རྩམ་དགའ་ལགས།
སྐྱེ་ནས་འཆི་བ་ལྡོག་མེད་གཡང་གཟར་ཆུ།།
སྐྲག་ནས་ཐར་ས་མེད་པ་འཆི་བ་ཉིད།།
ཉོས་ཀྱང་འཁུགས་ཐུབ་མེད་པ་འཆི་བ་ཉིད།།
ངོ་དགའ་བྲེལ་ལད་མི་འགྲོ་འཆི་བ་ཉིད།།
མཐོ་དང་གོ་ས་མི་སྨོན་འཆི་བ་ཉིད།།
རིག་དང་དབྱེ་འབྱེད་མེད་པ་འཆི་བ་ཉིད།།
གཞོན་དང་རྒན་བྱིས་མེད་པ་འཆི་བ་ཉིད།།
སེམས་དང་སྙིང་རྗེ་མེད་པ་འཆི་བ་ཉིད།།
འདྲིས་དང་ཕྱི་ཐག་མེད་པ་འཆི་བ་ཉིད།།
གང་བྱས་ངོ་གསོ་མེད་པ་འཆི་བ་ཉིད།།
མཁས་དང་སྙན་གྱི་མི་ཡོང་འཆི་བ་ཉིད།།
གཉེན་དང་ཕ་མས་མི་ཕན་འཆི་བ་ཉིད།།
ཁྱིམ་དང་ཆུང་མ་མི་བསམ་འཆི་བ་ཉིད།།
ལུས་དང་ལོང་ཚོ་མི་འདོད་འཆི་བ་ཉིད།།
སྒོར་དང་ལག་ཁྱེར་མི་དགོས་འཆི་བ་ཉིད།།
གནམ་དང་ས་གཞིར་མི་སྐྲག་འཆི་བ་ཉིད།།
དཔོན་དང་བླ་མས་མི་འཁོགས་འཆི་བ་ཉིད།།
འདི་དག་བསམ་ནས་འཆི་བ་དང་དུ་ལོངས།།
གསོན་ནས་འཆི་བའི་བར་གྱི་ལས་ལ་སོམས།།
བདེན་དང་རྫུན་གྱི་ཁུགས་མའི་བེམ་པོ་འདི།།
ཐ་མར་འཆི་བ་ཟེར་བའི་ཁ་ཟས་ཡིན།།
ཁ་བརྡ་ཚང་ནས་དྲ་ཐོག་གི་སྤུན་ཟླ་རྩམ་དགའ་མིང་ཅན་ལ། ཁོང་ཉིད་འཆི་བ་ལ་སྐྲག་སྣང་ཡོད་རབས་ཀྱི་མཆན་པུ་ཞིག་ཡོད་པ་དེར་བཏབས་པའི་ལན་ཡིན།
དྲ་གྲོགས་ལགས། ངོ་མོ་དགའ་ནི་ཟིག་རེད། བཟང་གི། འཆི་བའི་ངེས་ཤེས་ཐོབ་ཡོད་འདྲ། ངོ་མོ་བཟང་གི། བུ་རྒོད་པོ། དེ་ལྟར་བསམ་བློ་གཏོང་མཁན་ཉུང་ཉུང་རེད། རྗེས་སུ་ཡུ་རིང་ཡོད།
མདོ་ལའི་འཁྱམས་པོ་ལགས། ཉིད་ནས་སེམས་ཁྲལ་མ་བྱེད་ཅིག འཆི་བདག་གི་ང་ལ་ག་ཚོད་ཀྱི་ཚེ་ཡུན་སྤྲད་ཡོད་པ་དེ་བར་དུ་འདུག་དགོས་ནི་རེད། འོན་ཀྱང་། འཆི་བ་ལ་བསམ་བློ་དུས་རྒྱུན་དུ་འཁོར་ནས་འོང་གི་འདུག ལམ་གྱི་མདོ། གཞུང་ལམ་གྱི་སྟེང་། མེ་འཁོར་གྱི་ནང་། རླངས་འཁོར་གྱི་འགྲམ། མི་ཚོགས་ཀྱི་སྲང་། འདུ་འཛོམས་ཀྱི་སྔ་ནུབ། ཐུག་འཕྲད་ཀྱི་སྐབས། དགའ་སྡུག་གི་ཀློང་། རྨི་ལམ་གྱི་ཁྲོད་སོགས་ནས། འཆི་བ་འདི་བརྗེད་མི་ཐུབ་ཀི
ཨ་རོ། ཁ་སང་དེ་རིང་འཆི་བ་གླེང་བཞིན་བ་ནི་ཅི། བདེ་ཐོག་ན་ཡོད་བའི་རེ་མདུན་ཞུ།
འཆི་མ་ཐུབ་པའི་སྔ་གཞུག་ནས་འཆི་རྙིད་འདུག་ག། ཧཧཧཧཧཧ
བྱ་གཞུང་འཇམ་དབྱངས་ལགས།
འདུས་བྱས་མི་རྟག་ནམ་མཁའི་གློག་དང་མཚུངས།།
ཚེ་འདི་བསྡོད་མེད་འཆི་བའི་ལམ་དུ་ཞུགས།།
དགེ་སྡུག་གང་ཡོད་རང་གི་འཁུར་ནས་འགྲོ།
ཕྱི་མ་ཟེར་ཡང་རིང་ཐུང་བཤད་ཚོད་ཁག།
དབུགས་ཐོག་ཚང་མའི་མགོ་ན་སྤྲིན་བཞིན་འཁོར།།
སྐར་ཁྲི་བཙན་ལགས།
འདོད་དང་མི་འདོད་ང་ལ་རང་དབང་ནི་མེད་པ།།
སུ་དང་གང་གིས་ང་ལ་སྐྱབས་རོགས་ནི་མེད་པ།།
རྒྱུ་དང་ངོ་གསོའི་ང་ལ་ཐར་བ་ནི་མེད་པ།།
ནམ་ཡང་ཆ་མེད་གླེང་བ་འོས་པ་ཞིག་ལོས་ཡིན།།
ལམ་རིམ་ལས།
སྐྱེས་ནས་སྐད་ཅིག་ཙམ་ཡང་སྡོད་དབང་ཡང་མེད་པར།།
འཆི་བདག་གཤིན་རྗེའི་དྲང་དུ་བང་རྩལ་གྱིས་རྒྱུགས་པ།།
གསོན་པོ་ཟེར་ཡང་འཆི་བའི་ལམ་ཆེན་ལ་ཆས་འདུག །
ཉེས་ཅན་སོ་སོར་འཁྲིད་པའི་ངང་ཚུལ་འདི་སྐྱོ་བ།།
གཅིག་བཤད་ན་འཆི་བ་། གཉིས་བཤད་ན་འཆི་བ་ཨ་རོག་ཁྱོད་ད་རུང་འགྲོ་མི་ཉན་ཡྭ