སྐྱིད་ལ་སྡུག་པའི་མི་ཡུལ་ཁམས་ཤིག་ན།།
སྐྱིད་སྣང་འདྲ་བོ་ཡོད་པའི་དུས་ཤིགས་ལ།།
སྙིང་གི་སྤུན་དང་སྐད་ཆ་བཤད་དུས་སུ།།
སེམས་ཀྱི་དུངས་པ་ལྷོད་ཀྱི་གྲོལ་བ་དགའ།།
སྐུད་པའི་སྣེ་མོ་གཞན་དུ་ཁོ་རང་ཡོད།།
སྣེ་གཅིག་ང་ཡིས་འཇུས་དེ་ཨ་རོགས་ཞེས།།
ཁྱེད་བདེ་ང་བདེ་འགོ་ཡི་བཟུང་མ་ཐག།
ཕན་ཚུན་བདེ་མོ་ཡིན་པའི་ལན་ཞིག་འབྱོར།།
མགྱོགས་ཤིང་མྱུར་བ་དེང་རབས་གློག་གི་སྐུད།།
དལ་ཞིང་ལྷོད་པ་སེམས་ཀྱི་སྙིང་གཏམ་དག།
ཕར་ལ་བཤད་ཀྱང་ཚུར་ལ་ཉན་དུས་སུ།།
ལོ་མང་མ་ཐུག་སྐྱོ་བ་དེ་ནས་སངས།།
འཚོ་བ་ངན་ངོན་ཞིག་ལ་རོལ་དུས་དེར།།
ཁང་སྐོག་ནག་པོ་ཞིག་དུ་འཛོམ་ས་དེར།།
སྣ་འདུས་གྲོགས་ཀྱི་རེ་སྨོན་གླེང་དུས་དེར།།
དངོས་ནས་རྨི་ལམ་འདི་འདྲ་གང་ན་ཡོད།།
དེ་རིང་ཁོ་རང་ནུབ་ཕྱོགས་ཨ་རིར་ཡོད།།
ང་རང་དཀྱིལ་དབུས་ཕྱི་གླིང་གྲོང་དུ་ཡོད།།
བར་ཐག་ལེ་བར་སྟོང་ཕྲག་ཡོད་ན་ཡང་།།
ལས་ཀྱི་ངོ་བོ་གཅིག་པ་མི་གཡོག་རེད།།
ཡོང་བབས་དངུལ་གྱི་འཛང་ཐང་མི་གཅིག་གི།
སྐད་ཀྱི་གདངས་དེ་ཀློག་ཐེངས་མི་འདྲ་གི།
ཡིན་ཡང་ངེད་གཉིས་སྐད་ཀྱི་གདངས་དེ་ནི།།
གང་དུ་བསྡད་ཀྱང་བོད་སྐད་རྣལ་མའི་ཚིག།
རྗེས་སུ་ག་ལེར་དྲ་ཚིགས་གང་ས་ནས།།
བོད་ཀྱི་ཡི་གེ་བྲིས་དེ་འབྲེལ་བ་བྱེད།།
གནད་དོན་གལ་ཆེན་འཕྲད་དུས་ཁ་པར་རྒྱགས།།
རེ་ཞིག་འདི་ནས་བདེ་མོ་བཞག་པ་ཡིན།།
རྗེས་མ་སོ་སྒུག་ནས་འདུག་ཡ དུས་ཚོད་ཁོམ་དུས་ཁོམ་དུས་ཡོང་གི་བསྡོད། བསམ་ཚུལ་གང་ཡོད་གསུང་རྐྱང་བྱོས། ལམ་སྟོན་གནང་རྐྱང་བྱོས། བལྟས་ནས་འདུག་ཡ་་་
ཡ་ཡ། དེ་མིན་ཅང་མེད་གི རྗེས་མ་ཐུག་ཡོང་།
ཡ་ཡ དེས་ན་དེ་རིང་ནས་ཞལ་དེབ་ཡིན། དངོས་ནས་སྙིང་རྗེ་བོ་ཡོད་ས་རེད། བུད་མེད་མཛེས་མ་ཚོས་ལྷག་དུ་མིང་ཚིག་དེ་དགའ་བསུ་ཞུ་ཁོ་ཐག་རེད་འདུག གང་ལྟར། ཁྱེད་ནས་ཞལ་དེབ་མགྱོགས་པོ་ཞིག་སྒོ་་ཕྱེ་ཐུབ་བྱོས་ཤོག
ངས་ཞེ་ས་རེད་ཟེར་ནས་ཞལ་དེབ་ཟེར་གྱི་མེད། ཞལ་དེབ་ཟེར་ན་ཡག་ག གདོང་དེབ་ཟེར་ན་ཅིག་ལ་སྐྲག་སློང་བྱེད་འདྲ་མོ། ངོ་དེབ་ཟེར་ན་རུས་པ་མེད་པ་འདྲ་བོ་ཞིག་མཐོང་གི་འདུག དེ་ཙང་ངས་ཞལ་དེབ་ཟེར་གྱི་ཡོད།
ཡ་་ཡ ཁྱེད་རང་གིས་ཞལ་དེབ་ཟེར་ན་རང་གིས་འདོད་པ་བྱོས། དེང་སང་ཡོངས་གྲགས་དུ་གདོང་དེབ་དང་ངོ་དེབ་གང་རུང་དུ་འབོད་ཀྱི་འདུག ཁྱེད་རང་ལ་ཞེ་ས་དགོས་ཀྱི་ཡོད་པ་འདྲ། ཧཧཧཧ དེས་ན་སྒུག་ནས་འདུག
ང་ནང་ལ་ཡོང་ནས་གོ་རེ་གཉིས་ཟས་ཚར་དུས་ཁྱོད་ཀྱིས་རྩོམ་རིང་ཞིག་བྲིས་ཚར་འདུག ཁ་བརྡ་བྱས་ནོ་ང་རང་ཡང་དགའ་ནས་ཡོད། དེ་མིན་གནས་ཚུལ་ཚང་མ་ཁ་པར་ནང་ནས་བཤད་ཚར་སོང་བས་ད་འབྲི་རྒྱུ་ཅང་མེད་གི ཁྱེད་རང་ཚོས་ངོ་དེབ་དང་གདོང་དེབ་སོགས་ཟེར་མོད་ངས་དེ་ལ་ཞལ་དེབ་ཟེར་བར་འདོད། ངས་ཞལ་དེབ་བཟོ་རྒྱུར་བསམ་བློ་གཏོང་གི་ཡོད། གལ་སྲིད་བཟོས་ཚར་བའི་རྗེས་ལ་ཁྱེད་རང་ལ་བརྡ་བྱེད་ནོ་ཁོ་ཐག་ཡིན།