བོད་པ་ཚང་གི་༧གོང་ས་མཆོག་མེད་དུས་ག་རེ་བྱེད་སྲིད་ངེས།

དྲ་གྲོགས་སྟག་སྨྱོན་ལགས། ངས་ཀྱང་ཁ་བརྡ་ནང་གི་བོད་པ་སྐེ་མེད་པའི་བསྐོར་དེ་བཀླགས་པ་ཡིན། ཁྱེད་རང་གི་དྲན་པ་ལྟར་མི་དེས་ཁྱེད་རང་གི་བསམ་བློ་གཡར་བ་ཡིན་ན་ཡང་མི་སྐྱོན། གང་ཡིན་ཟེར་ན། ངེད་ཅག་ལ་ཁྱེད་རང་གི་བསམ་ཚུལ་དེའི་སྟེང་ནས་གྲོས་མོལ་ཞིག་ཡོང་རྒྱུ་ནི་གལ་ཆེན་ཆགས་ཡོད་པ་ལས། མིང་དང་སྙན་གྲགས་ཐོབ་མིན་ལ་ཁྱེད་རང་གིས་ཀྱང་བལྟས་བསྡད་ཡོད་རྒྱུ་མ་རེད། དེ་ལྟར་མ་རེད་དམ། དུས་བབ་ཚང་ན་ཡང་གཡག་ལྡོམ་ཟེར་བ་ཞིག་ཡོད་པ་ཁྱེད་རང་གི་ཤེས་ཀྱི་ཨེ་ཡོད།

དྲ་གྲོགས་སྟག་སྨྱོན་ལགས། ཁྱེད་རང་གིས་ང་ལ་དྲིས་པ་ཡིན་ན་དགོངས་དག ངས་གཡག་ལྡོམ་ངོ་ཤེས་ཀྱི་མེད་ལགས། གཡག་ལྡོམ་གྱིས་ཁྱེད་རང་ལ་བུ་ལོན་ཞིག་དགོས་ནི་མིན་ན། ཨ་ལ་ཀུ་རེ་ཡིན། གཡག་ལྡོམ་རྙེད་ན་ཁྱེད་རང་གིས་གཡག་ཤ་བརྒོ་བྱ་བྱེད་རྒྱུ་མ་བརྗེད།

དྲ་གྲོགས་སྟག་སྨྱོན་ལགས། ཁྱེད་རང་གི་བསམ་ཚུལ་དེ་འདྲ་ཡིན་ན། ཁྱེད་རང་གི་སྒེར་ངོས་ནས་བོད་ཀྱི་ལངས་ཕྱོགས་ལམ་དབུ་མ་བྱས་ན་ཡག་པོ་མཐོང་མཁན་དེ་ཡིན་ནམ། དབུ་མའི་ལམ། ཡང་ན་རང་ཐག་རང་གཅོད། བདེན་པའི་ཨུ་ཚུགས། གང་ཞིག་ལ་མོས་པ་ཡོད་མཁན་གྱི་གྲངས་ཡིན། ཁྱེད་རང་གིས་བལྟས་ན་ཟམ་གདོང་རིན་པོ་ཆེ་ལ་དཀའ་ངལ་ཆེ་ཤོས་དེ་ག་རེ་འཕྲད་ཀྱི་ཡོད་པར་བསམ་བཞིན་ཡོད། ཁོང་ནི་སྐུ་ན་བགྲེས་པའི་བོད་ཀྱི་དབུ་ཁྲིད་དམ་སྲིད་འཛིན་མང་མོས་འོས་འདེམས་བྱས་པ་དེ་ཐོག་མ་དེ་ཆགས་ཡོད་དུས། ཁོང་ལ་དམིགས་གསལ་གྱི་འགན་རེ་ཡོད་པར་ངོས་འཛིན་བྱེད་ཀྱི་ཨེ་ཡོད།

