རྒྱ་རིགས་མང་པོ་ཞིག་གིས་མངལ་གནས་ཕྲུ་གུ་བཏོན་ནས་ཟ་བ་དང་ཤ་ཁུ་འཐུང་བ་སོགས་བྱས་ནས་ལུས་ཟུངས་གསོ་བ་དང་འཁྲིག་སྦྱོར་གྱི་ནུས་པ་འཕེལ་ཐབས་བྱེད་ཀྱི་ཡོད་འདུག
དེ་རིང་ལྷོ་ཀོ་རི་ཡའི་སོལ་དུས་བབ་ (The Seoul Times) ཀྱིས། རྒྱ་རིགས་མང་པོས་ལུས་ཟུངས་གསོ་བ་དང་འཁྲིག་སྦྱོར་གྱི་ནུས་པ་འཕེལ་ཆེད་སྦྲུམ་མའི་མངལ་གྱི་ཕྲུ་གུ་བཏོན་ཏེ། སྨན་སྣ་འདྲ་མིན་བསྲེས་ནས་བྱ་ཤ་དང་མཉམ་དུ་བཙོས་ནས་ཟ་བའམ་ཤ་ཁུ་འཐུང་བ་སོགས་བྱེད་ཀྱི་ཡོད་པ་ཕྱིར་བསྒྲགས་བྱས་འདུག
ཉེ་ལམ་ལྷོ་ཀོ་རི་ཡའི་སོལ་དུས་བབ་ལ་གློག་འཕྲིན་ཞིག་འབྱོར་ཡོད་པའི་ནང་། རྒྱ་རིགས་མང་པོས་ཟ་ཁང་ཞིག་གི་ནང་མངལ་གནས་ཕྲུ་གུ་བཙོས་ཏེ་ཟ་བཞིན་ཡོད་པའི་བརྙན་པར་དང་པར་རིགས་བསྐུར་ཡོད་སྟབས། གསར་འགོད་པ་ཆེད་དུ་རྒྱ་ནག་ཀང་ཏུང་(Guang dong) ཞིང་ཆེན་དུ་བསྐྱོད་ནས་གནས་ཚུལ་རྒྱུས་ལོན་བྱས་པ་བརྒྱུད། མངལ་གནས་ཕྲུ་གུའི་ཤ་ཁུ་སྡེར་མ་གང་རེར་རྒྱ་སྒོར་ ༢༠༠༠ རེ་བྱས་ནས་བཙོང་གི་ཡོད་པ་མ་ཟད། བཟོ་གྲྭ་ཞིག་གིས་ཕྲུ་གུའི་ཕུང་པོར་འགྱིག་ཐུམ་བརྒྱབ་ནས་ཁྲོམ་རར་འཚོང་གི་ཡོད་པ་ཤེས་རྟོགས་བྱུང་ཡོད་པ་རེད།
གསར་འགོད་པས་བཟོ་གྲྭ་དེའི་དོ་དམ་པར་བཅར་འདྲི་བྱེད་སྐབས། ཁོས་ནམ་རྒྱུན་ཤ་ཁུ་དེ་འཐུང་གི་ཡོད་ལ། དང་ཐོག་ཁུ་བའི་ནང་རིན་ཆེན་སྨན་སྣ་བླུགས་ནས་བྱ་ཤ་དང་མཉམ་དུ་ཆུ་ཚོད་བརྒྱད་རིང་རླངས་བཙོས་བརྒྱབ་ནས་འཐུང་བ་ཡིན་ན། ལུས་ཟུངས་གསོ་བ་དང་འཁྲིག་སྦྱོར་གྱི་འདོད་པ་འཕེལ་བར་ནུས་པ་ཆེན་པོ་ཐོན་གྱི་འདུག ད་ལྟ་ང་ལོ་ ༦༢ ཟིན་ཡང་ཁུ་བ་དེ་བཏུང་རྗེས་ལོ་ན་ ༡༩ ཅན་གྱི་ཆུང་མར་ཉིན་ལྟར་འཁྲིག་སྤྱོད་བྱེད་ཐུབ་ཀྱི་འདུག ཅེས་ངོ་སྤྲོད་བྱས་ཡོད་པ་རེད།
བདུན་ཕྲག་འགའི་རྗེས་སུ། བཟོ་གྲྭའི་དོ་དམ་པས་ངོ་སྤྲོད་བྱས་པ་བརྒྱུད་གསར་འགོད་པ་དེ་ཕྲུ་གུའི་ཁུ་བ་འཐུང་སའི་ཟ་ཁང་དེའི་ནང་ཕྱིན་སྐབས། རྒྱ་ཡིག་ཐོག་མངལ་གནས་ཕྲུ་གུའི་ཁུ་བ་ཞེས་བྲིས་པའི་འགྱིག་ཤོག་གིས་བཏུམས་པའི་ཐུམ་བུ་འགའ་བཙོང་གི་ཡོད་པ་མཐོང་བ་མ་ཟད། ཕྲུ་གུ་བུ་མོ་གཉིས་ཁྲིད་པའི་ཁྱོ་ཤུག་གཉིས་ཀྱིས་ཟླ་ངོ་ལྔ་ཙམ་ལོན་པའི་མངལ་གནས་བུ་མོ་བཙོང་བར་བསླེབས་ཡོད་པའང་དངོས་སུ་མཐོང་ཡོད་པ་དང་། དེ་བཞིན་མངལ་ནས་སྐྱེ་གྲབས་ཡོད་པའི་ཕྲུ་གུ་དང་རང་བཞིན་འདས་གྲོངས་སོང་བ་དག་ལ་རྒྱ་སྒོར་ ༢༠༠༠ དང་། མངལ་ནས་དབྱུང་བ་་དང་བུ་སྣོད་སོགས་བཙོང་ན་རྒྱ་སྒོར་བརྒྱ་ཕྲག་ཁ་ཤས་རག་གི་ཡོད་པའང་རྒྱུས་ལོན་བྱུང་འདུག
