཞབས་ཚོར་མཇལ་ཁ་བཀའ་སློབ་གནང་སྐབས་མི་ ༤ མིང་འདོན་གནང་འདུག་པ་གོ་སོང་། སྤྱི་འཐུས་ཀརྨ་ཆོས་འཕེལ་ལས་གཞན་པ་དག་སུ་དང་སུ་རེད་གསུངས་རོགས།