དྲ་གྲོགས་སྟག་སྨྱོན་ལགས། ཁྱེད་ཀྱིས་ཟམ་གདོང་རིན་པོ་ཆེ་ཡིས་བོད་མི་ལ་འགོ་ལུས་གཉིས་ཀ་ཚང་ཡོད་ཟེར་བ་དེའི་ཐད་དུ་བསམ་ཚུལ་ག་རེ་ཡོད། ང་ཚོ་ལ་འགོ་ལུས་གཉིས་ཀ་ཚང་མཁན་དུ་གྱུར་ཡོད་དམ། བོད་པ་ཚང་གི་འགོ་ཁྲིད་ལས་བྱེད་དེ་དག་གིས་༧གོང་ས་མཆོག་གི་བཀའ་ལ་ཁ་ཡོད་ལག་ཡོད་བྱེད་ངེས་རེད་དམ། ཁྱེད་རང་གིས་བཀའ་ཤག་གིས་གཏམ་བཤད་དེ་ལ་ཡིད་ཆེས་བྱེད་ཐུབ་བམ། གང་ལྟར་ངེད་ཅག་གིས་༧གོང་ས་མཆོག་གིས་གང་གསུང་བའི་དབུ་མའི་ལམ་དེ་ལ་སྔོན་ཆད་བོད་མི་ཚང་གི་འགོ་ཁྲིད་ལས་བྱེད་ནས་དམངས་ཚོགས་དཀྱིས་མ་ཡོད་ཚད་ཀྱི་བཀའ་དང་དུ་ལངས་དེ་ཤར་བསྐྱོད་བྱེད་མྱོང་བར་ཡིད་ཆེས་ཡོད་དམ། ད་དུང་མུ་མཐུད་དུ་༧གོང་ས་མཆོག་གིས་གང་གསུང་བ་དེའི་ནང་ལྟར་བོད་པ་ཚང་ཤར་བསྐྱོད་བྱེད་སྲིད་དམ། ངས་བསམ་ན་ད་དུང་ཡང་བོད་པ་ཚང་གི་ལས་བྱེད་ནས་མི་མང་དཀྱིས་མ་བཅས་ཡོད་ཚད་སྔར་ལྟར་གཉིད་ནས་བསྡོད་འདོད་ལས་༧གོང་ས་མཆོག་གི་བཀའ་དགོངས་ལྟར་སྒྲུབ་ངེས་པར་མཐོང་གི་མི་འདུག་ལ། བོད་པ་ཚང་གི་འགོ་བདེ་ཚོས་རང་རང་གི་ཁ་རྒྱབ་ལས་བོད་མི་རིགས་ཀྱི་འཆི་གསོན་ལ་འགན་ཆགས་པའི་ལས་ཀ་ཞིག་བྱེད་མི་ཐུབ་པ་ཐག་གཅོད་བྱས་ན་འགྲིག ལོ་ངོ་ལྔ་བཅུ་ནི་མི་ཞིག་གི་མི་ཚེ་ལ་ཆ་བཞག་ན་ཐུང་ཐུང་ཞིག་གཏན་ནས་ཆགས་མེད། ད་ནི་བོད་པ་བཙན་བྱོལ་ཚང་གི་སྐུ་ངོ་ཚོས་བོད་སྐད་མི་ཤེས་ཤིང་བོད་ཡིག་ལ་མཐོང་མི་སྤྲོད་པས་ཁོང་ཚོས་རྗེས་རབས་དག་གིས་བོད་དོན་ཞིག་བཤད་ཀྱང་དེ་ནི་སྙིང་བོ་གང་ཡང་མེད་པར་མཐོང་། བོད་སྐད་དང་བོད་ཡིག་མེད་པའི་བོད་དོན་ཞིག་བོད་ལ་དགོས་དོན་མེད་ལ། བོད་སྐད་དང་བོད་ཡིག་མི་ཤེས་པའི་བོད་པ་ཞིག་དེ་བས་ཀྱང་བོད་རིགས་སུ་བརྩི་ན་མི་འདོད། ནམ་ཞིག་་་་་
དྲ་གྲོགས་སྟག་སྨྱོན་ལགས། ཁྱེད་རང་གིས་བསམ་ཚུལ་བྱས་ན། བོད་པ་ཟེར་བ་དེ་ནི་ག་འདྲ་ཞིག་ཡིན་དགོས་ཀྱི་འདུག

དྲ་གྲོགས་སྟག་སྨྱོན་ལགས་ཁྱེད་རང་དེ་ལགས་ལྷག་ཞིག་ཡིད་ལ་ཤར་རྒྱུ་འདྲ་མི་འདུག་གམ། དེ་འདྲ་ཞིག་ལས་མེད་ན་བོད་པ་འདི་བ་ཚང་གི་ལས་འདི་དངོས་ནས་བཙོག་གི དེ་འདྲ་ཞིག་ཡིན་མི་སྲིད། གང་ཡིན་ཟེར་ན་ཤི་རན་པའི་བསམ་བློ་མང་བོ་ཞིག་ཤི་བཞིན་ཡོད་ལ་གསོན་དགོས་པ་མང་བོ་ཞིག་གསོན་བཞིན་ཡོད། གྲ་སྒྲིག་མ་ནོར་བ་རེ་དང་བསམ་བློ་མི་འདྲ་བ་རེའི་དབང་གིས་ང་ཚོ་ལ་༧གོང་ས་མཆོག་དུས་ཀྱི་ཉིན་མོ་གང་འདྲ་ཞིག་འབྱུང་སྲིད་མིན་ལ་ང་ཚོས་ད་ལྟ་ནས་ཚོད་དཔག་བྱེད་ཐབས་ཤིག་དངོས་ནས་ཡོད་རྒྱུ་རེད་དྲན་བཞིན་ཡོད་ན། ༧གོང་ས་མཆོག་སྐུ་མྱ་ངན་ལས་འདས་རྗེས་སུ་རྒྱ་བོད་བར་གྱི་གནད་དོན་དེ་ནི་ཞི་དྲག་གང་གི་ངོ་བོར་འགྱུར་སྲིད་པ་ཞིག་རེད། དྲ་གྲོགས་སྟག་སྨྱོན་ལགས། ཁྱེད་རང་གིས་ག་རེ་བསམ་བཞིན་འདུག ཁྱེད་རང་གི་ཉེ་འཁོར་གྱི་མི་དེ་དག་གི་ཅི་ཟེར་བཞིན་འདུག རྣ་བ་གཏོད་ཨེ་མྱོང་།

དྲ་གྲོགས་ལགས་ཁ་པ་དཀར་པོ། ཁྱེད་རང་དུས་བབ་ཚང་གི་སྐུ་མགྲོན་གསར་བ་ཡིན་པ་མ་ཟད། ང་རང་གི་ཟིན་བྲིས་ནང་གི་སྐུ་མགྲོན་གསར་ཡིན་སྟབས། ངས་ཁྱེད་རང་ལ་ཐོག་མ་བོད་པ་ཚང་གི་སྲོལ་རྒྱུན་ལྟར་འདིར་ཕེབས་པར་དགའ་བསུ་ཞུ། དེ་ནས་ངས་ཁྱེད་རང་གི་མ་འོངས་ལུང་བསྟན་དེའི་བསྐོར་གོ་ནས་། ཡང་བསྐྱར་དེ་ལ་བཀའ་འདྲི་ཞིག་ཞུ་འདོད་བྱུང་སོང་། ཁྱེད་ཀྱིས་ལུང་བསྟན་དེའི་བཀག་སྲེལ་ཐབས་དང་ཡང་ན་དེ་འདྲ་ཞིག་མི་ཡོང་པའི་ཆེད་དུ་ང་རང་ཚོ་བོད་པ་ཚང་གི་མི་རབས་འདིས་བྱེད་ཐུབ་པའི་ལས་ཀ་དང་ད་ལྟ་ནས་འགོ་འཛུགས་དགོས་པའི་དོན་དག་གལ་ཆེན་གང་འདྲ་ཞིག་ཡོད་པར་གཟིགས་བཞིན་ཡོད། དེའི་ཐད་ཀྱི་བསམ་ཚུལ་རེ་བཀོད་ན་ག་འདྲ་འདུག བསམ་ཚུལ་འདི་འདྲ་ཡིན་ཟེར་བ་ཙམ་དང་ལུང་བསྟན་འདི་རེད་ཟེར་བ་ཙམ་ཞིག་མ་ཡིན་པར་ང་ཚོ་གངས་ཅན་བོད་པ་ཚང་གི་སྐྱིད་སྡུག་མཉམ་གནས་དང་འགན་འཁུར་མཉམ་ལེན། ལག་ལེན་དངོས་ཤིག་བྱེད་ཕྱོགས་འདི་རེད་ཟེར་བ་རེད་ཡོད་ན་གསུང་རོགས་ཞུ། ང་ཚོའི་མི་རབས་ཁ་ཕོ་རེ་བཤད་དེ་བསྡོད་པ་ལས་རང་རང་གི་ནུས་པའི་བྱ་བ་རེ་སྒྲུབ་ཕྱོགས་ཤིག་རྙེད་མིན་དང་ཆིག་སྒྲིལ་མིང་དོན་ཡོད་པ་ཞིག་བྱེད་ཕྱོགས་ལ་གོམ་པ་རྒྱག་ཐུབ་རེ་ཨེ་རེག་བལྟས་ན་ཡག་པོ་མ་རེད་དམ།

དྲ་གྲོགས་ཚོ་ཁྱེད་ཅག་གིས་བལྟས་ན་ག་རེ་དགོངས་ཀྱི་འདུག ༧གོང་ས་མཆོག་མང་ན་ལོ་བརྒྱ་ལྷག་ལ་བཞུགས་སྲིད་ཀྱང་། ༧གོང་ས་མཆོག་ཁོང་སྐུ་སྒེར་ལ་ཡོད་པ་ནི་སྐུ་ཚེ་མཐའ་མཇུག་དུ་ནང་ཆོས་རྐྱང་བ་ལས་ཆབ་སྲིད་ལ་འགན་ལེན་བྱེད་འདོད་མེད་པས་བསྐཽར་གྱི་བཀའ་སློབ་ལོ་ངོ་མང་བོས་རིང་ནས་གསུང་མྱོང་ཡོད་ཡ་་་