མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དབུ་འཛུགས་བྱས། 

བོད་ཀྱི་དུས་བབ།
༢༠༢༦/༡༡/༡༨
Share on FacebookShare on TwitterShare on EmailShare on Whatsapp

དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་རྒྱལ་གཅེས་དཔའ་བོ་རང་བཙན་བློ་དགའ་ལགས་རྗེས་དྲན་གྱི་ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དེ་བཞུགས་སྒར་དྷ་ས་ནས་དངོས་སུ་དབུ་འཛུགས་བྱས་སོང་།

ཆིག་སྒྲིལ་མེ་ལྕེའི་སྐོར་སྐྱོད་ལས་འགུལ་མགོ་བཙུགས་བྱས། བོད་ཀྱི་དུས་བབ་གསར་ཁང་གི་པར། ༢༠༢༦།༡༡།༡༨

ཕྱི་ཟླ་ ༡༡ ཚེས་ ༡༨ ཉིན་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱིས་ཕྱག་ཏུ་བསྣམས་པའི་བོད་ཀྱི་རྒྱལ་དར་འགྲེམས་སྟོན་དང་སྦྲགས། ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དེ་དབུ་འཛུགས་གནང་ཡོད་ཅིང་། དབུ་འབྱེད་མཛད་སྒོའི་ཐོག་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་དང་། བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག།  དེ་བཞིན་བོད་མི་མང་སྤྱི་འཐུས་ཁག་ཅིག་སོགས་ཆེད་ཕེབས་གནང་འདུག 

ཐེངས་འདིའི་སྐོར་བསྐྱོད་ལས་འགུལ་དང་འབྲེལ་ནས། དབུས་བོད་ཀྱི་གཞོན་ནུ་ལྷན་ཚོགས་ཀྱིས་བསྒྲགས་གཏམ་ཞིག་སྤེལ་བའི་ཁྲོད། ད་བར་ང་ཚོས་ཤེས་རྟོགས་བྱུང་བར་གཞིགས་ན་བོད་ཕྱི་ནང་གཉིས་ནས་བོད་ཀྱི་རྒྱལ་གཅེས་དཔའ་བོ་དཔའ་མོ་གྲངས་ ༡༦༩ ཙམ་གྱིས་བོད་བསྟན་སྲིད་མི་རིགས་ཀྱི་དོན་དུ་རང་གི་གཅེས་པའི་ལུས་སྲོག་ལོངས་སྤྱོད་དང་བཅས་པ་བློས་གཏོང་གིས་རང་ལུས་མེར་སྲེག་གནང་ཡོད་པ་དང༌། ཉེ་ཆར་ཡང་ཕྱི་ལོ་ ༢༠༢༦ ཟླ་ ༧ ཚེས་ ༢ ཉིན་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཨ་མའི་མདུན་ཐང་དུ་རྒྱལ་གཅེས་དཔའ་བོ་རང་བཙན་བློ་དགའ་ལགས་ནས་བོད་བསྟན་སྲིད་མི་རིགས་ཀྱི་དོན་དུ་རང་ལུས་མེར་སྲེག་གནང་ཡོད་པ་དང༌། ཁོང་གི་མི་ཚེའི་ཆེས་མཐའ་མར་བོད་མི་རྣམས་ལ་རེ་འདུན་ཤུགས་དྲག་དང་བཅས་ཞལ་ཆེམས་སྐར་མ་དྲུག་ལྷག་ཅན་ཞིག་བརྙན་ལམ་ནས་བཞག་ཡོད་པ་དེས་རྐྱེན་པས་རྒྱལ་སྤྱིའི་ཐོག་བོད་དོན་འཐབ་རྩོད་ཀྱི་མེ་ལྕེ་བསྐྱར་དུ་ཤུགས་ཆེར་སྦར་ཡོད། བོད་ཀྱི་མི་རབས་གསར་པ་རྣམས་ཀྱི་སེམས་ཁམས་སུའང་བོད་མི་རིགས་ཀྱི་རྒྱལ་ཞེན་ལ་རྒྱ་དང༌། ལྷག་བསམ་སྙིང་སྟོབས། བོད་དོན་འཐབ་རྩོད་ཀྱི་ནུས་ཤུགས་གསར་པ་ཞིག་སྐྲུན་ཡོད་པ་རེད། ལྷག་པར་རྒྱལ་གཅེས་དམ་པ་ཁོང་གི་ཞལ་ཆེམས་ནང་གལ་ཆེ་ཤོས་ཤིག་ནི་བོད་རང་བཙན་ལེན་རྒྱུ་དང་བོད་མི་ནང་ཁུལ་རྡོག་རྩ་ཆིག་སྒྲིལ་དགོས་གལ་ཆེ་བ་གསུངས་ཡོད་པས་དབུས་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་ཆིག་སྒྲིལ་གྱི་མེ་ལྕེ་ཞེས་པའི་གཞི་རྒྱ་ཆེ་བའི་ལས་འགུལ་ཞིག་རྒྱལ་སྤྱིའི་ནང་སྤེལ་བ་དང་ལྷན་དུ་རྒྱལ་གཅེས་པ་དམ་པ་ཁོང་གིས་ཆེས་མཐའ་མར་སྒྲེང་འཛུགས་གནང་བའི་བོད་རྒྱལ་ཁབ་ཆེན་པོའི་རྒྱལ་དར་དེ་བཞིན་འགྲེམས་སྟོན་ཞུ་རྒྱུ་ཡིན། ཞེས་གསལ་འདུག 

