མི་རུ་སྐྱེ་བ་ནས་མི་སྐད་བཤད་ཤེས་པ་དང་། བོད་དུ་སྐྱེ་བ་ནས་བོད་སྐད་བཤད་པ་དེ་ནས་བཟུང་དེ། ང་རང་བོད་མི་རིགས་ཀྱི་འཆི་གསོན་དང་འབྲེལ་བའི་མི་ཞིག་ཆགས་པ་རེད། དེ་ནས་བཟུང་། ངའི་ཕ་མ་གཉིས་ཀྱིས་ང་རང་ལ་བོད་སྐད་བཤད། ངས་ཀྱང་བོད་སྐད་བཤད། དེ་ལ་ཁྲིམས་དང་གནས་ལུགས་སོགས་གང་ཡང་མི་དགོས་པར། བོད་ཀྱི་ནང་མི་ཞིག་གི་འགྲོ་སྟངས་རྒྱུན་ལྡན་ལྟ་བུ་ཞིག་ཆགས་པ་རེད།
ང་རང་འཚར་ལོངས་བྱུང་རྗེས་སུ། ངས་ཀྱང་རང་གི་ཕ་མ་དག་གི་ང་ལ་བོད་སྐད་བཤད་པ་ལྟར། ད་ནི་ངས་ཀྱང་རང་གི་བུ་མོ་ལ་བོད་སྐད་བཤད། འོན་ཀྱང་། ནམ་ཞིག་ངའི་བུ་མོས་ང་ལ་ཁྱེད་ཀྱི་བཤད་བཞིན་པ་དེ་མི་རིགས་སུ་ཞིག་སྐད་ཆ་རེད་ཅེས་འདྲི་སྲིད། དེ་དུས་ངས་གནས་ལུགས་བཤད་དགོས་སམ། ཡང་ན། ཁྲིམས་ཤིག་བཟོ་དགོས། གང་ལྟར། ངས་འདི་ལྟར་མུ་མཐུད་དུ་འདང་རྒྱགས་དགོས་བྱུང་།
ཚུར་ལ་ཅི་ཙམ་བསུས་པའི་སེམས་གཏིང་གི་དྲི་བ་འདི་དག་གིས། ནམ་ཞིག་ཕར་ལ་ལོག་འགྲོ་བའི་གོམ་གཤིས་ཤིག ངའི་བུ་མོའི་འཚར་ལོངས་ཀྱི་རྒྱུད་རིམ་ནང་དུ་བྱུང་ན། ད་གཟོད་ནག་ཉེས་དེ་དང་ནོར་འཁྲུལ་དེ་དག་ང་ཡིས་བཟོས་པ་ཡིན་ནམ། དེ་མིན་ན་ང་རང་གི་ཕ་མ་གཉིས་ཀྱིས་ཆུང་དུས་ནས་ང་རང་ལ་བོད་སྐད་བཤད་པ་དེས་ལན་པ་ཡིན་ནམ། ངས་མུ་མཐུད་དུ་བོད་སྐད་བཤད་པར་བདེན་ན་ཡང་། ངའི་བུ་མོའི་བོད་སྐད་བཤད་མ་ཤེས་པའི་ཉིན་མོ་དེར། ངའི་བུ་མོ་འདི་བོད་པ་ཡིན་ནམ། ཕལ་ཆེར། དེ་དུས་ངས་ཁོ་མོ་ང་རང་གི་བུ་མོ་ཡིན་པར་ཁས་ལེན་བྱས་ན་བོད་པ་གྱུར་འགྲོ་བར་ལོ་རྒྱུས་ཀྱི་ཁས་ལེན་སྲིད་དམ།
གཅིག་བྱས་ན་ང་རང་བོད་པ་ཡིན་དུས། བུ་མོ་ཡང་བོད་པ་ཡིན་སྲིད་པ་རེད། འོན་ཀྱང་། ཨ་མ་བོད་པ་མིན་དུས། བུ་མོ་ཡང་བོད་པ་མ་ཡིན་པར་གྱུར་འགྲོ་བར་ཡང་ཐེ་ཚོམ་མེད་པ་འདྲ། འདི་དག་ལ་གནས་ལུགས་ཇི་ལྟར་བཤད་ན་ད་གཟོད་བོད་མི་རིགས་ཀྱི་རྗེས་རབས་པ་དག་གི་ངོས་ཟིན་བྱེད། མི་རིགས་དང་དང་རྒྱལ་ཁབ་ལ་ཡང་ས་མཚམས་ཤིག་ཡོད་ངེས་པ་ཡིན། དེས་ན་ངའི་བུ་མོའི་རྒྱལ་ཁབ་ད་ལྟ་བོད་ཀྱི་རྒྱལ་ཁབ་ནི་མེད་ལ། ཁོ་མོ་སྐྱེ་ཡུལ་ནི་རྒྱལ་ཁབ་འདི་ཡིན་པས། སྐྱེ་མ་ཐག་ནས་བཟུང་དེ། རྒྱལ་ཁབ་འདིའི་མི་སེར་གྱི་ལག་ཁྱེར་ཐོ་འགོད་བྱས་ཟིན་པ་དང་རྒྱལ་ཁབ་འདིའི་མི་རུ་གྱུར་སོང་།
དེས་ན་མི་རིགས་གང་ཞིག་དུ་ངེས་འཛིན་བྱེད་དགོས་པ་ཡིན། སྐད་ཀྱི་སྟེང་ནས་ངོས་བཟུང་དགོས་པ་ཡིན་ནམ། དེ་ཡང་ད་ལྟ་བཤད་ཚོད་མི་ཐུག སྐྱེ་ནས་ལོ་གཅིག་ལ་ལྷག་རེད། རྗེས་་ཕྱོགས་བོད་སྐད་ཤེས་དུས་སུ། ངའི་བུ་མོ་བོད་ཀྱི་བུ་མོ་ཞིག་ལ་ངོས་འཛིན་བྱས་པ་ཡིན་ན། བོད་རིགས་སྤུན་ཟླ་དག་གིས་ངའི་བུ་མོ་བོད་ཀྱི་བུ་མོ་ཞིག་ལ་ངེས་འཛིན་བྱེད་སྲིད་དམ། བྱས་པ་དེ་ཙམ་གྱིས་བོད་མིར་གྱུར་འགྲོ་བ་ཨེ་ཡིན་ནམ། དེ་མིན་ན་རྒྱལ་་ཁུངས་ཀྱི་དངོས་ནས་ངོས་འཛིན་བྱེད་སྲིད་དམ། ཡང་ན། སྐྱེ་ཁུངས་ནས་ངོས་འཛིན་བྱེད་སྲིད་དམ།
མཐའ་དོན་དྲ་ཐོག་གི་སྤུན་ཟླ་ཚོ། ཁྱེད་རང་ཚོ་ང་དང་འདྲ་བ་ཁ་ཤས་རེ་ཡོད་ན། ཁྱེད་རང་གིས་རང་རང་གི་ཕྲུ་གུ་དེ་མི་རིགས་གང་ཞིག་དང་། རྒྱལ་ཁུངས་གང་ཞིག སྐྱེ་ཁུངས་གང་ལ་ངེས་འཛིན་བྱེད་སྲིད་དམ།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
ཁ་བ་ནག་པོའི་རང་གི་ལྟ་ཚུལ་དང་མཉམ་མྱོང་གླེང་བ་དེར་སྤྲོ་ནས་ཡོད།
གཅན་བཟོད་རྒྱམ་ལགས། ངས་ཀྱང་རང་གིས་གང་ནུས་ཤིག་ཤུ་རེ་བྱེད་ནི་རེད། དེ་ནས་ཉིད་ནས་ཞོགས་དུང་གི་སྐོར་འདི་རུ་ངོ་སྤྲོད་བྱས་པ་བཀའ་དྲིན་ཆེ།
སྤུན་མཆེད་ལགས། ཉིད་ནས་གསུངས་པ་དེ་སེམས་སུ་བཟུང་ནས་ཡོད། ཁོམ་དུས་སུ་ངའི་ཁང་ཆུང་འདིར་ཡང་ཡང་ཡོང་གི་བསྡོད། སྒོ་ཕྱེ་ནས་བཞག་ཡོད་ལ། འཚམ་འདྲི་རྟག་དུ་ཡོད་་
བོན་རྒྱ་རིན་པོ་ཆེ་ཚང་། སྐུ་ཉིད་ཀྱང་ཁོམ་པ་ཞིག་དང་བསྟུན་ནས་ངེད་ཚང་དུ་ཡོང་ནས་བསམ་ཚུལ་གསུངས་པ་དེ་དགའ་ནས་ཡོད། རྗེས་ཕྱོགས་ཀྱང་བསམ་ཚུལ་མི་མཐུན་ས་རེ་ཡོད་ན་བགྲོ་གླེང་བྱེད་དུ་ཕེབས་ཤོག་དང་། ངས་ཀྱང་དུས་ཚོད་ཅི་ཡོད་ཅིག་གཏོང་ཐབས་བྱེད་ཡ་
