ངས་འཆི་བ་གླེང་། གྲོགས་ལ་འཆི་བརྡ་འབྱོར།

རྒྱུ་དང་རྐྱེན་ནམ་ཞིབ་དུ་ཀློག་པའི་རྗེས།།
གློ་བུར་ཚོར་བ་ཞིག་གི་ང་འཁྲིད་དེ།།
ནམ་ཡང་རྒྱུས་མངའ་མེད་པའི་ཡུལ་ཞིག་ལ།།
བྱིན་ནས་རེ་ཞིག་ཕྱིར་ལོག་བྱེད་མ་ཐུབ།།

ཕྱིར་དུ་ལོག་པའི་ལམ་ཕྲན་སྐྱ་བོ་ནས།།
རང་གིས་གདོང་ལ་ཞིབ་དུ་བལྟས་པ་དང་།།
སེམས་པ་སྐྱོ་བའི་རྒྱུ་རྐྱེན་བཙལ་དུས་སུ།།
ང་ནི་གྲོགས་ཀྱི་མི་ཚེ་དུངས་པའི་རེད།།

འོ་ན་རང་ཉིད་རང་ལ་མི་དུངས་སམ།།
དེ་ལྟར་དྲིས་པའི་དྲི་བའི་སྔ་གཞུག་དུ།།
ང་རང་ཁ་རོག་གཅིག་བུར་མུན་ནག་ཁྲོད།།
རླུང་གསེང་བྱེད་ཞོར་ཐ་མག་རྔུབ་བཞིན་བྱིན།།

ང་རང་འཆི་བར་དགའ་བ་དངོས་ཡིན་ལ།།
དགའ་བའི་རྒྱུ་རྐྱེན་རང་སེམས་གསལ་བོ་རེད།།
ང་ཡི་གྲོགས་ཉིད་འཆི་བར་མི་དུངས་ལ།།
དེ་ཉིད་བསམ་ན་ལྷག་དུ་སྐྱོ་བ་འདུག།

སྤྱིར་ན་མི་རྣམས་སྐྱེ་འཆི་རང་དབང་མེད།།
དགོས་སུ་དེ་ཉིད་སུས་ཀྱང་ཚོད་མི་ཐིག།
འོན་ཀྱང་རྐྱེན་ངན་ནད་དང་འཕྲད་གྱུར་ནས།།
མི་ཚེ་མཇུག་འདི་རྫོགས་མཁན་ཉུང་ཉུང་རེད།།

བསམ་བློ་འདི་ལྟར་བཏང་ནས་ཡང་དང་བསྐྱར།།
གྲོགས་ཉིད་མིག་གི་མདུན་དུ་ཤར་ནས་འོང་།།
ཤར་བའི་ཚུལ་ནི་འདས་པའི་མཉམ་འཛོམ་རེད།།
མི་རིང་དེ་དག་ལག་ནས་ཤོར་ས་རེད།།