བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་རྒྱུན་ལས་ཁང་ནས་གསར་འགོད་བསྒྲགས་གཏམ་སྤེལ་ཏེ། གཞོན་ལྷན་སྒྲིག་འཛུགས་ཀྱིས་དོལ་རྒྱལ་རྗེས་འབྲང་པ་ཉུང་ཤས་ཀྱིས་ཐོག་མཐའ་བར་གསུམ་དུ་༧གོང་ས་མཆོག་ལ་གཞི་མེད་བསྙོན་འཛུགས་བྱེད་བཞིན་པར་བློ་ཕམ་ཆེན་པོས་མཐའ་གཅིག་ཏུ་ངོ་རྒོལ་བྱེད་བཞིན་ཡོད་སྐོར་འཁོད་འདུག
གསལ་བསྒྲགས་ནང་མུ་མཐུད་དུ་འཁོད་དོན། ཕྱི་ལོ་ ༡༩༩༦ ཟླ་ ༥ པའི་ནང་བོད་ཀྱི་གཞོན་ནུ་ལྷན་ཚོགས་ཀྱིས་དམིགས་བསལ་ཚོགས་འདུ་བསྐོངས་ཚོགས་ཀྱིས་དོལ་རྒྱལ་གནད་དོན་ཐོག་ལ་སྲིད་ཇུས་ལམ་སྟོན་གཏན་འབེབས་ཀྱིས་གྲོས་ཆོད་རིམ་པ་བཞག་ཡོད་པ་དང་། དེ་ནས་བཟུང་འཛམ་གླིང་ས་ཕྱོགས་གང་སར་བཞུགས་པའི་གཞོན་ལྷན་གྱི་ཚོགས་མི་ཚོས་དོ་ཁུར་ཆེན་པོས་དྭངས་བླངས་ཐོག་ནས་བོད་པ་དང་བོད་པ་མ་ཡིན་པའི་རྒྱལ་སྤྱིའི་ནང་པའི་ཆོས་དང་རིག་གཞུང་ལ་དོ་སྣང་ཡོད་པའི་མང་ཚོགས་ཚོའི་བསམ་བློའི་གོ་རྟོགས་མཐོར་འདེགས་ཆེད་དང་། དོལ་རྒྱལ་བསྟེན་གསོལ་དང་འབྲེལ་བའི་གནད་དོན་སྐོར་ལ་སློབ་གསོ་སྤེལ་བཞིན་ཡོད།
༡༩༩༧ ལོར་ངྷ་ས་རིགས་ལམ་སློབ་གཉེར་ཁང་གི་འགན་འཛིན་དགེ་བཤེས་བློ་བཟང་རྒྱ་མཚོ་ལགས་དང་ཁོང་གི་དགེ་ཕྲུག་གཉིས་དོལ་རྒྱལ་རྗེས་འབྲང་པས་དམར་གསོད་བཏང་བའི་ཡིད་སྐྱོིའི་གནས་ཚུལ་ང་ཚོས་མིག་མཐོང་ལག་ཟིན་བྱུང་ཡོད་ལ། སྐབས་དེར་རྒྱ་གར་ཉེན་རྟོག་པས་གནས་ཚུལ་མཐིལ་ཕྱིན་པ་རྩད་གཅོད་བྱས་མཐར། དམར་གསོད་གཏོང་མཁན་དེ་དོལ་རྒྱལ་རྗེས་འབྲང་པ་ཡིན་པའི་ཕྱོགས་བསྡོམས་བྱས་ཡོད། གཞོན་ལྷན་གྱིས་ད་ལོའི་འགན་འཛིན་ལྷན་ཚོགས་སྐབས་ ༤༥ པའི་ཐོག་དོལ་རྒྱལ་རྗེས་འབྲང་གནད་དོལ་ལ་སླར་ཡང་དཀའ་བསྡུར་ནན་པོ་བྱ་རྒྱུ་ཡིན།
