དེ་རིང་ཕྱི་དྲོའི་ཆུ་ཚོད་ ༥།༣༠ སྟེང་། གངས་སྐྱིད་རྩེད་མོ་ཚོགས་ཆུང་གི་གོ་སྒྲིག་འོག གངས་སྐྱིད་ལག་རྩེད་སྤོ་ལོ་རྩེད་ཐང་བཟོ་བཅོས་ལེགས་འགྲུབ་བྱུང་ཡོད་པ་དེ། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དབུ་འབྱེད་གནང་སོང་།
རྩེད་ཐང་དབུ་འབྱེད་སྟེང་ཆོས་རིག་དང་དཔལ་འབྱོར། ཤེས་རིག་བཅས་ཀྱི་བཀའ་བློན་རྣམ་པ་དང་། དྷ་རམ་ས་ལའི་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། གཞན། དྷ་སའི་མི་མང་ཁག་ཅིག་དང་གངས་སྐྱིད་ཁུལ་གྱི་གཞུང་ཞབས་ལས་བྱེད་བཅས་མི་ ༥༠༠ ལྷག་འདུ་འཛོམས་གནང་སོང་། སྲིད་སྐྱོང་མཆོག་གིས་རྩེད་ཐང་སྒོ་འབྱེད་གནང་རྗེས། གཞུང་ཚབས་ལས་བྱེད་ཁྲོད་ཀྱི་ཕོའི་ལག་རྩེད་སྤོ་ལོ་རུ་ཁག་གཉིས་དང་། མོའི་སྤོ་ལོ་རུ་ཁག་གཉིས་བཅས་ཀྱིས་དུས་ཡུན་ཐུང་ངུའི་རིང་སྤོ་ལོ་འགྲན་སྡུར་ཞིག་གནང་སོང་།
གསར་འགོད་པས་གངས་སྐྱིད་སྤོ་ལོ་རྩེད་ཐང་གི་སྤྱི་ཁྱབ་འཆར་འགོད་པ་དང་གངས་སྐྱིད་རྩེད་མོའི་ཚོགས་ཆུང་གི་ཚོགས་གཙོ། བོད་མིའི་སྒྲིག་འཛུགས་འཆར་འགོད་ལས་ཁུངས་ཀྱི་འགན་འཛིན་དཀོན་མཆོག་བརྩོན་འགྲུས་ལགས་སུ་བཅར་འདྲི་ཞུས་པར་ཁོང་གིས་ལྟ་འདིར་ངོ་སྤྲོད་གནང་སོང་། གངས་སྐྱིད་སིལ་པོལ་རྩེད་ཐང་འདི། ལོ་མང་པོའི་སྔོན་ནས་དྷ་རམ་ས་ལའི་རི་ངོས་འདིར་གཞོན་སྐྱེས་དྲུག་སྟོང་བདུན་སྟོང་ཞིག་ཡོད་པ་ཚོར་རྩེད་མོ་རྩེ་རྒྱུའི་མཐུན་རྐྱེན་སྐྱོ་བོ་ཡིན་པ་དང་། སློབ་གྲྭ་ཁག་ཏུ་མཐུན་རྐྱེན་གང་འཚམ་ཡོད་ཀྱང་ཚད་དང་ལྡན་པ་ཞིག་མེད་པ་བཅས་ལ་བརྟེན་ཏེ། ང་ཚོས་གངས་སྐྱིད་རྩེད་མོའི་ཚོགས་ཆུང་ཞིག་བཙུགས་ཏེ། རྩེད་ཐང་འདི་ལ་བཟོ་བཅོས་བྱེད་ཐུབ་ན་ཡག་པོ་འདུག་ཅེས་བཀའ་ཤག་ལ་སྙན་ཞུ་རིམ་པར་ཞུས་རྗེས། བཀའ་ཤག་གིས་བཀའ་འཁྲོལ་གནང་སྟེ་ཧིན་སྒོར་འབུམ་ ༥༣ གནང་བ་གཞིར་བཟུང་རྩེད་ཐང་འདི་འགྲུབ་པ་རེད། ཅེས་བརྗོད་སོང་།
