ལྷམ་ ཀོག་ལགས། ཉིད་ཀྱིས་ད་རེབ་ཝང་ལི་ཞོན་གྱི་རྒྱ་ཞེན་ཆེ་བ་དང་རྒྱ་རིགས་རིང་ལུགས་སོགས་ལ་ བསྟོད་པ་བྱས་འདུག དེ་ལ་བྱོས་ཀྱང་ཆོག་གི་རེད། ཡིན་ཡང་། ཉིད་ཀྱིས་མ་ཤེས་པའི་གནད་དོན་དེ་ནི་ཁོ་རང་བོད་པར་འགྱུར་དགོས་ཟེར་ནས་སུས་ཀྱང་ འུར་བརྒྱབ་ཡོད་པ་མ་རེད་ལ། དེ་ལྟར་བྱས་པ་ཡིན་ན་མ་འགྲིག་པ་དེ་ཡང་ཁོང་ཚོས་ཤེས་ཀྱི་ཡོད་པ་རེད། ལྷག་པར་ཏུ་ཁོ་རང་ལ་རྒྱ་རིགས་ཀྱི་ཞེན་ཁོག་ལ་རྒྱ། རྒྱ་རིགས་ཆེན་མོ་ལ་སེམས་འཁུར་ཡོད་པ་དེ་དག་ལ་སུས་ཀྱང་ངོ་རྒོལ་གནང་ཡོད་པ་མ་ རེད། ཉིད་ཀྱིས་ཤེས་མེད་པ་དེ་ནི་དེ་རེད་འདུག ཁོང་ཚོས་ངོ་རྒོལ་བྱེད་ས་ནི་རྒྱ་རིགས་ཆེན་མོའི་ཁེ་ཕན་དང་རྒྱ་རིགས་རིང་ལུགས་ ཀྱི་ལྟ་བ་སྲ་མོ་དེའི་དོན་ཏུའམ། རྒྱ་རིགས་ཚང་གི་མ་འོངས་པ། རྒྱ་ནག་ཚང་གི་བདེ་སྐྱིད་ཀྱི་ཆེད་ཁོ་ན་ལས། རིགས་གཞན་དག་གི་ལོ་རྒྱུས་ཀྱི་རང་བཞིན་དང་དངོས་ཡོད་ཀྱི་དགོས་མདུན་སོགས་ལ་ འགན་མ་འཁུར་བར་ནམ་ཡིན་ཡང་། བོད་འདི་རྒྱ་ཁུངས་ལས་གཞན་ཏུ་མིན་ཚུལ་གྱི་བསམ་ཚུལ་སྒྲོག་པ་དང་ཁོ་ཚང་གི་ཁྱིམ་ ཚང་གི་བདེ་སྐྱིད་ཆེད་དུ་ངེད་ཚང་གི་རྒྱུ་དངོས་དང་ངེད་ཚང་གི་རིག་གཞུང་བཅས་ ཉམས་བཞིན་པ་དེར་འགན་མ་འཁུར་བས་རྩོམ་ཡིག་མི་ཉུང་བ་ཞིག་སྤེལ་བ་དེར་ངོ་རྒོལ་ བྱས་པ་རེད། ཁོ་ཚང་གི་དར་རྒུད་ལ་སེམས་བསམ་པའི་གཏིང་ནས་གཅེས་པ་ལྟར་ངེད་ཚང་ལ་གཅེས་དགོས་ ཟེར་ནས་སུས་ཀྱང་བཤད་ཡོད་པ་མ་རེད། ཁོ་ཚང་ཡར་རྒྱས་དང་སྟོབས་ཤིག་ལྡན་པ་ཞིག་འགྲོ་རྒྱུའི་ཆེད་དུ་ཐོག་མཐའ་བར་གསུམ་ ཏུ་གཡོ་སྒྱུ་ཁོ་ན་འཁྲབ་པ་དེར་འུ་ཚང་གི་མི་དེ་དག་གིས་ངོ་རྒོལ་བྱས་པ་ལས། ཁོ་རང་ཁོ་ཚང་གི་མི་སྣ་གལ་ཆེན་ཅན་ཞིག་ཆགས་ཡོད་པ་དེར་མ་དགའ་བ་དང་ཕྲག་དོག་ བྱེད་པ་སོགས་ཀྱིས་གནད་འགག་གང་ཡང་བྱུང་ཡོད་པ་རེད། ཁོ་ཚང་དེ་འདྲའི་སྟོབས་ཤུགས་ལྡན་པ་དེའི་སྒང་ལ་ངེད་ཚང་གི་ཉམ་ཆུང་དག་ལ་ཐུབ་ ཚོད་བྱེད་པའི་སྒང་ལ་ཁོས་ཀྱང་དེ་འདྲའི་སྐད་ཆ་ཕྱི་བརྫིག་ནང་སྟོང་གི་སྐད་ཆ་གང་ ས་ནས་གླེང་ན་ངེད་ཚང་གི་མི་དེ་ཚོས་ངོ་རྒོལ་བྱས་ན་འགྲིག་པ་ཞིག་ལོས་ཡིན།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
གངས་རིའི་གླིང་བུ་ལགས། ཉིད་ཀྱིས་བསམ་ཚུལ་དེ་ཡང་ཕྱོགས་གཅིག་ནས་མ་འགྲིག་པ་མེད་ཀྱང་། ཝང་ལི་ཞོང་ཁོ་རང་གིས་དེ་ལྟར་འདོད་ཐུབ་ཀྱི་ཡོད་མེད་མི་ཁོ་རང་གི་བསམ་བློའི་གནས་བབ་ཀྱི་བོད་ལ་ལྟ་སྟངས་ཤིག་དང་ནང་དགོས་འགྲོ་བ་མིའི་རིགས་ཀྱི་བསམ་བློའི་འདུ་ཤེས་གང་འདྲ་ཡོད་མེད་ལ་རེག་ལས་པ་ཞིག་ཡིན་པ་ལས། ངེད་ཅག་གིས་ཁོ་རང་ལྟ་བུ་ཞིག་ལ་གོ་སྐབས་སྤྲོད་ཐུབ་མིན་དེ་ནི་གནས་ཚུལ་གཞན་ཞིག་རེད་ཅེས་བཤད་ཆོག་པར་འདོད་ལགས།
ངས་བསམ་ན་ལྭང་ལེ་ཞོང་རྒྱ་ནག་གི་གསང་མྱུལ་བ་ཡིན་རུང་མིན་རུང་ཁོའི་བསམབློའི་རྒྱབ་ལྗོངས་དང་ང་ཚོའི་བདེན་པ་ཁོ་ལ་ཕྱི་གསལ་ནང་གསལ་བྱས་ནས་ར་སྤྲོད་རྒྱུ་གལ་ཆེན་ཞིག་རེད།གལ་ཏེ་ཁོས་ང་ཚོ་ཕྱི་གསལ་ནང་གསལ་ཡིན་པ་སེམས་སྟེང་ནས་ངེས་བ་རྙེད་ཞིག་སོང་ན་རྒྱ་ནག་གི་ཤེས་ཡོན་པ་གང་མང་ཞིག་རང་བཞིན་གྱིས་ཡིད་ཆེ་ཡོང་གི་རེད།གང་ཞེ་ན་ཁོ་ནི་རྒྱ་རིགས་མང་ཆེ་བ་ཞིག་གི་བསམ་བློ་ནང་གི་རྩོམ་པ་པོ་ཞིག་ཏུ་ཆག་་ཡོད་པ་རེད་
བྱེད་མཁན་གྱི་རྣམ་པ་ཞིག་བྱུང་བ་
ཡོན་ཏན་ལགས། གནོད་སྐྱོན་གང་ཡིན་དེ་ནི་སྤྱིའི་ཐག་གཅོད་པ་ཞིག་བྱུང་མེད་ཀྱང་། དེ་ནི་དགེ་སྐྱོན་གཉིས་ཀ་ཡོད་ཀྱང། དགེ་སྐྱོན་གཉིས་ལས་གང་ཤུགས་ཆེ་བ་དེ་རུ་ངོས་འཛིན་བྱེད་ངེས་རེད།
