ཞོགས་པ་ནམ་རྒྱུན་ལྟར་ཡར་ལ་ལངས་སྟེ་ང་ཚོ་མདུན་ཕྱོགས་ཀྱི་གཞུང་ལམ་སྟེང་དུ་གྲལ་བསྒྲིགས་ནས་མུ་མཐུད་དུ་གོམ་བགྲོད་བྱས། ཞོགས་པ་ཆུ་ཚོད་བདུན་པ་ཡོལ་དུས་ང་ཚོ་ལྡི་ལི་ཡི་ས་གནས་སུ་འབྱོར་མ་ཐག་གཉེན་རྟོག་པ་ཞིག་གིས་ང་ཚོར་སྡོད་དགོས་པའི་ལག་བརྡ་བཏང་། ང་རང་མགོ་བྱས་ནས་ཡོད་དུས་ཚང་མར་སྡོད་དུ་བཅུག དེ་དུས་ངས་གཉེན་རྟོག་པ་དེར་སྐད་ཆ་དྲིས།
ཁོས་བཤད་ན་གཉེན་རྟོག་པའི་མགོ་དཔོན་ཡོད་སར་འགྲོ་དགོས་ཟེར།སྐར་མ་ཁ་ཤས་ཀྱི་རྗེས་སུ་གཉེན་རྟོག་རླང་འཁོར་ཆུང་ཆུང་ཞིག་སླེབས་ནས་ང་ཚོ་དེས་ནང་དུ་འབུད་རྒྱུར་བསྐུལ། གཉེན་རྟོག་ལས་ཁུངས་རུ་འབྱོར་ནས་ཆུ་ཚོད་གཅིག་ཙམ་གྱི་རྗེས་སུ་གཉེན་རྟོག་པའི་མགོ་དཔོན་འབྱོར་ནས་ང་ཚོ་ཁོ་རང་གི་ལས་ཤག་དུ་སྐད་བཏང་ནས་རྒྱུ་མཚན་སོགས་སྐད་ཆ་མི་ཉུང་བ་ཞིག་དྲིས་སོང་། དེའི་རྗེས་སུ་ང་ཚོ་ལ་ཇ་སྤྲད་པ་དང་ཉིན་གུང་གི་ཟ་མ་ཡང་སྤྲད་། ཉིན་གུང་གི་ཟ་མ་ཟ་བཞིན་པའི་སྐབས་སུ་ལྡི་ལི་མདོ་སྨད་ས་རྒྱུན་ཚོགས་གཙོ་དང་ཚོགས་གཞོན་གཉིས་ཀྱིས་སླར་ཡང་ང་ཚོ་ལ་ཐུགས་འཕྲད་བྱེད་དུ་ཡོང་བ་མ་ཟད་ཉིན་གུང་གི་ཟ་མ་ཡང་འཁུར་འདུག ཁོ་གཉིས་ཀྱི་ང་ཚོ་གློད་གྲོལ་ཡོང་བའི་ཐད་དུ་གང་བྱེད་དགོས་མིན་སྐོར་ལ་སེམས་ཁྲལ་དང་ཐུགས་ཁུར་ཚད་མེད་གནང་སོང་། ངས་ཁོ་གཉིས་ལ་ཕྱི་དྲོ་པར་དུ་ལྟོས་ཆོག་པ་དང་དོན་དག་འདྲ་བྱུང་ན་ཁ་པར་གཏོང་ཆོག་ཞེས་ཁོ་གཉིས་ཕྱིར་འགྲོ་རུ་བཅུག་པ་ཡིན།
ཕྱི་དྲོ་ཆུ་ཚོད་བདུན་པ་ཟིན་གྲབས་ཡོད་དུས་སུ་གཉེན་རྟོགས་པའི་མགོ་དཔོན་གྱིས་ང་ཚོ་ལ་ཁས་ཅག་མི་སྣ་ཞིག་ཡོད་ན་དོ་ནུབ་གང་དུ་འགྲོ་འདོད་ན་དེ་རུ་གཏོང་ཆོག་ཞེས་བཤད་སོང་། དེ་དུས་ངས་ལྡི་ལི་མདོ་སྨད་ས་རྒྱུན་ལ་ཁ་པར་བཏང་པ་ན་ཁོ་གཉིས་ཀྱིས་ཡིན་དང་ཡིན་ཞེས་གསུངས་ཏེ་ཆུ་ཚོད་ཕྱེད་ཙམ་གྱི་རྗེས་སུ་ཚོགས་གཙོ་དང་ཚོགས་གཞོན་གཉིས་ཀྱིས་རོགས་པ་གཉིས་ཁྲིད་དེ་ང་ཚོ་ཡོད་སར་འབྱོར།
