འཇིགས་བྲལ་གློག་བརྙན་ཕབ་སྐྲུན་པ་དོན་འགྲུབ་དབང་ཆེན་ལགས་རྒྱ་ནག་གི་བཙོན་འོག་ནས་ཀློད་གྲོལ་ཐོབ་སྟེ། དེ་རིང་ཉིན་གོང་བོད་ནང་གི་ཆུ་ཚོད་ ༣།༠༠ ཙམ་ལ་ཨ་མདོ་བ་ཡན་རྫོང་གི་རང་ཁྱིམ་དུ་འབྱོར་ཡོད་འདུག
ད་ལྟ་རང་བོད་ནས་གནས་ཚུལ་འབྱོར་བ་ལྟར་ན། ཕྱི་ལོ་ ༢༠༠༨ ཟླ་ ༣ ཚེས་ ༢༦ ཉིན། རྒྱ་ནག་གི་ཉེན་རྟོག་པས་མཚོ་སྔོན་ཟི་ལིང་ནས་འཛིན་བཟུང་བྱས་པའི་འཇིགས་བྲལ་གློག་བརྙན་ཕབ་སྐྲུན་པ་དོན་འགྲུབ་དབང་ཆེན་ལགས་རྒྱ་ནག་གི་བཙོན་འོག་ནས་ལོ་ ༦ གི་ཁྲིམས་ཆད་དུས་ཡུན་རྫོགས་ཏེ། དེ་རིང་ཉིན་རྒྱབ་བོད་ནང་གི་ཆུ་ཚོད་ ༣།༠༠ ཙམ་ལ་མཚོ་སྔོན་བ་ཡན་རྫོང་ཁོ་ཚེ་སྡེ་བའི་རང་ཁྱིམ་དུ་འབྱོར་ཡོད་འདུག
གནས་ཚུལ་ཁོ་སྤྲོད་པས་བརྗོད་པ་ལྟར་ན། ཉིན་འགའི་སྔོན་ལ་རྒྱ་ནག་གི་འབྲེལ་ཡོད་ཚན་པས་བརྡ་ལན་འབྱོར་ཏེ་ཚེས་ ༦ ཉིན་ཀན་ལྷོ་ཁུལ་བསང་ཆུ་རྫོང་ཐོག་ནས་ཀློད་གྲོལ་གཏོང་རྒྱུ་ཡིན་སྐོར་བརྗོད་དེ། ནང་མི་གཉེན་འབྲེལ་ཚོས་གྲ་སྒྲིག་བྱས་ཡོད་ཀྱང་། དེ་རིང་ཉིན་རྒྱབ་ཁོང་གློ་བུར་དུ་རང་ཁྱིམ་ལ་འབྱོར་ཡོད་འདུག ཁོང་གི་ད་ལྟའི་གཟུགས་གཞིའི་གནས་སྟངས་དང་བཙོན་ནས་ཇི་ལྟར་ཀློད་གྲོལ་བཏང་མིན་སོགས་ཀྱི་གནས་ཚུལ་གཞན་ད་སྔ་ཤེས་མ་སོང་ཟེར།
༢༠༠༨ ལོའི་རྒྱ་ནག་པེ་ཅིན་ཨོ་ལིམ་ཕིག་ལུས་རྩེད་འགྲན་འཚོགས་བསླེབ་ལ་ཉེ་སྐབས། དོན་གྲུབ་དབང་ཆེན་ལགས་དང་མགོ་ལོག་འཇིགས་མེད་རྣམ་གཉིས་ཀྱིས་བོད་ནང་གི་ས་ཁུལ་མང་པོར་གསང་སྟབས་ཀྱིས་སྐོར་སྐྱོད་བྱས་ཏེ། ས་གནས་མང་ཚོགས་ལ་པེ་ཅིན་ཨོ་རྩེད་ལ་འདོད་མོས་ཡོད་མེད་དང་བོད་ནང་གི་དངོས་ཡོད་གནས་སྟངས། ༧གོང་ས་མཆོག་དང་བྱེས་གྱར་བོད་མི་ཚོར་དད་པ་དམ་ཚིག་གང་འདྲ་ཡོད་མེད་བཅས་ཀྱི་སྐོར་ལ་གློག་བརྙན་ཕབ་སྐྲུན་བྱས་བར། ༢༠༠༨ 
ཟླ་ ༣ ཚེས་ ༢༦ ཉིན་རྒྱ་ནག་གཞུང་གི་ཉེན་རྟོག་པས་མཚོ་སྔོན་ཟི་ལིང་ནས་དོན་གྲུབ་དབང་ཆེན་ལགས་འཛིན་བཟུང་བྱས་ཏེ་ལོ་ ༦ གི་བཙོན་འཇུག་ཁྲིམས་ཐག་བཅད་དེ་ཟི་ལིང་གི་བཙོན་ཁང་ཞིག་ཏུ་ད་བར་བཙོན་འཇུག་མནར་གཅོད་མྱངས་ཡོད།
མགོ་ལོག་འཇིགས་མེད་ལགས་སྔ་ཕྱི་ཐེངས་ ༣ ཙམ་ལ་རྒྱ་གཞུང་གིས་འཛིན་བཟུང་བྱས་ཏེ་རྡུང་རྡེག་མནར་གཅོད་མང་པོ་བཏང་ཡོད་ཅིང་། ༢༠༡༢ ཟླ་ ༩ ཚེས་ ༣༠ ཉིན་ཀན་ལྷོ་ཁུལ་བསང་ཆུ་རྫོང་བང་དཀར་ཐང་གི་ལྟ་སྲུང་ཁང་ཞིག་ནས་བྲོས་ཐར་བྱུང་སྟེ། འདས་པའི་ལོ་གཅིག་དང་ཕྱེད་ལྷག་རིང་བོད་ནང་གི་ས་གནས་མང་པོར་ཉེན་གཡོལ་བྲོས་བྱོལ་བྱས་མཐར་རྒྱ་གར་ནང་སྐྱབས་བཅོལ་དུ་འབྱོར་ཏེ། ཟླ་སྔོན་མའི་ཚེས་ ༢༨ ཉིན་ངྷ་རམ་ས་ལར་ཁོང་གི་གནས་ཚུལ་སྐོར་ཡོངས་ཁྱབ་གསར་འགོད་གསལ་བསྒྲགས་སྤེལ་ཡོད།
དོན་གྲུབ་དབང་ཆེན་ལགས་ཀྱི་ཕ་མ་གཉིས་དང་བཟའ་ཟླ་བུ་ཕྲུག་སོགས་རྒྱ་གར་ནང་སྐྱབས་བཅོལ་དུ་ཡོང་ཡོད་ཅིང་། ཕ་མ་གཉིས་ད་ལྟ་བཞུགས་སྒར་ངྷ་རམ་ས་ལར་བཞུགས་མུས་ཡིན།
འབྲེལ་ཡོད་གནས་ཚུལ་ཁག དང་པོ། གཉིས་པ། གསུམ་པ། བཞི་པ། ལྔ་པ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དོན་གྲུབ་དབང་ཆེན་སེམས་ཤུགས་ལས། །
འཇིགས་བྲལ་གློག་བརྙན་གསར་ཐོན་ཁྱབ། །
འོནད་ཀྱང་རང་ཉིད་ལོ་དྲུག་ཏུ། །
བཙོན་དུ་ཚུད་པ་སྤྱི་དོན་རེད། །
སྤྱི་དོན་བསྒྲུབས་པས་རང་དོན་དང་། །
བོད་དོན་གཉིས་ཀའི་དོན་གྲུབ་ཤོག །
རྟེན་འབྲེལ་བདེན་བརྡར་ལྟོས་གྲུབ་ཀྱིས། །
བདེན་པ་ཉིད་ནི་རྒྱལ་འགྱུར་ཅིག །
ཁྱེད་དགྲ་ལག་ལ་ཤོར་དུས་དཔྱིད་ཀ་ཡིན། ཕྱིར་ནང་ལ་སླེབས་དུས་དབྱར་ཀ་རེད། འོན་ཀྱང་། ང་ཚོའི་མི་རིགས་འདིའི་མགོ་ནས་དགུན་ཁ་ད་དུང་རྫོགས་མེད་སྟབས། ས་གར་སོང་ས་ནས་གཟབ་གཟབ་གནང་རོགས། གཙོ་བོ་རང་གི་གཟུགས་པོ་ཡིན་་་
རྒྱ་གཞུང་གིས་དུས་ཐོག་ཏུ་བཏང་བ་ཡག་པོ་རེད།
ངེས་པ་དོན་གྱི་བོད་དོན་གྱི་དཔའ་རྒོད་ཁྱེད་རང་གང་མགྱོགས་ནང་མིའི་ལྷན་དུ་བདེ་སྐྱིད་ཀྱི་ཚོལ་བར་རོལ་རྒྱུ་ཡོང་བས་རེ་སྨོན་སྙིང་ཁོངས་ནས་ཡོད།
བོད་མི་ས་ཡ་དྲུག་གི་དཔའ་བོ་ཁྱོད་ལ་ཡི་རངས་སྔགས་བརྗོད་ཡོད། བཙན་བྱོལ་ནང་གི་ཚོགས་པ་དང་སྒེར་བ་ཚོས་མ་འོངས་པར་རང་དོན་སྒྲུབ་བྱེད་དུ་བེད་སྤྱོད་མི་གཏོང་བར་བོད་སྤྱི་དོན་དང་ཁོ་རང་གི་བདེ་འཇགས་ཀྱི་ཆེད་དུ་ཕྱག་ལས་ཡག་པོ་ཞིག་གནང་རོགས།
བདག་གི་གྲོགས་པོ་དོན་འགྲུབ་དབང་ཆེན་ཁྱེད་ལ་བཀྲ་ཤིས་བདེ་ལེགས་གྲངས་མེད་ཞུ།
ཁྱེད་ཉིད་གང་མགྱོགས་ཁྱིམ་མི་མཉམ་འཛོམས་ཡོང་པར་ཤོག
ལྷ་རྒྱལ་ལོ། ཀུ་ཀུ་སོ་སོ་ལྷ་རྒྱལ་ལོ། འདི་ལས་ལྷག་གི་གནས་ཚུལ་སྙན་པོ་ཞིག་དང་། འདི་ལས་ལྷག་གི་གསར་འགྱུར་རིན་ཐང་ཅན་ཞིག་གང་ན་ཡོད། ཀུ་ཀུ་སོ་སོ་ལྷ་རྒྱལ་ལོ་་་་་་་་་་་་
དཔའ་བོ་ཁྱོད་རང་ཁྱིམ་སུ་འབྱོར་བ་དགའ་སུ་གྲང་་མེད་ཞུ། དོན་གྲུབ་དབང་ཆེན་ལག་ཀྱི་ནང་མི་ཚོར་འཚམ་འདྲི་དང་ཁྱོད་རྣམ་མགྱོག་མྱུར་ཁོང་དང་མཉམ་འཛོམ་ཡོངས་བའི་སྨོན་ལམ་ཞུ།