བོད་པ་ཡིན་སྟངས་བཤད་མི་ཤེས་ར། བོད་པར་ལྡོག་ཏུ་མེད་པའི་དགའ་བ་དང་སྡང་བ་གཉིས་པོ་གང་སྐྱེ་བ་ལའང་ཚད་མཐོ་ས་ནས་བཤད་ན། བོད་ཀྱི་གོམས་གཤིས་རིག་གནས་བྱེ་བྲག་མང་པོ་ཞིག་ལ་རྒྱུས་མངའ་དགོས་པ་ཏན་ཏན་རེད། བོད་སྐད་ཆུ་བཞུར་བཞུར་དང་བོད་ཡིག་རྟ་རྒྱུག་རྒྱུག་ཀློག་མཁན། ད་དུང་སྙན་ངག་ཟེར་བའང་གྲངས་ཀ་བརྒྱ་ཕྲག་བརྒལ་བ་ལོངས་མཁན་མང་པོ་ཞིག་ད་དུང་བོད་པར་དགའ་སྟངས་དེ་ནི་ཤེས་ཡོན་པའི་གནག་རྫི་མ་ཚོ་དང་དགའ་སྟངས་སམ་དགའ་བའི་རྒྱུ་མཚན་གཅིག་པ་རེད། འདི་དངོས་གནས་ནོར་འཁྲུལ་རེད་ལ་ཉེན་ཁའང་རེད།
བོད་ཀྱི་ལོ་རྒྱུས་རིག་གནས་སྤྱི་བྱེ་བྲག་དང་བཅས་པ་དོན་དངོས་པོའི་སྟེང་ནས་གོ་བ་ཆེན་པོ་ཞིག་ཆགས་ན་ད་གཟོད་དགའ་ནའང་ལྡོག་ཏུ་མེད་པ་དང་སྡང་ནའང་ཕྱིར་འོང་མེད་པ་ཞིག་སྡང་གི་འདི་ད་ཚད་མཐོ་ཤོས་རེད།
བོད་ཀྱི་རྩོམ་པ་པོ་གྲགས་ཅན་སྐུ་ཞབས་ཞོགས་དུང་ལགས་བཙོན་གྲོལ་བྱས་ནས་རང་ཁྱིམ་དུ་ཕེབས་འདུག་པའི་གནས་ཚུལ་འདུག གནས་ཚུལ་འདི་ན་ཡོད།
http://www.rangwang.net/?essayId=923
གནས་ཚུལ་གང་སར་བརྒྱུད་འགོད་བྱེད་རོགས།
སྤུན་མཆེད་ལགས། ཁྱེད་རང་གི་སེམས་གཏམ་ཆ་ཚང་བཀླགས་པ་ཡིན། ངས་ཡང་ཁོག་ལ་གང་ཤར་གྱི་སེམས་གཏམ་ཐེབས་ཆགས་ཤིག་བྲིས་ཡོད། འུ་གཉིས་ཀྱིས་གཅིག་གཅིག་བྲིས་པའི་རྗེས་ནས་གཉིས་གཉིས་མི་འབྲི་རྒྱུ་བྱེད། འདི་བསམ་ཚུལ་ཙམ་ཡིན།
ཞི་མོ་ཐར་མ་འཚོ་ལ་བོད་སྐད་བོད་ཡིག་ཆུ་རྒྱུགས་རྒྱུགས་བཟོས་ཞོགས་ར་བོད་མི་ ཡིན་མིན་ལ་སེམས་འཁྲེལ་མེད།
གཞན་ང་ལ་མཚོན་ན་བོད་མི་ཡིན་མིན་དེ་འོག་གི་དེའི་ཆེ་ཆུང་དང་ཁ་དོག དེ་ནས་འཁེར་གི་བཅུག་སྟེ་ཤུགས་ཆེ་ཆུང་ལ་བལྟས་ན་བོད་མི་ཡིན་མིན་ཤེས་ཁོ་ཐག་རེད་སྙམ་བསྡད་ཡོད། འདི་ངས་བོད་མི་ཡིན་མིན་གྱི་བརྟག་ཐབས་མཆོག་ཏུ་གྱུར་བ་ཞིག་ཡིན། ཡིད་མི་ཆེས་ན་ཁྱོད་ཀྱིས་བོད་མིན་རྒྱ་མིན་འདྲ་ཞིག་ཁྲིད་ཤོག་དང་ངས་བརྟག་དགོ་ཡ།
