མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ས་ཕོ་ཁྱི་ལོའི་ལོ་གསར་གྲ་སྒྲིག་གི་བྲེལ་བ་འཚུབ་འཚུབ།

བོད་ཀྱི་དུས་བབ།
༢༠༡༨/༠༢/༡༥
Share on FacebookShare on TwitterShare on EmailShare on Whatsapp

མདང་དགོང་དགུ་ཐུག་བཏུང་ནས་གླུད་གཏོར་བརྒྱབས་པར་བརྟེན་དེ་རིང་བོད་མི་མང་པོ་འདུས་སྡོད་བྱས་ཡོད་པའི་ས་གནས་ཁག་གི་ལམ་མདོ་དག་ན་ཟས་དང་སྣོད་སོགས་ཀྱི་ལུད་ཀྱིས་ཁེངས་འདུག

ལོ་གསར་ནི་དགའ་སྐྱོ་གྲངས་མེད་ཀྱིས་ཕར་ཕར་བསྐྱལ་བའི་ལོ་རྙིང་ཞིག་གི་མཇུག་བསྡུས་ཤིང་། རེ་བ་དང་སྤྲོ་དགུས་བསུས་བའི་ལོ་གསར་པ་ཞིག་གི་མགོ་ཚུགས་པ་ཡིན་ལ། སྐབས་འདིར་བྱིས་པ་རྣམས་ཀྱིས་ཞིམ་མངར་ལྡན་པའི་ཁ་ཟས་དང་། རྒྱན་གོས་གསར་པ་གྱོན་ཏེ་དགའ་དགའ་སྤྲོ་སྤྲོ་བྱེད་པའི་ཉིན་བཟང་སྔར་ན་མེད་པ་ཞིག་ཡིན་ཡང་། ཕ་མ་ཁྱིམ་བདག་རྣམས་ཀྱིས་དགའ་བའི་ཀློང་ནས་ལོ་གཅིག་རིང་ངལ་བ་ཧུར་དུ་བླངས་བའི་ཡོངས་འབབ་ལས་གང་ཡག་ཡག་དང་གང་རྒྱན་རྒྱན་རྣམས་བྲེལ་བྲེལ་འཚུབ་འཚུབ་ཀྱིས་གཏོང་བའི་ཉིན་མ་འགའ་དང་། ནངས་སྔ་ལངས་དང་ནུབ་ཕྱི་ཉལ་གྱིས་དུས་ཐུང་ནང་ཡོངས་འབབ་འཕོན་ཆེན་གསོག་པའི་དུས་བཟང་ཞིག་ཀྱང་ཡིན་སྟབས། ཁ་རྒྱུན་དུ་ལོ་གསར་མ་རེད་ལས་གསར་རེད་ཟེར་བ་དོན་དུ་སྣང་།

གསར་འགོད་པ་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་ནང་ཕྱིན་ཏེ། ལོ་ལྟར་ལོ་གསར་སྐབས་ཁ་ཟས་ཚོང་མཁན་ལུགས་བསམ་གཞིས་གྲོང་དང་པོའི་བཀྲ་ཤིས་ལགས་ལ་ད་ལོར་ཚོང་ག་འདྲ་འདུག་དྲིས་པར་ཁོང་གིས། ལོ་ལྟར་ཚོང་ཡག་པོ་འདུག ལས་ཁུངས་ཁག་དང་དགོན་པ་གྲྭ་ཚང་ཁག་གིས་མང་པོ་ཉོ་གི་འདུག་ལ། སྦེལ་ཀོབ་ལུགས་བདེ་གཉིས་ཀྱི་མི་མང་རྣམས་ནས་ཀྱང་མང་པོ་མངགས་ཡོང་གི་འདུག ཅེས་བརྗོད་བྱུང་ལ། ཁོས་ཉིན་རེར་བོང་བུའི་ཨ་མཆོག་ ༥༠༠ ཙམ་རེ་དང་། ཁ་ཟས་རིགས་འདྲ་མིན་མང་པོ་བཟོ་ཡི་འདུག

