ཁ་སང་མཚན་མོར་རྒྱ་ནག་གི་སྙན་ངག་དཔྱད་བརྗོད་པ་གྲགས་ཅན་དང་ཧུའུ་པེ་ཞིང་ཆེན་གྱི་རྩོམ་པ་པོའི་མཐུན་ཚོགས་ཀྱི་ཚོགས་གཙོ་གཞོན་པ་ཁྲིན་ཁྲོ་ལགས་ཀྱིས་རང་ཤི་བརྒྱབ་ཡོད་འདུག
ཁ་སང་ཕྱི་ཚེས་ ༣༠ ཉིན་གྱི་མཚན་མོར། རྒྱ་ནག་གི་སྙན་ངག་དཔྱད་བརྗོད་པ་གྲགས་ཅན་ཁྲིན་ཁྲོ་ལགས་ཐོག་ཁང་ཞིག་ནས་མཆོངས་ཏེ་རང་ཤི་བརྒྱབ་ཡོད་པ་དང་། ད་ལྟའི་ཆར་རྒྱ་ནག་གཞུང་ཕྱོགས་ནས་རྒྱུ་རྐྱེན་ཅི་ཡིན་ཕྱིར་བསྒྲགས་བྱས་མེད་ཀྱང་། ཕྱི་ནང་གི་རྩོམ་པ་པོ་དང་ཤེས་ཡོན་ཅན་མང་པོས་ཁོང་གི་ཤི་རྐྱེན་ལ་དོ་སྣང་ཆེན་པོ་བྱེད་བཞིན་ཡོད་འདུག
ཁྲིན་ཁྲོ་ལགས་ནི་རྒྱ་ནག་ཧྲན་ཞི་ཞིང་ཆེན་ཐའེ་ཡཱན་གྲོང་ཁྱེར་ནས་ཡིན་ཞིང་། ད་ལྟ་ལོ་ ༥༦ ཡིན་ལ། རྒྱ་ནག་ཧུའུ་པེ་དགེ་འོས་སློབ་ཆེན་གྱི་དགེ་རྒན་ཆེན་མོ་དང་ཧུའུ་པེ་ཞིང་ཆེན་གྱི་རྩོམ་པ་པོའི་མཐུན་ཚོགས་ཀྱི་ཚོགས་གཙོ་གཞོན་པ། དེ་བཞིན། ཀྲུང་གོའི་སྙན་ངག་གསར་པ་ཆེད་འདེམས་ཞིབ་འཇུག་པ་བཅས་ཡིན་ལ། དེ་སྔོན་ཁོང་གིས་༼ སྙན་ངག་རིག་པའི་དཔྱད་བརྗོད ༽དང་༼ དུས་རབས ༢༠ པའི་ཀྲུང་གོའི་སྙན་ངག་གི་མྱོང་བ ༽། ༼ ཀྲུང་གོའི་སྙན་ངག་གསར་པ་འདེམས་བཀོད ༽ཟེར་བ་སོགས། རྒྱ་ནག་གི་དུས་དེབ་དང་དྲ་རྒྱ་ཁག་ཏུ་ཁྱོན་སྙན་རྩོམ་ ༣༠༠ ལྷག་དང་དཔྱད་བརྗོད་རྩོམ་ཡིག་ ༢༠༠ ལྷག་སྤེལ་མྱོང་ཡོད་པ་དང་། ཁོང་གི་༼ཆུ་ཁར་གཡེང་བའི་སྙན་ངག་གི་དམ་བུ༽ཟེར་བའི་སྙན་རྩོམ་ལ་སྐབས་གསུམ་པའི་ལོའུ་ཞུན་རྩོམ་རིག་བྱ་དགའ་ཐོབ་པ་སོགས་ཞིང་ཆེན་རིམ་པའི་རྩོམ་རིག་བྱ་དགའ་མང་པོ་ཐོབ་མྱོང་ཡོད་འདུག
གསར་འགོད་པ། པདྨ་མཚོ།
དུད་ནག་གིས་བཟི་ནས་འཕུར་རྩིས་བྱས་པ་མིན་ནམ་སྙམ།