ཞོགས་པ་དེར ཁྱེད་ཀྱིས་བཀྲ་ཤིས་བདེ་ལེགས་ཞུས་སོང་
ངས་རང་གི་མིག་ཟུང་ཕུར་ཕུར་ཞིག་གཏོང་ཞོར་དུ
ཁྱེད་རང་སུ་ཡིན་མིན་ལ་ཞིབ་དུ་བསམ་བློ་བཏང་
གང་ལྟར བཀྲ་ཤིས་བདེ་ལེགས་ཞུ་མཁན་གྱི་ཁྱེད་རང་
ཞོགས་པ་དེ་ནས་བཟུང་ སླར་ཡང་མཐོང་མ་ཐུབ
ཞོགས་པ་དེར ཁྱེད་ཀྱིས་ང་རང་ལ་འོ་ཇ་ཕོར་བཀང་བཏེགས
ངས་མལ་ཁྲི་ལས་ལག་ཟུང་བསྲིངས་དེ་ཚུར་ལེན་ཞོད་དུ
ཁྱེད་རང་ལ་དེ་འདྲའི་བཟང་དོན་ཅི་ཡིན་འདང་ཞིག་བརྒྱབ
ཡིན་ཡང་ འོ་ཇ་ཕོར་བཀང་སྤྲོད་མཁན་གྱི་ཁྱེད་རང་
ཞོགས་པ་དེ་ནས་བཟུང་ ངས་ནས་གཏན་ནས་རིག་མ་སོང་
ཞོགས་པ་དེར ཁྱེད་ཀྱིས་ང་རང་ལ་ཡར་ལོངས་དང་ཞེས་བོས
ངས་འགོ་བོ་ཡར་ལ་བཀྱགས་ནས་རང་ལ་འབོད་མཁན་དེར་བལྟས
ཁྱེད་རང་གིས་ང་ལ་དེ་ལྟར་བརྩེ་བ་ཆེ་དོན་གང་ཡིན་ནམ་སྙམ
གང་ལྟར དབྱངས་རྟ་སྙན་མོ་ཅན་གྱི་འབོད་བརྡ་གཏོང་མཁན་གྱི་ཁྱེད་རང་
ཞོགས་པ་དེ་ནས་བཟུང་ དགུན་ཁའི་ཁུ་བྱུག་ལྟར་གྲགས་འགུལ་མེད་པར་གྱུར་སོང་
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
གཅན་བཟོད་རྒྱམ་ལགས། ཁྱེད་རང་གི་འདོད་ཐོག་ལ་བུད་སོང་བ་འདྲ། ཁྱེད་རང་ལ་འབོད་མཁན་འདྲ་ཡོད་ན་གསུང་རོགས་ཞུ།
ཁ་བ་ནག་པོ་ལགས། ཁྱེད་རང་ཡིན་ཟེར་ནས་མནའ་ཞིག་བསྐྱལ་དང་དུས། མ་རེད་ཟེར་ནས་ཨུ་ཚུགས་ཀྱང་བྱེད་ཁག་པོ་རེད། འོན་ཀྱང་། སྦོབས་པ་མཐའ་ཡས་དང་ཁྱེད་གཉིས་ཀྱིས་སུ་ཡིན་ཡང་འགྲིག་མོད། རེད་དེ། ཡིད་འཕངས་པ་ཞིག་ལ་ཁྱེད་གཉིས་ཀྱིས་སུ་ཡང་མིན་པ་འདྲ།
སྤོབས་པ་མཐའ་ཡས་ལགས། དེ་ནི་ཁྱེད་རང་ཡིན་ན་དངོས་ནས་སྐྱིད་པ་ལ་ ཡིན་ཡང་། ཁྱེད་རང་ལས་གཞན་ཞིག་ཀྱང་ཡིན་སྲིད་པ་རེད།
ད་ཡིན་ཉལ་ནས་སྡོད་དང་འབོད་མཁན་ཅང་མེད་ཀི་མོ།
ངས་འོ་ཇ་ཕོར་བ་གང་ཤོར་འགྲོ་ས་དེ་ཁྱོད་ཡིན་པ་དེ་རིང་མ་གཏོགས་ཤེས་མ་སོང་། དེ་རིང་ད་ཇ་རིན་སྒོར་མོ་ལྔ་ལེན་གི་ཡིན་ཡ། ཁ་བ་དཀར་པོས་དེ་ཤེས་ཡོད་རེད།
ཁོ་མ་རེད། ང་ཡིན། ངས་མནའ་སྐྱེལ་ཐུབ།
དེ་ད་ང་ཡིན།