དྲན་དུས་ཀྱི་ཁྱེད་རང་སུ་ཚང་གི་སྒོ་འགྲམ་ནས་སུ་ཚང་གི་ནང་མིར་གྱུར་སྲིད་པ་ནས་གྱུར་ཡོད་ངེས་ཡིན་ནམ་སྙམ་ཞོར་དུ། འདས་པའི་ལོ་ངོ་ཁ་ཤས་ཤིག་སྐད་ཅིག་རིང་དུ་མིག་ལམ་དུ་ཤར་དེ་འོང་བ་འཕྲིན་ཟམ་ནང་གི་ཡི་གེ་དང་འདྲ་བར་ཇི་འདྲའི་མགྱོགས་པ་ཞིག་རེད་འདུག་ཨང་། འཕྲིན་ཟམ་ལས་ཀྱང་མི་སེམས་ཀྱི་ཚོར་སྣང་འདི་ནི་སྐད་གཅིག་གཅིག་གི་རིང་དུ་མི་ཐོན་ས་ཞིག་མི་འདུག དེས་དབང་དང་འདིས་ཉེར་ལེན་གྱིས་མི་འདི་དག་གི་འདོད་པ་འཁང་བས་དུས་ཤིག་མེད་སོང་བ་ཡིན་སྟབས། ང་རང་ལ་ཡང་དེའི་ནད་ཚ་ལྕི་མོ་ཞིག་གི་བཟུང་ཡོད་པ་ཤེས་བཞིན་དུ། ནད་ཚ་དེ་ལ་ཕན་པའི་སྨན་རེ་འཐུང་ན་མི་ལེགས་པ་གང་ཡང་མེད་ཀྱང་། སྨན་ཟེར་ནས་འོང་དུས་སུ་ང་རང་ལ་ཚོར་བ་གཞན་ཞིག་སྟེར་བཞིན་འདུག དེ་ནི་འཛམ་གླིང་འདིས་སྒང་གི་སྨན་པ་ཕལ་བ་དེ་དག་གི་རང་གི་ཁ་ལྟོ་ཁོ་ནའི་ཆེད་དུ་མི་དག་གི་ལུས་ཀྱི་བདེ་ཐང་ལ་འགན་ལེན་བྱེད་འདོད་མེད་པ་དེའི་བསྐོར་དྲན་དུ་བཅུགས། དེང་རབས་ཀྱི་སྨན་པ། དངོས་ནས་ཧ་ལས་པ་ཞིག་རེད། མི་ལུས་འདི་ལ་རྩེད་མོ་རྩེད་ལུགས་དེ་ནི་ཧང་སངས་དགོས་པ་ཞིག་རེད།
དེ་དང་འགྲོག་ནས་ཁྱེད་རང་དྲན་སྟངས་འདི་ག་འདྲ་ཡིན་ནམ་སྙམ་ནས་རང་གི་སེམས་སུ་བརྟག་དཔྱད་དང་རང་ལ་བལྟ་འགོ་བཙུགས་དུས། གནམ་རྒན་མ། མི་ཟེར་བ་འདིས་ག་རེ་ཞིག་དྲན་འདོད་པ་ནས། གང་ཞིག་ཐོབ་འདོད་ཡོད་པ་ཡིན་ནམ། ང་རང་གི་དོན་དངོས་སུ་རྟོགས་སྒྲུང་ལྟ་བུ་འམ་རྨི་ལམ་ལྟ་བུ་ཞིག་ལ་མགོ་རྨོངས་དེ་བསྡད་ཡོད་པ་གང་ཡིན་ནམ། འུ་གཉིས་ཁ་གྱེས་དེ་ལོ་མང་བོ་མང་བོ་ཞིག་འདས་ཚར་སྟབས། ད་ནི་ཁྱེད་རང་མི་གཞན་ཞིག་ལ་དབང་ཟིན་པ་ནི་བཤད་མ་དགོས་པ་ཞིག་རེད་ལ། ཁྱེད་རང་ཡང་མི་གཞན་ཞིག་གི་རུམ་ནང་དུ་ཡོད་པ་ནི། ཨ་ཙི་་་་
དྲན་དུས་ཀྱི་ཁྱེད་རང་། ངས་ཁྱེད་རང་དྲན་སྟངས་འདི་ལ་ག་རེ་རེད་ཟེར་དགོས་པ་ཡིན་ནམ། གནམ་རྒན་མ་མིག་ཡོད་དམ། ང་གཟིགས་ཀྱི་ཡོད་ན། བྱིས་པ་ཞིག་གི་བསམ་ཚུལ་ལྟར། ང་འདི་ལྟར་རྒས་འགྲོ་བ་ཡིན་སྲིད་དམ། ཁྱེད་ཀྱིས་་་་་་་
