ཚེ་རིང་དོན་འགྲུབ་དངོས་ནས་སེམས་གཏིང་ནས་ང་ལ་གཅེས་མཁན་ཞིག་ཡིན་ལ། ངེད་གཉིས་འགྲོག་པའི་དུས་ཚོད་དེ་དག་ནི་དངོས་ནས་་བརྗོད་དུ་དགའ་བ་དང་བཤད་མི་ཤེས་པའི་མཛེས་སྡུག་གི་སྣང་བརྙན་ཁོ་ན་ཡིན་ཟེར་ཆོག་པ་ཡིན།
མིའི་ལས་དབང་ཟེར་བ་ནི་བཤད་མི་ཤེས་པ་ཞིག་དང་། ལྷག་པར་དུ་ང་བདེ་སྐྱིད་འཚོའི་ལས་དབང་གི་གཏམ་རྒྱུད་ནི་དངོས་ནས་མཚམས་རེར་ང་ལ་དཀོན་མཆོག་གིས་ཀྱང་ཀུ་རེ་རྩེད་བཞིན་འདུག་སྙམ་པའི་ཚོར་བ་ཡང་བྱུང་མྱོང་ཡོད། དགེ་རྒན་འབྲུག་འབུམ་རྒྱལ་ལགས་ཀྱིས་ང་ལ་མུ་མཐུད་དུ་རྒྱ་བོད་གཉིས་ཀྱི་ཡིག་རིགས་བྱང་དུ་ཆུབ་པ་ཞིག་ཆགས་རྒྱུར་་སེམས་ཤུགས་དང་སྤོབས་པ་བསྐྲུན་པ་རེད།
ཁོང་ལ་དུས་རྒྱུན་དུ་དུས་ཚོད་མང་བོ་མེད་ཀྱང་། ངའི་སློབ་སྤྱོང་གི་ཆེད་དུ་ཁོ་བོས་དུས་ཚོད་ཆེས་མང་བོ་ཞིག་བཏང་བ་རེད་ལ། དེ་དུས་ཁོང་གིས་ང་ལ་བུད་མེད་དང་བུའི་ཐོབ་ཐང་འདྲ་མཉམ་ཡིན་པ་དང་། སུས་འཇོན་པ་ཡིན་ན། སློབ་སྤྱོང་བྱེད་པ་ལ་ཕོ་མོའི་དབྱེ་བ་མེད་པའི་སྐོར་སོགས་ཆེས་སྙན་ལ། ནང་དོན་ལྡན་པ་ཤ་སྟག་གསུངས་པ་དེ་དག་གིས་ང་ལམ་དུ་བཞག་པ་རེད། ང་རང་རྫོང་མཁར་དེར་སླེབས་ནས་ཡུན་རིང་སོང་རྗེས་ཀྱི་དགེ་རྒན་ཡང་འབྲུག་འབུམ་རྒྱལ་ཆགས་པ་རེད་ལ། སྙིང་ཉེ་ཞིང་སེམས་ལ་སྟོབས་ཤུགས་རྒྱས་སུ་འཇུག་མཁན་དེ་ཡང་དགེ་རྒན་འབྲུག་འབུམ་རྒྱལ་ཆགས་པ་རེད།
ངེད་ཀྱི་གྲོད་ཁོག་ཆེ་རུ་འགྲོ་བཞིན་ཡོད་ལ། ཚེ་རིང་དོན་འགྲུབ་ཀྱིས་ང་ལ་བྱམས་སྐྱོང་སྔར་ལས་ཀྱང་མང་དུ་སོང་བ་མ་ཟད། སྔ་དགོང་གཉིས་ལ་ཁོ་རང་ཆང་ཁང་ནང་དུ་འགྲོ་རྒྱུར་དེ་ཡང་ཅུང་ཙམ་རིང་དུ་བཏང་ནས། མི་གཞན་ཞིག་ཆང་ཁང་གི་འགན་འཛིན་དུ་བསྐོས་པ་རེད། ངེད་ཀྱི་སྐད་ཆ་གང་ཞིག་བཤད་ན་ཡང་མང་ཤོས་ཤིག་དགེ་རྒན་འབྲུག་འབུམ་རྒྱལ་གྱི་སྐོར་རྐྱང་རྐྱང་བཤད་པ་དེས་ཚེ་རིང་དོན་འགྲུབ་ཁོ་རང་ཅུང་སུན་སྣང་ཡོད་པའི་རྣམ་པ་ཞིག་ངས་བྱིས་པ་མ་སྐྱེས་གོང་གི་བདུན་ཕྲག་གཅིག་དེ་ཡི་ནང་དུ་ཤེས་སོང་།
ངའི་གྲོད་ཁོག་ཆེན་པོ་ཆགས་ནས་སྐྱེ་རན་ལ་སླེབས་ཀྱི་ཡོད་པ་ཡིན་དུས། དགེ་རྒན་འབྲུག་འབུམ་རྒྱལ་ལ་ཁོ་རང་གིས་ད་ནི་བྱིས་པ་སྐྱེ་ནས་རྗེས་སུ་མ་གཏོགས་མ་ཡོང་ན་འགྲིག་ཚུལ་བཤད་ཡོད་ཅེས་ང་ལ་བཤད་སོང་། ངས་རང་དབང་མེད་པར། ད་དུང་བྱིས་པ་སྐྱེས་རྒྱུར་ཉིན་གྲངས་ཁ་ཤས་ཤིག་མ་མཐའ་ཡོད་ངེས་རེད། དེ་ཡི་བར་དུ་ངའི་སློབ་དེབ་འདི་མཇུག་རྫོགས་ས་རེད། ཤོག་ལྷེབ་གཅིག་མ་གཏོགས་མེད་ཀི
ངས་སྐབས་དེར་དངོས་ནས་ནས་དྲང་གནས་ཀྱི་རང་གི་སློབ་དེབ་དེ་ཡི་མཇུག་བྱིས་མ་སྐྱེས་སྔོན་ལ་རྫོགས་ན་བསམ་པ་ལས་གནས་ཚུལ་གཞན་གང་ཡང་མེད། འོན་ཀྱང་་་།
མུ་འགོད།
བཀླགས་ཟིན། ད་སྒྲུང་ལ་ཉན་བཞིན་ཡོད།
ཁྱེད་རྣམ་པ་གཉིས་ཕེབས་པ་མགྱོགས་ཀི བདེ་སྐྱིད་འཚོས་བཤད་པའི་སྐད་ཆ་དག་ལ་ཞིབ་མོ་ཉན་དུ་ཕེབས་པ་དགའ་ནས་ཡོད།
དྲ་གྲོགས་ལགས་སྙན་སྒྲུང་འདི་ནི་སེམས་ཀྱི་གཞི་རྩ་ལྟ་བུ་ཞིག་ཡིན་པས་སྐྱོ་སེམས་ཞིག་གི་གློ་བུར་དུ་ཁེངས་སོང་། གཞན་དག་རྗེས་ནས་ཀློག་ཐུབ་པར་བྱེད་ཀྱི་ཡིན།
རྒད་པོའི་ཕྲག་དོག་དེས་ཤོག་ལྷེ་གཅིག་གིས་སྟེང་ནས་བ་མ་བཟོད་ཐལ། ཤུ་རེ་གོ།