མི། འགྱུར་བཞིན་ཡོད།

འགྱུར་བཞིན་པའི་ལམ་ཕྲན་འདི་ནས། ཁ་སང་གི་ཁྱེད་ཀྱིས་གྲོགས་པོ་དེ་ཡིས་ཁྱེད་རང་བསླུས་སོང་མོད། འོན་ཀྱང་། མི་ཡུལ་ནས་མི་ཚང་མ་འགྱུར་དགོས་པ་ནས་འགྱུར་བཞིན་པ་ནི་ཆོས་ཉིད་དུ་བསམ་ཆོག་ན་ཡང་། འགྱུར་ལུགས་འདི། དེང་སང་གི་མི་འདི་ཚོ་འགྱུར་ལུགས་འདི་དང་དེང་སང་གི་མི་འདི་ཚོས་ཁ་སང་དང་དེ་རིང་གི་བར་དང་། ཞོགས་པ་དང་ཉིན་གོང་གི་བར། སྐར་ཆ་གཅིག་གི་སྔོན་དང་སྐར་ཆ་གཅིག་གི་རྗེས་སུ་འགྱུར་བཞིན་འདུག  འདི་ནི་དེང་སང་གི་མི་འདི་ཚོས་འགྱུར་ལུགས་ཤིག་རེད། འགྱུར་ལུགས་འདི་ལ་ཡར་རྒྱས་རུ་བསམ་མཁན་ཡང་ཧ་ཅང་མང་བོ་ཞིག་ཡོད་ལ། གསར་བ་ནས་གསར་གཏོད་དུ་རློམ་མཁན་གྱི་གང་ཟག་ཡང་ཆེས་མང་བོ་ཞིག་བྱུང་གི་ཡོད་པ་རེད། གང་ལྟར་དེང་སང་གི་མི་འདི་དག་གི་བསམ་བློའི་འགྱུར་བ་འདི་ལ་བཟང་ཕྱོགས་དང་ངན་ཕྱོགས་ཀྱི་ཆ་གཉིས་ཡོད་པ་རེད་ཅེས་བཤད་ཆོག་པ་ཞིག་ཡིན། དེའི་ཐད་ཀྱི་བཟང་ངན་ལ་བསམ་གཞིགས་བྱེད་མཁན་གྱི་གང་ཟག་ང་དང་བཅས་པའི་མི་སུ་ཞིག་བྱུང་ན་ཡང་། འགན་འཁུར་ཡོད་པ་ནས་ཆེ་རློམ་དང་ང་རྒྱལ་བཞག་ནས། དྲང་ཚུགས་ཀྱི་ལམ་ནས་འདི་ལ་ཞིབ་འཇུག་དང་ལམ་སྟོན། རང་རང་སོ་སོའི་ཤེས་དཔྱོད་ཀྱི་རྩལ་ལ་བརྟེན་ནས་མིའི་རིགས་ལ་ལེགས་སྐྱེས་རེ་རྩོལ་ཐུབ་མིན་ལ་འབད་རྒྱུ་ཞིག་གལ་ཆེན་དུ་མཐོང་གི་འདུག  དེའི་སྟབས་ཀྱི་འགྱུར་བཞིན་པའི་བསམ་བློ་དང་འགྱུར་བཞིན་པའི་མི་རིགས། འགྱུར་བཞིན་པའི་སྐད་ངག་དང་ལོངས་སྤྱོད། འགྱུར་བཞིན་པའི་དུས་རབས་དང་མི་ཚེ། འགྱུར་བཞིན་པའི་འཚོ་བ་དང་བརྩེ་དུང་། འགྱུར་བཞིན་པའི་སྐད་ཆ་དང་འབྱུང་བ། འགྱུར་བཞིན་པའི་གྲུབ་མཐའ་དང་ཆོས་ལུགས། འགྱུར་བཞིན་པའི་ཆབ་སྲིད་དང་ཁྲིམས་ལུགས། འགྱུར་བཞིན་པའི་ནང་མི་དང་སྤུན་ཟླ། འགྱུར་བཞིན་པའི་ཉེ་རིང་དང་གྲོགས་པོ། འགྱུར་བཞིན་པའི་རང་དབང་དང་ཞི་བདེ། འགྱུར་བཞིན་པའི་དྲང་བདེན་དང་བྱམས་བརྩེ། འགྱུར་བཞིན་པའི་ཁྲེལ་གཞུང་དང་རྒྱུ་འབྲས། འགྱུར་བཞིན་པའི་ཡ་རབ་སྤྱོད་བཟང་དང་ལྟ་ཚུལ། འགྱུར་བཞིན་པའི་ཡོད་ཚད་ཀྱིས་ཁྲོད་དུ་ང་ཚོས་རྙེད་དགོས་པ་ནས་དོར་དགོས་པ་ག་ཚོད་ཅིག་ཡོད་མེད་ཀྱི་ངེས་ཤེས་ཐོབ་མཁན་གྱི་རང་གཞན་གཉིས་ཀྱི་གང་ཡང་རུང་བ་ཞིག་རེག་དགོས། འདི་ལྟར་འགྱུར་བཞིན་པའི་ཁྲོད་ནས་ང་ཚོས་གང་ཞིག་ལ་འགྱུར་བ་གཏོང་བ་ནས་གང་ཞིག་ལ་འགྱུར་བ་འགྲོ་བཞིན་པར་འགན་འཁུར་བ་ནས་བསམ་ཤེས་བྱེད་དགོས་ཀྱི་འདུག་མིན་གྱི་བར་ནས། ཁྱེད་ཀྱིས་གྲོགས་པོ་ལགས། ཁ་སང་ཁྱེད་རང་ལ་སྙིང་གཏམ་གླེང་མཁན་གྱི་གྲོགས་པོ་དེ། ཁ་སང་དེ་རིང་གི་མི་ཞིག་ཡིན་ནའང་། ཁོ་རང་འགྲོ་བ་མི་ཞིག་ཡིན་པས་་་་་་་་་་་་་་་་་