ཉེ་ཆར་ཨ་རིའི་ཀོ་ལམ་པི་ཡའི་སློབ་གྲྭ་ཆེན་མོའི་སྙན་གྲགས་ཅན་གྱི་སློབ་དཔོན་ནང་ཆོས་མཁས་དབང་རོ་ཐ་ཊི་བྷ་ཊི་ཐར་མན་ལགས་(Robert Thurman)ཀྱིས་ཉེ་ཆར་ཧ་ཧྥིན་ཊོན་(Huffington post)གསར་འགྱུར་དྲ་ཚུགས་སུ་སྤེལ་བའི་རྩོམ་ཡིག་ནང་། དོལ་རྒྱལ་ཚོགས་པའི་ལས་འགུལ་ཁག་ལ་རྒྱ་གཞུང་གིས་རོགས་དངུལ་གཏོང་གི་ཡོད་པའི་སྐོར་བྲིས་ཡོད་ལ། ཉེ་ཆར་རྒྱ་ནག་གཞུང་གི་ཤུགས་རྐྱེན་འོག་ནོར་ཝེའི་གཞུང་ནས་༧གོང་ས་མཆོག་དང་མཇལ་འཕྲད་མ་གནང་བ་དེར་དོལ་རྒྱལ་རྗེས་པ་ཚོས་དགའ་བསུ་ཞུས་ཡོད། གནས་ཚུལ་དེས་རྒྱ་ནག་དང་དོལ་རྒྱལ་བར་ལག་འབྲེལ་ཡོད་པ་གསལ་བོ་རེད།
༧གོང་ས་མཆོག་གིས་དུས་རྟག་ཏུ་ལས་རིགས་དང་ཆོས་ལུགས། ཕོ་མོ། རིགས་རུས་སོགས་འདྲ་མིན་གང་ཞིག་ཡིན་ཡང་ཚང་མ་ས་གཞི་ཆེན་པོ་འདིའི་སྟེང་འཆམ་མཐུན་ངང་གནས་ཐུབ་པའི་བོད་པ་དང་བོད་པ་མ་ཡིན་པ་ཚང་མམ་ས་གཞི་ཆེན་པོ་འདིའི་སྟེང་འཆམ་མཐུན་ངང་གནས་ཐུབ་པའི་ཞི་བདེའི་འཛམ་གླིང་ཞིག་བསྐྲུན་རྒྱུའི་ཆེད་སྐུལ་ངལ་ཚད་མེད་པར་བརྟེན་ཏེ། འཛམ་གླིང་ས་ཕྱོགས་གང་སར་གནས་བའི་བོད་པ་དང་བོད་པ་མ་ཡིན་པ་ཚང་མས་ཁོང་ལ་དགའ་མོས་ཆེན་པོ་ཞུ་བཞིན་ཡོད།༧གོང་ས་མཆོག་གི་མཚན་སྙན་གོ་ལ་འདིར་རྒྱས་པ་དང་དུས་མཚུངས་རྒྱ་ནག་གཞུང་ནས་ཁྲིམས་འགལ་ཐོག་བོད་ལ་དབང་བསྒྱུར་བྱས་པའི་དངོས་ཡོད་གནས་ཚུལ་འཛམ་གླིང་ནང་ཤེས་རྟོགས་རྒྱ་ཆེར་འགྲོ་བཞིན་པར་རྒྱ་གཞུང་ནས་ཉེན་ཁ་ཞིག་ཏུ་ངོས་འཛིན་གྱིས་དོལ་རྒྱལ་རྗེས་འབྲང་པ་དང་ངན་པ་ལག་འབྲེལ་བྱས་ཏེ། ཁོང་ཚོར་དངུལ་དངོས་ཀྱི་རོགས་རམ་བྱས་ཏེ་༧གོང་ས་མཆོག་གི་མཚན་དང་མཛད་འཕྲིན་ལ་གནོད་པའི་བྱ་ངན་རྩོམ་བཞིན་ཡོད།
ཤུགས་ལྡན་རྗེས་འབྲང་པ་ཚོས་༧གོང་ས་མཆོག་གིས་ཆོས་དད་རང་དབང་སྤྲོད་ཀྱི་མེད་ཚུལ་དང་། སྐྱག་རྫུན་ཤོད་ཀྱི་ཡོད་རབས། དེ་བཞིན་ཁང་བླ་མ་རྫུན་མ་ཡིན་པ་སོགས་བརྗོད་པ་ནི་མཐའ་གཅིག་ཏུ་རྒྱུ་མཚན་དཔང་རྟགས་གང་ཡང་མེད་པའི་གཞི་མེད་སྐྱོན་འཛུགས་ཡིན། ༧གོང་ས་མཆོག་ནས་དོལ་རྒྱལ་མ་བསྟེན་ན་ལེགས་པོ་ཡོད་ལུགས་ལམ་སྟོན་གནང་བ་ཙམ་མ་གཏོགས་དོལ་རྒྱལ་བསྟན་གསོལ་བྱེད་མཁན་ལ་མཐའ་གཅིག་ཏུ་བཀག་འགོག་ནམ་ཡང་གནང་མེད། དོལ་རྒྱལ་སྐོར་ལ་བསྐྱར་ཟློས་ཀྱིས་གསལ་བོ་བཟོས་པའི་བཀའ་སློབ་ཁག་༧གོང་ས་མཆོག་གི་དྲ་ཚིགས་སོགས་སུ་གསལ་བོར་ཡོད།