མདོ་ལའི་འཁྱམས་པོ་ལགས། ཉིད་ཀྱིས་ངའི་ཟིན་བྲིས་སྟེང་གི་མོག་མོག་དེ་ཚོ་ཟ་འདོད་ཡོད་ན་ཁག་མེད། ང་རང་ལ་གསུང་དང་ངས་ཁྱེད་རང་ལ་བཟོས་དེ་ཁྱེད་རང་གང་དུ་བཞུགས་ཡོད་ན་དེ་རུ་བསྐྱེལ་ཨེ་ཐུབ་བལྟ་ཆོག གཅིག་བྱས་ན་ས་ཁ་ཐག་རིང་བས་བསྐྱེལ་ཐུབ་མེད་ན་ཡང་སྲིད། དེ་འདྲ་ཡིན་ན་དཔར་ལ་བལྟས་དེ་སེམས་པའི་ཟས་སུ་འགྱུར་བར་སྨོན།
སེར་ལྷོ་བློ་བཟང་རྒྱ་མཚོ་ལགས། ཉིད་ཀྱིས་བསམ་ཚུལ་དེ་མ་རེད་ཟེར་དཀའ་མོ་རེད། ཡིན་ཡང་། སྐབས་དེ་ལ་ཞི་དྲག་གང་རུང་ནས་ངོ་རྒོལ་བྱེད་མཁན་མེད་པ་ལས་ངོ་རྒོལ་བྱེད་མཁན་གྱི་རྣམ་ཞིག་བྱུང་བ་དེ་ནི་ཡག་པོ་རེད། གང་ཡིན་ཟེར་ན་རྒྱ་ཝང་ལི་ཞང་ནི་རྒྱ་ནག་མི་རིགས་ནང་གི་ཤེས་ཡོན་མི་སྣ་གལ་ཆེན་ཞིག་ཆགས་ཀྱི་ཡོད་པར་འུ་ཅག་གིས་བཤད་བཞིན་ཡོད་པ་ལས་རྒྱ་ནག་དུང་ཕྱུར་བཅུ་གསུམ་གྱིས་བཤད་ཀྱི་ཡོད་མེད་མི་ཤེས་ཀྱང་། རྒྱ་ནག་སྲིད་གཞུང་གིས་དཔོན་ངན་དེ་དག་གི་གང་ཙམ་རྒྱ་ཝང་གིས་འགྲོ་འདུག་ཤེས་ཡོད་ཚོད་རེད། དེ་ཡིན་དུས། རྒྱ་ནག་འོག་གི་རླབས་ཆེན་གྱི་དཔོན་པོ་རེ་ཟུང་ལ་རང་དབང་མ་སྤྲད་པར་བཙོན་ལ་འཇུག་འཕོད་ས་ནས་ཁོ་རང་ལ་འགྲོ་འདུག་གི་རང་དབང་ཡོད་པ་འདི་ནི་ཅུང་ཡ་མཚན་སྐྱེ་གཞི་ཆགས་ཡོད་པ་ནི་བཤད་མ་དགོས་པ་ཡིན་དུས། མི་འདིས་ད་རེབས་ཀྱི་སྐད་ཆ་བཤད་ཕྱོགས་ལ་བལྟས་ན་ཡང་། ཤེས་ཡོན་པ་ཞིག་གིས་སྐད་ཆ་བཤད་སྟངས་ནི་མིན་པ་ཤེས་ཀྱི་ཡོད། མི་གཅིག་གཉིས་ཤིག་གི་ངོ་རྒོལ་བྱས་པ་དེར་ཧ་ལས་པ་དང་ཧང་སངས་པ་མ་ཟད། སེམས་ཤུགས་ཀྱང་ཉམས་རབས་བཤད་པ་རེད། དེ་དག་གིས་གང་ཞིག་སྟོན་བཞིན་ཡོད་པ་རེད་ཟེར་ན། རྒྱུན་ཏུ་རང་ཡིན་ཟེར་བ་ལས་མི་གཞན་ལ་བརྩི་བཀུར་དང་བསམ་ཤེས་མེད་པའི་རྒྱ་གུང་ཁྲན་གྱི་བསམ་བློ་མཚོན་པ་ཡིན་ནོ།
གནས་ཚུལ་འདི་ལ་གླེང་ཕྱོགས་གཉིས་སུ་གྱེས་ཀྱང་དབྱེ་ཞིབ་བྱེད་དཀའ་བ་རེད།
