སེམས་ཀྱི་སྐྱིབས་ཁུགས་སུ་འདར་བའི་རང་བྱུང་གི་གཤིས་ལ།།
དུས་གསུམ་གང་དུ་འང་མི་འགྱུར་ཆོས་ཉིད་ཀྱི་རྣམ་ཤེས།།
རྒྱབ་མདུན་གཏད་སོ་ཡི་བྲལ་བ་སེམས་ནང་གི་འཆར་གཞི།།
གཅིག་དུ་སྤུངས་པ་རུ་འབོད་པ་འགྲོ་བ་ཡི་ཚེ་སྲོག།
འདས་ཀྱང་སྲུང་བྱ་ཡི་སྟོང་བའི་འཇའ་གཟུག་ཀྱི་གནམ་འོག།
བྲིས་ཀྱང་འབྲི་སྨྱུག་གི་གཟད་པོའི་རྒྱུ་ཆ་ལས་གྲུབ་པའི།།
བརྩད་ཀྱང་ཚར་ཐབས་ཤིག་མེད་པ་ཞེ་སྡང་གི་འཐབ་ར།།
དེ་ཉིད་སྤྱི་གཙུག་དུ་བཀུར་མཁན་རྒྱལ་གཅེས་སུ་གྲུབ་འདུག།
གཟུགས་བསྡུས་འཛིན་མེད་ཀྱི་དགའ་སྡུག་འཕྲུལ་ཤེས་ཀྱི་རྟ་ལ།།
ཉེས་མེད་ལྕགས་ནག་གི་ཡང་ཡང་བརྒལ་བ་ལ་གཞུས་དུས།།
དྲིན་ལ་དྲིན་ཤེས་ཀྱི་ན་བུན་རྒྱང་རིང་གི་གླུ་སྐད།།
རྣ་བའི་བུ་རམ་དུ་ངར་ཞོར་སྐྱིད་སྣང་ལ་བསྲེས་འདུག།
རྒྱུས་མེད་དུར་ཐང་གི་ཕྱོགས་ནས་ཨག་སྐད་ཅིག་བརྒྱབ་ཀྱང་།།
ཉེ་ལ་སྙིང་སྡུག་གི་ཞལ་རས་འཛུམ་མདངས་དེ་མ་བཤིག།
དུངས་བ་བཀའ་དྲིན་གྱི་ཡབ་མེས་དམ་པ་ཡི་རྗེས་ཀྱང་།།
ཆལ་མོའི་གཡོ་ལས་ཀྱི་གཞུག་དུ་སྤྲུད་སྨན་གྱི་བཟི་འདུག།
ཨེས་སུ་རལ་རྒྱལ་ཁབ་ཀྱི་ལྷོ་ཕྱོགས་ཨེས་ལ་ཀྲི་ལ་ནས་༣༠།༨།༡༠མཚན་མོར། དབུགས་སྔ་གསོ་ཆེད་དུ་བྲིས་པ་ལས། གཞན་ལ་ངོམ་སོ་བྱེད་ཆེད་དུ་འབྲི་དོན་མེད་ལ། འབྲི་ཡང་འདོད་ཀྱི་མི་འདུག བྲིས་ཀྱང་ཕན་ཐོག་ཡོད་པ་ཞིག་ངས་ནམ་ཡང་འཁྱོང་ཁག་པོ་རེད། ཁག་ས་དེ་ནས་ངས་དུས་རྒྱུན་དུ་རོ་ལངས་ཤིག་བརྒྱབ་དེ་བསྡད་ཡོད།
སྤུན་ཟླ་ཁྱེད་ཅག་ཕེབས་པ་སྤྲོ་ནས་ཡོད། ཡང་ཡང་འདི་རུ་ཕེབས་ནས་ཅི་འདོད་འདོད་དང་གང་བསམ་བསམ། ཡང་ན། སྐྱོན་བརྗོད་གང་བྱེད་འདོད་པ་དེ་དག་བྱེད་རོགས་ཞུ།
ད་ཡིན་ན་གོ་རྒྱུ་ཅང་མི་འདུག
སྙན་ཚིག་དེའི་ནང་ཅི་ཞིག་སྦས་ཡོད་ན།
ཀློག་ཡིན། ཁྱེད་རང་ཐང་ཆད་ནས་ངལ་གསོ་བྱས་མིན་མི་ཤེས། སྐུ་ཉིད་གང་ལྟར་ཡིད་ཐང་ཞིག་ཆད་འདུག ཕལ་ཆེར་འཁོར་བ་འདི་ཡི་ལན་པ་མིན་ནམ།
ཡོང་ནས་ཕྱིར་ར་བུད་སོང་ང་།
དུས་བབ་ཀྱི་རིག་པ་འདོན་སའི་ནང་ལ་ཐོ་བཀོད་པ་ཡིན། བསམ་བློ་ཞིག་བཏང་དུས་རིག་པ་བཀོད་ནས་བསླུས་འཇོག་ས་ཅང་མི་འདུག དེ་ནས་ཁྱོད་ཀྱི་ཟིན་བྲིས་ནང་ལ་ཡོང་ནས་ཁྱོད་ལ་རིག་པ་ཞིག་བསྐོར་ན་འདོད་སོང་།
རྡ་སོ་སོང་ནས་ཟླ་གཉིས་བསྡད་ནོ། ཕར་ལ་སོང་ནས་ཕ་མ་ཐུག་ནོ། ཕྱིར་ལ་སོང་ནས་ཞི་མོ་བལྟས་ནོ། ལོ་གཅིག་གི་ལོ་སྐལ་ལོན་ནོ་སོགས་ཚང་མ་གོ་ཐལ་རིག་ཐལ།
བདེ་མོ་ཁ་བྲོ་བཀྲ་ཤིས། རྗེས་མ་ནས་ཁྱོད་ཀྱི་ཟིན་བྲིས་ནང་ལ་ཡོང་ན་ཚིག་འདི་འདྲའི་སྣང་འགྲོ་མི་འབྲི་ན་ཐང་།
སྟོང་ཉིད་གང་ཤེས། སེམས་པ་འདིས་ང་རང་ཐུབ་ཚོད་བྱེད་ཀྱི་འདུག ཨོ་མ་རེད། ཚོར་བ་འདིས་ང་ལ་ཐུབ་ཚོད་བྱེད་ཀྱི་འདུག
དྲ་གྲོགས་ལགས་སྟོང་བ་ཉིད་ཟེར་བའི་བཤད་རྒྱུན་དེ་ལ་ཉེ་བར་གྱུར་བ་མ་རེད་དམ། ཡང་ན། འཁོར་བར་སྙིང་བོ་མེད་ཚུལ་གྱི་བློས་སླངས་ཤིག་གནང་བཞིན་ཡོད། ཧཧཧ