ཉེ་ཆར་བྱང་ཨ་རི་དང་ཡུ་རོབ་ཁུལ་དུ་བྱུང་བའི་དོན་རྐྱེན་སོགས་དོལ་རྒྱལ་རྗེས་འབྲང་པས་སྔ་ཕྱི་བར་གསུམ་དུ་སྤེལ་བའི་བྱ་ངན་དེ་དག་བོད་ཕྱི་ནང་གཉིས་སུ་ཡོད་པའི་བོད་མི་ཚོའི་སེམས་ལ་བཟོད་ཐབས་བྲལ་བ་ཞིག་དང་། ལྷག་པར་དུ་གཞིས་བཞུགས་བོད་མིས་༧གོང་ས་མཆོག་རང་ཡུལ་བོད་ནང་གདན་འདྲེན་ཞུ་ཆེད་གཅེས་པའི་ལུས་སྲོག་ཀྱང་མེར་སྲེག་བཞིན་པའི་སྐབས་དེར། ཕྱི་ཕྱོགས་སུ་ཡོད་པའི་དོལ་རྒྱལ་རྗེས་འབྲང་པ་ཚོས་༧གོང་ས་མཆོག་ལ་གཞི་མེད་བསྙོན་འཛུགས་བྱས་པ་དེ་ནི་གཞིས་བཞུགས་སྤུན་ཟླ་ཚོར་ཆེད་བློ་ཕམ་སྐྱེ་གཞི་ཞིག་ཡིན།
བོད་ཀྱི་གཞོན་ནུ་ལྷན་ཚོགས་ངོས་ནས་ནན་ཏན་གྱིས་དྲན་སྐུལ་ཞུ་རྒྱུར། བཙན་བྱལ་བོད་མིའི་གནས་སྟངས་གོང་འཕེལ་དང་། ལྷག་པར་གཞིས་ལུས་ཆོལ་གསུམ་རྒྱ་ཆེའི་མི་མང་རྣམས་སྔར་བཞིན་སྙིང་སྟོབས་འགྱུར་བ་མེད་པར་གནས་པ་སོགས་༧གོང་ས་མཆོག་གི་ཡང་དག་པའི་དབུ་ཁྲིད་དང་རླབས་ཆེན་གྱི་ཐུགས་སྐྱེད་མཛད་འཕྲིན་ཉག་ཅིག་ལ་བརྟེན་ནས་བྱུང་བར་སོང་། བོད་མི་ཚང་མས་༧གོང་ས་མཆོག་རང་རང་སོ་སོའི་ས་ཁུལ་དུ་ཆིབས་བསྒྱུར་གནང་བའི་སྐབས་དོགས་ཟོན་ཆེན་པོས་སྐུའི་སྲུང་བྱ་ཤུགས་ཆེ་རུ་གཏོང་དགོས་པ་ནི་གངས་ཅན་པ་སེར་སྐྱ་སྤྱི་བོ་གནམ་བསྟན་ཡོངས་ཀྱི་འོས་འགན་ཡིན་པའི་འབོད་སྐུལ་དང་། དེ་མ་ཟད་མང་ཚོགས་ནས་དོལ་རྒྱལ་རྗེས་འབྲང་པ་ཚོར་བདེན་པ་ར་སྤྲོད་ཀྱི་སློབ་གསོ་ཡང་ནས་ཡང་དུ་གནང་དགོས་པའི་འབོད་སྐུལ་ཞུ་རྒྱུ་ཡིན། ཞེས་གཟའ་ཕུར་བའི་ཉིན་ངྷ་རམ་ས་ལའི་དབུས་བོད་ཀྱི་གཞོན་ནུའི་སྤྱི་ཁྱབ་ཡིག་ཚང་ནས་སྤེལ་འདུག
