དེ་རིང་རེས་གཟའ་ཉི་མའི་ཉིན། ཧོང་ཀོང་ནང་སློབ་ཕྲུག་གཙོས་པའི་མི་མང་སྟོང་ཕྲག་མང་པོ་གཞུང་གི་ལས་ཁུངས་གཙོ་བོ་ཁག་གི་སྒོ་མདུན་དང་གཞུང་ལམ་ཆེ་ཁག་ཏུ་འདུ་འཛོམ་བྱས་ཏེ་ཞི་བའི་ངོ་རྒོལ་ལས་འགུལ་ཤུགས་ཆེན་སྤེལ་བཞིན་ཡོད་ཅིང་། དེ་ནི་ལོ་རེ་བཞིན་ཧོང་ཀོང་ནང་རྒྱ་ནག་གི་ཤུགས་རྐྱེན་ཆེ་རུ་འགྲོ་བཞིན་ཡོད་པ་དང་། ལྷག་པར་དུ་ཉེ་ལམ་རྒྱ་ནག་གཞུང་གིས་ཧོང་ཀོང་ཐོག་འཛིན་པའི་སྲིད་བྱུས་སྐོར་གྱི་རྒྱབ་ཤ་དཀར་པོའི་དེབ་ཅེས་པ་ཞིག་ཁྱབ་བསྒྲགས་བྱས་ཡོད་པ་དང་། རྒྱ་ནག་མི་དམངས་འཐུས་མིའི་ཚོགས་ཆེན་སྟེང་ ༢༠༡༧ ལོའི་ཧོང་ཀོང་སྤྱི་ཁྱབ་འོས་འདེམས་སྐབས་རྒྱ་ནག་གཞུང་གིས་མིང་འདོན་བྱས་པའི་མི་སྣ་ལས་འོས་མིར་ཞུགས་མི་ཆོག་པའི་ཐག་གཅོད་བྱས་པ་སོགས་ཧོང་ཀོང་མི་མང་གི་རང་དབང་དང་དམངས་གཙོར་འགོག་རྐྱེན་ཆེན་པོ་བཟོ་བཞིན་ཡོད་སྟབས། བདུན་ཕྲག་འགའི་སྔོན་ནས་ཧོང་ཀོང་གི་མཐོ་སློབ་མང་པོ་ཞིག་གིས་སློབ་མཚམས་བཞག་སྟེ་ཞི་བའི་ངོ་རྒོལ་གནང་ཡོད་ཅིང། ཁ་སང་ཚེས་ ༢༧ དང་། དེ་རིང་ཚེས་ ༢༨ ཉིན་བཅས་སུ་ལས་འགུལ་ཤུགས་ཆེ་རུ་ཕྱིན་ཏེ། སློབ་ཕྲུག་སྟོང་ཕྲག་མང་པོ་དང་། དེ་བཞིན་བཟོ་བ་དང་མི་དམངས་དཀྱུས་མ་བཅས་མཉམ་ཞུགས་ཀྱིས་ཞི་བའི་ལས་འགུལ་གཞི་རྒྱ་ཆེ་རུ་འགྲོ་བཞིན་ཡོད་འདུག ཧོང་ཀོང་གཞུང་གི་ཉེན་རྟོག་པ་དང་དྲག་ཆས་དཔུང་དམག་གིས་མིག་ཆུ་འདོན་པའི་དུག་རླངས་སོགས་མང་ཚོགས་ཁྲོད་བེད་སྤྱོད་བཏང་སྟེ་ངོ་རྒོལ་ཞི་འཇགས་ཡོང་ཐབས་བྱེད་ཀྱིན་ཡོད་ཀྱང་། ངོ་རྒོལ་ལས་འགུལ་མུ་མཐུད་ཤུགས་ཆེ་རུ་འགྲོ་བཞིན་ཡོད་པ་མ་ཟད། ངོ་རྒོལ་ལས་འགུལ་ནང་ཞུགས་མཁན་མི་འབོར་ཡང་མང་དུ་འགྲོ་བཞིན་ཡོད་འདུག
ཧོང་ཀོང་མི་མང་གི་ཞི་བའི་ངོ་རྒོལ་ལས་འགུལ་གྱི་ཐད་གཏོང་བརྙན་འཕྲིན།
ཧོང་ཀོང་མི་མང་གི་སྙིང་སྟོབས་དེ་ཧང་སང་དགོས་ཡག་རེད། ཡིན་ནའང་ང་ཚོའི་བོད་པ་དེ་དང་འདྲ་བོ་ཡོད་པ་མ་རེད། ཕྱོགས་ཡོངས་ནས་རྒྱ་ནག་གཞུང་གི་དམ་དྲག་འོག་བཅུག་ཡོད་པ་མ་ཟད། ཁྲིམས་དང་སྒྲིག་གཞིའི་ཐོག་ནའང་བོད་པ་ཚོར་ཧོང་ཀོང་མི་མང་ལྟ་བུའི་རང་དབང་ཁྱོན་ནས་ཡོད་པ་མ་རེད། བོད་པ་ཚོའི་ཆོས་དང་རིག་གཞུང་གི་ལས་འགུལ་སོགས་ཀྱང་ཆབ་སྲིད་ཀྱི་ངོ་བོར་བསྒྱུར་བཞིན་ཡོད་རེད། གནས་སྟངས་དེ་འདྲ་ཞིག་གི་འོག་ནས་བོད་པ་ཚོས་འདི་ལྟ་བུའི་ལས་འགུལ་སྟབས་བདེ་བོ་སྤེལ་རྒྱུའི་ལམ་ཁ་ཡོད་མ་རེད། གལ་སྲིད་ལས་འགུལ་ཞིག་སྤེལ་བ་ཡིན་ན་བློས་གཏོང་ཆེན་པོ་བྱས་ཏེ་ཚེ་སྲོག་ཚུན་ཆད་བློས་གཏོང་བྱེད་དགོས་པ་ཆགས་ཡོད་པ་རེད།
རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ལགས་ཀྱིས། ལས་འགུལ་འདི་ཐེ་ཝན་ནང་མཆེད་དེ་རིམ་གྱིས་བོད་ནང་མེ་བཞིན་འབར་ཡོང་རྒྱུ་རེད་ཟེར།
‘འཛམ་གླིང་ལ་ཉེན་ཁ་ཆེ་ཆེ་ཤོས་ཁ་ཆེ་དྲག་སྤྱོད་པ་ཚོར་རྒྱ་ནག་གི་ཁ་གཏད་མ་བཅོལ་ནི་རྒྱ་ནག་གི་འཛམ་གླིང་སྤྱི་ལ་སེམས་ཁུར་མེད་རྟགས་རེད
འཛམ་གླིང་ལ་སེམས་ཁུར་བྱེད་མཁན་ཨ་རིས་རེད།་མ་འོང་པར་ཁ་ཆེ་དྲག་སྤོྱད་པ་ཚོའི་ཨ་རི་ཕམ་པ་རྒྱབ་སྟེ་འཛམ་གླིང་ཡོངས་ཁ་ཆེ་ཆོས་དང་ཁ་ཆེ་མི་མ་བྱས་ན་རྒྱ་ནག་ཀྱང་ཁ་ཆེས་བཞག་རྒྱུ་མ་རེད་།
རྒྱ་ནག་འཛམ་གླིང་ཡོངས་རྫོགས་དབང་དུ་བསྡུ་སེམས་ཅན་གྱི་ཁ་ཆེ་དྲག་སྤྱོད་པ་ཚོ་ཁ་གཏད་མ་བཅོལ་པར་གྲང་ཉུང་མི་རིགས་ཁག་རྡུང་མ་ཚར་
སྡེད་ཀྱི་འདུག་དེ་ནི་དམིགས་གྱང་ཐུང་པའི་ལས་རེད།