ཤེས་མ་ཤེས་བར་གྱི། {རང་ཉིད།}

སྤྱང་གྲུང་ལྡན་པའི་རིགས་པས་དཔྱད་ལུགས་འདི།།ཟེར་དགོས་པ་རེད།
བདེན་པ་གསུམ་ལ་བསྔགས་པ་འདི་རེ་སྤྲོ།།
ཟེར་ན་མི་ཡག་གཱ

སྐར་ཚོགས་ཁྲ་ལེར་ཁུ་སིམ་མཚན་མོ་འདིར།།
ཁྲི་སྲོང་ལྡེ་བཙན་དྲན་པའི་གདུང་ཡས་ཤིག།
བཙན་པོའི་བུ་རབས་ཡིད་སྙམ་བུ་ཆུང་གིས།།
རྒྱུན་དུ་ཐག་རིང་ས་ནས་བཏང་བ་དགའ།།

གཅན་གཟན་འཇིགས་པ་ཇི་འདྲ་རྒོད་ན་ཡང་།།
བཟོད་བསྲན་སྙིང་རུས་ཅན་གྱི་སྤུན་ཟླ་ཉིད།།
ཆོས་རྒྱམ་ཁྲི་འཕང་གོ་ས་མེད་ན་ཡང་།།
དྲང་བདེན་ཁྲིམས་དཔོན་གཞོན་པའི་མཚན་ཞིག་ཡོད།།

གནམ་མཁའི་ལྷ་ཡུལ་ཟེར་ན་མི་ཤེས་ཀྱང་།།
འབོད་སྐུལ་ལྕགས་ཚན་དར་མའི་རང་གཤིས་དེ།།
ནམ་ཡང་ལྷོད་དུ་མེད་པའི་ཤེས་རབ་ཅན།།
བརྗེད་དུ་མེད་པའི་མུན་སེལ་སྒྲོན་མེ་ཞིག།

བྲག་སྲིན་སྤྲེལ་རྒྱུན་གཅིག་པའི་སྤུན་ཟླ་ལགས།།
འགོ་བོ་དཀྲུགས་ནས་བསམ་བློ་མ་བཏང་ན།།
དཀོན་པ་མིན་ཡང་མཆོག་དུ་མ་ངེས་ཀྱང་།།
དར་རྒྱས་ཡོད་མེད་མི་རེ་བསམ་ཚུལ་རེ།།

ཁྲ་མོ་གླིང་དཀར་སྟོད་ནས་འཕུར་འོང་བའི།།
གངས་རིའི་གླག་རྒོད་བོད་པའི་ཕོ་གསར་ཁྱེད།།
སྤྱང་དྲོང་ལྡན་པའི་རིག་པའི་དབྱད་ལུགས།།
བདེན་པ་གསུམ་ལ་བསྔགས་དང་འདྲ་བའི་སྤྲོ།།

བསེ་རུ་ར་གཅིག་འཛམ་གླིང་སྤྱི་ནོར་ཡིན།།
གངས་ཅན་བོད་ཀྱི་རིགས་གཅིག་རྐང་འཛིན་པ།།
ལྷག་བསམ་ཟོལ་མེད་སྤུན་ཟླའི་ནང་ཁུལ་ལ།།
སེམས་འཁུར་དང་ལེན་ཅན་ཁྱེད་དུས་ཀུན་བསྟོད།།

ཤ་ཁྲག་རུས་གསུམ་བགྲོད་པའི་ཤུལ་ལམ་ན།།
ྱམིག་ཟུང་ཁྲི་མ་འབུམ་གྱིས་ཅེར་བཞིན་ཡོད།།
དབྱེན་དཀྲུག་ཕྱོགས་རིས་དབེན་པའི་རྩོམ་རིགས་ལ།།
ཀུན་གྱིས་བསྔགས་ཤིང་མིག་དཔེའི་ཡུལ་དུ་གྱུར།།

འོན་ཏེ་ཟིན་བྲིས་རེ་རེའི་བར་གསེང་ནས།།
ཡིག་ནོར་ཁྱར་ཁྱོར་ཐོན་པའི་ངང་ཚུལ་དེས།།
དྲ་གྲོགས་དཔྱོད་ལྡན་རྣམ་པ་ངལ་བར་བྱས།།
ད་དུང་གཟབ་དང་སྙིང་གི་དྲ་གྲོགས་ལགས།།

གབ་ཚིག་ཞིག་དང་འདྲ་བར་ཁག་པོ་འདུག

དེང་སང་འདི་ཚོས་དགེ་ཆོས་ཀྱི་མི་རྟགས་དྱན་མགུར་འདྲ་བ་རྐྱང་བྲིས་ན་ངས་ཅི་ཡང་མི་གོ་གི་ཡཱ། བྱ་འདི་ད་ཅི་བྱས་ན་བཟང་།