ད་ལོ་ཨ་རིར་ཆིབས་རྒྱུར་སྐབས སྐུ་བཅར་ཚོ་ནི་རང་གི་འཚོ་གོས་ཁོ་ན་ཆེད་ཏཱ་ལ་བླ་མའི་རྗེས་སུ་རྒྱུག་པ་ལས་ཏཱ་ལ བླ་མ་དང་བོད་མི་རིགས་ལ་ཤ་ཚ་རྟིང་འབྲུ ཙམ་མེད་པའི་སྡར་མ་ཞེ་ཅིག་ཡིན པ་འདྲ་འདུག་
དོལ་རྒྱལ་རྗེས་འབྲང་པ་ཤིན་ཏུ་ཉུང་ཡང་རྒྱ་གཞུང་དང་ངན་པ་ལག་འབྲེལ་བྱས་ཏེ།རྒྱ་སྒོར་ཧ་ཅང་གི་མང་བས་གངས་ཅན་པ་སེར་སྐྱ་སྤྱི་བོ་གནམ་བསྟན་ཡོངས་ཀྱིས་དོགས་ཟོན་ངེས་པར་དུ་དགོས།
ལངས་ཤོག་ ལངས་ཤོག་ དོལ་ཕྲུག་ཚོ་། མ་འོངས་པའི་བོད་ཀྱི་རང་དབང་ཆེད་དུ་ ལངས་ཤོག་ ལངས་ཤོག།
དོལ་རྒྱལ་ཚོགས་པའི་ལས་འགུལ་ཁག་ལ་རྒྱ་གཞུང་གིས་རོགས་དངུལ་གཏོང་གི་ཡོད
བོད་མི་ཚང་མས་༧གོང་ས་མཆོག་རང་རང་སོ་སོའི་ས་ཁུལ་དུ་ཆིབས་བསྒྱུར་གནང་བའི་སྐབས་དོགས་ཟོན་ཆེན་པོས་སྐུའི་སྲུང་བྱ་ཤུགས་ཆེ་རུ་གཏོང་དགོས་པ་ནི་གངས་ཅན་པ་སེར་སྐྱ་སྤྱི་བོ་གནམ་བསྟན་ཡོངས་ཀྱི་འོས་འགན་ཡིན་
་་་་་བོད་མི་ཚང་མས་༧གོང་ས་མཆོག་རང་རང་སོ་སོའི་ས་ཁུལ་དུ་ཆིབས་བསྒྱུར་གནང་བའི་སྐབས་དོགས་ཟོན་ཆེན་པོས་སྐུའི་སྲུང་བྱ་ཤུགས་ཆེ་རུ་གཏོང་དགོས་་་་་་་
་་་་་་རྒྱ་གཞུང་ནས་ཉེན་ཁ་ཞིག་ཏུ་ངོས་འཛིན་གྱིས་དོལ་རྒྱལ་རྗེས་འབྲང་པ་དང་ངན་པ་ལག་འབྲེལ་བྱས་ཏེ། ཁོང་ཚོར་དངུལ་དངོས་ཀྱི་རོགས་རམ་བྱས་ཏེ་༧གོང་ས་མཆོག་གི་མཚན་དང་མཛད་འཕྲིན་ལ་གནོད་པའི་བྱ་ངན་རྩོམ་བཞིན་ཡོད། ་་་་་་་
་་་་་་ ༡༩༩༧ ལོར་ངྷ་ས་རིགས་ལམ་སློབ་གཉེར་ཁང་གི་འགན་འཛིན་དགེ་བཤེས་བློ་བཟང་རྒྱ་མཚོ་ལགས་དང་ཁོང་གི་དགེ་ཕྲུག་གཉིས་དོལ་རྒྱལ་རྗེས་འབྲང་པས་དམར་གསོད་བཏང་བའི་ཡིད་སྐྱོིའི་གནས་ཚུལ་ང་ཚོས་མིག་མཐོང་ལག་ཟིན་བྱུང་ཡོད་་་་་་་
་་་་་ གཞོན་ལྷན་སྒྲིག་འཛུགས་ཀྱིས་དོལ་རྒྱལ་རྗེས་འབྲང་པ་ཉུང་ཤས་ཀྱིས་ཐོག་མཐའ་བར་གསུམ་དུ་༧གོང་ས་མཆོག་ལ་གཞི་མེད་བསྙོན་འཛུགས་བྱེད་བཞིན་པར་བློ་ཕམ་ཆེན་པོས་མཐའ་གཅིག་ཏུ་ངོ་རྒོལ་བྱེད་བཞིན་ཡོད་་་་་་་་