ཁོང་གིས་རྩེད་ཐང་བཟོ་སྐྲུན་གྱི་རྒྱུ་ཆའི་སྐོར་བརྗོད་དོན། རྩེད་ཐང་འདིའི་མཐིལ་ལ་དབྱིན་ཇིའི་ནང་ལ་ DucoTop ཞེས་ཟེར་གྱི་ཡོད་པ་དང་། དེ་ནི་ཨ་རིའི་ནང་གི་ནམ་རྒྱུན་གྱི་རྩེད་ཐང་ཡག་ཤོས་དེ་རེད། ཐང་འདིར་ཆར་བ་དང་ཉི་མ། གངས་སོགས་ག་རེ་ཡིན་ཡང་གནོད་སྐྱོན་མི་ཐུབ་པའི་ཚད་ལྡན་གྱི་ཐང་ཞིག་རེད། ཅེས་བརྗོད་སོང་། དཀོན་མཆོག་བརྩོན་འགྲུས་ལགས་ཀྱིས་མུ་མཐུད་བརྗོད་དོན། ཐང་འདི་བཟོ་བཅོས་ཀྱི་དམིགས་ཡུལ་གཙོ་བོ་དེ་དྷ་སའི་གཞོན་སྐྱེས་དང་ལས་བྱེད། མི་མང་ཡོངས་ལ་མཐུན་སྒྲིལ་དང་འཕྲོད་བསྟེན་ཡག་པོ་ཡོང་རྒྱུའི་ཆེད་ཡིན་པ་དང་། དེ་ལས་ལྷག་གལ་ཆེ་བ་ནི་སྤྱི་ཚོགས་ལ་སེམས་ཤུགས་སྤེལ་རྒྱུ་དང་། སྤྱི་ཚོགས་ལ་སྤྲོ་སྣང་ལྡན་པའི་ཁོར་ཡུག་ཡག་པོ་ཞིག་བསྐྲུན་རྒྱུར་ང་ཚོས་འབད་བརྩོན་ཞུ་བཞིན་ཡོད། ཅེས་བརྗོད་སོང་།
ད་ལོ་གངས་སྐྱིད་རྩེད་མོའི་ཚོགས་ཆུང་གི་གོ་སྒྲིག་འོག་གཞུང་འབྲེལ་གྱི་སྤོ་ལོའི་རུ་ཁག་ ༡༡ དང་། གཞུང་འབྲེལ་མ་ཡིན་པའི་སྨན་རྩིས་ཁང་དང་སྐུ་སྒེར་ཡིག་ཚང་། གངས་སྐྱིད་དཔེ་མཛོད་བཅས་བུའི་སྤོ་ལོ་རུ་ཁག་ ༡༤ ཡིས་རྩེ་མོ་འགྲན་སྡུར་བྱ་རྒྱུ་ཡིན་འདུག འོན་ཀྱང་། ད་ལོ་བུ་མོའི་སྤོ་ལོ་རུ་ཁག་ད་བར་དུ་གཉིས་མ་གཏོགས་བྱུང་མི་འདུག
གསར་འགོད་པ། འཇིགས་མེད་རྒྱ་མཚོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ད་དཔལ་ལྡན་སྲིད་སྐྱོང་མཆོག་ལས་མེད་དངོས་གནས་རང་ཆགས་ཡོད་ས་རེད། ཧཧཧཧཧསྐུ་ཚབ་མངགས་ན་འགྲིག་གི་རེད་ཝ།
བོད་ནས་གསར་དུ་ཡོང་མཁན་་ཉུང་དུ་འགྲོ་བ་དང་སྔར་ཡོད་པའི་གསར་འབྱོར་བ་ཕལ་ཆེ་བ་ཞིག་ཕྱི་རྒྱལ་ལ་སོང་བ་དང་།མི་ཉུང་བ་ཞིག་བོད་དུ་ལོག་ན་ཡང་རྡ་རམ་ས་ལར་ས་དགེ་བཀའ་རྙིང་གི་གྲྭ་བཙུན་ཉིན་རེ་ལས་ཉིན་རེར་མང་དུ་སོང་བ་དང་གཅིག་།གཉིས་ནས་འབྲུག་དང་ཧི་མ་ལ་ཡི་ན་གཞོན་ཕོ་མོ་མང་དུ་འགྲོ་བར་བལྟས་ན་གངས་སྐྱིད་རྩེད་ཐང་ཡར་རྒྱས་བཏང་བ་དེ་ཡང་ཕྱོགས་གཅིག་ནས་དགེ་མཚན་ཅིག་ཏུ་བརྩིས་ཆོག