གཞིས་གྲོང་དང་པོའི་ཚོང་ཁང་ནང་ལུགས་བདེ་གཉིས་ཀྱི་མི་མང་གིས་ལོ་གསར་ཉོ་ཅ་རྒྱག་བཞིན་འདུག་ལ། ལམ་ཟུར་གཡས་གཡོན་དུ་རང་ཉིད་ཀྱི་ཅ་དངོས་ཙག་ཙིག་བཙོང་ནས་འབྲེལ་བ་འཚུབ་འཚུབ་བྱེད་ཀྱི་འདུག་པས། གསར་འགོད་པ་ཆེད་དུ་ཁྱིམ་ཚང་ཁ་ཤས་ཤིག་གི་ནང་དུ་ལོ་གསར་གྲ་སྒྲིག་ག་འདྲ་གནང་གི་ཡོད་མེད་ལྟ་རུ་ཕྱིན་པ་ཡིན། ལོ་གསར་ཤར་ལ་ཉེ་བའི་མཚམས་སུ་ཁྱིམ་ཚང་སོ་སོའི་ནང་མི་རྒན་གཞོན་ཚང་མས་རང་གི་འཇོན་ཚོད་ནུས་ཚོད་ཀྱིས་གྲ་སྒྲིག་གི་ལས་ལ་གཞོལ་བ་དཔེར་ན། སྤོ་པོ་དང་རྨོ་མོ་རྣམ་པས་གྲོ་སོ་ཕྱེ་མར་དང་། གྲོ་མ། འབྲས་སིལ། ལོ་ཕུད། ཆང་ཕུད། བོང་བུའི་རྣ་མཆོག མཆོད་ཡོན་ཞལ་ཟས། གཞན་ཡང་ཡུལ་ཐོན་ཟས་རིགས་སྣ་ཚོགས་མཆོད་བཤམ་མདུན་དུ་སྒྲིག་པ་དང་། པ་ལགས་དང་ཨ་མ་ལགས་སོགས་ཀྱིས་ཟས་རིགས་སྣ་ཚོགས་གཡོ་སྦྱོར་དང་། བཟའ་བཏུང་རིགས་ཉོས་ནས་བྲེལ་གྱི་འདུག ན་གཞོན་ཕོ་མོ་ཚོས་ཁང་ཁྱིམ་གྱི་ཕྱི་ནང་ཀུན་དུ་བྱི་དོར་དང་། ཐབ་ཚང་གི་གྱང་ལྡེབས་སུ་གྲོ་ཕྱེས་བཀྲ་ཤིས་རྟགས་བརྒྱད་ཀྱི་རི་མོ་དང་སྒོ་རའི་ཕྱི་ནང་དུ་དཀར་རྩི་དབྱུག་ནས་ཁྱིམ་ཚང་དེར་རྣམ་པ་གསར་པ་ཞིག་གི་སྣང་བརྙན་སྐྲུན་གྱི་འདུག

ལོ་གསར་ལ་ཉེ་སྐབས་རྒྱུན་དུ་གཞིས་ཆགས་འདིའི་ནང་མཐོང་རྒྱུ་དཀོན་པའི་ཕོ་མོ་མང་པོ་ཕྱོགས་སོ་སོ་ནས་རང་ཁྱིམ་དུ་འཛོམས་ཤིང་། ནམ་རྒྱུན་ལྷིང་འཇགས་སེར་ཡོད་པའི་ཁྱིམ་ཚང་དང་གཞིས་གྲོང་རེ་རེའི་ནང་འུར་འུར་ཟིང་ཟིང་དང་མི་ཚོགས་ཆེ་བ་ཞིག་ཏུ་གྱུར་འདུག་ལ། མི་ཚོགས་འདུས་པའི་གོ་སྐབས་དང་བསྟུན་ད་ལོར་ལུགས་བདེ་གཉིས་ཀྱི་ཚོགས་ཁང་དུ་ལོ་གསར་དགོང་ཚོགས་བསྡུ་རྒྱུ་དང་། གཞོན་ནུ་ཚོས་སིལ་སྤོལ་དང་རྐང་སྤོལ་སོགས་ཀྱི་རྩེད་མོའང་གྲ་སྒྲིག་བྱེད་ཀྱི་འདུག གཞིས་མིས་བརྗོད་ན་ཕ་མ་གཉེན་ཉེ་དང་གཞིས་གྲོང་འདི་ནས་ཡུན་རིང་ཁ་བྲལ་བའི་མི་མང་པོ་ཞིག་ད་ལོར་ཕྱིར་ལོག་ཐུབ་ཡོད་པ་མ་ཟད། སྔར་ལོ་དང་བསྡུར་ན་ད་ལོར་བརྒྱ་ཆ་ ༨༠ ཟིན་ཡོད་འདུག