དེ་དུས་ང་ཚོ་གཉེན་རྟོགས་པའི་མགོ་དཔོན་གྱིས་མངགས་པ་ལྟར་གཉེན་རྟོག་པ་དཀྱིས་མ་གསུམ་བཞི་ཞིག་གིས་འཁྲིད་དེ་ཧིན་རྡའི་ལྷ་ཁང་ཞིག་གི་འགྲམ་དུ་དགོང་མོའི་ཟ་མ་ཟ་བཞིན་ཡོད་།
སང་ཞོགས་ང་ཚོ་མུ་མཐུད་དུ་གོམ་བགྲོད་བྱེད་ཐུབ་པར་རེ་བ་ཡོད།
གླིང་ཚ་ནས༢༨།༣།༡༢དགོང་མོ་བྲིས།
གླིང་ཚ་མ་བུ་གསུམ་གྱི་ཐམས་ཅད་བློས་གཏོང་གི་རླབས་ཆེན་གྱི་བྱ་བ་འདི་ལམ་ལྷོང་ཡོང་བར་སྨོན་་ འདིས་བོད་མི་རིགས་འདི་གཉིད་ལས་སད་ཐུབ་པའི་རེ་བ་ཡོད་་་་ཁོང་རྣམ་པར་དཀོན་མཆོག་གི་མགོན་སྐྱབས་གནང་རོགས་
ཚ་རླབས་མེ་རུ་འབར་བའི་འཕགས་པའི་ཞིང་ནས།།གྲང་འཁྱག་ཁ་བས་གཡོག་པའི་གངས་ཅན་ཞིང་བར།།ལྟོག་སྐོམ་ཚ་གྲང་དཀའ་ཚེགས་ཅི་ཙམ་མྱང་ཡང་།།ཕ་རོལ་དགྲ་སྡེའི་གདུག་རྩུབ་ཅི་ཙམ་རྒོད་ཀྱང་།།གང་ལ་ཅི་མི་སྙམ་པའི་འཇིགས་མེད་སྙིང་སྟོབས།།སུས་ཀྱང་འགྲན་ནུས་བྲལ་བའི་ཟླ་མེད་དཔའ་བོ།།གླིང་ཚ་ཁྱོད་ནི་གླིང་རྗེ་གེ་སར་རང་རེད།།
གླིང་ཚ་མ་བུ་གསུམ་གྱི་ཐམས་ཅད་བློས་གཏོང་གི་རླབས་ཆེན་གྱི་བྱ་བ་འདི་ལམ་ལྷོང་ཡོང་བར་སྨོན་་ འདིས་བོད་མི་རིགས་འདི་གཉིད་ལས་སད་ཐུབ་པའི་རེ་བ་ཡོད་་་་ཁོང་རྣམ་པར་དཀོན་མཆོག་གི་མགོན་སྐྱབས་གནང་རོགས་
གླིང་ཚ་མ་བུ་གསུམ་གྱི་ཐམས་ཅད་བློས་གཏོང་གི་རླབས་ཆེན་གྱི་བྱ་བ་འདི་ལམ་ལྷོང་ཡོང་བར་སྨོན་་ འདིས་བོད་མི་རིགས་འདི་གཉིད་ལས་སད་ཐུབ་པའི་རེ་བ་ཡོད་་་་ཁོང་རྣམ་པར་དཀོན་མཆོག་གི་མགོན་སྐྱབས་གནང་རོགས་
ནམ་ཡང་ཉན་བཞིན་ཡོད་ལ་རྟག་ཏུ་གླེང་གིན་ཡོད། ད་རུང་གཡས་གཡོན་གང་རུང་ན་སེམས་འདུན་དང་ལྷན་དུ་ཁྱོད་ཀྱི་ཕྱོགས་ན་བསྒྲེངས་ཡོད།
མི་རིགས་འདིའི་ཆེད། ཤ་ཁྲག་རུས་གསུམ་རྡ་སྟེང་ནས་བོད་ལ་ཆས་བའི་ཉིན་མོ་དེ་ནས་བཟུང་། ང་རྟག་པར་ཤ་ཁྲག་རུས་གསུམ་ཚང་གི་མགྲོན་པོ་ཡིན། གྲོགས་པོ་ལམ་ཁ་ནས་གཟབ་གཟབ་བྱོས། སོ་སོས་འབྱུང་གཞི་དང་འཚམ་པའི་གོམས་བགྲོད་ཀྱི་ལས་འགུལ་ལ་འབད་རོགས། ལུས་པོ་ཁྲི་ཁྲག་གི་སྐྱེལ་མ་མེད་ཀྱང་སེམས་པ་ཁྲི་ཁྲག་གི་སྐྱེལ་མ་རྟག་པར་ཡོད་ཁོ་ཐག་ཡིན། འདི་ནི་ངའི་སེམས་གཏིང་ནས་བསྲིངས་བའི་ཁ་ཏ་དང་སློབ་གསོ་ཡིན་པས་རིན་ཐང་ཅུང་ཙམ་འདུག་ན་སེམས་ལ་ཉོལ། དེ་མིན་ན་ཁ་ལུད་དང་མཉམ་དུ་གཡུག་དང་འཁང་ར་མེད། མཐར་ཁྱེད་མ་བུ་གསུམ་གྱི་རྡོག་སྣེ་རྡོ་ལ་མི་བརྡར་བའི་སྨོན་ལམ་ཡོད།
ཁྱེད་གསུམ་གྱི་གནས་ཚུལ་ཐོས་འདོད། རྒྱུན་དུ་སེམས་གཏིང་ནས་དྲན་ཡོད།
ཁྱོད་ཀྱི་གནས་ཚུལ་ལ་ཉན་རྒྱུ་ལས་ཅི་ཡང་བྱེད་ཐུབ་ཀྱི་མི་འདུག ཁྱེད་མ་གསུམ་ལ་འཚམས་འདྲི་དང་ལས་དོན་ལམ་ལྷོང་བའི་སྨོན་འདུན་ཞུ།
མིག་ཟུང་བཙུམ་ནས་བསྡད་ན་རིག་ནས་འདུག་ནོ།།
རྨི་ལམ་ཞིང་ནས་གཏན་དུ་འཕྲད་ནས་ཡོད་ནོ།།
བདག་གི་ཨ་མ་གཅེནགཅུང་བདེ་ཡོད་གོ་དུས།།
བདེ་སྐྱིད་ཚོར་བ་ཞིག་གིས་བརླན་ནས་སླེབས་སོང་།།
རྒྱུན་ཏུ་གྲིབ་གཟུགས་ལ་བལྟ་བཞིན་ཡོད། མང་པོ་བཤད་ན་ཁ་ཡག་ངོ་བསྟོད་ལྟ་བུ་ལས་ཁྱེད་རང་མཉམ་དུ་གོམ་བགྲོད་ལ་འགྲོ་ཐུབ་མ་སོང་བས་ངོ་ནོངས་ནས་བསྡད་ཡོད།
ཁྱེད་ཚོའི་སྙིང་སྟོབས་དང་ངར་ཤུགས་ཀྱིས་གངས་ཅན་པའི་ལོ་རྒྱུས་གཉིད་ལས་དཀྲོགས་སོང་མགོ་བོ་དགྱེས་སོང་།ཁྱེད་མ་བུ་གསུམ་དང་མིག་དམར་ལགས།དམ་པ་འཇམ་དཔལ་ཡེ་ཤེས་སོགས་ནི་མི་བུ་གདོང་དྲུག་ཚང་གི་བརྟན་ཞིང་བརླིང་བའི་ལོ་རྒྱུས་གསོན་པོ་འདིའི་སྲོག་ཤིང་ངོ་མ་དེ་ཡིན་ལགས།བོད་རྒྱལ་ལོ། དྲ་གྲོགས་རང་རྟོན་ནས་གུས་ཕུལ།
གནས་ཚུལ་དུས་ལྟར་གོ་བས་ཧ་ཅང་དགའ་ཡོད། ཨ་མ་དང་ཚ་མོ་ལ་ངས་འཚམས་འདྲི་ཞུ་གི་ལོབས། གོ་སྐབས་བྱུང་ན་ཡང་བསྐྱར་ཁྱེད་ཚོ་ལ་ལྟ་རུ་ཡོང་གི་ཡིན།