ང་ལ་བུ་དང་བུ་མོ་གང་ཡང་མེད། ཡིན་ན་ཡང་ང་ལ་ངའི་བུ་མོ་འམ་ཚ་མོ་ལྟ་བུའི་སློབ་ཕྲུག་ཅིག་ཡོད། མོའི་ཕ་ལགས་བོད་པ་དང་ཨ་མ་ལགས་ཨ་རི་བ་རེད། ཨ་རི་བ་སྤྱིར་གཏང་བཞིན་མོའི་ཨ་མའི་ཕྱོགས་ཀྱི་ཉེ་འབྲེལ་དག་མི་ཚེ་གཅིག་གི་རིང་ཐུག་འཕྲད་ལན་རེ་ཡང་བྱེད་དཀའ་བར་གྱུར་འདུག་མོད། མོའི་ཨ་ཕའི་ཕྱོགས་ཀྱི་སྤུན་མཆེད་འགའ་ས་གནས་གཅིག་ཏུ་ཡོད་པས་ནམ་རྒྱུན་འགྲོ་འོང་མང་པོ་ཞིག་བྱེད་བཞིན་འདུག གང་ལྟར་བུ་མོ་འདི་ལ་ཕར་བལྟས་ཚོད་ཀྱིས་བོད་པ་ཞིག་ཡིན་པའམ་ཡང་ན་བོད་པ་ཕྱེད་ཀ་ཞིག་ཡིན་པའི་འདུ་ཤེས་དེ་འདུག ནང་མིའི་ཁྲོད་དུ་ཡང་མོའི་ཚ་བོ་ཚ་མོ་དག་ལ་བརྩེ་བ་ཆེན་པོ་ཞིག་འདུག་ཅིང་། དེ་དག་དང་མཉམ་དུ་རྩེད་མོ་རྩེ་བ་དང་སྐད་ཆ་བཤད་པ་སོགས་ཀྱི་སྐབས་སུ་སྐྱིད་པོ་དཔེ་མེད་ཅིག་ཡོང་གིན་འདུག ངས་མོ་རང་ལོ་ལྔ་ཡིན་དུས་ཏེ་ལོ་བདུན་གྱི་སྔོན་ནས་གཟའ་འཁོར་རེར་ཉི་མ་གཅིག་རེར་བོད་ཡིག་བསླབས་པ་ཡིན་ཞིང་། ད་ལྟ་ས་གནས་འདིའི་བོད་པའི་ཕྲུ་གུ་ཚོའི་ཁྲོད་དུ་བོད་ཡིག་འབྲི་ཀློག་གཉིས་ཀར་ཨང་དང་པོ་རེད། དེ་བཞིན་ཧི་མ་ལ་ཡའི་བོད་ཡིག་གཏགས་ནས་ལས་བྱ་འབྲི་མཁན་ཡང་མོ་རང་གཅིག་པོ་རེད། ངས་བལྟས་ན་བུ་མོ་འདིའི་སེམས་ཁོང་དུ་རང་ཉིད་ཀྱི་ཁྲག་རྩའི་ནང་དུ་བོད་པའི་ཁྲག་ཅིག་རྒྱུ་བཞིན་ཡོད་པ་དང་། ཁྲག་དེའི་རྒྱབ་ལོགས་སུ་བོད་པ་ཞེས་པའི་མིང་ཚིག་ཅིག་ཀྱང་མི་མངོན་པའི་ཚུལ་དུ་ཡོད་པའི་ཡིད་ཆེས་འདུག འདི་ལྟ་བུའི་མ་ཕ་གང་རུང་རེ་བོད་པ་ཡིན་པའི་ཕྲུ་གུ་དག་ལ་ཁྱེད་རང་བོད་པ་རེད་ཅེས་དྲན་སྐུལ་བྱེད་དགོས་ཤིང་། དེའི་སྟེང་དུ་བོད་པའི་ཆོས་སམ་ཡང་ན་དེ་མིན་པའི་སྐད་ཡིག་སོགས་རིག་གཞུང་རེ་བསླབས་ན་བོད་པ་ཡིན་པའི་ཚོར་སྣང་དེ་ཆེ་རུ་འགྲོ་བཞིན་འདུག་པ་ནི་ངའི་ཉམས་མྱོང་ཕྲན་བུ་ཞིག་ཡིན།