བོད་ཟླ་ ༡༢ ཚེས་ ༢༩ ཉིན་སེ་ར་ཐེག་ཆེན་ཆོས་གླིང་དང་བཀྲ་ཤིས་ལྷུན་པོ་དགོན་པ། རྣམ་གྲོལ་བཤད་སྒྲུབ་དར་རྒྱས་གླིང་བཅས་དགོན་པ་ཁག་གི་ནང་དུ་གར་འཁྱམ་དང་། ལོ་ཟད་ཟླ་ཟད་ཀྱི་དགུ་གཏོར་གནང་སོང་བ་དང་། སྐབས་དེར་ཡུལ་ཕྱོགས་གང་ས་ནས་མགྲོན་པོ་དང་ས་གནས་སེར་སྐྱ་མི་མང་ཧ་ཅང་མང་པོ་འདུག ཕྱི་དྲོར་ཁྱིམ་ཚང་སོ་སོའི་ནང་བཟའ་མི་ལྷན་འཛོམས་ཀྱིས་དགུ་ཐུག་འཐུང་ཞིང༌། གནམ་ལོ་གསར་པ་ཞིག་གི་དབུ་འཁྱུད་བྲིས་པ་ཡིན་སྟབས། ལོ་གསར་པའི་ནང་ཁྱིམ་ཚང་དུ་རྐྱེན་ངན་བར་ཆད་མི་འབྱུང་ཆེད་ཟན་ལ་མི་དང་སེམས་ཅན་གྱི་གཟུགས་དབྱིབས་བཟོས་གླུད་དེ་སྣོད་ཆག་དུམ་ཅན་གྱི་ནང་བཞག་ནས་ལམ་མདོ་རྣམས་སུ་གཡུགས་ཡོད་སྟབས། དེ་རིང་ཞོགས་པར་ལམ་མདོ་རྣམས་སུ་ཟས་རིགས་དང་སྣོད་ཆག ཁ་བཏགས་སོགས་ཀྱི་གད་སྙིགས་ཀྱིས་ཁེངས་འདུག

རྒྱ་གར་ལྷོ་ཕྱོགས་ས་གནས་གསར་འགོད་པ་དོན་འགྲུབ་བཀྲ་ཤིས།

འབྲེལ་ཡོད་གསར་འགྱུར།

བསམ་ཚུལ།

བོད་ཀྱི་དགེ་རྒན་ཉིན་མོ་བསུ།

ཆུ་ཚོད་ ༡༥ སྔོན་ལ།
པར་དབང་།  Carlos Barria/Reuters
Mobile App

ཨ་རྒྱ་ར་གསུམ་གྱི་མགོ་ཁྲིད་ཐུག་འཕྲད་བྱས་ནས་བསྒྲགས་གཏམ་སྤེལ།

༢༠༢༦/༡༡/༢༠
མཆོག་སྤྲུལ་རྡོ་རྗེ་རིན་པོ་ཆེ་མཆོག བོད་ཀྱི་དུས་བབ་ཀྱི་པར།
Mobile App

མཆོག་སྤྲུལ་རྡོ་རྗེ་བརྟན་མཆོག་གི་གནས་སྟངས་ཁ་གསལ་བཟོ་དགོས་པའི་རེ་སྐུལ་ཞུས། 

༢༠༢༦/༡༡/༢༠
Ratopati གསར་ཁང་གི་པར།
Mobile App

ཨ་ནེ་ཆོས་དབྱིངས་སྒྲོལ་མས་ལུམ་བི་ནི་ཡར་རྒྱས་ཐེབས་རྩའི་ཚོགས་གཞོན་གྱི་ལས་འཁུར་མགོ་འཛུགས་བྱས།

༢༠༢༦/༡༡/༡༩
Mobile App

ནང་པ་ཞིག་བྱེད་པར་དམར་ཤོག་ཚོགས་པར་བློ་དཀར་བའི་དམ་བཅའ་འཇོག་དགོས་ཡོད་འདུག

༢༠༢༦/༡༡/༡༩
Front Slider

ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དབུ་འཛུགས་བྱས།

༢༠༢༦/༡༡/༡༩

མཆན། 2

  1. ས་ཐོ says:
    ལོ་ 9 སྔོན།

    ཁྱི་ལོ་བཟང་། ཁྱི་ལོ་བཟང་། ཁྱི་ལོ་བཟང་།
    མགོ་ནག་བོད་པས་སྒོ་ཁྱི་མི་འཚོང་པའི་ལོ་གསར་བཟང།
    རྒྱ་ནག་རལ་པ་ཅན་གྱིས་ཁྱི་ཤ་མི་ཟ་བའི་ལོ་གསར་བཟང་།
    ནུབ་ཕྱོགས་ཨ་ར་ཅན་གྱིས་ཁྱི་ལྤགས་མི་གོན་པའི་ལོ་གསར་བཟང་།

    Reply
  2. གཞུང་པ་ཚེ་དབང་བསོད་ནམས་ says:
    ལོ་ 9 སྔོན།

    ལོ་གསར་ལས་གསར་ཨ་གསར་གསུམ་།
    འཇིག་རྟེན་མི་གི་རྒྱན་ཆ་རེད་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese