་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
མི་ཞིག་གི་མི་ཚེ་ལ་མཚོན་ན་ཆེས་མེད་དུ་མི་རུང་བ་དེ་ནི་རང་ཉིད་ལ་ཡིད་ཆེས་བྱེད་རྒྱུ་དེ་ཡིན་སྟབས། བློ་བཟང་གིས་ཀྱང་རང་ཉིད་ལ་ཡིད་ཆེས་བྱས་དེ་ཨ་ཅག་ཚེ་འཛོམ་གྱི་ཁ་ཇི་འདྲ་རྩུབ་ནའང་བཟོད་བསྲན་བྱས་དེ་ཟླ་ངོ་ཧྲིལ་བོ་གཉིས་ཀྱིས་རྗེས་སུ། ཁོང་རྒན་རྒོན་གཉིས་ཀྱིས་རེ་སྐུལ་ལྟར། ཁོ་རང་ཟ་ཁང་གི་འགན་འཛིན་གྱི་ལས་སྣེ་འཁུར་རྒྱུ་བྱས། ཟླ་གཅིག་གི་ཡོང་བབས་ལས་བརྒྱ་ཆའི་སུམ་བཅུ་ཁོ་རང་ལ་སྤྲོད་རྒྱུ་བྱས་པ་དང་། ཟ་ཁང་གི་ཕྱི་ནང་བར་གསུམ་ཚང་མ་ཁོ་རང་ལ་རྩིས་སྤྲོད་བྱས་པ་རེད།
རྒན་རྒོན་གཉིས་ལ་ཕྲུ་གུ་གསུམ་ཡོད་ལ། གཉིས་བུ་མོ་དང་གཅིག་བུ་ཡིན། བུ་མོ་ཆེ་བ་ནི་ཕྱི་རྒྱལ་དུ་བཏང་ཟིན་པ་ཞིག་དང་། བུས་ལྡི་ལུར་ཁོ་རང་གི་རེ་འདོད་ལྟར་ཆེད་ལས་ལག་རྩལ་བསྐོར་གྱི་སློབ་སྤྱོང་ཞིག་བྱེད་བཞིན་ཡོད། བུ་མོ་ཆུང་བ་བསྟན་འཛིན་འཚོ་མོས་ལྡི་ལུར་མཐོ་སློབ་འདོན་བཞིན་ཡོད་པ་རེད།
བསྟན་འཛིན་མཚོ་མོས་དགུན་ཁའི་གུང་གསེང་དུ་སླེབས་ནས་བློ་བཟང་དང་གྲོགས་པོ་ཆགས། མཚམས་རེར་ཨ་ཅག་ཚེ་འཛོམ་གྱིས་བསྟན་འཛིན་འཚོ་མོ་དང་བློ་བཟང་གཉིས་ཕྱི་རོལ་དུ་འཁྱམ་འཁྱམ་དུ་གཏོང་བཞིན་ཡོད།
བསྟན་འཛིན་འཚོ་མོ་ནི་བུ་མོ་ཁ་སངས་པོ་ཞིག་དང་བསམ་བློ་ཀུ་ཡངས་པོ་གཏོང་མཁན་ཞིག་ཡིན་པ་མ་ཟད། སེམས་པ་ཡང་བཟང་བོ་ཞིག་ཡིན་ལ། བློ་བཟང་དང་སེམས་ཐག་ཉེ་བའི་གྲོགས་པོ་ཞིག་ཆགས། བསྟན་འཛིན་འཚོ་མོའི་གུང་གསེང་རྫོགས་ནས་ཕྱིར་ལྡི་ལུར་འགྲོ་ཁར་བློ་བཟང་ལ་ཁ་པར་ཨང་གྲངས་ཀྱང་སྤྲད།
རྒན་པོ་དོན་འགྲུབ་ཀྱིས། བློ་བཟང་གི་སྔ་གཞུག་བར་གསུམ་ཚང་མ་ལ་རྒྱུས་ལོན་བྱས་རྗེས་སུ། ཁ་བརྡ་དང་རེ་སྐུལ་འདི་འདྲ་བྱས། བློ་བཟང་། ངས་བལྟས་པ་ཡིན་ན་ཁྱེད་རང་ཕྱིར་གྲྭ་སར་སོང་བ་ཡིན་ན་ཡག་པོ་འདུག ཐ་མག་དང་ཨ་རག་འཐུང་བ་ཙམ་གྱིས་སྐྱོན་ནི་མ་རེད། ང་རང་ལྟ་བུ་ཞིག་ལ་མཚོན་ན་ལྔ་བརྒྱད་ལོའི་ཟིང་འཁྲུག་བྱུང་རྗེས། རྒྱ་གར་ལ་འབྱོར་ནས་རང་གི་ལྟོ་གོས་ཆེད་དུ་ཡར་མར་མང་བོ་ལ་འགྲིམ་ནས་ཚོང་བརྒྱབ་དེ་བསྡད་མཐར། སྡོམ་མགོ་མ་ཐོན་པར་གྲྭ་བ་ལོག་པ་རེད། དངོས་ནས་བཤད་ན་ང་རང་གྲྭ་བ་ལོག་འདོད་ཡོད་པ་དེ་འདྲ་མིན་ཡང་། ལས་དབང་ཟེར་ན་འདྲ། རང་གིས་མ་འཁྱོངས་པ་ཟེར་ན་རེད། གྲྭ་བ་བྱེད་རྒྱུའི་བསོད་ནམ་མེད་སོང་བ་ཡིན་ས་རེད།
ཁྱེད་རང་ད་ལྟ་ལོ་ཡང་ཆུང་ལ་རིག་པ་རྣོ་བོ་འདུག་པ་མ་ཟད། བོད་ཡིག་ཡང་ཡག་པོ་ཤེས་ཀྱི་འདུག ཁྱེད་རང་ལྟ་བུ་ཞིག་གྲྭ་བ་མི་བྱེད་ཟེར་བ་དེ་ནི་དངོས་ནས་ཕངས་པ་ཞིག་རེད་སོགས་རང་ཉིད་ཀྱི་མི་ཚེའི་གཏམ་རྒྱུད་ཀྱི་མྱོང་བ་གཞི་ལ་བཞག་ནས་བློ་བཟང་ལ་སྐད་ཆ་མང་བོ་ཞིག་བཤད།
བློ་བཟང་གིས། རང་ཉིད་གྲྭ་ས་ནས་གྲྭ་བ་མི་བྱེད་རྒྱུའི་བློ་ཐག་བཅད་པའི་སྔ་གཞུག་དང་། ཆོས་དགེ་བ་བྱེད་པ་ལ་ཡིན་གཅིག་མིན་གཅིག་གྲྭ་ལ་གྱོན་མཁན་ཞིག་བྱེད་དགོས་དོན་མེད་པའི་བསྐོར་གྱི་གནས་ལུགས་རང་གི་གང་ཤེས་ཆེས་མི་ཉུང་བ་ཞིག་རྒན་པོ་དོན་འགྲུབ་ལ་ཞུས།
བློ་བཟང་གིས་ཟླ་ངོ་བདུན་བརྒྱད་གཅིག་གི་རིང་དུ་ཞོགས་སྔ་བླངས་དང་དགོང་ཕྱི་ཉལ་བྱས་དེ་དཀའ་ལས་མི་ཉུང་བ་ཞིག་ཉུང་མཐར་ཧིན་སྒོར་འབུམ་གཅིག་ལྷག་གསོག་ཐུབ་ཡོད་པ་རེད། སྐབས་དེ་འདྲ་ཞིག་ལ་བློ་བཟང་གི་བསམ་པར་ད་ནི་ཕྱིར་རྡ་ས་མེག་ལོར་དུ་སོང་དེ་སློབ་སྤྱོང་རེ་བྱས་པ་ཡིན་ན་ལོ་ངོ་གཅིག་ཙམ་ལ་དཀའ་ངལ་ཡོད་ས་མ་རེད་སྙམ་ནས། རང་གི་བསམ་ཚུལ་གང་ཡོད་པ་དག་རྒན་རྒོན་གཉིས་ལ་བཤད།
རྒན་པོ་དོན་འགྲུབ་ཀྱིས། ཁྱེད་རང་དངོས་ནས་གྲྭ་བ་བྱེད་འདོད་མེད་པ་ཡིན་ན། ཕྱིར་རྡ་སར་སོང་ནས་སྒོར་མོ་ཆ་བོ་ཚར་རེག་བར་དུ་སྡོད་པ་ལས། ད་ནི་རང་གི་འཚོ་བའི་ཕྱོགས་སུ་བསམ་བློ་ཞིག་བཏང་དེ་འདི་ནས་མ་མཐའ་ལོ་གཅིག་གི་རིང་དུ་སྡོད་དང་། ལོ་གཅིག་གི་རྗེས་སུ། ངས་ཁྱེད་རང་ལ་མ་རྩ་ཞིག་འཇོག་རོགས་བྱས་དེ་ཟ་ཁང་ཞིག་གཉེར་བའམ། ཡང་ན། ཕྱི་རྒྱལ་གང་རུང་ཞིག་ལ་འགྲོ་འདོད་ཡོད་ན་དེ་རུ་གཏོང་ཆོག
བློ་བཟང་ནི་རང་གིས་ཐག་བཅད་པ་དེ་ནི་སུས་ཀྱང་འགུལ་ལྕགས་མི་ཐེབས་པ་ཞིག་ཡིན་སྟབས། མཐར་ཁོ་རང་གི་འདོད་པ་ལྟར་ལམ་ལ་ཆས་རྒྱུ་བྱས་པ་དང་། འགྲོ་ཁར་རྒན་རྒོན་གཉིས་ཀྱིས་ཁོ་རང་གི་འདོད་པ་ལྟར་ལྡི་ལུར་ཁོང་གཉིས་ཀྱི་བུས་རོགས་རམ་གནང་དེ་གློག་ཀླད་ཅིག་ཉོ་འདོད་པ་དེ་ཡང་བུ་ལ་ཁ་པར་བཏང་ནས་ཏག་ཏག་བཟོས།
བློ་བཟང་གིས། རྒན་རྒོན་གཉིས་ལ་རང་གི་སེམས་ནང་གི་སྐད་ཆ་མི་ཉུང་བ་ཞིག་བཤད་མྱོང་ལ། ལམ་ལ་ཆས་ཁར་ཡང་ཁོང་གཉིས་ཀྱི་ཁ་པར་ཨང་གྲངས་འཁྱེར་ནས་འགྲོ་བཞིན་ཡོད་ལ། མ་འོངས་པར་གལ་སྲིད་ཁོང་གཉིས་ལ་ཁོ་རང་གི་ཐུབ་པའི་རོགས་རམ་འདྲ་བྱེད་དགོས་ཐུག་ཉིན་ཁོ་རང་གི་རོགས་བྱེད་རྒྱུའི་སེམས་ཐག་བཅད་པ་དེར། རྒན་རྒོན་གཉིས་ཀྱིས་ཀྱང་བློ་སེམས་བདེ་བོའི་ངང་དུ་བློ་བཟང་ལ་ལམ་མཇུག་བྱས།
བློ་བཟང་ཟླ་ངོ་བརྒྱད་ལྷག་གི་རྗེས་སུ་ཕྱིར་རྡ་ས་མེག་ལོར་དུ་འབྱོར་ན་ཡང་། སྔོན་ཆད་དང་བསྡུར་ན་གཏན་ནས་མི་འདྲ་བར་ཕར་འགྲོ་དུས་ཀྱི་རྒྱབ་ཁུག་ཆུང་ཆུང་དེ་འཁུར་མཁན་ནི་མིན་པར། ཤོག་སྒམ་ཆེན་པོ་ལྔ་དྲུག་ཞིག་དང་། རྒྱབ་ཁུག་ནག་པོ་ཆེན་པོ་གཉིས་དང་བཅས་ཅ་ལག་མི་ཉུང་བ་ཞིག་དང་ལྷན་དུ་ཕྱིར་རྡ་ས་མེག་ལོར་དུ་འབྱོར་ཡོད་པ་རེད།
ཤོག་སྒམ་དེ་དག་ནི་གློག་ཀླད་གསར་བ་ཉོས་པའི་ཅ་ལག་རྐྱང་རྐྱང་ཡིན་ལ། རྒྱབ་ཁུག་དེ་གཉིས་ཀྱི་ནང་གི་ཅ་ལག་དག་ནི་གོན་པ་དང་། ལྡི་ལུ་ནས་རྒན་རྒོན་གཉིས་ཀྱི་བུས་ཁོ་ལ་སྤྲད་པའི་ཐབ་ཆོས་རྙིང་བའི་རིགས་རྐྱང་རྐྱང་ཡིན། བློ་བཟང་ཐད་ཀར་རང་གི་སྔོན་ཆད་སྡོད་སའི་གྲོགས་པོ་དེའི་ནང་དུ་ཕྱིན། གྲོགས་པོ་ལས་ཀ་ནས་ཕྱིར་ནང་དུ་འབྱོར་དུས། བློ་བཟང་གི་འཁུར་ཡོང་བའི་ཅ་དངོས་དེ་དག་རིག་ནས་ནང་དུ་ཡང་ཡོང་མ་འཕོད་པར། བློ་བཟང་ལ་་འདི་ཚོ་ཅི་རེད་དམ། ཁྱེད་ཀྱིས་ཟླ་ངོ་འདི་དག་གི་རིང་དུ་ག་རེ་བྱས་པ་ཡིན་ནམ།
འདི་དག་ཉོ་བྱེད་ཀྱི་སྒོར་མོ་འདི་འདྲའི་མང་བོ་ཞིག་ཇི་ལྟར་རེག་པ་རེད།
བློ་བཟང་གིས་གྲོགས་པའི་རྣམ་འགྱུར་ལ་བལྟས་དེ། ཡ་་་ ཐོག་མར་ནང་དུ་ཤོག་དང་། དེ་ནས་ཁ་བརྡ་ལྷོད་ལྷོད་བྱེད་ཅེས་བཤད་དུས། ཁོ་རང་ད་དུང་ཐེ་ཚོམ་དང་བཅས་དེ། སྒོ་ཁ་ནས་ཡར་འགྲེང་བཞིན། ང་ཁྱེད་རང་གིས་གསལ་བོ་ཞིག་མ་བཤད་ན་ནང་དུ་མི་ཡོང་ཟེར་ནས་ཧ་ལས་ཞོར་དུ་མུ་མཐུད་དུ་ཡར་བླངས་དེ་བསྡད།
བློ་བཟང་གིས་རང་ཉིད་ཀྱིས་ཟླ་ངོ་བརྒྱད་ལྷག་རིང་གི་དཀའ་ལས་ཇི་ལྟར་བརྒྱབ་མིན་དང་། སྤྱིན་བདག་བཟང་བོ་ཞིག་ལ་འཕྲད་སྟངས། སྒོར་མོ་དེ་དག་རང་གིས་དཀའ་ལས་བརྒྱབ་པའི་གྲུབ་འབྲས་ལས་རེག་པ་སོགས་ཞིབ་དུ་གླེང་མཐར། ཁོ་གཉིས་ཀྱིས་གློག་ཀླད་ཀྱི་ཅ་དངོས་དག་ཤོག་སྒམ་ལས་ཕྱི་རུ་བཏོན།
བློ་བཟང་གིས་དགོང་མོ་དེར་གྲོགས་པོ་དེའི་ཁ་ནས་ནོར་བུ་བཟང་མོ། ཕྱི་རྒྱལ་བ་ཞིག་དང་གཉེན་སྒྲིག་རྒྱུའི་དུས་ཚོད་གཏན་འཁེལ་བྱས་ཡོད་པ་ཐོས་པ་རེད།
མུ་འགོད།
སྤུན་ཟླ་ཚོ། སྔར་བཞིན་ཕེབས་ཀྱི་འདུག་ལ། སྔར་བཞིན་བལྟས་དེ་ཡོད། དགའ་བཞིན་ཡོད། བློ་བཟང་གི་དོན་དུ་སེམས་འཁྲལ་ཆེ་ཇེ་རེད། ལས་ངན་འདིས་གང་བྱེད་ཡོང་བསམ་ན་དེ་ལས་ཀྱང་ཉིན་ལྟར་བསམ་བློ་གཏོང་བཞིན་ཡོད། དེ་མཚུངས་ཀྱིས་ཤུ་རེ་བྱོས་དེ་འབྲི་ཁུལ་ཡང་བྱེད་ཀྱི་ཡོད།
བཀླགས་ཟིན།
ངས་བལྟས་ན་སྒྲུང་འདི་ཁྱེད་རང་གི་གནས་ཚུལ་རྣམས་གསལ་བོར་བྲིས་འདུག་པའི་སྣང་བ་འདུག གང་ཡིན་ཟེར་ན། ང་ཁྱེད་ལ་ཆ་རྒྱུས་ཧ་ཅང་གསལ་བོ་ཡོད། «
མཐུད་ དགོངས་གསོལ་ཞུ་ཞབས་ཀྱུ་ཆད་ཤོར་འདུག
ཁྱེད་རང་གི་སྐད་ཆ་མང་དྲག་པས་ངས་ཆ་ཚང་ཀློག་ཐུབ་མ་སོང་།
འོན་ཀྱང་རྗེས་སུ་དུས་ཚོད་བྱུང་ན་ལྷོད་ལྷོད་བྱས་ནས་ཀློག་གི་ཡིན་པས།
མུ་མཐད་ནས་བཀོད་རོགས་གནང་།
གྲོགས་པོ་ལགས། རྒྱུ་རྐྱེན་གང་ཞིག་གི་དབང་གིས་ང་ཁྱོད་ཀྱི་ཟིན་བྲིས་སུ་ཡིན་རིང་ཡོང་ཐུབ་མ་སོང་དགོངས་སེལ་ཞུ་བ་དང་ཆབ་ཅིག་ཁྱོད་ཀྱིས་མཚོན་ཐུབ་ཡོད་པའི་སྒྲུང་རྩོམ་སྙན་མོ་ཞིག་བྲིས་འདུག ཧ་ཅང་ཡག་པོ་རེད། ང་ཚོ་བོད་པ་ཚང་ལ་ཡོན་ཏན་ཅན་གྱི་མི་རེ་རེ་འཚར་ལོངས་བྱུང་ན་དགོས་ངེས་ཀྱི་དུས་སུ་སླེབས་ཡོད་པས། ཁྱོད་ཀྱིས་མུ་མཐུད་ནས་སྤོབས་པ་བསྐྱེད་དེ་བསམ་བློའི་ཤེས་ཡོན་བ་ཞིག་དང་། རིག་གཞུང་ཤེས་ཡོན་པ་ཟུང་ལྡན་ཞིག་བྱེད་ཐུབ་པའི་རེ་སྨོན་ཞུ།
ཨོ་འདི་རེད་ངས་བཤད་ལ། ནོར་བུ་བཟང་མོ་ལྟ་བུར་བློ་གཏོད་ན་གྱོང་རེག་པའི་ཉེན་ཁ་མ་གཏོགས་ཡོད་ནི་མ་རེད། ནག་མོ་དྲེད་མ་མྱིས་མི་ཐུབ། རྒྱུ་མ་རློན་པ་སོས་མི་ཆོད། ཟླ་དྲུག་བདུན་གྱི་རིང་དུ་འགྱུར་ཚར་འདུག་ག། མ་གཞི་་བློ་བཟང་འདི་དྲན་རྒྱུ་མང་པོ་ཅན་ཞིག་རེད་བརྟན་པོ་ཞིག་རེད་མི་འདུག། བློ་རྩེ་གཉིས་ཀྱིས་དོན་འགྲུབ་ཀྱི་མ་རེད་ལ ཁབ་རྩེ་གཉིས་ཀྱིས་བཟོ་བཟོ་ཡི་མ་རེད། བྱ་བ་ཅི་ཞིག་བསྒྲུབ་ན་མཐའ་འཁྱོངས་ན་ད་བཟོད་འབྲས་བུ་སྨིན་གྱི་རེད།
ཁྱོད་ཀྱི་བརྩམས་སྒྲུང་འདི་ནི་ལོ་རབས་དགུ་བཅུའི་ནང་གི་ལྷ་ས་བ་མཁས་གྲུབ་ཆོས་འཕེལ་གྱི་བརྩམས་སྒྲུང་<<སྐར་མས་ཁྲེལ་དགོད་མ་གནངས>>ཞེས་པ་དེ་དང་འདྲ་བོ་འདུག ཁོང་གིས་རང་གི་གྲོགས་པོ་འགའི་དགའ་རོགས་ཀྱི་སྐོར་མཐོང་ཐོས་བྱུང་བ་དག་མི་གཅིག་གི་སྒང་ལ་སྤུངས་ནས་བརྩམས་སྒྲུང་དེ་བྲིས་པ་ཡིན་ལུགས་བརྗོད་འདུག