འདོད་ཆགས་མེ་ཡི་ཟོལ་གྱིས་འབར་ནས་འོང་།།
ཞེ་སྡང་དུག་གི་ཚུལ་གྱིས་བསྲེག་ནས་འོང་།།
གཏུ་མིག་ཕག་གི་ནད་བཞིན་འགོས་ནས་འོང་།།
ད་ནི་འདི་གསུམ་ལས་ཀྱི་མི་གཏོང་གི།
སྒོར་མོ་སྲོག་གི་ཚུལ་བཞིན་གལ་ཆེན་ཆགས།།
བརྩེ་དུང་རོལ་དབྱངས་ཆུ་བཞིན་རྣ་ལ་སྙན།།
ཉེ་མི་གནམ་མཁའི་སྐར་བཞིན་འཐོར་ནས་སོང་།།
ད་ནི་འཁོར་བའི་ལས་འདི་བྱ་རེ་བཙོག།
དད་པ་མེ་ལོང་འདྲ་བོ་ཆག་གྲབས་འདུག།
འཁྲུལ་སྣང་རྨི་ལམ་ཇི་བཞིན་ཡལ་ནས་འགྲོ།
རེ་བ་མེ་ཏོག་བཞིན་ཏུ་རྒས་ཀྱིན་འདུག།
ད་ནི་མི་རྟག་གནས་ཚང་གཏན་པོ་མེད།།
གངས་ལྗོངས་ཡུལ་ནས་ཐོན་པའི་བུ་ཕྲུག་ལགས།།
རི་བོ་ལ་ལུང་མང་བོ་ཕར་རྒྱབ་དུ།།
གླིང་དཀར་སྟོད་ཀྱི་རུས་རྒྱུད་ཁྱེད་འདྲ་བ།།
བུ་རབས་ཤིག་གི་རྗེས་འཛིན་ཉན་པར་ཤོག།
ཆུ་བོ་བཞུར་ནས་འོང་འདྲའི་རླབས་རྒྱུན་ཁྲོད།།
ཐུགས་པ་རེ་རེ་བསགས་ན་རྒྱ་མཚོ་ཟེར།།
སྔོན་ཆད་ཐེངས་མང་དྲ་ངོས་འདི་ནས་མཇལ།།
མོ་རྩིས་ལུང་བསྟན་གང་མེད་ཡང་ཡང་ཤོག།
རྩེ་མོ་དགུང་གི་གཟི་འོད་ཕྱོགས་བཞིན་ཡོད།།
སྐར་ཚོགས་ཐང་ལ་བརྡལ་འདྲའི་ཟིན་བྲིས་དག།
ཡང་ཡང་སྤེལ་རྒྱུའི་རེ་སྐུལ་ངས་ཁྱོད་བྱེད།།
ཁྱེད་ཀྱིས་བདག་གི་རེ་སྐུལ་ཐོས་པར་སྨོན།།
དཀོན་པོ་ཡོད་མེད་ང་ཚོས་མ་ཤེས་ཀྱང་།།
མཆོག་ཏུ་གྱུར་བའི་ལམ་ཞིག་རྙེད་གྱུར་ན།།
འདུ་ཤེས་གསུམ་པའི་ལས་དང་འབྲལ་ངེས་པར།།
བདག་སོགས་ཀུན་ལ་རྨི་ལམ་དེ་འདྲ་ཡོད།།
སྐུ་ཞབས་ཟིན་བྲིས་རྒྱལ་པོའམ་ བོད། ཤ་ཁྲག་རུས་གསུམ། ལགས་ཀྱིས་རོགས་རམ་གནང་བ་སྙིང་ནས་ཐུགས་རྗེ་ཆེ། དེ་རིང་ངས་ཡིག་གཟུགས་འཐོར་རྐྱེན་དེ་ཤེས་སོང་། རྗེས་སུ་གཟབ་གཟབ་བྱ་ངེས།
ཡག་གི ཞིབ་ཏུ་བཀླགས་ཟིན། སེམས་ཤུགས་དང་བློ་སྟོབས་ལ་རྗེས་སུ་ཡི་རིང་ཡོད། མུ་མཐུད་རུ་ཉུལ་ལ་ཡོང་གི་ཡིན། འཐུང་ཆོག་ཆོག་གི་འོ་ཇ་མངར་མོ་རེ་སྐོལ་ནས་འཇོག་རྒྱུ་མ་བརྗེད་ཨྰ།
གྲོགས་པོ་ལགས་བདེ་བོ། གུས་པ་ལས་དོན་ཞིག་གིས་ཡུན་དྲ་ཚིགས་སུ་ཡོང་མ་ཐུབ་པས་ངས་ཧ་ཅང་དྲན་སོང་།
་ཡ་མ་བརླ་ཡི་འཇིག་རྟེན་གོར་མོ་འདིར།།
དེ་འདྲའི་གནས་སྟངས་ཤིག་ལས་འདའ་མི་འདུག