ཡང་རྒྱ་ནག་གི་གསར་འགོད་པ་ཞིག་གིས་རྒྱ་རིགས་ཚོས་མངལ་གནས་ཕྲུ་གུ་ཟ་བ་དང་ཁུ་བ་འཐུང་བ་སོགས་བྱེད་བཞིན་ཡོད་པ་དེ་ཕྱོགས་གཅིག་ནས་འཕྲོད་བསྟེན་ལ་དོ་སྣང་ཆེ་དྲགས་པ་དང་། ཕྱོགས་གཞན་ཞིག་ནས་བུ་ཕྲུག་གཅིག་ལས་སྐྱེ་མི་ཆོག་པའི་སྲིད་བྱུས་གཏན་འབེབས་བྱས་ཡོད་སྟབས། རྒྱ་རིགས་མང་ཆེ་བས་ཕྲུ་གུ་བུ་སྐྱེ་རྒྱུར་འབད་བརྩོན་བྱེད་ཀྱིན་ཡོད་པར་བརྟེན། ཕྲུ་གུ་བུ་མོ་མངལ་ལ་ཆགས་པའམ་སྐྱེས་མ་ཐག་གཞན་ལ་བཙོང་གི་ཡོད་སྐོར་དང་། དེ་བཞིན་ཐའེ་ཝན་ནང་ཕྲུ་གུ་གྲོངས་རྗེས་ཕུང་པོར་ཨ་སྒོར་ ༧༠ བྱས་ནས་བཙོང་སྟེ་སྲེག་ཟས་བཟོ་གི་ཡོད་ལུགས་ཀྱང་བརྗོད་འདུག
འདས་ལོའི་ཕྱི་ཟླ་ ༡༢ ཚེས་ ༣ ཉིན་ཀང་ཏུང་ཞིང་ཆེན་ཧྲིན་ཀྲིན་(Shen zhen) གྲོང་ཁྱེར་གྱི་སྨན་ཁང་ཞིག་ཏུ། ལོ་ན་ ༢༤ ཡིན་པའི་བུད་མེད་ལི་ཀྲིན་ཧྭ་ (Li Zhenghua) ཟེར་བ་ཞིག་ལ་ཕྲུ་གུ་སྐྱེས་ནས་ཉིན་གསུམ་འགོར་རྗེས། སོ་སོའི་ཕྲུ་གུའི་ལག་པར་སོ་བརྒྱབ་ནས་ཟ་གིན་ཡོད་པ་སྨན་ཞབས་མ་ལེའུ་ཐེན་ལོན་ (Liu Tianlun) ཟེར་བ་ཞིག་གིས་མཐོང་ཡོད་པ་དང་། དེ་མ་ཐག་སྨན་ཞབས་མ་དེས་ཁོ་མོའི་ལག་ནས་ཕྲུ་གུ་འཕྲོག་ཡོད་འདུག
ཉེ་བའི་ལོ་ཤས་གོང་ནས་བཟུང་རྒྱལ་སྤྱིའི་གསར་འགྱུར་བརྒྱུད་ལམ་དང་སྤྱི་ཚོགས་དྲ་ཚིགས་ཁག་གི་ཐོག རྒྱ་ནག་གི་ཟ་ཁང་མང་པོས་མངལ་གནས་ཕྲུ་གུའི་ཁུ་བ་བཟོས་ཏེ། མགྲོན་པོ་ཚོར་རིན་གོང་མཐོན་པོ་བྱས་ནས་བཙོང་གི་ཡོད་པའི་གནས་ཚུལ་མང་པོ་ཐོན་ཡོད་སྟབས། རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་སྡེ་ཁག་དང་སྙན་གྲགས་ཅན་གྱི་མི་སྣ་མང་པོས་རྒྱ་གཞུང་ལ་སྐྱོན་བརྗོད་ཤུགས་ཆེན་བྱས་ཡོད་ཀྱང་། གནས་ཚུལ་དེ་དྲ་སྤྱོད་པས་དཀྲོག་གཏམ་སྤེལ་བ་ཞིག་ལས་དོན་དངོས་མིན་སྐོར་བརྗོད་དེ་རྒྱ་གཞུང་གིས་ངོས་ལེན་བྱས་མེད་པ་རེད།
གསར་འགོད་པ། དོན་གྲུབ།
རྒྱ་གུང་ཁྲན་གྱིས་བྱེད་སྟངས་འདི་འདྲ་རེད།
གསོན་འདྲེ་རང་རེད་འདུག་ག
དུས་བབ་ཚང་ལ་བཀྲིས་བདེ་ལེགས། ཁྱེད་རྣམ་པས་རང་མི་རིགས་ཀྱི་སྐད་ཡིག་ལ་དོ་སྣང་ཤུགས་ཆེ་གནང་བར་ཐུགས་རྗེ་ཆེ།
ཆོས་དང་ལས་འབྲས་ཡོད་སའི་ཁོར་ཡུག་ཅིག་ན་སྐྱེ་བར་ཤོག