ཁོ་རྒྱ་མིའི་གསང་མྱུལ་ཡིན་མིན་དེ་གཙོ་བོ་མ་རེད། གལ་ཏེ་ཡིན་པའི་དབང་དུ་བཏང་ཡང་ཁོས་ང་ཚོ་ལ་གནོད་ཡང་གང་བསྐྱལ་མི་ཐུབ་། བཙན་བྱོལ་གཞུང་གི་ལངས་ཕྱོགས་ནི་ཕྱི་གསལ་ནང་གསལ་ཡིན་པས་གསང་མྱུལ་ཡིན་ནའང་ང་ཚོ་ལ་གནོད་པ་ལས་ཕན་ཐོགས་འབྱུང་སྲིད། ང་ཚོའི་གནས་སྟངས་
འགའ་ཤས་རྒྱ་གཞུང་གིས་གསལ་པོ་མ་ཤེས་པ་ཡོད་སྲིད་པས་དེ་དག་ཤེས་པའི་ལྡེ་མིག་ཏུ་འགྱུར་རྒྱུ་ལས་མེད། དེ་་ཙམ་དུ་མ་ཟད་སྐབས་དེར་ངོ་རྒོལ་བྱེད་ཕྱོགས་ལ་ནོར་འཁྲུལ་ཅུང་ཟད་ཤོར་འདུག ཁོང་ཁྲོའི་རྣམ་པ་བསྟན་ན་མི་རིགས་གཉིས་ཀྱི་སེམས་ཁམས་སུ་བག་ཆགས་ངན་པ་འཇོག་སྲིད་པས་ཡག་པོ་རྩ་བ་ནས་མི་འདུག ང་ཚོས་མ་ནི་ལྟར་བགྲང་བཞིན་པའི་ཡ་རབས་བཟང་སྤྱོད་དང་འཚེ་མེད་ཞི་བའི་ལྟ་གྲུབ། གཞན་ཕན་ལྷག་བསམ་གྱི་སྟོབས་ཤུགས་དེ་དག་ལ་མི་གཞན་གྱིས་དམའ་འབེབ་བྱ་ཡུལ་དུ་མ་སོང་བར་བྱེད་རྒྱུ་གལ་ཆེན་ནང་གི་དོན་ཆེན་རེད། དེར་བརྟེན་ད་རེས་ཀྱི་ངོ་རྒོལ་དེ་སྦྱོར་བ་རྩུབ་མོའི་ངང་ཚུལ་དུ་འདུག་པས་དེ་མ་པ་རེད། ང་ཚོས་ངོ་རྒོལ་བྱེད་བྱས་པ་ཡིན་ནའང་སྨྲ་བ་འཇམ་ཞིང་དོན་སྙིང་ཟབ་མོའི་ངང་ནས་བྱས་པ་ཡིན་ཕན་ཐོགས་ཆེ་བ་དང་། མི་རིགས་ཤིག་གི་རིན་ཐང་ལ་སུས་ཀྱང་སྨོད་པའི་ཡུལ་ལས་བརྒལ་བར་འགྱུར་རོ།
ང་ཚོས་བྱ་བཞག་ཅི་ཞིག་བསྒྲུབ་ཀྱང་ཕུགས་རྒྱང་རིང་པོའི་བསམ་དང་འགྲོགས་ནས་རྒྱུ་མཚན་ལྡན་པའི་སྒོ་ནས་བྱེད་རྒྱུ་གལ་འགངས་ཆེ།
བཀླགས་ཚར། ཞེ་དྲག་ཡག་པོ་འདུག ཡིན་ནའང༌ཁྱེད་ཀྱི་ཟིན་བྲིས་ཐོག་ཏུ་བཀོད་པའི་མོག་མོག་ཟ་འདོད་སྐྱེས། ཧཧཧཧཧཧཧཧཧཧཧཧཧཧ
བོད་མི་དེ་རྣམས་ཀྱིས་ད་རིང་ལྦང་ལི་ཞུན་ལ་ངོ་རྒོལ་བྱས་པའི་གནས་ཚུལ་འདིས་གཅིག་བྱེད་ན་གནོད་ལས་ཕན་ཐོག་ཆེ་བ་ཞིག་ཏུ་ངོས་འཛིན་ཆོག