གླིང་ཚ་མ་བུ་གསུམ་གྱི་འགྲུལ་བཞུད་ལ་བར་ཆད་མེད་པར་མཛོད། ཕྲན་ལ་འདི་ཡིན་འདི་མིན་གྱི་ཚིག་གཅིག་ཀྱང་ཞུ་སྤོབས་མེད། འོན་ཀྱང་ཉིན་རྒྱུན་སེམས་ཁུར་ཞིག་གིས་ཁྱེད་མ་བུ་གསུམ་ཐེངས་རེར་དྲན་ཀི་འདུག
སྤུན་ཟླ་དགའ་བོ། ཁྱེད་ཀྱིས་ཁྱེད་ཚོའི་གནས་ཚུལ་འདི་ལྟར་ང་ཚོ་ལ་གསུངས་པ་ནི།སྐྱེས་ཆེན་པོ་ཞིག་བྱིན་པ་ཡིན་པས། ངོ་མ་ཁ་དྲོ།།
དེ་རིང་སང་ཉིན་ཉིན་རེར་གནས་ཚུལ་གཏོང་ཐུབ་པ་དང་ཀློག་ཐུབ་པས་དགའ་བོ་བྱུང་ཡོད། སྐུ་པར་རྣམས་ལ་མཇལ་ཡོང་སྐབས་ཉི་མ་ཚ་བོ་དང་དུག་སྦྲང་གིས་དཀའ་ངལ་ལྷག་ཏུ་སྤྲོད་བཞིན་པ་གསལ་བོ་མཐོང་ཐུབ་ཀྱང་། ཁ་ཡག་ཅིག་བཤད་རྒྱུ་ལས་བསམ་བློ་རེ་གཏོང་རྒྱུ་གཙོ་བོ་བྱེད་ཀི་ཡོད། ཁྱེད་མ་བུ་གསུམ་དང་འཇམ་དཔལ་ཡེ་ཤེས་ལགས། དེ་བཞིན་ཤེས་རབས་རྡོ་རྗེ་སོགས་ཀྱིས་མིག་གིས་མཐོང་ས་ནས་རང་ལ་མེད་པའི་མི་རིགས་ཀྱི་ཞབས་འདེགས་སྒྲུབ་ཡོང་དུས། དེའི་སྒུལ་ཤུགས་ཀྱི་བོད་ཀྱི་གནས་བབ་གང་དུ་སླེབས་ཡོད་མེད་ཐད་བསམ་གཞིག་བྱ་རྒྱུར་ཤེས་རབ་དང་རྣམ་དཔྱོད་སྩོལ་བཞིན་པ་འདྲ་བའི་ཚོར་བ་ཞིག་ངེད་ལ་བྱུང་བས། ཁྱེད་རྣམས་པར་བཀའ་དྲིན་ཆེ་ཞུ་འདོད་བྱུང་།
གཞན། ཁྱེད་རང་གཙུག་ལག་ཁང་ནས་ལམ་ལ་ཆས་ཁར་ང་ལ་ཚིག་གཅིག་ལས་སྐབས་དེར་སེམས་ནས་ཁ་རུ་མ་ཐོན་པ་བཞིན། དེ་རིང་ཡང་གནད་འགག་གི་སྐབས་སུ་ཨུ་ཚུགས་ཁྱོན་ནས་མ་རྒྱག ཁྱེད་ཀྱི་སྐུ་ཚེའི་གང་བོའི་ཆོད་སེམས་དེ་ངང་སྲིང་རྟག་ཏུ་བརྟན་པ་ཞིག་དགོས་ཞེས་བསྐྱར་ཟློས་ཤིག་བྱས་ན་འདོད།
དེ་རིང་སང་ཉིན་བོད་མི་ཚོ་དང་འདབ་འབྲེལ་དུ་སོང་ལྟ་མཁན་མང་པོ་འདུག་པས་དགའ་ཡོད། གཞན་དྲན་སྐུལ་ཞིག་ལ་ཚོགས་སྐྱིད་མཉམ་སྦྲེལ་གྱིས་ཡིག་ཐོག་ནས་སྤྲད་པའི་ཆོད་སེམས་ལ་ཁྱེད་ནས་ཀྱང་འབྲེལ་བ་གནང་སྟེ་གཅིག་གིས་བྱེད་དགོས་པ་དང་རུབ་ནས་བྱེད་དགོས་པ་རྣམས་མ་འཆུག་པ་གནང་རོགས།
དེ་ཙམ་ཡིན། དོ་དགོང་དྲ་ངོར་ཅིག་སླེབས་པར་དོན་འབྲས་བྱུང་། ཤར་ཕྱོགས་པ་ངོ་མས་གུས་བས་ཕུལ།