ཡང་བསྒྲགས་གཏམ་ནང་། རྒྱལ་དར་དེ་ནི་བོད་རང་བཙན་རྒྱལ་ཁབ་དེ་བཞིན་དགྲ་བོ་རྒྱ་དམར་སྲིད་གཞུང་གིས་དྲག་པོས་བཙན་འཕྲོག་བྱས་པ་དྲན་སྐུལ་ཆེད་ཀྱི་མཚོན་དོན་ཞིག་ཡིན་པ་མ་ཟད། རྒྱལ་དར་འདི་ནི་རྒྱལ་དར་གཞན་དང་མི་འདྲ་བར་བོད་མི་རྣམས་ཀྱི་མངོན་འདོད་དང༌། རྒྱལ་གཅེས་དཔའ་བོ་དཔའ་མོ་རྣམས་ཀྱི་ལྷག་བསམ་དང་བློས་གཏོང༌། སྙིང་སྟོབས། དེ་བཞིན་བོད་རང་དབང་རང་བཙན་ཐོབ་པའི་རེ་བ་བཅས་མཚོན་གྱི་ཡོད། རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱི་ཞལ་ཆེམས་ནང་སྙིང་དོན་གཞན་ཞིག་ནི་ད་ལྟ་བོད་མི་ཚོ་ལ་ཆབ་སྲིད་ཀྱི་དཀའ་ངལ་དང་རང་དབང་ཡོངས་སུ་རྫོགས་པ་མེད་པ་དེ་བོད་རང་བཙན་ཤོར་བའི་རྒྱུ་མཚན་ལ་བརྟེན་ནས་བྱུང་བ་རེད། ཅེས་གསུངས་པ་ལྟར་ང་ཚོས་བོད་རང་བཙན་ཚུར་ལེན་ཐབས་སུ་བོད་ནང་གི་བོད་མི་ཚོའི་ཛ་དྲག་གི་གནས་བབ་དང་མངོན་འདོད་གཞིར་བཞག་གི་ཐོག་བཙན་བྱོལ་རང་དབང་ལུང་པའི་ནང་གནས་བཞུགས་བོད་མི་སྤྱི་སྒེར་ཡོངས་ནས་རྡོག་རྩ་ཆིག་སྒྲིལ་གྱིས་རྒྱལ་སྤྱིའི་ཐོག་བོད་དོན་འཐབ་རྩོད་ཀྱི་ལས་འགུལ་སྤེལ་རྒྱུར་སྔར་ལྷག་སྒོ་གང་ས་ནས་ཤུགས་སྣོན་རྒྱག་རྒྱུར་འབོད་སྐུལ་ཞུ་རྒྱུ་ཡིན། ཞེས་དང་། ཆིག་སྒྲིལ་གྱི་མེ་ལྕེ་ཞེས་པའི་ལས་འགུལ་འདི་ནི་རྒྱལ་གཅེས་དཔའ་བོ་ཚོར་ཆེ་བསྟོད་དང་རྒྱལ་སྤྱིའི་སྐོར་བསྐྱོད་ཙམ་མ་ཡིན་པར་འདི་ནི་འཛམ་གླིང་གི་བོད་རིགས་སྤུན་ཟླ་ཡོངས་རྡོག་རྩ་ཆིག་སྒྲིལ་གྱིས་མ་འོངས་བོད་ཀྱི་བདེན་མཐའ་གསལ་སླད་ཆིག་སྒྲིལ་གྱི་མེ་ལྕེའི་བོད་དོན་འཐབ་རྩོད་ཀྱི་ལས་འགུལ་ཞིག་ཡིན། ཞེས་གསལ་འདུག 

ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དེ་དེ་རིང་ནས་དངོས་སུ་དབུ་འཛུགས་བྱས་ཏེ། རྒྱ་གར་རྒྱལ་ཡོངས་ཀྱི་མངའ་སྡེ་ཉི་ཤུ་རྩ་ལྷག་གི་ནང་སྐོར་བསྐྱོད་དང་བོད་དོན་དྲིལ་བསྒྲགས་གནང་རྒྱུ་ཡིན་པ་མ་ཟད། རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱི་ལོ་མཆོད་བར་འཛམ་གླིང་གི་ཡུལ་གྲུ་གང་སར་སྐོར་བསྐྱོད་གནང་འཆར་ཡོད་འདུག དེ་བཞིན་བཙན་བྱོལ་བོད་མིའི་གཞིས་ཆགས་ཁག་ཏུ་སྐོར་བསྐྱོད་སྐབས། བོད་མི་རྣམས་ཀྱིས་མཐུན་སྒྲིལ་རྡོག་རྩ་ཆིག་སྒྲིལ་བྱ་དགོས་པའི་གཞེན་སྐུལ་ཞུ་རྒྱུ་ཡིན་འདུག 

གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། ཆོས་རྒྱལ་སྐྱབས།

འབྲེལ་ཡོད་གསར་འགྱུར།

ལས་འགུལ་བ་སྐལ་བཟང་མཐར་ཕྱིན་ལགས། པར་ཁོང་གི་ངོ་དེབ་ལས་བླངས།
Mobile App

ཀ་ཁ་ག་ང་རྣམ་པར་རྒྱལ་གྱུར་ཅིག་ཅེས་པའི་བོད་ཀྱི་སྐད་ཡིག་སྲུང་སྐྱོབ་ཀྱི་ཞི་བའི་གོམ་བགྲོད་མཚམས་འཇོག་བྱས། 

༢༠༢༦/༠༨/༢༡
འཕགས་བོད་འབྲེལ་མཐུད་ཚོགས་པའི་གསར་འགོད་ལྷན་ཚོགས་སྐབས། ཕྱི་ལོ་ ༢༠༢༣ ཟླ་ ༣ ཚེས་ ༡༨ ཉིན།
Mobile App

འཕགས་བོད་འབྲེལ་མཐུད་ཚོགས་པ་བཙུགས་ནས་ལོ་ ༢༥ འཁོར་བའི་མཛད་སྒོ་རྒྱས་པ་ཞིག་འཚོག་འཆར་འདུག

༢༠༢༣/༠༣/༡༨

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese