འཚོ་འགྲམ་ནས།

བུད་མེད་མཛེས་མ་ཚོའི་རྐུབ་ཀྱི་བཟོ་ལྟ་འདྲ་མིན

ད་དུང་ མཛེས་པའི་བྱད་གཟུགས

སེར་བོ་རླུང་གིས་འགུལ་བའི་དབུ་སྐྲ

ཕྲ་ཞིང་གཉེན་འཁྱུགས་ལྡན་པའི་ལང་ཚོ

འབུར་ཞིང་སྲེད་པ་སྟེར་བའི་ནུ་མ

དལ་ཞིང་རླབས་སྒྲ་འཕྱོ་བའི་མཚོ་མོ

གཙང་ཞིང་གཡའ་དག་པའི་ནམ་མཁའ

སྙན་ཞིང་ཡིད་དབང་འགུགས་པའི་གླུ་གཞས

འཁྱོར་ཞིང་ལུས་པོ་འདར་བའི་བཟི་བོ་དག

འཁྱིད་ཞིང་ལུས་པོ་འཐམ་པའི་ཕོ་མོ

འདྲིས་ཤིང་སྙིང་གཏམ་གླེང་བའི་མི་ཚོགས

འཐོར་ཞིང་གཅིག་བུར་ལུས་པའི་མི་འཁྱམ

དགའ་ཞིང་མཆོང་ལྡིང་བྱེད་པའི་བྱིས་པ་ཚོ

ད་དུང་ རྒྱང་རིང་ནས་འོང་བའི་སྐུ་མགྲོན་དག

མཚོ་ནང་དུ་ཆུ་འཛུལ་ལ་གཡེང་བའི་བསྐྱལ་བ་ཚོ

རང་རང་གི་མོས་པ་ལ་རོལ་བའི་དེབ་ཀློག་པ་པོ

སྒོར་མོ་འཚོལ་མཁན་གྱི་རྐུབ་སྟེགས་གཉེར་མཁན

སྟངས་སྟབས་ཀྱི་ཞབས་བྲོ་རྒྱག་མཁན་གྱི་དར་མ་ཚོ

ང་རང་ལྟ་བུ་ཆགས་ལྡན་མང་བོ་ཞིག

མིག་ཤེལ་འོག་ནག་པོའི་འོག་རྒྱང་ལྟ་བྱེད་པའི་ལྟད་མོ་བ

མཚོ་འགྲམ་འདི་ནས་འདུས་ཤིང་

མཚོ་འདི་ནས་འཐོར

ཉི་མ་དམར་ལྷིང་ངེར་མཚོ་ངོས་སུ་ཤར་སོང་